الباثفندر ولا الفورنر ...ولا الراف فور؟؟؟

[::الرهيب::]

السلام عليكم..

هلا شباب...

حاط في بالي كم (جيب) ناوي أشتريه...

واحترت..

واحد يقولي الباثفندر حلو وعزم

وثاني يقول الفورنر ماكينته قوية وأقوى من الباثفندر..
وتويوتا أحسن من نيسان........إلخ..

وكذلك الراف فور...إلخ..

أنا أبغى رأيكم..

@@واحد ناوي يشتري (جيب)
أسعاره تتراوح بين (75-85)
يطلع به البر..بس مب حق تطعيس(يعني مسكات تطعيس).. :d ...ولا مقاومات..

وأتمنى يكون من كل النواحي
مثل
- القوة
-التحمل
-العزم

.......وأنتم أبخص بالمواصفات..
@@ ووش رايكم..أشتري هالجيب (قير عادي- ولا تماتيك)...؟؟؟

@@ وهل أشتري مستعمل ولا وكالة.؟؟

تحيـــــــــــــــاتي

لكم...

أخــــــوكم
الرهيب

[الربذي]

السلام عليكم
اولا الفوررنر انقطع من السعوديه من 95 ومكينته حقت هايلوكس وكان معي مايعرف حاجه اسمها عطال لكن ثقيل ومايتعدي 130 بالسفر
واباث حلوه بس ماهي صبوره والراف صغير مره وغالي وماهو قوي يعني ماينفع بالمساعدات والجر وغيرها وصغير ماياخذ عفش
والقير العادي احسن واصبر
وكاله لن تجد بهذا السعر جيب عليه الاسم
وانصحك خذ لاند مستعمل قليل اعطال والبيعه مايخسر واجد والكل زباين له
اخوك

[شعيب عبيثران]

اخوي باالنسبه للسيارات المعروضه فأفضلهن الباث من ناحية الشكل والراحه والقوه
اما التحمل لو كانت رجلك حاره عليه فهو لن يتحمل طبعا اتكل وخذلك باث
اما باالنسبه للعادي والتوماتيك فإذا انت راعي بر 24 ساعه ( طعوس ) فخذلك عادي لانه اقوى
اما من ناحية المستعمل والوكاله فإذا كانك من راعيه الى البر فخذلك مستعمل .
اخوك : شعيب عبيثران

[تحت الظل]

أخوي الرهيب

اذا كنت تبي الزين فخذها من عندي ... مالك إلا الباثفايندر ( بالنسبة للمعروضات أكيد )
حلو وقوي " وعزم " وخراباته موب واجده .. اللهم إلا مساعدادته يمكن ... تقدر تغيرها بأرخص من الوكالة وافضل بكثير ..

(( وتصبر للمعلوميه )) .. من 2003 وفوق والماكينه أقوى وافضل ..

اما مشكلته ( قطع الغيار ) .. غاليه شوي لبعض القطع .. لان وكيلها محتكرهن ..

..

والسلام عليكم ..

.
.

[سدير2008]

باث 2006 نصيحه خذه

[مروق]

اذ تبي سيارة عصريه للمدينه رزة غير طبيعيه .. وسيارة مطامر طعوس .. وذفه بين قوسين

انصحك بالراف فور ... نازله هالسنه بمكينه ست سلندر .. وعليها شكل مميز بقوة .. ولاتنسى متانه تويوتا

[الذيب الشهب]

انصحك بـ(ابو بندر) الي هو باثفيندر انا معي واحد جديد وكاله قير اتوماتيك مايرده مرداد

[::الرهيب::]

السلام عليكم...

معليش شباب
تأخرت في الرد..
كنت طالع أمس شعيب (الطيري)... :good:
ومادخلت المنتدى..... :D

وماشاء الله الردود واجدة...الله يزيدها.. ;)

الربذي
هلاو الله أخوي
شاكر لك ردك..وتوضيحك..
بالنسبة للفورنر نزل 2005 أو 2006
واحد يقولي إنه عزم ومكينته قوية...!!

شعيب عبيثران
حياك الله..
والله في بالي الباثفندر... :D

تحت الظل
هاذي مشكلة الحمراني...
والله سياراتهم حلوة..بس إحتكار... :mad:

سدير2008
والله الباثفندر 2006 ما أعجبني شكله مرررررررررة... :mad:
أحسه ماينفع بر...واصطباته من ورا...شكلها شين..<<--وجهة نظر.. :D

مروق المنجا
والله الراف فور مشكلته صغير...
بس عندك صور للـ2006
لأن 2005 ما خش مزاجي شكله...!

الذيب الشهب
والله شكله أبو بندر........ :D



يــــا شباب إذا فيه أحد ينصحني بـ(جيب غير اللي أنا حاطهم)وحول الأسعار اللي كتبتها
يقولي.....

وشكـــــــــراً

[غضنفر]

الاند زين بس المشكلة الدراهم
165 الف لل جكسار فل
بها المبلغ تقدر تشري باث ب 80 + لومينا ب 60 = 140
الباقي ( 25 الف ) تحطها في محفظة اسهم

[::الرهيب::]

هلا والله أخوي
black path

من جد غالي....

بيني وبينك..يستاهل..إذا كنت مقرقش... :D

بس حنا خلنا على (الباثفندر والشلة..... :D )

إلا على طاري الباثفندر
تتوقعون ينزل سعره في المعارض..بعد نزول 2006؟؟

تحياتي
الرهيب

[غضنفر]

مقرقش ولا منب مقرقش
165 الف ثم اروح العبه في الطعوس معصي والله
اما بالنسبة للسعر اتوقع يرتفع في البداية مثل الهلكس

[العشة]

انا مع راعي سدير خذ لك باث فاندر 2006 ولاتشاور

[salehhd]

السلام عليكم

بالنسبة السيارات ممتازات لاكن يعيب على الفرنتشر والراف فور السعر المبالغ فيه والمحرك الضعيف بالنسبة لل4 سلندر

واليك بعض مواصفات السيارتين
فرنتشر 2006
تاتي بمحركين الاول 2.7 لتر وهو نفس محرك الهايلوكس ويولد 157 حصان اما الاخر ف4لتر يودل 240 حصان وهو نفس محرك البرادو
تحمل نفس شاصي الهايلوكس وبها 3 صفوف من المقاعد وحسب علمي ان سعرها يبدا ب85 الف ريال للاربعة سلندر ويصل فوق ال100 الف للسته سلندر والسيارة جديدة في الاسواق ولم يتضح اي شيء عن الاعطال ولاكن تويوتا ماينخاف عليها

http://images.abunawaf.com/2006/01/toyota51.jpg
بالنسبة للراف فور محرك 4 سلندر 2.4 لتر يولد 166 حصان ( نفس مكينه الكامري ) فنزل في الامارات لاكن بمحرك 4 سنلدر وحسب افادة الي خبرني ان سعر الفل 106 درهم للاربعة سلندر تخيل :eek:
اما 6 سلندر فمحرك 3.5 لتر يولد 269 حصان وهو نفس محرك الافالون وبصراحة محرك جبار لاكن سعرة اكيد يبوصل سعر البرادو وعلى فكرة صار 3 مراتب
http://images.abunawaf.com/2006/01/toyota47.jpg

http://www.japanesecarfans.com/photos/3050913.004/1063big.jpg
اما الباث اذا كنت تقصد الموديل الحالي 2003-2005 فهو محرك 3.5 لتر يولد 250 حصان للعادي و240 للتماتيك وهو نفس محرك الزد والالتيما والانفنتي وحاصل على تصنيف افضل محرك لمدة 10 سنوات متتالية وبه صفان من المقاعد وسعرة من 79 الف ريال وانا امتك هذه السيارة وبصراحة قمة في القوة والعزم وتعتبر من افضل الجيوب المتوسطة هي والشروكي ويكفي انها صناعة يابانية كامله

http://images.securedwebform.com/reviews/images/02pathfinder.jpg


اما الجديد فهو موجود في امريكا ن عام 2005 وياتي بمحرك جبار 4 لتر يولد 280 حصان وهي نفس قوة الباترول الحالي ويمتاز بالتغيير الجزري في الشكل والاتساع فهو يشبة بشكل كبير شقيقته الكبرى الارمادا وبه 3 صفوف من المقاعد ونظام الدفع المستمر وسعرة حسب ما سمعت راح يبدى من 90 الف ريال

http://www.nissan.alva.ru/InFo-data/item_024/bpic_0000924.jpg

في رايي الشخصي ان تستبعد الفورنشر بسبب شكله الغير مقبول نوعاً ما وسعرة المبالغ فيه مقارنة بالمنافسين


هذا مالدي وانصح بالاستخارة فما خاب من استخار والسواقة التجريبة تريح الواحد

وبالتوفيق ومبروك مقدما

اخوك
صالح
<!-- / message -->

[ابوقاسم]

انا اشوف ان الباثفايندر هو الاختيار الامثل ........
ولك القرار

[Abo Nader]

و الله ما عقب لردود الشباب مكان لرد لي :) خاصه بعد رد salehhd و لا يهنون الشباب

بس معلومه صغيره الظاهر الباث الجديد السياحي الي يبدا من 90 ألف دفرنس و احد مثل ما قريت من الباث النسخه الأمريكيه 2006 يعني إذا كان الكلام صحيح يمكن الدفرنسين يصير 95 ألف و هو يبيله شهر ونص على شان ينزل على كلام الوكاله

[::الرهيب::]

black path
طيب لاتزعل... :D

العشة
شاكر لك مرورك..
ما خش مزاجي شكله...وبعدين سعره غالي... :eek:
وشكله عائلي..أكثر من إنه شبابي ومب حق..بر..شكله..!!

salehhd

وعليكم السلام

الله يبيض وجهك ويجزاك خير...
والله ماقصرت..كفيت ووفيت..
بس بخصوص الفورتنر..جارنا شاري واحد
على كلام أخوي يقول إنه شاريه بـ75 ألف ريال..
بس مدري كم سلندر...؟
وبالنسبة للباثفندر..لو أدوره في المعارض بكم يكون سعره..لو خذت النوع اللي مب فل كامل..؟؟
##أتمنى تفصل في الباثفندر (2003-2005) من ناحية أنواعه وأسعاره في المعارض..مب الوكالة..؟؟
وبالنسبة للراف فور2006..
بصراحة خش مزاجي شكله..شفت له صور رايقة...
وشفت أسعاره في موقع الشركة..
أسعاره حلوة..الفل كامل أتوقع بــ83 ألف ريال سعودي
على حسب اللي مكتوب في موقعهم
http://www.toyota.com/rav4/index.html?s_van=GM_HOME_FLASH_RAV4
# وأتمنى تفيدونا في أسعار الراف فور 2006 في السعودية..


الغضى
شكر لك على ردك...
والباثفندر هو اللي في البال..
لكن أدور على جيوب ثانية..إن مالقيت أحسن منه بآخذه.

Abo Nader
يعطيك العافية
وعلى طاري الباثفندر2006..
زي ماقلت..أحسه سعره غالي..وشكله مب حق بر.. :D
حق دوران في التحلية... :D :p

::::::::::::::::::::::::::


تحياتي
الرهيب

[::الرهيب::]

السلام عليكم...

والله خشت مزاجي الراف فور 2006
بصراحة وبين قوسين (وذفه)... :d
بس مدري كم أسعارها..؟؟

أتمنى اللي يعرف أسعارها وأنواعها يفيدنا...

:::::::::

والباثفندر اللي يعرف أسعاره وأنواعه.... يفيدنا..؟؟

سلالالام..

[salehhd]

السلام عليكم

امس كنت اتمشى في المعارض وجفت جيوب باث 2005 جديدة قير تماتيك النوع المتوسط يعين قير تماتيك جنوط 17 ومخشب ومكيف الكتروني وسيدي ب82 الف ريال على الزيرو الي افخم بفتحة و6 سي دي ب84 واعتقد اسعارها مناسبة خاصة انها جديدة ما استخدمت

بالنسبة 2003 ما عرف اسعارها بس من 55 الى 65 الف ريال ويختلف 2003 عن 2004 و2005 بالطبلون عادي والجديد ابيض ليزر والاسيات تفرق

بالنسبة للراف فور فسعرة حسب افادة احد الشباب في الامارات 106 الف درهم 4 سلندر افخم نوع

والفورنتشر الي عند جاري 4 سلندر اقل نوع

هذا الي عندي واي خدمة انا حاظر

واسمحلي على القصور

[::الرهيب::]

السلام عليكم..

salehhd
الله يجزاك خير..
ويرفع قدرك..ماقصرت والله كقيت ووفيت..

بالنسبة للباثفندر:

تقصد معارض النسيم..اللي بالرياض.؟؟ولا وش.؟؟
وكم سعر الياثفندر 2004 اللي نص فل..وقير أوتوماتيك..؟؟
وبيني وبينك...جاز لي الباثفندر...بس يقولون صرفية بنزين..؟؟
وكيف عزم(التماتيك) في البر.؟؟

# والراف فور 2006 بأحاول أشوف أسعارها..
وإذا لقيت شيء مفيد..بإذن الله بأنزله...
بس مشكلة الفورتشنر..والراف فور..والتويوتا عموماً..أسعارها غالية..

يعطيكم العافية....

[::الرهيب::]

انفراد .. تويوتا راف فور بجيلها الجديد لـعـ 2006 ــام

24/12/2005 - سيارات



تقرير خاص لموقع ومنتدى السيارات
فجرت تويوتا لعشاقها قنبلة من العيار الثقيل حين عرضت الجيل الثالث من صغيرتها راف فور لعام 2006 والتي تعتبر أصغر سيارة دفع رباعي تملكها تويوتا في معرض فرانكفورت الدولي 2005، والتي اعتبرت ثورة عظيمة في عالم سيارات الـ SUV المتعددة المهام والرياضية ، فكما قامت تويوتا بتعديلات جوهرية لهذا الطراز والذي عرض لأول مرة عام 1994من ناحية التصميم طورت أيضا محركها ومقصورتها الداخلية .
وتطمح تويوتا من خلال هذا الجيل الجديد والذي أنفقت فيه ملايين الدولارات أن يحقق نجاحا في أسواق الشرق الأوسط على وجه الخصوص تلك الأسواق التي لم تحقق فيها راف فور بجيليها السابقين أية نجاحات تذكر.


http://online.yahala.co.il//cars/photos/news/car1-24-12.jpg

تصميم راف فور بوجه عام يعتبر ثوري في عالم الـ SUV صغيرة الحجم وقد زاد طولها عن الجيل السابق بحوالي 14 بوصة ، فمصابيحها الأمامية ومستوحاة من الشقيقتين فوررنر وفورتشنر ، وفتحة تهوية أمامية تحمل شعار تويوتا في منتصفها ، ولعل أهم ما يميز واجهة السيارة إكصدامها العريض والذي حوى مصابيح الضباب في أقصى طرفيه ، وعلى غطاء المحرك يمتد خطان منحنيان وصولا إلى الزجاج الأمامي للسيارة والذي زاد ارتفاعه كثيرا عن سابقه لتسمح للسائق كشف الطريق دون أية إعاقات ، وتمتد الخطوط الجانبية الناعمة وصولا إلى خلفية السيارة ، ذات المصابيح صغيرة الحجم ، ولعل من الملاحظ في راف فور هو استمرار وجود العجلة الخلفية المعلقة حتى مع الموديل الجديد بالرغم من استغناء الكثير من الشركات ومنهم تويوتا ذاتها عن هذه العادة القديمة في سيارات الدفع الرباعي ، كما يلاحظ أيضا في راف فور 2006 أن الباب الخلفي يفتح جانبيا بخلاف سيارات الدفع الرباعي الأخرى والتي يفتح بابها الخلفي إلى أعلى ، وأيضا يعتبر الإكصدام الخلفي للسيارة معدوم تقريبا ماعدا طرفيه وذلك لارتفاع الباب الخلفي بارتفاع السيارة تقريبا ، وزودت السيارة بجنوط اختياريه مقاس 16 أو 17 أو 18 بوصة.

http://online.yahala.co.il//cars/photos/news/car2-24-12.jpg


داخليا تميزت راف فور بجيلها الجديد بالاتساع والرحابة ، فهي تتسع لخمسة ركاب كتجهيز أساسي مع إمكانية إضافة صف مقاعد آخر ، مقود السيارة ثلاثي الأضلع حمل شعار تويوتا في منتصفه مع إمكانية التحكم في النظام الصوتي من خلاله ، وإلى الخلف لوحة عدادات متناسقة وواضحة ، وبالانتقال إلى الكونسول الوسطي سنجد في الأعلى فتحات التكييف وإلى الأسفل مشغل CD بستة إسطوانات مع ستة سماعات ، وراديو بموجتي AM/FM، وكذلك نظام تحكم مناخي فائق التطور مع منقي للهواء ، أما مقاعد السيارة فقد صممت بطريقة جيدة لراحة أفضل مع ثمانية وضعيات مختلفة لمقعد السائق ، مع شاشة عرض DVD ترفيهية لركاب المقاعد الخلفية ، ويمكن للسيارة أن تتحول إلى سيارة نقل وذلك بطي جميع المقاعد عدا مقعد السائق.



http://online.yahala.co.il//cars/photos/news/car3-24-12.jpg

http://online.yahala.co.il//cars/photos/news/car4-24-12.jpg

http://online.yahala.co.il//cars/photos/news/car5-24-12.jpg


زودت السيارة الجديدة بمحركات فعالة زادت قوتها عن السابق الأول محرك سعة 2.4 لترات ومكون من 4 سلندرات وبقوة 166 حصان ، والمحرك الثاني سعة 3.5 لترات ومكون من 6 سلندرات على شكل V وبقوة حصانية بلغت 269 حصان على أن يتوفر هذا المحرك في فبراير 2006، وكلا المحركين زودا بنظام VVT-I الذي اشتهرت به جميع سيارات تويوتا بأجيالها الحديثة وهي تقنية المواقيت الدائمة لتغيير نبض الصمامات ، وتسير السيارة بنظام الدفع الرباعي 4WD أو الأمامي FWD.




إعداد / AHMED900
شبكة السيارات العربية





<<-- رأيكم فيها..؟؟؟
خشت مزاجي.... :D

[salehhd]

السلام عليكم

اتكلم عن معارض الدمام واذا حبيت اجيبلك رقم التلفون حق المعرض عندي في السيارة

بالنسبة للنص فل انا عندي واحد 2004 قير تماتيك وفي البر اكثر من ممتاز ومريح اكثر من العادي وعليه عزم ما شاء الله قوي خل ضغط الكفرات على 15 او 12 وهو يطربك
وفي الخط يقفل طبلونه والضغط بين 4.5 والخمسة مكينه 3.5 لتر و240حصان للتماتيك والترونك 3.400
وجربة اخ زملاي عندة شروكي 2005 على خط يقول الباث اقوى وارسى واهند من الشروكي

وبالنسبة لصرفية البنزين فيصرف لاكن كل الجيبوب تصرف وصرفيتة اقل من الباترول والاند لاكن عيبة تانكية صغير
انا اعبية ب45 الى 50 ريال ويمشيني داخل البلد 370الى 400 كيلو بالمكيف
اما في الخط وانت فوق 150 فحتى 300 ماراح يمشيك
والفل اذا فاضي مررة 65 ريال

و2004 و2005 مايفرقون شي من ناحية المواصفات
يجي جنوط 17 ومخشب وقير تماتيك ومكيف لمس وس

وموتري ماخدة اقبل 10 اشهر مستخدم ماشي 12 الف مستهدم 8 شهور ب74 الف ريال

http://www.assayyarat.com/myimages/Sep05/salehhd_53LE1105.jpg
واتوقع هذي الايام اسعارعهم من 60 ال 65 الف ريال لان الموتر عليه طلب موطبيعي
وشوف هذا الرابط فيه معلومات كاملة عن الموتر

http://www.assayyarat.com/forums/showthread.php?t=54311&highlight=%C8%C7%CB%DD%C7%ED%E4%CF%D1


هذا الي عندي وانشاء الله يبين فيك :D

اخيراً وانصحك بالاستخارة قبل كل شي



واي خدمة انا حاضر ولا يردك الا لسانك
بس لازم تخليني اخذ لفه بالموتر اذا شريته;)

وتقدر تمر علينا في منتدى السيارت
قسم سيارات الدفع الرباعي والشحن الي انا مشرف فيه
http://www.assayyarat.com/forums/
والشباب ما راح يقصرون معاك ابد
اخوك صالح

[::الرهيب::]

السلام عليكم..

هلا والله أخوي العزيز/ salehhd

مشكور على المعلومات الأكثر من رائعة..

من جد..ماقصرت..

وإن شاء الله بأدخل منتداكم...

&&&

تحياتي..

الرهيب

[متحدي النفود]

السلام عليكم

بنسبه للصرفيه معنا باثفيندر2004 يمشي 450 الى 480 كم

طلعنا من الرياض للشرقيه نمشي 150 كم دخلنا الشرقيه ومن بكره عبينا

أنا أشوف صرفه عادي لانه قير تماتيك
والقير عادي أقل صرفيه من التماتيك
وإذا صار فاضي مره عبيناه ب60 ريال
ولا تعبيه عاديه أول ما تولع اللنبه حقت البنزين ب50 ريال

ومن رأيي الباثفيند ملك الجيوب اللي في حجمه

وأنصحك خذ باثفيندر
بس عيبه انه ضيق

وتبغى موتر عليه الكلام خذ باترول فتك 4800 موديل 2003 مستعمل بس نظيف أهم شي

وخل عنك الاندكروزر (( البطه )) فليورات وعكوس وحوسه

شاري جيب ولا كامري وأنا مادري

والفليور جرف في البر ولاه جايب العيد ومفحج

أما الباترول فهو دفرنسات عطي الله

أخوك / متحدي النفود