مساعدة في تجهيز الجمســـ

[ميول القلب]

السلام عليكم ورحمه الله وبركاته
مساكم/صبحكم
الله بالخير والعافيه
يسعدني اني انضم لهالمنتدى اللي يهتم بالمور الكشتات والرحلات
واتمنى اجد المساعده في تجهيز الجمس تجهيزات بسيطه


انا عندي جمس غماره 2002 حوض قصير وابغى اركب عليه بطاريه اظافيه وتوصيل لمبات في الكبوت و للكنود وتحويل الولاعه على البطاريه الثانيه
وطريقه توصيل وتركيب البطاريه بطريقه امنه وما تاثر على اي شي في السياره
ابغى اعرف وش هي القطع كامله ووش طريقه التوصيل بحيث تشحن من بطاريه الشد بلد وتفصل اذا صارت فل
انا في الشرقيه وفيه محل واحد بالدمام اللي انا اعرفه الللي يركب هذي الشغلات بس صراحه غااااالي جدا صحيح ان شغله نظيف لاكن السعر غاااااالي جدا على الفاضي
فاذا فيه احد راعي جمس قد ركب الشغلات هاذي يفيدنا وجزاه الله خير
بحيث اني اقدر اخذ القطع كامله واسويها بالبيت او اوديهــ لاقرب كهربائي واخليه يسويها بالطريقه اللي ابغاها

[ميول القلب]

58 مشاهدهــ ولا واحد رد ؟

[ابن عكاش]

نفس طلبك انا في الرياض مريت السوافي وكلمت المنديل والصبي كلهم قالوا لي بعد العيدوبصراحه انا مستعجل ولقيت فلبيني فاهم في كهرباء السيارات وقال لي جب المواد وانا اركبها لك
كنت امس عند السوافي قلت له ابي اركب بطارية إضافية قال انت صامل قلت ايه قام وكلم العامل ثم رجع وقال والله مانقدر بعد العيد قلت له طيب ابي قاعدة بطارية الحديده بحقها قال مانبيعها تبي تروح تركب عند غيرنا تفاجأت من ردة إلى هالدرجة وصل الطمع في بعض الناس

[ميول القلب]

بيض الله وجهك يخوي عالرد والله يعطيك العافيه
انا ماني مستعجل لاكن ما توصل اركبها ب1300 بدون بطارية وبدون محولات

[كلنا لك]

1- قاعده بطاريه علويه
2-علبة فيوز رباعي
3-منظم 150 امبير او الافضل دقمه جمس
4-كيبل 10ملي
5-عوازل كيبل
6- فاصل لمبه
7- بطاريه
8- محول
9-اصابع بطاريه صغيره
هذي القطع تحصلها بين محلات الكهرباء ومحلات السيارات
وبعدين اقرب كهربائي ممتاز تعرفه

[كثير السؤال]

ابو صالح 77 له موضوع عن البطاريه الاضافيه وهو افضل موضوع بالمنتدى
ومع الردود صار به اثراء للموضوع
http://www.mekshat.com/vb/showthread.php?t=326608