المساعد الشخصي الرقمي

مشاهدة النسخة كاملة : ماهي أفضل طريقه لتركيب تانكي ماء


ibrahim_isz
27/01/2006, 10:07 AM
اخوني مشرفين واعضاء مكشات السلام عليكم
ابي اركب تانكي ماء لنيسان سفاري 2003 ابي نصيحتكم وش افضل مكان با السياره
وش افضل حديد ولا المنيم افضل ورشه في الرياض او القصيم وجزاكم عني الف خير...
فايز العامر
27/01/2006, 10:15 AM
السلام عليكم ورحمة الله وبركاته

احجز لي طلب معك يا ibrahim_isz
لي كم شهر وانا ادور واحد يظبط التانكي للباترول، ويكون بالرياض...
altheeeb79
27/01/2006, 10:48 AM
اخي ابراهيم ورعاد انا عندي بانرول 99 طويل (3مراتب) ركبت تانكي ماء وراء تحت تانكي البنزين والحقيقه انه منظره حلو (تم تركيبه بورشه بالرس ستان ستيل يتسع لحوالى 55 الى 60 لتر ماء وركبت له بزبوزين من الجهتين اليمنى واليسرى جهة الكفرات الخلفيه ومديت البزابيز على برا شوى علشان اللى يغسل مايطق رأسه بالرفرف والربلات الجانبيه ومكان تعبئة التانكي من جهة الكفر الخلفي الايمن وسغره على ماأذكر 750 ريال وقبل مايركبونه يضربونه بويه سوداء من الخارج ويصير لونه مثل لون الدفرنس واغراض السياره التحتيه كلش اسود وله الحين سنه ونص ماتقشعت البويه 0 وزياده على كذا ركبت سله فوق التنده ببريده بملغ 300 ريال وضربوها بويه مثل لون السياره وطلعت حركه مع العلم ان ارتفاع السله حلو جدا جدا00000000000000000
ibrahim_isz
27/01/2006, 12:49 PM
الأخ altheeeb79 شكرا على المرور اذا امكن اسم الورشه او رقم تلفون الورشه الله يجزاك خير.
ibrahim_isz
27/01/2006, 12:50 PM
الاخ رعاد أبشر
altheeeb79
27/01/2006, 07:48 PM
اخوى ابراهيم الورشه الى ركيت السله ببريده وماأعرف اسمها واعذرني0 والورشه الى ركبت التانكي بالرس (الصناعيه بالرس واعتقد اسمها ورشة الوادي وبالماريه تراه تفتح على شا رعين شمالى وغربي الشمالى شارع صغير ممكن عرضه عشره متر والشمالى شارع كبيييييير ممكن عرضه ثلاثين 0 وعطنى وقت واتأكد لك واجيب رقم التلفون او اذا رحت للرس اتصل على واخلى واحد يوديك لها0 0505459290 جوالى
أبرق الشقيقة
27/01/2006, 09:49 PM
أفضل مكان للتانكي سواء بالباترول أوالشيروكي خلف المرتبه ويكون واقف خلف المرتبه الثانيه وإذا كان باترول خلف المرتبه الثالثه ويلبس نفس لون المراتب ولاأحد يدري أنك مركب تانكي ولاينزل الموتر على ورى إذا كان التانكي مليان ماء لأن التانكي بيكون فوق الدفرنس بالضبط
ibrahim_isz
29/01/2006, 01:56 AM
ابرق الشقيقه عندك علم عن ورشه تشتغل توانكي للجيوب يمكن احصل عندهم تصاميم
فرخ الشاص
29/01/2006, 04:26 AM
ركبنا التانكي لجيب أخوي من القصيم تحت تانكي
البنزين بــ 200 ريال مع ضربه بويه أسود ...