طريقة اصدار جواز الصقر ...

[الزعـبي]

http://www.mekshat.com/pix/upload05/images229/mk15106_capture 4.jpg




السلام عليكم ورحمة الله وبركاته




الموضوع هو عن طريقة اصدار جواز سفر للصقور من الهيئة السعودية للحياة الفطرية وسوف اطرح في هذا الموضوع الخطوات بالتفصيل مع بعض الملاحظات والتعليقات ليستفيد منها الجميع




الخطوة الاولى:
يجب عليك فحص الطير في مركز الامير فهد بن سلطان للصقور وتطلب منهم الفحوص اللازمة لاصدار الجواز وهي معورفه لهم وتكلفة الفحص تقريبا 240 ريال وسوف يزودونك بجميع الفحوصات والشهادات اللازمة لتسليمها للهيئة.




نأتي الآن للخطوة التالية: وهي التقدم بطلب جواز الصقر من الهيئة




المستندات المطلوبة: ( للاسف في موقع الهيئة لا يوجد أي معلومات)



· الشهادات الصحية ( من مستشفى الصقور)



· صورة من بطاقة الأحوال



· صورة من جواز السفر لصاحب الطير



· كتابة معروض باسم الأمين العام للهيئة ( زمن المعاريض انتهى ولكن ...)


· رسوم الجواز خمسين ريال تودع في حساب الهيئة رقم 1902733 سامبا ( يمكن دفعها لاحقا المهم قبل استلام الجواز)




بعد تجهيز المستندات المطلوبة اتجه للهيئة السعودية لحماية الحياة الفطرية في الرياض ( أعرف موقعها ولكن ما اعرف اصف الموقع)



وقدم طلبك عند ادارة الاتصالات الإدارية والإخوان هناك ما يقصرون وراح يستقبلون طلبك ويرسلونه لإدارة التراخيص والجوازات رقم الهاتف 014418700 تحويله 123 وهناك ايضا الإخوان ما راح يقصرون




وبالنسبة لي قدمت الطلب يوم الأثنين وكان الجواز جاهز في خلال ثلاث ايام



وبما أني من أهل الشرقية استفسرت عن امكانية ارسال الجواز عبر شركات الشحن وما كان عندهم أي مشكلة



اتصلت على ارامكس وطلبت منهم استلام الجواز من الهيئة وإرساله لي في الشرقية بـــ 100 ريال واليوم التالي والجواز عندي



طبعا لما استلمت الجواز تفاجأت أنه من غير صورة للطير ( أتوقع بسبب أن الطير يوجد فيه حجل من مزرعته وأن الطيور الوحوش يضعون صورها لانه لا يوضع لها حجول)



أتمنى أن يكون الموضوع واضح ومفيد وأي استفسار أنا حاضر

[أزيب الوسم]

ما قصرت ع الموضوع واللي أكثر الناس ما تعرف طريقته

[ابوعزيز2007]

الله يجعله من ميزان حسناتك وبيض الله وجهك

[سطام ابو سعود]

بيض لله وجهك ما قصرت

[HaLak-NeT]

بيض الله وجهك يالذيب .. ماقصرت ..

[٠٠بتّاع٠٠]

ما قصرت، وللعلم حتى الوحوش ما يحطون صورة.

[بواحمد2008]

ماقصرت وبيض الله وجهك ,انا عندي سؤال هل ينفع الجواز في خروج ودخول الطير للمملكة والا بس اوراق يعني الجواز تقدر تستخدمة دخول وخروج من المطارات والمنافذ البرية ؟ ولك جزيل الشكر
اخوك ابو احمد

[الزعـبي]

ما قصرت ع الموضوع واللي أكثر الناس ما تعرف طريقته


الله يجعله من ميزان حسناتك وبيض الله وجهك


بيض لله وجهك ما قصرت


ما قصرت، وللعلم حتى الوحوش ما يحطون صورة.

مرحباً بالجميع وشرفنا مروركم

[الزعـبي]

ماقصرت وبيض الله وجهك ,انا عندي سؤال هل ينفع الجواز في خروج ودخول الطير للمملكة والا بس اوراق يعني الجواز تقدر تستخدمة دخول وخروج من المطارات والمنافذ البرية ؟ ولك جزيل الشكر
اخوك ابو احمد
يا مرحباً ابو احمد وجهك ابيض

صحيح الجواز يسمح لك بالتنقل بالطير خارج المملكه للدول الموقعه على اتفاقية السايتس

[الزعـبي]

بيض الله وجهك يالذيب .. ماقصرت ..

ووجهك ابيض وابرك الساعات لما نخدم الرجال

[بواحمد2008]

يا مرحباً ابو احمد وجهك ابيض

صحيح الجواز يسمح لك بالتنقل بالطير خارج المملكه للدول الموقعه على اتفاقية السايتس

ووجهك ابيض يالزعبي واشكرك على الرد والموضوع
اخوك ابو احمد

[MANSOR QATAR]

السلام عليكم ورحمة الله

بيض الله وجهك على المعلومات هاذي وطريقة استخراج الجواز

عندي استفسار .. من هي الدول الموقعه على اتفاقية السايتس يمكن تحصلها مكتوبه في الجواز

تقبل مني أطيب تحية وتقدير

[عبدالرحمن بن ذياب]

بيض الله وجهك ما قصرت

[عواد الشمري2]

الله يعطيك العفيه ومقصرررررررررررررررت

[بو هاشم]

بيض الله وجهك والله لا يخلينا من الرجال اللي يفيدون ويستفيدون

[الطاجيكي]

كفوووياالذيب

[الزعـبي]

السلام عليكم ورحمة الله






بيض الله وجهك على المعلومات هاذي وطريقة استخراج الجواز


عندي استفسار .. من هي الدول الموقعه على اتفاقية السايتس يمكن تحصلها مكتوبه في الجواز



تقبل مني أطيب تحية وتقدير



وعليكم السلام ورحمة الله وربركاته


ووجهك ابيض وبالنسبة للجواز مو مكتوب فيه الدول الموقعه على الاتفاقية


لان اغلب دول العالم وقعت على هذه الإتفاقية ولكن تفعيلها يختلف من دولة الا اخرى.


مثلا انا سمعت ان الاخوان في الامارات ما يقدرون يدخلون


بطيورهم للسعودية حتى لو كانت معها جوازات!!!.



واضح من الصورة ان اغلب دول العالم وقعت على الاتفاقية


http://www.mekshat.com/pix/upload05/images231/mk15106_cites_map_l.gif




وهذا رابط بالدول الموقعة على الاتفاقية : الدول الموقعه على اتفاقية السايتس (http://www.cites.org/eng/disc/parties/alphabet.php)

[الزعـبي]

بيض الله وجهك ما قصرت

ووجهك ابيض و ما سوينا الا الواجب


الله يعطيك العفيه ومقصرررررررررررررررت

الله يعافيك و ما قصرت


بيض الله وجهك والله لا يخلينا من الرجال اللي يفيدون ويستفيدون

ووجهك ابيض يا ابو هاشم وابرك الساعات الي نخدم فيها هالوجيه الطيبة


كفوووياالذيب

ما عليك زود ولا هنت على المرور

[بووهزاع]

السلام عليكم ورحمة الله

بيض الله وجهك على المعلومات هذي وطريقة استخراج الجواز

عندي استفسار ...هل من الممكن اذا احد من اخوانا من دول مجلس التعاون اخذ طير منا هل يحق له باصدار جواز سفر طير سعودي

تقبل مني أطيب تحية وتقدير

[ســـبــار ربــعـــه]

عز الله ماقصرت بيض الله وجهك.

[الزعـبي]

السلام عليكم ورحمة الله



بيض الله وجهك على المعلومات هذي وطريقة استخراج الجواز


عندي استفسار ...هل من الممكن اذا احد من اخوانا من دول مجلس التعاون اخذ طير منا هل يحق له باصدار جواز سفر طير سعودي



تقبل مني أطيب تحية وتقدير


وعليكم السلام ورحمة الله وبركاتة

ووجهك ابيض يا ابو هزاع

بالنسبة لسؤالك ماني متاكد بس اتوقع من الشروط ان صاحب الطلب لازم يكون سعودي بس شف رقمهم بالصفحه الاولى من الموضوع اتصل عليهم واسالهم

ويا مرحبا بك ومشرف الموضوع

[سلطان 1]

والله يالربع
ان جوازاااات الطيور مثل قلتهاااااااا / عدمهاااا /
انا طلعت جوااازااااات لطيور اخواني وراحو للكويت
والاردن ورفضو يدخلون الطيور
وش عذرهم ما عندهم الجهااااز اللي يكشف رقم شريحه الطير.
يعني كل الدعوااااا / كلاااام فااااضي / والكسب الماااادي بس.
يعني لا تتعب وتروووح تطلع لطيرك جواز واخرتها
ما تطلع من المراااكز.
هذا اللي صاااااار معناااا.

[هواي البر 2]

االف شكر على المعلومات والافاده الطيبه

[قلب ذيب]

شكرا لك على هذا الطرح المفيد .
لكن السؤال .
هل تقوم الهئه بوضع شريحه في صدر الطير للاستدلال على نوعه وصاحبه وعمره وموطنه كما هو معمول به لطيور الجير ؟
لماذا لايكون لهيئة البيئه مكاتب في الدمام وجده وسكاسا وحايل وابها ؟
لماذا لم تتواجد الهيئه في معرض ابوظبي للصقور لتسهيل تسجيل الطيور التي يقوم السعوديين بشرائها من المعرض !؟
لماذا هواتف الهيئه في الرياض دائما مغلقه او لا أحد يرد عليها عندما يتم الاتصال بهم ؟
لماذا لاتقوم الهيئه بمخاطبة سلطات الجمارك او التواجد في منافذ الحدود البريه لتسهيل دخول الصقور التي تحمل جوازات سفر ( سايتس ) عالميه ؟ ويقتصر تواجد مكاتبهم في الريااض فقد ولخدمة الصفوه وعدم الرد على الجمهور من الصقاقير ؟؟!
.... عفوا التسهيلات التي عملوها لاستخراج جواز سفر سايتس لاتفيد ولاتنفع لأن سفر وتداول طيور الوححش اصلا ممنوعه من الدول الموقعه على الاتفاقيه , التداول والسفر فقط لطيور الجير والتي تصدر شهادات ميلادها من المزارع المعترف بها والتي تفقص الطيور فيها ,اما طيور الوحش فممنوع تداولها عالميا وسفرها واصدار
جوازات سفر لها ماهو الا لمعرفة اعدادها وانواعها وتواجدها وربما لمنعها مستقبلا ,,, والله اعلم .

[مربي الصقور]

جزاك الله خير