وش رايكم في الباجيرو 2011 مكينة 3800 !!!

[ابوصنهل]

سلام عليكم ورحمة الله
حياكم الله وبياكم ..

اخواني انا مقبل على شراء جيب باجيرو 2011 فل كامل 3800 .. 4 أبواب
وبعض الأشخاص نصحوني اني ابتعد عنه لسبب انه يوجد مشاكل في الدبل وبعض الأنظمة
مثل حساس الدبل ، وانطفاء السيارة المفاجي في النفود نتيجة الحرارة او المسايف ..

وأنا الآن في حيرة من أمري وابي نصيحة أخوية منكم

هل السيارة تستحق الإقتناء ؟
وهل المشاكل المذكورة أعلاه صحيحة ؟
عزل السيارة من ناحية الهواء والأصوات بشكل عام هل هو جيد او جيد جدا او ممتاز ؟
كيف ثبات السيارة في المنعطفات وفي ضرب الهواء او العج ؟
وهل تنصحوني بشراء باجيرو من وكيل الملا في الكويت من ناحية السعر او المواصفات ؟
أخيراً :
بحثت عن محلات آجار تأجر جيب باجيرو ولم اجد ، فإذا لديك علم بأحد المحلات أريد وصفه وجزاكم الله كل خير

[volcano]

وعليكم السلام ورحمة الله وبركاته

خذ العلم مني بكل أمانة

نعم الموتر وطلعه من الكويت ارخص من العيسائي الفاشل بكثير

مافيه اي مشاكل في الدبل لكن نادرا جدا اذا ولعت لمبة الدبل بسبب تحرك السويتش او الحساس يفصل الدبل واذكر خلال 7 سنوات من الاستخدام ولعت اللمبة علي مرة وحدة فقط
طبعا اذا كنت في النفود فحلها المؤقت تطفي الموتر وتشغله ويشبك معك على طول .. ولا منه خطر ابد .. طبعا اللمبة تولع في حالة جرح السلك الخاص بالحساس او وجود هواء داخل الدفرنش ترخي الحساس شوي ثم تحرك تعشق الدبل وترجع تربطه لاغير ..

انطفاء السيارة المفاجيء سببه سخونة فرامل الاي بي اس بسبب نظام التراكشن كنترول فهو نوع من الحماية .. والحل بسيط جدا تركب سويتش فاصل للاي بي اس او تشيل الفيوز لما تطعس وراح تنسى شي اسمه طفى المحرك ..

ثبات السيارة رائع جدا في المنعطفات

العيب الوحيد العزل الصوتي سيء واقصد صوت المكينة بس ما اعرف عن 2011 يمكن تحسن.
البرادو افضل في العزل الصوتي بكثير ..

مبروك مقدما

[رفيع المقآم]

والله يالغالي واحد من اخوياي معاه 2005

يكده كد لاعنه لعن يجر عليه بشكل ماتتوقع

والموتر ماشاء الله

وخاصه عزمه كوييس لانه 3،8

[ابوصنهل]

وعليكم السلام ورحمة الله وبركاته

خذ العلم مني بكل أمانة

نعم الموتر وطلعه من الكويت ارخص من العيسائي الفاشل بكثير

مافيه اي مشاكل في الدبل لكن نادرا جدا اذا ولعت لمبة الدبل بسبب تحرك السويتش او الحساس يفصل الدبل واذكر خلال 7 سنوات من الاستخدام ولعت اللمبة علي مرة وحدة فقط
طبعا اذا كنت في النفود فحلها المؤقت تطفي الموتر وتشغله ويشبك معك على طول .. ولا منه خطر ابد .. طبعا اللمبة تولع في حالة جرح السلك الخاص بالحساس او وجود هواء داخل الدفرنش ترخي الحساس شوي ثم تحرك تعشق الدبل وترجع تربطه لاغير ..

انطفاء السيارة المفاجيء سببه سخونة فرامل الاي بي اس بسبب نظام التراكشن كنترول فهو نوع من الحماية .. والحل بسيط جدا تركب سويتش فاصل للاي بي اس او تشيل الفيوز لما تطعس وراح تنسى شي اسمه طفى المحرك ..

ثبات السيارة رائع جدا في المنعطفات

العيب الوحيد العزل الصوتي سيء واقصد صوت المكينة بس ما اعرف عن 2011 يمكن تحسن.
البرادو افضل في العزل الصوتي بكثير ..

مبروك مقدما
أهلا وسهلاً ..
بالنسبة لسخونة الأي بي أس معلومة يجهلها الكثير .. وفي الواقع كنت مهول الأمر . ولكن الآن اتضح لي ان الأمر بسيط بأذن الله ..
ولكن الدبل هل يحتاج عناية بحيث تحول بيني وبين الأعطال مثل عطل الحساس ..؟ ودخول الهواء إلى الدفرنس بسبب ماذا ؟

جزاك الله كل خير على أضافتك ، وبارك الله فيك ورزقك الفردوس الأعلى :)

[ابوصنهل]

والله يالغالي واحد من اخوياي معاه 2005

يكده كد لاعنه لعن يجر عليه بشكل ماتتوقع

والموتر ماشاء الله

وخاصه عزمه كوييس لانه 3،8
اشكرك على افادتك وبارك الله فيك :)

[اسهيل]

انامعي موديل 2008 ربع حلو بس عيبه انه لزم تفصل سلك التركشن علشان تطاعس وتقارنه باي سيارة امريكيه لانه كله فليورات فهو مريح في الخط ماعليه في البر ولا فيه اي مشاكل من الي ذكرت والميكنه 3800

[كم كيلو باقي]

الموتر ذيب ولا عليه مشاكل والنظام الصوتي فيه يغطي على مشكلة عزل الصوت

معي ربع 2009 مكينة 3000 والحمدلله رقيت فيه منتزه سحاب وبالطعوس تتمشى عادي
دخلت فيه الدهناء معنا 6 سيارات مختلفات والحمدلله أدهش كل اللي كانوا محتقرينه

طبعا يعيبه القساوة الشديدة في البطانيج وعيون القطط .. اذا كنت مركب جنوط وكفرات الوكالة

لكن الحل تركب جنط الـ16 مع كفرات هانكوك 275
وانتبه انتبه من كفرات اليوكوهاما قاسية مره

[.أبوعبدالرحمن]

عيب سيارات المتسوبيشي وكيله عندنا في السعودية

وإلا الباجيرو والجالنت والـ L200 واللانسر

كلها سيارات ما عليها كلام وقوية وتتحمل الكرف

[جلمود الحره]

المشكله ماهي في الاختيار المشكله بعد كم سنه لما السياره تتطلب صيانه وقطع غيار هنا مربط الكحيله
في النهايه (لاتنسى دعاء الاستخاره) وبالتوفيق

[سيف الظفير]

برادو احسسسسسسسسن لك

[بن نويشر]

ولد اخوي شاريه بـ 130000 ريال من واحد يجيبها من الكويت (فل كامل) لؤلؤي .
وإذا كانت دراهمك حول قيمة البرادو الجديد فخذ برادو (شيك في جيبك)
اما المحرك ، كنت مره واقف بين شارعين ونظري جهة اليسار ويمر من عندي باجيرو داعس كنت احسبه رنج روفر من قوة الدعسه (ما شاء الله) .

السيارة موتر عيبه في نظري المرتبة الخلفية صغيرة شوي ،، هذا نظري في الموضوع صراحة ..

شكراً ............وإلى اللقاء ...

[ابوصنهل]

انامعي موديل 2008 ربع حلو بس عيبه انه لزم تفصل سلك التركشن علشان تطاعس وتقارنه باي سيارة امريكيه لانه كله فليورات فهو مريح في الخط ماعليه في البر ولا فيه اي مشاكل من الي ذكرت والميكنه 3800
حياك اخوي اسهيل
اشكرك على اضافتك وبيض الله وجهك ولكن يوجد لدي استفسار وهو كفرات الباجيرو الخلفية اغلب الأحيان يكون فيها ميلان ؟ وش السبب ؟ وهل هذا طبيعي ؟


الموتر ذيب ولا عليه مشاكل والنظام الصوتي فيه يغطي على مشكلة عزل الصوت

معي ربع 2009 مكينة 3000 والحمدلله رقيت فيه منتزه سحاب وبالطعوس تتمشى عادي
دخلت فيه الدهناء معنا 6 سيارات مختلفات والحمدلله أدهش كل اللي كانوا محتقرينه

طبعا يعيبه القساوة الشديدة في البطانيج وعيون القطط .. اذا كنت مركب جنوط وكفرات الوكالة

لكن الحل تركب جنط الـ16 مع كفرات هانكوك 275
وانتبه انتبه من كفرات اليوكوهاما قاسية مره
ماشاء الله تبارك الله ..

الله يطعمك خيره ويكفيك شره ..
وكلامك خذته بعين الأعتبار .. وجزاك الله كل خير ياخوي ..
ووفقك في الدارين





عيب سيارات المتسوبيشي وكيله عندنا في السعودية



وإلا الباجيرو والجالنت والـ L200 واللانسر


كلها سيارات ما عليها كلام وقوية وتتحمل الكرف

اشكر حضورك وافادتك .. جزيت خيراً





المشكله ماهي في الاختيار المشكله بعد كم سنه لما السياره تتطلب صيانه وقطع غيار هنا مربط الكحيله


في النهايه (لاتنسى دعاء الاستخاره) وبالتوفيق


الله يجزاك خير على تذكيرك بدعاء الأستخارة ..



برادو احسسسسسسسسن لك
المسألة قناعة .. وليست تردد بين سيارة وأخرى .. :)
اشكر حضورك اخوي ، وبارك الله فيك

[بر وعزبة]

أخوي القناعات تختلف من شخص لشخص آخر
حتى لو جبت أكثر من فكرة أو حل في النهاية أنت الي تختار
والآراء تختلف من شخص لشخص آخر خاصة بالسيارات

أنا جربت الباجيرو 2003 مكينة 3500
الموتر ممتاز خرباته قليل وقوي بالبر لكن عيبه مو مريح
الشيء الثاني والمتعب بالأمر هو قطع الغيار الوكالة نار نار ولا تلقى القطع بعض الأحيان إلا بالوكالة بس والوكيل العيسائي سيء جداً

دمت سالماً

[مقلع الرمث]

والله شوف هو سياره اكويسه بنسبه لسعراها

لكن العزل لك عليه اشوي يعني يبيلك لا شريته تسويله عزل عند واحد متخصص بالعزل ويضبطه لك

والا سياره يابانيه وتتحمل جميع المشاق ويوصلك الين ماتبي لكن لا تاخذ الا 3.800

[يكفيني نظرة]

ماسمعت عن الاموتر الا مشكلة الضيق على الركاب اذا كان عندك ركاب واجد انتبه لهالنقطه ..

[volcano]

ولكن الدبل هل يحتاج عناية بحيث تحول بيني وبين الأعطال مثل عطل الحساس ..؟ ودخول الهواء إلى الدفرنس بسبب ماذا ؟

جزاك الله كل خير على أضافتك ، وبارك الله فيك ورزقك الفردوس الأعلى :)
اللهم امين ولك بمثله واكثر

الدبل ما يحتاج اي عناية بس ممكن الحساس جته ضربه او ماهو مشدود صح ..

بالنسبة للكفرات الخلفية سبق سويت لها وزنية بـ 70 ريال ولها 3 سنين بدون مشاكل ولا تحتاج اي قطع غيار وتنوزن يدوي ويستخدم ميزان البناء وتطلع 100%:good2:

قطع الغيار الاصلية غالية حيل والسبب الوكيل وبعض القطع الياباني تلقاها في المحلات

بالتوفيق

[مرتااااح]

سيارة متاازة

[abo111ans]

نلخص لك مما ذكر ..

الوكيل العيسائي أسوء من السيء ..

العزل فيه ليس بتلك الجودة ...

المرتبة الأخير ضيقة خاصة بالاطفال ..

ميلان الكفرات الخلفية سببه الحمولة الزائدة وبإمكان رفع السيارة وتنتهي المشكلة ..

وفي حالة الشراء آمل إبلاغي حتى نرى تجربتك في الشراء ..

ولك أطيب تحية

[اسهيل]

اخوي ميلان الكفرات الخلفيه لان الموتر فليور في الخلف وهذ اتشوفه كثير في السيارات الامانية

[ابوسامي 2011]

اخواني حبيت اشارك في النصيحه
كنت اجهل الباجيرو وكان اخوي معه واحد ه سياره شركه يعمل فيها اتوماتيك ويمدح فيه الى ابعد حد وعندما شراء سياره خاصه كانت اتوماتيك لثقته في الاتوماتيك وانا راعي جيوب لاند كروزر ونيسان وسوزوكي وحياتي في البر ولا اثق بالاتوماتيك بدون تجربه . عرض علي باجيور ربع 2005 اتوماتيك فل كامل وشريته وقنعت فيه 100% وبعت اللاند كروزر وقررت استعمل الباجيرو والله ممتاز وصافي وخفيف ودبله قوي جدا ولا شفت فيه اي عيب وانصح فيه من عقلي للامانه واسال الله التوفيق للجميع

[Abo gssar]

يكفيك انه من السيارات اللي مصروفة للامن عندنا في السعودية
ولو ماهو سيارة يعتمد عليها وصبورة كان شافو غيره
بس مشكلته عندنا الوكيل السيء وفيه شي ثاني بعد وهو انه مايمسك سعره عند البيع
اما غيرها ماقد سمعنا من اصحابه الا الثناء عليه.

[has-120]

البرادو 4.0 أفضل منه بكثير
من واقع تجربه

[ابونايف2010]

بالنسبة لي استعملت الباجيرو اكثر من خمس سنوات طبعاً ربع 2006 مكينة 3800
بصراحة سيارة مريحة وراسية بشكل عجيب في المنعطفات ولا تستهلك قطع غيار وعزم ممتاز
لاكن لابد من العيوب
قطع غيارة ناااااااار ياحبيبي ناااااااار مع انه مايطلب قطع لاكن بصراحة احياناً تلف نص الرياض عشان قطعة وبالاخير تروح للوكالة يطلبها لك من برا وعلى حسابك عاد وشلون لاصرت برا الرياض
والشي اللي كرهني فيه وانت في البر تمشي جلد يدخل عليك غبار وريغا من تحت تخنقك داخل السيارة طبعاً هذا الشكل القديم 2006
واحد من الشباب معه 2010 فل جاته صدمة في المقدمة على كلامه سعر الشمعة الواحدة في الوكالة 6300 ريال
اتمنى لك التوفيق ومثل ماذكروا الاخوان (لا تنس صلاة الاستخارة)

[عبدالعزيز-1]

يكفيك انه من السيارات اللي مصروفة للامن عندنا في السعودية
ولو ماهو سيارة يعتمد عليها وصبورة كان شافو غيره
بس مشكلته عندنا الوكيل السيء وفيه شي ثاني بعد وهو انه مايمسك سعره عند البيع
اما غيرها ماقد سمعنا من اصحابه الا الثناء عليه.

اخي الكريم الامن العام عندنا مو مقياس وبعطيك مثال :

اذا تتذكر سيارات اللومينا الفاشله اللي اشتراها الامن العام موديل 2000 ولا خدمت اكثر من سنتين ووقفوها بينما سيارات فورد موديل 98 لازالو الدوريات والمرور يستخدمونها الى الان.

ف لاتقيس على السيارات الحكوميه لان السيارات الحكوميه عندنا شغل مناقصات السعر الارخص والعرض الافضل وليس المقياس هو الجوده.

[ذئب الشعيبه]

بصراحه السياره مريحه وقويه لاكن الله يعينك على قطع الغياروانت لك الاختيار اولان واخيرررران تقبل مروري

[ابو اسامه 2]

السلام عليكم

انا عندي باجيرو

سيارة قوية صراحة

صحيح ان تويوتا افضل لمن تبيعها فقط ( على قولهم شيك في جيبك ) لان الناس تحب التويوتا فسعرها فيها حتى في البيع بعدين اما الباجيروا ينزل سعره بشكل كبير عند البيع بسبب قطع الغيار وعدم وجود سمعه كبيره مثل تويوتا

اما الباجيرو رغم انه اقوى لكن ماهو مرغوب بسبب ان قطع الغيار غاليه

ولكن

اذا حطيت فيها اي قطعه تنساها

يعني اذا تبغا السيارة للكد

فخذها

ومبروك مقدما ً والله يعطيك خير السيارة اللي بتاخذها ويكفيك شرها



تحياتي لك

[صدى1]

الموتر ماعليه كلام
السيارات اللحين ماهومثل اول كلهن بهن عيوب

[Abo gssar]

اخي الكريم الامن العام عندنا مو مقياس وبعطيك مثال :

اذا تتذكر سيارات اللومينا الفاشله اللي اشتراها الامن العام موديل 2000 ولا خدمت اكثر من سنتين ووقفوها بينما سيارات فورد موديل 98 لازالو الدوريات والمرور يستخدمونها الى الان.

ف لاتقيس على السيارات الحكوميه لان السيارات الحكوميه عندنا شغل مناقصات السعر الارخص والعرض الافضل وليس المقياس هو الجوده.

الله يجزاك خير على التنبيه
وفعلا السيارة اللي ماتثبت جدارتها يتم صرف النظر عنها مثل اللومينا بعكس السيارات الثانية مثل الفورد والباجيرو وغيرها اللي مازالت تحت الخدمة.

[اسعاف1980]

سلام شباب
يكفيك انها تشارك فى جمع راليات العالم منذو القدم ولاتنسى رالي دكار للاسف هذى السيارات مالهاسوق المتسوبيشي والسوبارو مع انهم السيارات الوحيده الي مازلت 100%صناعة يابانية اصلي يا عزيزي

[ابوصنهل]

اشكر كل من مر هنا وأدلا بدلوه ..
وجزاكم الله خير ..

[Jeeper]

قطع غيار الباجيرو اسعارها معقوله جدا

طقم مساعدات في حدود 1700 ريال (اصلي ,العيسائي) انا اتكلم عن الباجيرو ستاندر

شمعه اماميه كامله (بالانوار الداخليه) تقريبا 1100 ريال اصلي طبعا

مساعد البرادو اصلي (واحد فقط )من الوكاله 700 ريال ! ! !

خلاصة الكلام: اللي يقول ان قطع غيار التويوتا رخيصه معناه انه يستعمل تجاري او ياباني (يعني مو تبع الوكاله)

[العشة]

وي راح سهيل وش صار عليك انا افكر اشري 2010

[lmna]

اخي العزيز
افيدك من ناحية الاسعار
الكويت سعره ( 10900 ) دينار ميقارب 145400 ريال
الامارات سعره ( 133000) الوكيل الحبتور
والعيسائي تعرف سعاره مرتفعه
المعذره

[أبوعبدالله202]

اخواني ممكن صورة للفيوز حق ال بي اس
او وين مكانها بالضبط

[س.س.التميمي]

استخر ..........