هل الجنوط البارزة تؤثر على السيارة ؟ [الأرشيف]

مشاهدة النسخة كاملة : هل الجنوط البارزة تؤثر على السيارة ؟

قآع آلصير

01/10/2011, 01:50 AM

آلسلآم عليكم ورحمة آلله وبركآته

عندي سؤآل وآتمنى من آللي يعرف لآ يبخل علينآ آلله يجزآكم خير

آلسؤآل هو / هل آلجنوط آلعريضة آلبآرزه عن بدي آلسيآره تؤثر بآلسيآره لآنه فيه آحد آلآصدقآء يقول تؤثر هل هذآ صحيح آلموتر (ددسن) ;)

آرجوآ آلآفآده

تحيآتي

غالي يا غالي

01/10/2011, 02:02 AM

اذا كان قصدك تبي تركب تبريزة كف (( اللي يكون الجنط خارج الكفر )) قصدك

هذي اساسا مايبيلها سوال
اول شي : خطرة لان ناس واجد انطلق معهم الجنط او نكسر
ثانيا : اذا برزت الجنوط والكفرات عن بدي السيارة يبي يطير رملة الطريق على البدي من جنب ويبي يرمل
ثالثا: اذا كان الكفر بارز يبي يكون حمل السيارة وين ؟
اعلمك راح يكون على وسط السيارة ويبي يخل توازنها ويبي يضغط على مساعدات السيارة وشاصيها ودفرنسها على شكل U

ونصيحة لاتركبها

سرطوقا

01/10/2011, 07:12 AM

حياك الله

عاد وانا اخوك من زين الشكل ؟

قآع آلصير

01/10/2011, 09:10 AM

بيض آلله وجيهكم مآ قصرتوآ كفيتوآ و وفيتوآ يآلذيآبه

تحيآتي

..

بدوي جنوبي

01/10/2011, 10:13 AM

انت سئلت عن الجنوط البارزه
قد أيش يكون مقاس او بروز الجنط ؟

التباريز هى الأخطر أحذر تركبها
ممكن تركب جنوط تعطى شكل أجمل للسياره مثلا تركب جنوط وكفرات أعرض
أنظر الصورة أخذتها من رابط النافرا
http://www.mekshat.com/vb/showthread.php?t=354562&page=89
http://dc12.arabsh.com/i/02346/1nzwsxx9ho7f.jpg

هذه من أفضل الجنوط
http://t3.gstatic.com/images?q=tbn:ANd9GcRvKjH7_Pz9DSKhwKtuO4fhgA7Quu7qx fKXRlLZnbL19QQ679aere_oVbjc

أنظر الصورة
للعضو دفرنسين خليجي
http://img403.imageshack.us/img403/4508/20091201003.jpg

أهم شيى ما تكون الجنوط بارزه مره
بشرط ما تسرع عليها كثير

بالتوفيق

عفشك مكمل

01/10/2011, 10:23 AM

اذا الجنط اخف من جنط شد البلد

الكفر ايضاً مو اثقل من شد البلد او اثقل بشيء بسيط

الجنط مو ملحم او مسوى له تبريزة

فماعندك مشكلة ابداً

الدعوى معادلة وانا اخوك

كبرت الحجم والوزن تقريباً نفسه

DOMENT

01/10/2011, 02:38 PM

والله انا الحاظ معي هايلوكس وكانت جنوطه على شد بلده ركبت عليها مرسدس وكفرات اعراض

طلعت الرساوه آحلى من اول ومايناقز مثل كفرات شد بلده

اتوقع انه مايظر الموتر الا اذا كانت تبريزه وبارزه اكثر من الازم

تقبل مروري

قآع آلصير

01/10/2011, 02:49 PM

LE2010

01/10/2011, 02:55 PM

يازين الوكالة

ماون ماركز

01/10/2011, 03:03 PM

نعم تؤثر وذلك لأختلاف مقاس قاعدة محور العجلات المثبت عليها وزن السيارة
وهي من أهم اسباب عدم ثبات السيارة وسرعة أنقلابها لأختلاف قاعدة المحور
ومقاس قاعدة محور العجلات من أهم مواصفات السيارة التي يذكرها الصانع ويفتخر بها

http://www.mekshat.com/pix/upload05/images229/mk212274_g1.jpg

http://www.mekshat.com/pix/upload05/images229/mk212274_g2.jpg

ولقاعدة محور العجلات عملية حسابية دقيقة .. بين منتصف السيارة والكفرات وجاذبية الأرض

http://www.mekshat.com/pix/upload05/images229/mk212274_g3.jpg

فإذا أختلف بعد الكفرات عن ماهو مصممة السيارة عليه . ستختلف القيم وستعرض السيارة لأمور كثيرة

تحياتي

قآع آلصير

01/10/2011, 03:39 PM

يآلربع وآلله آني بلشت وآحد يقول عآدي و وآحد يقول لآ يخرب آلموتر

تكفون آبي آلعلم آلوكآد

بدوي جنوبي

01/10/2011, 09:41 PM

http://t3.gstatic.com/images?q=tbn:ANd9GcRvKjH7_Pz9DSKhwKtuO4fhgA7Quu7qx fKXRlLZnbL19QQ679aere_oVbjc

تسلم يمينك آخوي بدوي جنوبي آلجنوط مثل هآلنوع

آلبروز بسيط تلآحظه في آلمرآئة عندمآ تنظر للخلف انه بارز عن البدي بشكل بسيط

آنآ آللي خوفني آنه آحد آلشبآب قآل لي آن هذي آلجنوط حقت (جيب باترول) وتخرب عليك آلدفرنس

على آلعموم بيض آلله وجيهكم وآلله يجزآكم خير

الله يسلمك
كلام اخونا ماون صحيح أى أختلاف في قيم ومعطيات السياره
يسبب مشاكل ،،،
ولا نغفل عن هالكلام على مصلحة حياتك وسيارتك

لكن أذا تركبت جنوط بروزها خفيف وكذلك كفرات تكون أنسب
ان شاء الله ما عندك مشكله ،،
http://t3.gstatic.com/images?q=tbn:ANd9GcRvKjH7_Pz9DSKhwKtuO4fhgA7Quu7qx fKXRlLZnbL19QQ679aere_oVbjc
الجنوط هذي ممتازة وشكلها جميل على أى سياره
لكن لا تاخذ جنط حق الباترول أبحث عن جنط يكون مقاسه 15
هو الاقرب لمقاس الوكاله . :good2:

شوف الجيوب الشروكيات يركبون عليها جنوط وكفرات مره عريضه
والهدف هو للكشخه والتزيين
لكن أذا بمشي عليها سرعات عاليه خطيره جداااا
ممكن ينطلق الجنط في اى لحظه لان قاعدة العكس مصممه تتحمل
نفس جنوط وكفرات المصنع .

ضيف الغضا

01/10/2011, 09:52 PM

تبريز الجنوط سيء جداً في الدروب البرية لأن مسافة عرض ما بين كفرات
سيارتك اليمنى و اليسرى أعرض من مسار أغلب السكك البرية
و هذا يسبب :
1- مطبات كثيرة و هرقلة كبيرة و عدم راحة للركاب
2- تأثير على توازن السيارة و ديناميكية الثبات ( الأذرعة والمقصات و الدركسون )
3- التحميل الزائد يكون خطراً أكثر من الجنوط العادية
و ضرب المطبات القوية المفاجئة قد يكسر التبريزة للسيارة المحملة
4- احتمال كبير جدا في انفجار الإطارات بسبب الخروج إلى الحصى في جنبات السكك
هذا للبر ... أما في الطرق المسفلتة فثقل في الدركسون و صرف بنزين ... الخ
================================================
ملاحظة :ـ تأكد دائما أن الجنوط الأصلية مركبة على السيارة و موزونة بالكومبيوتر
و لا يصلح إجراء أي تغيير إلا للأغراض الخاصة مثل : السباقات - الأعمال الشاقة
و هذه الأغراض تحتاج إلى صيانة متكاملة في كل مرة تستخدم فيها المركبة
أما الاستخدام العادي فلا يصلح أن تغير في السيارة , و الله أعلم !

سلكي نت

01/10/2011, 10:38 PM

ايام المراهقة كنا نسويها
لكن ما نسرع عليها
وفي الغالب نحتاج نغير مسامير الجنط لانها تخرب سنتها وبعضها يتكسر بالاضافة الى زعل الوالد الله يرحمه بسبب التبريزه
موضة ظهرت ثم اندثرت والان رجعت من جديد

صياد الجبل

01/10/2011, 10:57 PM

اذا معك ددسن ركب عليه جنوط مرسيدس ولا دوج وماراح تضر

ددسن 2008

02/10/2011, 12:33 AM

وعليكم السلام ورحمة الله وبركااته

حياك الله اخوي .. اشوف الناس تسولف عن التبريزه وانت ما جبت طاريها ! وعموما التبريزه ماهي عمليه وتخرب المسامير ..

بخصوص الجنوط .. الددسن جنوطه وكالته 5ر6 انش .. لو حطيت 7 انش ما راح تبين لانها بتكون داخل الرفرف
اما 8 انش ممتاز راح يكون على حرف الرفرف ويعطي الموتر نظره ..
عندك الحجم الوكاله يجي 15 ولو حطيت مثله او زودت الى 16 ما فيه مشكله بياخذ شي لا يذكر من عزم القومه بس يرفع الموتر ..

عن نفسي مركب 8 انش عرض وحجم 16 والكفرات 245/70 وموتري دبل ومع ذلك ما تأثر العزم بشي ملحوظ ..
وفترة تجربتي من يوم خذيت الموتر وكاله ولا شكى من شي ليومك ولله الحمد ..

اذا انت راعي تحميل ثقيل ومستمر مثل دقيق او شعير او اسمنت خلك على جنوطك ..
اما اذا الدعوه مناسبات مثل مقاضي بيت او كشتات فهذي ما راح تتعدى 300 كيلو بالكثير والجنوط البارزه ما تضر
والمبرز ارسى للموتر وانظر شي اكيد وتقلل من احتمال التغريز في البر
وكلام علمي كلما كانت القاعد اوسع من الجرم او الجسم كان الامان اثناء الحركه أفضل ..
بس حدك 8 انش للدسن لان كل شي يزود عن حده ينقلب ضده ..

شوف تخيل معي هالمشهد ::

لو تجيب دبة غاز وترفعها عن الارض بيديك الثنتين وانت واقف عادي يعني تقدر تستمر لبعض الوقت
لكن لو مشيت فيها وانت ماسكها بيديك الثنتين لقدام كم خطوه راح تتعب بأول ثلاث اربع خطوات !

ومن جانب آخر لو جبت دبتين غاز وحده بيمينك والثانيه يسارك ومشيت فيهن راح يكون سهل وممكن توصل بهن الى عشرين خطوه
مع ان الوزن دبل !

وهذا ينطبق على الجنوط المبرزه تكون اخف بالمشي .. بس بالتحميل لا .. اتمنى الفكره وصلت

هلااا بك ..