لاهل السفاري

[عابر سبيل]

السلام عليكم ورحمة الله وبركاته ،،،،،،،،،

ابي اسألكم ياشباب الله لا يهينكم عن تانكي المويه حق السفاري م 99 .........؟ وش أفضل طريقة لتركيبه
هل ممكن تركيبه تحت السياره والا لازم تلغى المراتب الخلفية وينحط محله بالشنطة

واذا امكن اسم المحل او الورشه اللي تنصحونا فيها ...


والله يعطيكم العافية .

[الشبارم]

اخي عابر سبيل

السلام عليكم

اود ان اعطيك وجة نظري المتواضعه و هي هناك طريقتاً

1- ان تلغي المرتبة الاخيرة و يكون التانكي واقف ورا المرتبه الثانية او ان يكون مسدوح في الشنطه.
2- ان يكون التانكي مسدوح ورا المرتبة الاخيرة و تاخذ بالاعتبار مقاس المساحة بين البان الخلفي و الرتبه الاخيره و هي في وظعوها الطبيعي .

المشكله اذا سويت النمط الثاني, عندما ترفع الراتب الاخيره يكوم عندك جفرة. اذا كنت تستخدم الموتر يومياً
مالك ال الطريقه الاخيرة, و يمكن تغطية الجفرة بالطبق و يكون عندك الاتي:
في مؤخرة الموتر عندما تفتح الباب الخلفي ما تشوف الى التانكي و من وراه يوجد مستودع تحت الطبق الاغراض الموتر من عده , عفريته "تمساحه" و غيره من الاغراظ.

اذا انت من الرياض اعرف و رشتين و هما اليحيى و تتخصص هذه الورشه في توانك المنيوم
و ورشة الزايدي و هذه الورشه متخصصه في الستينلس ستيل

و اسف على الاطاله

اخوك الشبــــــــــــــــارم

[عابر سبيل]

عليكم السلام ...........

هلا بك اخوي الشبارم

يمكن ماوضحت انا الجيب اللي عندي كامل يعني اربع بيبان ويوم اقول الغي المراتب الخلفية اقصد الصغيرة اللي تجي ورا مرررره ....

وبعدين افهم من كلامك طال عمرك انه ما له طريقة يركب من تحت السياره بحيث نتجنب قدر الامكان العبث بالسيارة من الداخل ...

او ياليت تقول لي وين ورشة اليحيى فييه صناعية الرياض القديمة والا برا


في انتظار ردك الله لا يهينــــــــك

وشكلاا لتواصلك الكريم

اخوك عابر سبيل

[الشبارم]

اخي عابر سبيل

يامرحبابك

كان الشرح عن نفس الموتر الي معك و ورشة اليحيى في الصناعية القديمه.

الوصف " الاشارة الي عند السالم للقزاز توجه شمال و السالم للقزاز على اليمين , اول نافذ يمين و على زاويته الشماليه محل غيار زيوت , ادخل معها بالتجاه الشرق و اظاهر خامس او سادس و رشه على اليسار, المهم قدامها شارع يروح جنوب" و اذا ظيعت اسئل اي واحد و يدلك عليها.

انا الي اعرفه في 97 و ماتحت فيه محل تحت الباب الايمن الخلفي بسعة حوالي 60 لتر, اما 98 و مافوق فلا اعلام بس شيك تحت الموتر و عسا الله يرزك بمحل تحط فيه التانكي .

و اي خدمه ثانيه يامرحبابك
اخوك

الشبـــــــــــــــــبارم:cool:

[عابر سبيل]

ياخي والله الواحد مايدري هو في الماسنجر ولا موقع تشات ...............

ياكود الواحد يطلب طلب الا والرد على طوووووووووووول

ما اقول الا بيض الله وجهك وماقصرت ويعطيك الف عافية وعسانا نخدمك بالافراح ياحبيبي

اليوم انا رايح عندهم انشاء الله وابشوف وارد لكم



ومع اطيب تحياتي

[عابر سبيل]

السلام عليكم .........

الحقيقة رحت امس مثل ما قلت لك اخوي الشبارم ويالله لقيت الورشة ((( وماش مالقوا للتانكي محل تحت السيارة)) وفريت لين قلت بس من العصر الين اذن المغرب عند تقريبا اغلب الورش ............ ولكن بدون فايده.

الحل الوحيد هو داخل السيارة بحيث تلغى المراتب الصغيرة الخلفية مره ويسدح بالارض بس هل قيمته بحوالي الف ريال تقريبا ارتفاع 20 سم وعرض مترين وعشرينوطول مثر وثلاثين ... ستل ستيل

سعره معقول ولا غاااااااالي


والسلالالالام

[الشبارم]

و عليكم السلام

اخوي عابر سابيل

من الواضح انك بتركب ستينلس ستيل و الصراحه الي اعرفه انه افضل من يركب هم و رشة الزايدي
و تراهم يصلخون مع العلبا بس خذ شغل نضيف و لا مشاكل , اما بالنسبة للورش الثانيه والله ما عندي خلفية عن شغلهم ولا الاسعار.

و السلام
الشبـــــــــــــــارم

[ابو عطفة]

السلام عليكم جميعا
لا تستعجل بتركيب التانكى اذا انك ما ركبتة
فية روايات فرنسية ممتازة مجربها شخصيا لا يتغير فيها طعم الماء
وذات سعات مختلفة تبدا من 100 لتر حتى التريلة نازلة للسوق قريب
ولكم تحياتى

[عابر سبيل]

:good: الله يعطيك العافيه .....

وآسف على التأخير ولكن ياليت تعطينا فكره عن حجم هالراويه ووين بتنزل وبكم السعر تقريبا


وشكرا لك اخوي ابو عطفه

[البوصلة]

الله يسعد اوقات الجميع بالخير.
تبي الراي اياك تحط التانكي داخل السفاري . قل لــــــــــــــــــيش؟
اقــــــــــــــــــــولك : اذا انكب الماء على فرش السيارة الله يعينك على رائحة الفرشة وزد على ذلك الصدء الذي يحدث من ذلك وكذلك صوت الماء داخل التانكي حتى ولو وضع قواطع داخل التانكي ...
وتحياتــــــــــــــي للجميع

[راعي الحزم]

مساكم الله بالخير يالربع راعي الخلاء ماله الاتانكي بلا راوية بلا حكي فاضي شل المراتب الي وراء واسدح التانكي وحط فيه شنطة عدة ومكان للبندق ( مخفي ) وتوكل على الله خل الموتر يخدمك لاتخدمه للزبون
والله ياسدحة المراتب ونومة فيه بالمطر انها تسوى قيمته ( طع شوري الماء مامثله بالسيارة )

[صقر]

الاخ عابر سبيل
الاخوان الأعزاء

السلام عليكم ورحمة الله وبركاته.

تانكي الماء للباترول الــ (98) فما فوق ليس له مكان تحت السيارة الا في الخلف وبالضبط خلف وأسفل تانكي البنزين ولكن هذا التانكي صغير جدا ولا يفي بالغرض المطلوب لأنه صغير جدا

والحل اللي سويته انا وضعت التانكي داخل السيارة خلف المرتبة الثانية وقمت بإزالة المراتب الخلفية كي احصل على تانكي يفي بالغرض ويتسع لـ (100) لتر واعتقد ان هذا هو الحل الامثل

والسلام

[عابر سبيل]

شاكر لك ردك لخوي صقر ...


والله يعطيك العافيه شكلها مالها الا كذا ... والله يعين


سلالالالالالالالالالالالالالالام

[kty]

الاخ عبر سبيل

الحقيقه بعد عدة تجارب وجدت ان التانكي خلف المرتبة افضل من عدة نواحي
1- يحفض التانكي من ان ينطعج او ان ينشق من ضربة حصاة اوغيرة
2-عدم العبث به من قبل الاطفال
3- لايزيدالحمولة ؟ اي اذاكان تحت السيارة اي في خلف السيارة من تحت يكون اكثر حمولة على السياه تكون
الحمولة كلها في الخلف فينزل خلفي السيارة ويرتفع امامي السيارة
اما اذاكان داخل السيارة تكون الحمولة على الدفرنس مباشرة ليس على الشاصي
4-داخل السيارة يأخذ التانكي اكثر التار من الماء

تذكرت اترك عنك اما تركب تانكي ماء بالف ريال هذا هبال هبال هبال هبال:mad: :mad: :mad: :mad:
ياخي واحد مركب تانكي ستيل زي الي تقول والله العضيم بعد سنه مصدي مصدي مصدي مصدي

على فكرة ركب تانكي واق احسن وانسب ولاياخذ مساحة وياخذ التار كافية

ياخي فيه مركز الذيب عندا في بريدة يركب توانكي (فيبرقلاص)ممتازة وعملية وعلى الحجم الي تبي والألتار الي تبي والشكل الي تبي

تحياتي للجميع:D :D :D :D :D