معلمومة عن اليوكن (موديل2010 ) جديدة بالنسبة لي ......

[الجندي2005]

بسم الله الرحمن الرحيم
اسعد الله أوقاتكم بكل خير , وتقبل الله صيامكم وقيامكم وجعلنا واياكم من عتاقاه من النار آمين ... آمين


اليوم الثلاثاء 23/9/1432هـ ذهبت لوكالة الجميح لتشييك الموتر ( يوكن موديل 2010 قصير ) عند العشرة الآف ، عند الآف كم والخمسة الآف ما كنت اجلس عنده فقط اراقبه من بعيد من الصالة ,
اليوم تليقفت وجلست بجنه هههههه المهم لما رفع الموتر بالسماااااااااااء قلت آخذ لي فره من تحت وتفاجاءت بموضوع خطير وغريب بالنسبة لي وهو :



تانكي البنزين ماهو حديد مصنوع من قيبر ( بلاستيك ) والطامة الآخرى غير محمي باي صاجة . الموتر دبل يعني لابد من الخروج بين الحين والآخر للبر
طيب اذا انا مسرع ووطيت حصاه مثلا ما ذا يمكن ان يحدث ،،، تخيلوا ذلك
الله لا يقدر شر ......


:eek:انا مستغرب سيارة للبر باعتبارها دبل يكون التانكي بلاستيك !!!!:eek:


موضوع آخر يحتاج لتنزيل موضوع مستقل : المعناة التي حصلت لي بعد اكتشاف البطارية انها خربانه وعلى ما يغيرونها جلست أكثر من ثلاث ساعات ونصف للتغير البطارية .



هذي صورة التانكي



http://im9.gulfup.com/2011-08-23/1314139903191.jpg

[المرتهي]

والله ياخي الجندي سيارات هالزمن صارت كلها فيبر اخاف بالمستقبل تصير كرتون

يمكن الفيبر اخف ولا يسخن مع الحر لان اجواء الخليج اوروبيه : )

هذا سبب صنعه من الفيبر

بس من ناحية حمايته هذا شي مهم ( عليك بتفصيل صاجة من الستيل حتى تحمي ولاتحمى بسرعه ولا تصدي )

وكلاء السيارات بالسعوديه وغير السيارات

كلها ظلم صراحة

يحطونك بالعين لحد تشتري وبعدها سحبو عليك

تقبل مروري اخوي الجندي

الله يعطيك خيره ويكفيك شره

[حسن ابو طالب]

حسبنا الله ونعم الوكيل

فعلاً وكلاء السيارات وبالذات السعودية
لايهمهم الا الكسب من ظهور البشر ومعليهم في السيارة
ومثل ماقال اخونا المرتهي
لاجيت تشتري وشافو الدراهم حطوك داخل العين
ولاجيت تراجع للصيانة محط يناظر فيك وكأنك جاي تشحت منهم

..

[الجندي2005]

والله ياخي الجندي سيارات هالزمن صارت كلها فيبر اخاف بالمستقبل تصير كرتون



يمكن الفيبر اخف ولا يسخن مع الحر لان اجواء الخليج اوروبيه : )


هذا سبب صنعه من الفيبر


بس من ناحية حمايته هذا شي مهم ( عليك بتفصيل صاجة من الستيل حتى تحمي ولاتحمى بسرعه ولا تصدي )


وكلاء السيارات بالسعوديه وغير السيارات


كلها ظلم صراحة


يحطونك بالعين لحد تشتري وبعدها سحبو عليك


تقبل مروري اخوي الجندي



الله يعطيك خيره ويكفيك شره


تسلم اخوي وفكرة طيبة بس انا خايف من حرارة الصاجة كيف يتم تلافي ذلك


سعدت بمرورك ،،

،

[ابوضيف الله]

اخوي انا عندي لكزس 430 استعمال امريكي شلتها على سطحة وحكت من تحت قلت عادي يامالها طلعتها من الميناء بالدمام وركبت عليها لوح السعودية جمارك اذا عبيتها بنزين فل قامت تهرب بنزين وديتها لورشة اكتشفت شي خطير مرة التانكي حق البنزين فيبر وسالت ورشة العضيب تخصصهم لكزس قال لي اللكزس 430السعودي والامريكي التانكي فيبر وماعليه مامنه ضرر
وبعدين بالنسبة لليوكن صدقني لوفيه خطر ماحطة المصنع ماعليه من مواصفات الوكيل يعني مهو خسران زباينه علشان الوكيل لوفيه خطر منه ماحطة تعرف الامريكان اهم شي عندهم وسائل الامان لانهم يخافون يجي احد ويشتكيهم ويطلع عيونهم بالتعويض مهو زي ماعندنا
وبعدين اذا انت مصر تركب صاجة ركبها وحط عازل حراري اذا انت خايف من حراره الصاجة بس الخوف يلقونها علثة ويسقطون الضمان عليك

[صياد العقير.]

حسبي الله ونعم الوكيل على وكلاء السيارات

[الجندي2005]

اخوي انا عندي لكزس 430 استعمال امريكي شلتها على سطحة وحكت من تحت قلت عادي يامالها طلعتها من الميناء بالدمام وركبت عليها لوح السعودية جمارك اذا عبيتها بنزين فل قامت تهرب بنزين وديتها لورشة اكتشفت شي خطير مرة التانكي حق البنزين فيبر وسالت ورشة العضيب تخصصهم لكزس قال لي اللكزس 430السعودي والامريكي التانكي فيبر وماعليه مامنه ضرر
وبعدين بالنسبة لليوكن صدقني لوفيه خطر ماحطة المصنع ماعليه من مواصفات الوكيل يعني مهو خسران زباينه علشان الوكيل لوفيه خطر منه ماحطة تعرف الامريكان اهم شي عندهم وسائل الامان لانهم يخافون يجي احد ويشتكيهم ويطلع عيونهم بالتعويض مهو زي ماعندنا
وبعدين اذا انت مصر تركب صاجة ركبها وحط عازل حراري اذا انت خايف من حراره الصاجة بس الخوف يلقونها علثة ويسقطون الضمان عليك




الله يطمنك بالعافية :D والمشكلة تأجير يعني طق أربع سنوات :eek: يالله الخيرة بس ،،،،



آآآآآآآآآآآآآآآآآآآآآآآآآآآآآآآه يالباترول اللي بالتوقيع تانكي حديد ومحمي بعد حماية الله بصاجة حديد

،




,

[ALBDRANE]

بعد سمعت أن التا يوتا مثل الهايلكس مع أنها سيارة ممكن تروح عليها البر حاطينه فيبر وسمعت أن القزار الخلفي صار بلاستيك يرجال وسع صدرك الدعوه على المخباة .

[HAS5SAN]

يارجال وسع صدرك
لو تنزل تحت جمس الأكادي
ماعد ركبته مدري اش اقول بس
كان عندنا سوبربان 1979
قسم بالله يا شباب يافيه قوة حديد غير طبيعي
التانكي حقه كان يحك مع الطلعات على الحصى
وماشاء الله تبارك الله حديد من جد
الله يذكره بالخير
http://www.tocmp.com/brochures/GMTrucks/1978/images/1978%20GMC%20Suburban-01_jpg.jpg

[رسيس نجد]

وين المواصفات والمقاييس 0000

[راعي الاثله]

السيارات الجديده كلها كذا ماعدا كم سياره والباقي لاتفرق بين ياباني او امريكي او الماني كله سوا ياخي الدينمو حق المويه القديم اللي بالبيت كان اذا خرب تلفه نحاس ويمشي الحال الحين الجديد لفه المنيوم اذا خرب غير الدينمو كله هذي سياسه علشان دوره راسالمال تدور بسرعه وانت ابخص

[الجندي2005]

السيارات الجديده كلها كذا ماعدا كم سياره والباقي لاتفرق بين ياباني او امريكي او الماني كله سوا ياخي الدينمو حق المويه القديم اللي بالبيت كان اذا خرب تلفه نحاس ويمشي الحال الحين الجديد لفه المنيوم اذا خرب غير الدينمو كله هذي سياسه علشان دوره راسالمال تدور بسرعه وانت ابخص



صدقت بكل كلمة قلتها ................ يالله المستعان
بس هذي سيارة يعني ارواح بشر ، عوضاً عن الذهاب للبر عاد من زين الزفلت اللي عندنا كله تصدعات وتششقات يذكرك بسطح القمر
والاخطر بموسم الامطار
ـ يالله تجيب الخير ـ يجيك الزفلت كله مناقع ما تدري وشو عمق الحفرة يمكن تكون 10متر , لا والحفريات عندنا قليلة مره






,

[سعد النفيعي]

بسم الله الرحمن الرحيم

اسعد الله أوقاتكم بكل خير , وتقبل الله صيامكم وقيامكم وجعلنا واياكم من عتاقاه من النار آمين ... آمين


اليوم الثلاثاء 23/9/1432هـ ذهبت لوكالة الجميح لتشييك الموتر ( يوكن موديل 2010 قصير ) عند العشرة الآف ، عند الآف كم والخمسة الآف ما كنت اجلس عنده فقط اراقبه من بعيد من الصالة ,
اليوم تليقفت وجلست بجنه هههههه المهم لما رفع الموتر بالسماااااااااااء قلت آخذ لي فره من تحت وتفاجاءت بموضوع خطير وغريب بالنسبة لي وهو :



تانكي البنزين ماهو حديد مصنوع من قيبر ( بلاستيك ) والطامة الآخرى غير محمي باي صاجة . الموتر دبل يعني لابد من الخروج بين الحين والآخر للبر
طيب اذا انا مسرع ووطيت حصاه مثلا ما ذا يمكن ان يحدث ،،، تخيلوا ذلك
الله لا يقدر شر ......


:eek:انا مستغرب سيارة للبر باعتبارها دبل يكون التانكي بلاستيك !!!!:eek:


موضوع آخر يحتاج لتنزيل موضوع مستقل : المعناة التي حصلت لي بعد اكتشاف البطارية انها خربانه وعلى ما يغيرونها جلست أكثر من ثلاث ساعات ونصف للتغير البطارية .



هذي صورة التانكي




http://im9.gulfup.com/2011-08-23/1314139903191.jpg


وعليكم السلام ورحمه الله
صادق التانكي يجي فيبر شفت كيف وله اصلان صاجه حمايه من اسفل تجي من بلدها
انا طبقت في احدى وكلات جي ام سى في مكه شفت النصب عيني عينك خش الصيانه واذا قالك ممنوع تهاوش مع ولا عليك منه شف موترك وافحصه وذا فيه عيب ولا شىء رح للمدير الصيانه اقلب الوكاله فوق تحت حقك لا يضيع
وتقبل مروري

[الجندي2005]

وعليكم السلام ورحمه الله

صادق التانكي يجي فيبر شفت كيف وله اصلان صاجه حمايه من اسفل تجي من بلدها
انا طبقت في احدى وكلات جي ام سى في مكه شفت النصب عيني عينك خش الصيانه واذا قالك ممنوع تهاوش مع ولا عليك منه شف موترك وافحصه وذا فيه عيب ولا شىء رح للمدير الصيانه اقلب الوكاله فوق تحت حقك لا يضيع

وتقبل مروري



وله اصلان صاجه حمايه من اسفل تجي من بلدها

هذي ما فهمتها !!!!!!!!!!!!!!!!!!!!!!!!!!!!


,

[مسير عليهم]

هذا تانكي بنزين والمصنع مايفرط بسمعته يوم حطه

هذا مقاوم للحراره والكسر الا اذا استخدامك فوق الطاقه

[tevo]

السلام عليكم انتم مكبرين الموضوع اكبر من حجمه.
أول شي الي يتحسب علي الوكلاء وش لهم دخل الوكيل فيه مواصفات ملزوم فيها من الأساس ما تتفصل السيارة علي كيفه تفرق من ناحيه الاكسسوارات والكماليات بس الي ممكن يتحكم فيها.
وبعدين ياخوان من عمره مر عليه احد تانكيه انشق من حصاة او شي كذا نااااااااااااااااااااادر ما تصير.
وغير كذا الفيبر الحين فيه نوع مقاوم للصدمات المعقوله وضد الصداء وبعدين لو تفكر فيها شوي مكان التانكي بعيد عن الكفر الأمامي يعني الكفر لو بيرمي حجر موب واصل لتانكي والكفر الخلفي بيرمي ورا السيارة يعني موب حاك التانكي في الأرض الا في عقم او حصات تكون مرتفعه ولا تنسي ان الدفرنسات والاستبنه اقرب للأرض يعني لو بتصقع شي بتجي في الدفرنس.
اما بالنسبه للحديد فهو يصدي ولو جتة ضربه انعفط وغير الحرارة .
لا تكبرون الموضوع وعطو الخبز خبازه.
السيارة والمواصفات الامريكيه تجي بلاستك يعني لو فيها مشكله او ضرر ما سمحوا فيها وبالعكس ممكن ان البلاستك أأمن من الحديد.
وبضرب مثال لأنبوبة الغاز الجديده القديمه حديد والجديده بلاستك وهي افضل وأأمن من الحديد يتم اخبارها في الحريق و قوة تحملها وكان تحملها افضل وأأمن من الحديد.
http://www.youtube.com/watch?v=GMkZVdlIyrs
شوف هذا المقطع وبعدها بتحمد ربك انه فيبر .
وانا عن نفسي معاي مديل 2003 وطامرت فيه الين ما شبعت وبما ان الي معاي طويل فأحيانن يحك من تحت في عقم والحمد لله ما عمره انشق التانكي ولو تنزل تحت تشوف التانكي تلقاه متحكك يعني جاته ضربات ولاكن الحمد لله سليم.
المشكله احنا نتكلم بدون علم ولا ندري وش خواص الخام الي مستخدم قدامنا نضن ان الحديد افضل وبس .
الحديد صح ممكن قوي لاكن ما يمتص اي صدمه لان ما فيه مروونه.
هذي وجهت نظري وتجربتي .

[راكب الشفر]

كل المواتر الجديده كذا ماجبت جديد
وموتري طالع عليه لين ماقلت بس والحمدلله ماصار شي

[حبو 1]

اخوي هذا بلا ستيك مقاوم وصعب انة ينكسر وافضل واخف وانظف من المعدن

[دل البحار]

عادي يا أخي عند الوالد 2011 عادي ما يخوف
بعدين السياره مي للبر البر والمطامرات لوللمطارمات خذ شاص
في أمريكا رمال تختلف عن رملك وألصحاري حقتك
عندهم الرمل البحري يجي ناعم لو يمشي عليه بتانكي مصنوع من جلد الدقل عادي ما يتأثر
لكن هنا شوك الشوكه تشق البدي فما بالك في تانكي
عموماَ لو اشتكوا منه اصحاب الأستخدام الامريكي وأتضايقوا منه رح يرجعونه حدبد

[الجندي2005]

تيفو :
المشكله احنا نتكلم بدون علم ولا ندري وش خواص الخام الي مستخدم قدامنا نضن ان الحديد افضل وبس



يعني هل يعقل ان الفيبر أقوى في تحمل الضربات من الحديد طيب ، يأخي خلهم على الفيبر بس يحطون تحت صاجة تحمي التانكي وتتحمل الحرارة


راكب الشفر :
كل المواتر الجديده كذا ماجبت جديد
وموتري طالع عليه لين ماقلت بس والحمدلله ماصار شي


وهل ادعيت انا بالإتيان بالجديد لم ادعي ذلك ولا اسعى إليه .
طلعت اخوي وين ...........


دل البحار :
بعدين السياره مي للبر البر والمطامرات لوللمطارمات خذ شاص



اخوي ومن يقول اني ابي اطامر بالبر ،، من زين الأزفلت اللي عندنا ، ياخي ابسط حاجة لوحجر مرتفع قليلا ومشيت من فوقه بسرعة ما ذا يمكن ان يحدث



كلمة أخيرة : يمكن ذكرتها سابقاً خلونها نفترض بمواصفات الفيبر انه أفضل من الحديد
طيب ليش ما عملوا صاجة لحماية التانكي ومن النوع الذي يتحمل الحرارة مرت علينا سيارات منعفط عمود الكرادن ما هو فيبر ما ينشق ، الذي يقول : اليوكن ليس للمطامرهذا معروف ، يكفي انه نازل من قدام نعرف هذا الشئ تماماً لكن الطريق يوجد فيه الكثير والكثير من العوائق حنا ما نمشي على رخام ،،،،،،،،




،

[* ابو باسل *]

بالنسبه للصاجه تجي في النوع المسمى ب زد 71 لانه مخصص اكثر شي للاماكن الوعره واعتقد انها عادي ياخي كل سيارات البر الحين واغلبها صار التانكي فيبر وكان عندي هايلكس 2010 دبل وتانكيها فيبر .

[fahad marzouq]

الله يستر ؟ ياشيخ معي تاهو 11 اخذت مطب بالبر ويوم رجعت البيت اكتشفت الصدام الامامي مكسور؟ كراتين مووب سيارات !!!! الله يستر بستره

[الرعاك]

انا معي يوكون 2001 والتانكي فيبر ولا خليت بر ما رحت له
الفيبر المصنوع منه جيد وقوي ولا منه اي خوف

[ابوعقل]

ما أشوف ان الموضوع خطر يالجندي

وهو سميك مره

لو تشوف التانكي اللي عندي انواع المخوش

والحمد لله ما فيه الا العافيه

اما البطاريه

الله يعين بس

ما فيه بطاريات مثل اول

البطاريه الحين حده سنه وغير

الله يعين

[الجندي2005]

بالنسبه للصاجه تجي في النوع المسمى ب زد 71 لانه مخصص اكثر شي للاماكن الوعره واعتقد انها عادي ياخي كل سيارات البر الحين واغلبها صار التانكي فيبر وكان عندي هايلكس 2010 دبل وتانكيها فيبر .



يعني ممكن تركيبها على اليوكن ،،،،،،،،،،،،،
بس خايف اركبها يروح الظمان تعرف يدورون أي شي حجة ،،، شاكر مرورك العطر

الله يستر ؟ ياشيخ معي تاهو 11 اخذت مطب بالبر ويوم رجعت البيت اكتشفت الصدام الامامي مكسور؟ كراتين مووب سيارات !!!! الله يستر بستره

الله يستر علينا وعليك وعلى جميع المسلمين ، تأكد من التانكي

انا معي يوكون 2001 والتانكي فيبر ولا خليت بر ما رحت له
الفيبر المصنوع منه جيد وقوي ولا منه اي خوف

الله يطمنك ، شاكر مرورك



ما أشوف ان الموضوع خطر يالجندي



وهو سميك مره


لو تشوف التانكي اللي عندي انواع المخوش


والحمد لله ما فيه الا العافيه


اما البطاريه


الله يعين بس


ما فيه بطاريات مثل اول


البطاريه الحين حده سنه وغير



الله يعين


تسلم والله يستر عليك ما يخالف حتي لوكان سميك انا اقول : ليش ما عملوا حماية بصاجه له ويبقى فيبر على حاله، ما كملت البطارية سنة مطلع الموتر بشهر (2) الماضي ، لكن الله يعين ,,,,
لكن وين بدوي جنوبي ما علق على الموضوع .


,