موقف لاتنساه عندما كنت عليمي في السواقه ... شاركنا

[مزون المدينه]

السلام عليكم ورحمة الله وبركاته

اليوم طرت لي فكره فيها تغيير جو

ودي كل واحد يعطينا موقف لاينساه عندما بدأ في قيادة السيارة ؟؟

ودنا بالتفاعل :good2:

[Abusliman]

موضوع حلوو ولي فترهـ افكر افتحه بهالقسم بس سبقتن :)
المهم موقفي كان على فورد مونديو
كنت مرجع خويي لببيتهم واهووس يمين يسار يمين يساار :D
وتهج هجه ما يهجدها اطلق طارهـ ههههههههههههه والشارع ضييق مسارين بسس
هجت يمين واعدلها وتهج يسار واعدلها خخخخخخخ وهجت يمين واعدل عااد هنا هجت يساار والله واحاول احاول ما قدررت واطمر الررصيف طمررهـ قسم بالله ما استوعبت شي الا عقب 10 دقايق من الخوف هههههههههه
وانتظر اخوي لين جا وقلتله ان باص خط البلدهـ حدن ولا قدرت اسوي شي .. قال حتى لو حادك واضح انك صاافط الطبلون الرصيف كبير ما يرقاهـ الا جيووب
عااد ربكم ستر لان قبلها سويت نفس الحركه خويي قالها لي استهبال اتحداك تدخل بين هالسيارتين وكان شارع عام وما بين هالسيارتين الا مكان صغيير يالله تدخل فيه السيارة عاد انا تحمست ودخلت بينهم وبغيت اخمم زباله حديد ( تكرمون ) بس الحمد لله تعدلت وعقبه علطول صارلي هالموقف

[مزون المدينه]

موضوع حلوو ولي فترهـ افكر افتحه بهالقسم بس سبقتن :)
المهم موقفي كان على فورد مونديو
كنت مرجع خويي لببيتهم واهووس يمين يسار يمين يساار :D
وتهج هجه ما يهجدها اطلق طارهـ ههههههههههههه والشارع ضييق مسارين بسس
هجت يمين واعدلها وتهج يسار واعدلها خخخخخخخ وهجت يمين واعدل عااد هنا هجت يساار والله واحاول احاول ما قدررت واطمر الررصيف طمررهـ قسم بالله ما استوعبت شي الا عقب 10 دقايق من الخوف هههههههههه
وانتظر اخوي لين جا وقلتله ان باص خط البلدهـ حدن ولا قدرت اسوي شي .. قال حتى لو حادك واضح انك صاافط الطبلون الرصيف كبير ما يرقاهـ الا جيووب
عااد ربكم ستر لان قبلها سويت نفس الحركه خويي قالها لي استهبال اتحداك تدخل بين هالسيارتين وكان شارع عام وما بين هالسيارتين الا مكان صغيير يالله تدخل فيه السيارة عاد انا تحمست ودخلت بينهم وبغيت اخمم زباله حديد ( تكرمون ) بس الحمد لله تعدلت وعقبه علطول صارلي هالموقف



الحمد لله على السلامه

جات سليمه

[كثير السؤال]

هذا واحد من الربع يسولف
يقول مرة عند خلاتي يوم انا صغير وكانو يبون مشوار ولاعندهم احد وكان فيه فان قير تمتيك وجو لمي يبون اوديهم وانا كنت ماادري وش التماتيك ولاعمري سقته يقول سكت وركبت الموتر وفتحت باب القراش مر انزل القير وحده مر يرجع ولسان حاله يقول مظبوط
ويوم رجع وينزل وحده ويدعس ولا مامشى مر ينزل وحده وصار كلش تمام
والحمدلله جت سليمه معه لو وراه موتر كان علوم
وموضوع رائع

[sgl2002]

انا جيت ابي ادخل السيارة الحوش ( كرسيدا ٨٢ )

وكانت معلقه على طلعة الكراج

المهم واعطي الموتر الاول وادعس بقوة ( خايف تدحدر ورا )

ومادريت الا وانا ماسح جنب الموتر من اليمين كامل

ومن خوفي من ابوي صكيت على نفسي من العصر الين رحت المدرسة اليوم الثاني

[LE2010]

موضوووع حلو

[جلمود الحره]

السلام عليكم ورحمة الله وبركاته









اليوم طرت لي فكره فيها تغيير جو


ودي كل واحد يعطينا موقف لاينساه عندما بدأ في قيادة السيارة ؟؟



ودنا بالتفاعل :good2:




وعليكم السلام
صراحه بداية تعلم السواقـــــه تصير انواع النكبات خاصه وانت مقبل على شي جديد في حياتك وبنفس الوقت فيه خطــــوره..وارتباك خاصه لاصار المعلم لايتحدث العربيه
تحاول انك تتعلم والي يصير يصير ولو بالاشارات


وبالمناسبه بداية تعلم القياده على يد خواجـــــه انجليزي شي فيه نوع من الغرابه !


فقد كان الوالد حفظه الله يعمل في شركه تعدين وكان هذا الخواجه يوصل الوالد ومعه مجموعه من المهندسين الى منازلهم وكنت انا دايم مسنتر عند الباب انتظرالوالد ففي احد المرات جاء ومعه الوالد وعزمه الوالد على الغداء فتمم الخواجه يعني قال OK وتغدا عندنا فكنت انظر لسيارة الشركه بنظرات فهمها الوالد وقال للخواجه ماودك تدربنا انا وولدي على السواقه على شان اشتري لي سياره وتنفعنا قال وكان كلامه مكسر تكسير نصه انجليزي ولايفهمه الا الوالد ..OK وكان عمري انذاك 7سنوات
المهم اخذ يدرب الوالد كلما حانت الفرصه وكان نوع السياره(( انذاك لاند روفر جيب مصندق توجد به من الخلف كراسي كثيره ))
المهم تعلم الوالد وبغينا نجيب العيد لاكن ربك ستر اشوف الانجليزي ماسك له حديده بيده طلعت الجلنط بعدين:Dطبعا انا تقول جني طامر ورى ومنتبه لكل الحركات بس ماافهم شي الا من كلام الوالد


وبعد مده من الزمن علمني والدي وهذا الخواجه على قيادة السياره الاند روفر واصبحت من ذلك الحين سواق نمبر:good: ون ولااحب الا الجيوب وكانت سيارات الدفع الرباعي عشقي منذ ذلك الوقت حتى الان واسف على الاطاله........

[أبوعابد 22]

والله يربع مواقفكم زينه
كملوا وانا متابع بشده

[مزون المدينه]

علومكم زينه يالحبايب

بإنتظار المزيد

معقوله كلكم طلعتم سواقين

وين السوالف

[hamido]

انا ياطويل العمر اذكر سنه من السنين اول ماتعلمت السواقه .... جا ابوي الله يرحمه يقومن لصلاة الفجر ...المهم راح ويوم اوفيت شوي واتوقض او هي نبهتن امي المهم اني تأخرت عن الصلاة وكلي غمص وخايفن من ابوي الله يرحمه والله ويقوم اخوكم بالله ويشغل الموتر وكانت ددسن 98 وكان يعلق الابنص عشان التحميه قلت مايبيله تحميه حطه بالواحد وخله تدحدر الين المسجد ... طبعا المسجد كان بعيد شوي واطلق الابنص وشوي مير انام :D ولا وعيت الا وانا ناشبن بالماصوره وانزل ولا الصدام منطعج وارجعه للبيت بسرعه والبق الموتر وانطلق ركض للمسجد :f ويوم رجعنا مير اسبق ابوي واوريه الصدمه ( يولم العصابه قبل الفلقه ) قلتله شفت يبه شكله واحد من معازيم جيرانا امس طبعا الوالد ماراح يقول شي لابو جيرانا :good2: <<< برائه
المهم عدت على خير

[_دربيل_999]

يعطيك العافية على الروعة في الطرح..


كان معي ددسن والفرامل ماتمسك الا بعد رابع تدبيلة..
دخلت في سباق مع أحد العليميين مثلي دوبه متعلم
لكن سيارته فراملها طيبة..


المهم بدأ السباق ومن الحماس نسيت إن الشارع ينتهي في جدار عريض وكبير وهو سور مسلخ القرية..!
كنا مسرعين مسرعين رفعت النظر قدام شوي الا الكارثة الجدار حوالي 50 متر..
ادبل للفرامل مافيه فايدة لزقت في الجدار ودركسون سيارتي ارتفع فوق رأسي من قوة الإرتطام
سلمت من الحادث والحمدلله,,
لكن ماسلمت من الجلد..:D


لكم أجمل تحية


الروقي

[تيتشر]

عشت عند عمي خمس سنين


المهم مره سافر ومفتاحه دايم فوق التلفزيون بالصاله


وانا مستلم الشباب اللي حولي اني اسوق واعرف ... الخ (خرط فاضي)


وكان في بيت عمي عزيمه ذاك اليوم وحريم وبزارين


والموتر كان يوقفه بالطول لأن الحي جديد والاراضي قدامنا فاضيه


ركبت وشغلت وعيال عماني معاي وآخذ بهم لفه ويوم جيت البق وارجع الموتر مكانه مير اتلخبط وادوس بنزين بدال الفراميل ,,, وهوووووووبــــا بالسور وما جا في بالي الا البزارين اللي كانوا يلعبون بالحوش وانزل والحمدلله ما صار فيه احد ويوم جو العيال يسألوني وراك صدمت؟؟ .. قلت ياخي هالقرمبع نشبت رجلي على البنزين تحسبوني منيب عارف امسك فرامل مثلا؟؟ <<< أبد التصريفه بطرف لساني


المهم ويجيكم ذهينان ( أنا طبعا ) وانسم واحد من الكفرات واطلع العفريته قلت بقول ان الكفر بنشر وجيت بزينه وطاحت العفريته ودحدرت السياره بقوه على السور واروح لمرت عمي الله يذكرها بالخير وصدقتني


الزبده يوم جا يوم الجمعه بالليل ورجع عمي كنت نايم عشان المدارس جا قومني قال اجل مبنشر قلت ايه قال تعال تعال ,, ومرت عمي تقوله خله هذا جزاه بيزين الكفر وهو يقول لها تعلميني في ذالسوسه وخذ لك جلد بالخيزرانه يحبه قلبك .... هذا موقف ما انساه له تقريبا 15 سنه

[V 8]

اول ما بديت اسوق


الوضع ما كان سيبه أطلع متى ما أبي


ما أطلع الا للمشاوير


المهم أهلي ملوا من الاسواق والتمشي من كثر ما اوديهم


وتحسبني اروح مع الطرق المختصرة ؟


كنت ادور اطول طريق اروح معه


اذكر مرة قالوا لي اهلي ودنا للسوبرماركت وانا ساكنين شمال الرياض ووديتهم للعثيم شارع الخزان


والمدارس
الصبح أطلع اخواني من البيت بدرررري دوران وفطور


والظهر اسلك اطول الطرق على الحرررر



حتى خوالي انتفعوا مني اوديهم واجيبهم وامشور لهم


واستفدت فائدة عظيمة اني صرت ادل الرياض شارع شارع زنقة زنقة




المهم مرة من المرات صبحية خميس طلعت والوالدة بوديها لمحل على شارع العليا


المهم وامسك الشارع رايح جاي واضيع المحل بالعمد


واطلع على التحلية قلت يمكن انه هنا نقل والا بنسأل عنه



المهم وانا عند احد اشارات التحلية في المسار الاوسط يوم خضرت الاشارة وانا توني محرك قالت الوالدة رح للبيت بس شكله بيأذن الظهر ولا لقينا شي


انا على طول كسرت مديور ابروح للمحل بدون ما أنتبه الا جنبي دينا دخلت البيبان اليسار


وضاق صدري


والله يجزاها خير الوالدة كانت تراضيني وتقول انها هي السبب لأنها مخليتني ادوج ادور غرضها



الله لا يحرمني منك ياأمي



ويحفظ والدينا والديكم ويرزقنا برهم

[ملك الفكتوريا]

مووووواقف واجد



مررره الظهر الساعه 2 وكان عندنا جمس 88 وارجع ريوس وكسرت بقوة ودربق بماصورة البايكه وبسبب الصوت طلع ابوي قايم من النوم وجلدني جلد


والمره الثانية حطيت المفتاح بالسويتش ولا قدرت اطلعه وانا عمري اصغر من 8 سنوات ورحت قلت لابوي وجاء كف للحين يوجعني هههههههه وتوبه بعدها



ومره بكابريس قدام ابوي وامي وتطفا وانا مسرع شوي وامر من جنبهم تارك الدركسون واقول وقفوني وقفوني بالبر وباحد العقوم وخر الدريتر


بس ما قال شئ الوالد غريبه

[MANSOR QATAR]

السلام عليكم ورحمة الله

موضوووووع حلووو وشدني اني اتكلم بكل صراحة

اول ماتعلمت السواقة سنة 1987م

ماقدرت اثبت السيااارة ترووح يمين ويسار وانااا ذابحني الخوف من ابوي يقول سوق عدل امسك عدل قلت ياااااااااااااااااه تعال سوووق انت قاام وضحك هاهاهاهاه

موقف ثاني .. اول مرة ادخل صبخة قريبه من البحر قااام الموتر يسلب يزحف يميييييييييين هديت الدركسون ونسدحت على الكرسي الثاني من الخوووووف هاهاهاهاه

وسلامتكم جميع

تقبلو مني أطيب تحية وتقدير

[جبل راف]

المواقف واجد ولانتذكرها كلها

اول ماتعلمت السواقة ماغير عيناي على القير كل مااغير اناظر للاسفل المهم وانا امشي الا وذيك الرضمة الكبيرة واصعد من فوقها بالكفر الايمن وجت سلامات



الموقف الثاني اثناء تعودي على القيادة

واحد نخاني يبي للبر وسيارته كابريس او توماتيك وانا سيارتي هايلكس قلت له ماني بحاجة سيارتك وخذ سيارتي عادي مااعرف اسوق التماتيك قال لا يمكن تحتاجه والا شي قلت فيه سيارات اخواني المهم قال لازم تاخذ سيارتي اخذت الكابريس موديل 90 بعد ماعلمني عليه

المهم رحت مشوار وكنه جاز لي عقب التويوتا ههههه
فيه منعطف قبل البيت لما جيت اوقف كنت مسرع واضغط على البريك وقبله ادور في الكلتش نسيت اني بالكابريس وادور بيدي على القير

مسكت فرامل بقوة وراسي بالزجاج الامامي وجت سلامات

[مخاوي العشه]

بارك الله فيك على الموضوع

يوم كنت عليمي بالسواقه

بس أذكر أني عشقت القير بدون كلتش
بس أشوى ماصار له شي هههه


لكن فيه موقف صارلي قبل أشهر

أنا دايم أوقف موتري عند جدار بالحوش وأعشقه بواحد لان مابه جلنط
ودايم أشغل الموتر وأفضيه بعد ما أشغله
المهم مره من المرات ركبت الموتر وفضيته ونا أشغله لاحظو فضيته ونا أشغله (يعني فضيته قبل لا أشغله)
طبعن انا مني متعود أفضيه قبل لا أشغله
المهم يوم شغلته ونا عشقه بواحد على أني أبفضي القير واترك الكلتش وألزق بجدار لكن أشوى جت سليمه
حتى الموتر ماجاه شيء
الحمد لله على كل حال

بس غديكم فهمتو علي هههه

[راعي الغنمات]

في بداية تعلمي السواقة بالبر كنت اتعلم على ونيت هايلكس 78 ومعي اخواني 3 في الغمارة والرابع في الصندوق وأثناء نزول السيارة في وادي فية منعطف (( لفة )) نزلت السيارة بالوادي ولفيت يمين وخليت الدركسون على لفته ماعدلت فانقلبت السيارة على جنبها الأيسر ، ولله الحمد خرجنا من السيارة بدون إصابات .

[هويدي]

ههههههههههههه والله ياعليكم مواقف

انا اول ماسقت كان معي كراون مايمسك فرامل الا كفرات قدام
لاحق اخوي بودي سيارته للمغسله وكنت فاهي وعليمي بنفس الوقت مادريت الا كع فرامل ودخل المشحمه كعيت فرامل عقبه ابدخل زيه وتسيد الكراون مارده الا جنط تريله حاطين عليه ماصوره ويطير الجنط ولا يرده الا كرسيدا مغسله وموقفه من اللخمه نزلت وجو التكرنبا يركظون قلتلهم شفتو راعي البنز قالو ايه قلت هذا اخوي واحط رجلي هههههههههههه رهن عندهم الاستماره وتفاهم مع الرجال وعوضه ولا صفقن
لانه قبله بأسبوع هجتبه وبغا يدخل برصيف

[محسن اليامي]

صدمت سور المسجد

وأسأل الله أن يتوب علي , من بعدها ماااااتركت الصلاة

[almushraq]

هههههههههههههه

ابد انا صدمت تنكر الماء حقناااااا وجات سليمة والثانية تعلقت بشرة :)

[فيصل السبيل]

اما انا سلمكم اللة كانت معي ددسن 84 غمارة مكيف وقتها جديدة وكنت اتعلم بالبر

والقير الريوس مااعرف الريوس وكنت امشي بالبر ومعي مسحاة واذا جت قدامي قشعة او شجرة صغيرة انزل من السيارة واحطبها واحطها بالصندوق وهكذا ماارجع الا انا تارس السيارة حطب وذات مرة صادفتني قليب هذي والله البلشة تدرون وش سويت اخبال حاولت ادفنها لصغر سني وجهلي وبعد التعب وذبحني الضمأ تركت السيارة ولحسن حظي ان البيت قريب وذهبت لوالدي واخبرتة فتساوالي بكف وش وداك للقلبان ماتشوف عمى فقال لي يامل عمى ابوي ماتشوف القليب بكبرها فقعدت اشاهم فقلت هي اللي جت بوجهي فتبسم ضاحكا من قولي واستسمحني لما شاف كثرة الحطب ههههههههههههههههههههههههههه
هاة عساكم انبسطتوا

[رِجم]

تعلمت السواقه على ددسن اربع وثمانين ...... ومن جمب القده ما اعرف اسوق زين الوالد الله يمتعه بالصحه كان يعلمني

ومره سقت لحالي وامر واحد من الربع وانا مشخص واركبه معي واديور بالرابع من زود ماني جمبها

عاد خويي طلع ازين مني قال اذا بغيت تديور حطها بثنين

[أبو غدي1432]

أول ما تعلمت السواقة كان عام 88 م وكان عند الوالد الله يطول بعمره هايلكس 85 كان ما يخلينا نسوقها أبد المشاوير القريبة ندقها كعابي..!

المهم الوالد كان يعمر بيت وقتها ونقصت عليه ما صورة واحد بوصة حديد وما كان أحد من أخواني الكبار موجود
قال يالله يا ابو عابد قم ودني .يا ولد تقول إنه أعطاني السيارة هدية..:D
وشرينا الماصورة قال نمر السوبر ماركت قلت أوكي..
نزل الوالد للسوبر طقت براسي أدور بالسيارة علشان يجي الوالد وعلى طول نمشي..
دورت بالسيارة ونسيت من الماسورة يمكن طالعة ورى مترين!! وطااااااااااااااااااااخ بواجهة السوبر ماركت اللي من قزاز وتشوف القزاز متناثر والشامبوهات متنطلة..:eek: هالحين الوالد بيذبحني لأنه من النوع العصبي..:(
ويطلع لي اليماني وش فيك وأقوله تكفى تكفى لا يدري الوالد بغيت أبكي من جد.. :lr
يطالع اليماني وشافني خايف قال حسبنا الله ونعم الوكيل وراح وشوي يجي الوالد ومشيت ولا كأنه صار شي..

بصراحة من أصعب المواقف اللي صار علي واليماني الله يجزاه خير يوم ما علم الوالد ..!!

[كاشت وحداني]

والله طلعت الذكريات

الله يسلمكم تعلمت السياقه تماتيك وعايدي والحمدلله كلش تمام
المهم رحنا الديره وابي استفهم على عيال عمي وانقز بشاص لجدي الله يرحمه موديل 77 طبعا توي مشغله ولسا ما حركته
ويمر واحد قلت له تسابق قال يالله بس انا اللي بعد وكل واحد منا داعس الكلتش وجاهز
ويبداء العد 1 2 3 انطلق وهو يروح قدام وانا ارجع بقوه ورى وفي حجر كبير اذكر ان راسي في قزاز الشاص وراي
واكتشف السر
ان قير الشاص 3 نمر بس والريوس مكان الاول في السيارات الثانيه
والحمدلله مرت بسلام بدون مايدري احد .

[hytham]

هههههههه ما احلاها من ذكريات
من صغر سني وانا احب السيارات والسواقه وبديت السواقه طبعاً بأشراف ابي وانا رابع ابتدائي ويوم صرت حريف سواقه حسب اعتقادي اخذت سياره ابوي الجديده وكانت سوبارو 84 فللللل كامل كل من شافها في زمنها قال عنها طياره خصوصاً من الداخل ( الطبلون ) وفي يوم اخذتها ورحت البقاله وفي رجعتي البيت واشوف عيال الجيران يشوفوني وانا اسوق السياره الجديده وانا راسي يكبر واسوي عاد ابو الحركات واني بوقف السياره فجأه وانا مسرع قدام البيت وهنا كانت الكارثه خانني توقيت الفرامل واللي انا اصدم جمسنا الحوض موديل 80 كان واقف امام البيت ربنا ستر وانكسر الاسطب الصغير بالركنيه بس ومن فشلتي سويت انه ما همني ونزلت وعطيتها نظره وانا ماشي ولا وقفت حتى عندها ما ابي الفشله قدام عيال الجيران المهم وانا دخلت الحوش واناظر العيال موجودين او راحو وانا كلي خوف ابوي يطلع لصلاه المغرب ويشوف الكارثه قبل لا اصلح الوضع المهم اراد الله ومشو الشباب من قدام البيت والا انا طالع واجيب حجر من الزرع واجمع اشلاء الاسطب واحطها تحت الصدام واحط الحجر في وسطها انه احد رمى حجر وكسر الاسطب طبعاً الجمس لو دبابه دخلت فيه ما يضره شي المهم في طلعه ابوي لصلاه المغرب الا واقلو شوف اش سار بالسياره واللي هو يجي ويقول حسبي الله ونعم الوكيل مين سوا كذا اقله ما ادري بس شفت اولاد الجيران يلعبو بالحجار وشفتهم يركضو بعيد ههههههههههههه واللي ابوي يشيل الحجر ويرميه في الارض ويطلع مهو بحجر طلع عباره عن كره طين وانتو بكرامه واول ما لامست الارض واللي هي تتفتت وانا خلاص ابغى اختفي بأي شكل وابوي قال روح اتوضى وتعال المسجد وحسابك بعد الصلاه وادخل البيت واحكي امي رحمه الله عليها واترجاها اقلها تكفه ليني راس ابوي لا انفرش سار بالغلط ووو قالت خير روح صلي وتعال رحت صليت في مسجد ثاني ورجعت ركض اسبقه ع البيت ووصلت البيت وجا ابوي ولد تعال وينك والا انا اطلع له ها يبويومتخبي ورا امي قال انا ما بضربك عشان السياره بضربك عشان كذبت علي وقتها امي رحمه الله عليها تنحت جانباً وقالت هذي ما اقدر اتوسط لك فيها واكلت العلقه المحترمه نتيجه الكذب وليس الاسطب ههههههه طالت القصه بس الحذافير احلى ما فيها اييه كنت سنه اولى متوسط

[مزون المدينه]

أذكر ركبت مع احد الزملاء توه متعلم السواقه ( وانا بعد ماتعلمت )


وقف السياره عند البقاله .. السياره ماهي راضيه توقف .. ماغير تدحدر


من زود الفهامه قلت له .. جبت لك الحل قلت عشقها بالأول وهي شغاله


والرجال ماصدق .. عشق بالاول وهي شغاله ..


والسياره تاخذ لها رقص بغت تجيب الجدار


وانا صرفتها قلت والله سيارتك فيها خراب


والى الان كل ما أذكره يذبحني الضحك

[خ الفياض]

انا راح اشارك بموقفين ولا المواقف وااااااااااااااجد


الاول لقريب لي اخوه يعلمه السواقه وهو خااااااايف مره منها المهم انه سواقته مايعرف ومن زود الخوف يلخبط ولايدري ارجوله وين مايدري هي على فرمله على بنزين مايدري واخوه زهق منه وطفش ويقول يوم انا و اخوي واخوي يهاوش امسك كذا سوي كذا وانا من الخوف مخي تنح وقلت له ماني متعلم واشتد صرااااااااخ اخوي علي انت كذا وانت كذا المهم اخوه عصب عليه ويعطيه كف عالمي زي كف الافغاني هههههههههههههه يحلف دين يقول استلمت السياره بعدها سواااااااااااااق الى اليوم ههههههههههه

والثاني صار لي انا
الوالد كان مسااااااااافر وجانا ذيك السنه مطر وانا توني متعلم حبه ونص على ماقالوا المهم تخبرون مع الامطار والحماس موتر الوالد جي اكس ياقلبي والله على الجي اكس92 مكينته 24 بلف وهبااااااااال وسرعه وهيااط و وقتها على جدته ممكن كان له 3 سنين ومعروف سمعة ال24 بلف كانوا الجماعه يسمون جيب الوالد ذاك هذا مسحووووووووور ههههههههه من قوته وانا من جنب جنبها واتمشى ومن محاسن الصدف اني متعلم على الدبل قبل السوااقه المهم ان رحت يم البر ثم يم البحر وكله عاااااااالي العالي وحصل لك جمس مغرز في صبخه ((طين وملح ومع الامطار ياعيني )) وخويكم قلت ما اقدر اطلعه وانا صادق لكن شفت الدينه تسحبه وقفته وقلت ماتسحب وانا صغير ويادوبني متعلق بالدرقسون من صغري وصدفه نقز معي رجال كان واقف عندهم وقال ابدا مايسحبه الا الجيب والجمس صالون ونااااااااااااااشب كله حتى صدام بالطين والله اني اعدل الموتر ويشبكون الواير وانا ماعمري شفت احد يطلع احد من مغراز فما بالكم جمس وانا اللي اطلعه حلها ام الربكه كلها جاتني ذيك الساعه المهم اني شبكوا الواير واعطيته الدبل الثقيل وانفض الجيب واطلع الجمس واطلعه وشوف تصفيق البشررررررررررريه عااااااااااالم وعاد شوف راس خويك مايرده الا السحاب ههههههههههههههههههه ومن عقبها كل ما بغى ابوي يبيعه اسوي افلام الدنيا حتى قدرت اني اخليه عندنا 12 سنه وبعدها بعناه:D:D:D


لكن الزبده من السالفه ان الهياط حق ذاك الجمس يمكن مسك 3 سنين بعدها هههههههه

[وحي القلم]

ههههههههههههههههههه والله بانت العلوم

انا اذكر ومازلت على ذي العاده كان عندي جمس ونيت اول ماتعلمت السواقه ولا برميل زباله خليته في حاله
لين صار الوالد يقول هذا البرميل صادمه وذ ليش نسية تصدمه واخر مره كل برميل يتعدى من عنده يطقني طق يحبه قلبك عشان ما اصدمه
ومازلت على ذي العاده بس الان ببتطور لاجت ابي اصدمه اصدمه ببريك
بس والله الحين محرمو لن معي فورد

[شاص99]

والله قصص اضحكتني

وانا اتعلم السواقة على هايلكس المهم كان الوالد على باب يمين وانا اقوم بعد 3مرات تطفى وادوس يوم عطيته 2 واترك الكلتش وسيدا ضغطت الفرامل بغا يطلع ويصك ابوي القزازة واخوي الكبير كان ورا ويقمز قدام ويصبخ القير وانا الحمد لله متجود ولا جان شيئ والمشكلة ابوي قوي وعصبي ويصكن بهكا الكف يوم اطلعن عيوني ويمسكن ويقمزا ورا ويجيب اخوي الكبير يسوق
كان موقف لا أنساه

[رادر جدة]

[SIZE="5"]موضوع مميز بصراحة وكل مواقفكم :good2: [/SIZاذكر اول ماتعلمت السواقة على يد الوالد وقتها كان عمري 10 سنين وكانت سيارة الوالد سوبارو امبريزا 98 وكان يخاف عليها توها جديدة المهم كل يوم اطفشه وهو يتقهوى علمني السواقة المهم قال طيب تعلمت بسرعة وتعلمت كل شي الا حاجة وحدة لا جيت ابي افرمل واوقف وقوف تام انسى ادعس الكلتش لين تنتع السيارة وتطفى المهم مرة كان معاي الوالد وتصير لي هالحركة والله يا انه صكني كف ليومك ذا عمري 23 صرت لاجيت بزحمة تلقاني داعس الكلتش من بدري :DE]

[مزون المدينه]

ما أحد منكم سلم .... سواليف ممتعه

[ابوضيف الله]

ياشباب كلها تهون لموقف صار معي انا ابوي الله يطول بعمرة شاري جمس جديد 94 وانا توني متعلم السواقه وكانت السواقه مهيب يم جادة وكان معي كابرس 88ومناحش من المدرسة ومعي الشباب الله يذكرهم بالخير واجيك كافخ بسحب جلط بالتقاطع تخبرون سواق ويحوص بنا الكابرس وطرخخخخخخ الا والله صدمنا بسيارة واطالع الا ابوي ياولد عدل بدل اثاريني صادم ابوي واعدم الكابرس والجمس وانزل الوالد الله يطول بعمرة واجلدني بالشارع انا وولد عمي اللين اذنا والباقين انحاشوا والله ياهو جاني جلد منحاش من المدرسة وافحط وصادم

[مزون المدينه]

موقف لاتحسد عليه

الحمد لله ع سلامتك

أما عن الضرب راح الألم من وقته

[مزون المدينه]

بإنتظار جديدكم

[ولد ابانمي]

والله اول ماسقت قير عادي صلينا في الحرم صلاة الجمعه وبعد الصلاه قعدنا نص ساعه تقريبا وقلت لابوي انا ابرجعكم لان توقعت ان مافيه زحمه قال طيب يوم مشينا والله واشوف زحمه :eek: المشكله اني ماتعودت اني اقومها على الطلعات قلت لابوي انت سق بدالي قال انت قلتلي وبكيفك والله وانا في نص الطلعه حقت المواقف وقفت السيارات من الزحمه والله وانا اقعدبها وراي لكزس بعدين ابوي سحب الجلنط وقال يله امش والحمد لله عدت على خير

قصت حياة ذي :D وشكرا لصاحب الموضوع

[مزون المدينه]

حياك الله اخوي ولد أبانمي ... الحمد لله ع سلامة السياره

[الصمصام]

هذا ياطويلين العمر ...عام 1408 بديت لأتعلم السواقة في حراثة عندنا في المزرعه :)
المهم بعد أسبوع تقريباً كان عندنا جار الله يغفر له ويبيحه مشترين له عياله هايلوكس موديل 79 والرجال له فترة طويلة مايسوق ,,المهم جاء ذاك اليوم ويرسل علي يبغاني أقضي له مقاضي من البقاله وهي عنا يمكن 20 كيلو ..قلت له عطني الهيلوكس وابشر :) قال انت تعرف تسوق زين قلت افاا ..ماتشوف الشايب معطيني الحراثة
المارد رحت انا وياه وقضينا الاغراض واذكر انه كان فية وصلت زفلت ( قار) يمكن 4 كيلو ويوم جيت عليها وانا أشد على الموتر أول مرة في حياتي اتعدا سرعة 60 :) وأنزل مع ذيك النزلة الله لايعيدها ..الا وقدامي حمارين الله يكرمكم ..الشايب يصيح علي رح يمين رح يسار ..وخويكم أصمخ مبسوط على السرعة وجيك ابغى أدخل من بينهم هههههههههه والله الدلاخة ..وأشل الحمارين على الرفرفين الايمين واليسار ..قبل لا أوقف الله يغفر له أذكر
انه زهمني بسمي ...يافلان وقبل لا التفت ولع في راسي مثل نور الكهرب من مشعاب كان معه ...

[V 8]

هذا ياطويلين العمر ...عام 1408 بديت لأتعلم السواقة في حراثة عندنا في المزرعه :)
المهم بعد أسبوع تقريباً كان عندنا جار الله يغفر له ويبيحه مشترين له عياله هايلوكس موديل 79 والرجال له فترة طويلة مايسوق ,,المهم جاء ذاك اليوم ويرسل علي يبغاني أقضي له مقاضي من البقاله وهي عنا يمكن 20 كيلو ..قلت له عطني الهيلوكس وابشر :) قال انت تعرف تسوق زين قلت افاا ..ماتشوف الشايب معطيني الحراثة
المارد رحت انا وياه وقضينا الاغراض واذكر انه كان فية وصلت زفلت ( قار) يمكن 4 كيلو ويوم جيت عليها وانا أشد على الموتر أول مرة في حياتي اتعدا سرعة 60 :) وأنزل مع ذيك النزلة الله لايعيدها ..الا وقدامي حمارين الله يكرمكم ..الشايب يصيح علي رح يمين رح يسار ..وخويكم أصمخ مبسوط على السرعة وجيك ابغى أدخل من بينهم هههههههههه والله الدلاخة ..وأشل الحمارين على الرفرفين الايمين واليسار ..قبل لا أوقف الله يغفر له أذكر
انه زهمني بسمي ...يافلان وقبل لا التفت ولع في راسي مثل نور الكهرب من مشعاب كان معه ...

ههههههههههههههههههههه

متخيلك زين وميت ضحك


الله يغفر له ويرحمه