بكر جير خلوي موضوع للنقاش ..!

[البرنس الليبي]

أحبتي في الله ..اسأل الله ان يتقبل منكم الصيام والقيام .

إذا ضاع فرخ حر جير فاعل في الحبارى والكراوين من صقاقير قانصين في اي دولة يتوفر فيها المقناص والجو المعتدل السنه هذي وتم شبكه السنه اللي بعدها وتم التعرف عليه بحجل او شريحه او بريشته ولونه المتميز.

ماذا يطلق عليه ؟

هل يمكن نقول عليه بكر جير خلوي لأنها تخلوى سنه كامله وشابط الوحوش وشاركها في فرايسها وللا وش نسميه؟

[راشد حسين]

اكيد يطلق عليه قرناس هوى (خلوي)

[F77]

السلام عليكم ورحمه الله وبركاته
ههههههههههههه
اجل قرناس هوووى
وش هالابداعات



شاكر لك

[رعد البوادي]

جرناس هوى وانا اخوك

[بوعبدالعزيز22]

السلام عليكم ورحمة الله وبركاتة ,,,,جرناس هواااا خلوي

[ربع خالي]

أعتقد يقال عنه جرناس هوا
عند واحد من الربع شاهين بحري وبعد رجوع الكراوين ، قيضه وبعدها بعشرين يوم قص الطير وطلع من مقيضه
وفي شهر عشره صيد الطير على البحر ، وكان مرقع بثلاث ، وأطلقوا عليه جرناس هوا .
والرجال عرف طيره من علامه واضحه في الطير ولاتتغير .

[أبو أمين]

يا مرحبا

انا اشوف انها شئ عادي لانني ما نسبه الطير لنوع او جنس ثاني

المسأله وما فيها انه طير ضاع من المزرعه او الصقار وعاش على كيسه ويستاهل انه يستحق هذا اللقب

وبعدين الناس مدري ليه مستغربه

الجير حر او الجير شاهين او اي طير مهجن او مفرخ في الأسر يظل طير جارح ورب العالمين حط فيه غريزه الصيد والهجره ولا يمكن

انها تسلب منه لو تدخل الجن والأنس مع بعض , زي ما الحيوانات المفترسه مثل الاسد والنمر مهما عاشت مع البشر

من صغرها ودجنوها الا ما يجي يوم ياكل راعيه .

تحياتي

[alrshedi]

يا مرحبا

انا اشوف انها شئ عادي لانني ما نسبه الطير لنوع او جنس ثاني

المسأله وما فيها انه طير ضاع من المزرعه او الصقار وعاش على كيسه ويستاهل انه يستحق هذا اللقب

وبعدين الناس مدري ليه مستغربه

الجير حر او الجير شاهين او اي طير مهجن او مفرخ في الأسر يظل طير جارح ورب العالمين حط فيه غريزه الصيد والهجره ولا يمكن

انها تسلب منه لو تدخ
ة
الجن والأنس مع بعض , زي ما الحيوانات المفترسه مثل الاسد والنمر مهما عاشت
مع البشر


من صغرها ودجنوها الا ما يجي يوم ياكل راعيه .

تحياتي جزاك الله خير يابو امين كلام سليم والله يبيض وجهك

[ابو فهاد0]

قرناس هوا يطلق عليه

واخوي ابوامين ماقصر معك شرحلك اياها

[البرنس الليبي]

بيّض الله وجيهكم جميع وكل من قال قرناس هوا اتفق معاه ولكن شكل الطير وكبره وريشته تدل على انه جير فهل يجوز ان ننفي صلته بالجير ..!؟يعني نقول قرناس هوى وحش فقط ..او نقول جير قرناس هوى !

[الصقار10]

السلام عليكم جميعا .. وبعد،
عرف قرناس الهوى : ........
عند تعريفك لقرناس الهوى مجرده قم بعد ذلك بتطلبقها على اي طير ، وتأكد من انه استوفى شروط قرنسة الهوى وفي هذه الحاله تستطيع ان تقول هذا الطير مقرنس هوى او لا سواء كا ن ساسه تفريخ او وحش
علما أن مدة القرنسه تعنى الشيء الكثير .. يعني مو يجينى واحد ضاع منه طيره شهر ويقول قرناس هوى ؟
والله اعلم

[راعي الدويمع]

الله العالم أن قرناس هوا تطلق بس على القرناس الى من نشئته وهو في الطبيعه فقط وغير ذالك لا

[النـادر]

قرناس الهواء ماله دخل بالفصيلة

حر والا جبلي والا بحري والا وكري والا جير والا حتى هجين
اصلا وش معنى قرناس :هو الطير اللي بدل ريشه الحولي بريش السنه ويبدى من البكر الى موته
والقرناس على حذفت الريش كانه في عشه والا مربط سمي قرناس بيتي وان كانه على كيسه فالخلا سمي قرناس هواء او خلوي كلها سواء حتى لو انه بحجول مفرخته وقرنس قرنسه كامله خلا سمي خلوي سنته

[ابوعزيز2007]

ماقصرو الاخوان وانا مع ابوايمن

[@قرناص@]

قرناس الهواء ماله دخل بالفصيلة

[وبران المري]

قرناس الهواء ماله دخل بالفصيلة

حر والا جبلي والا بحري والا وكري والا جير والا حتى هجين
اصلا وش معنى قرناس :هو الطير اللي بدل ريشه الحولي بريش السنه ويبدى من البكر الى موته
والقرناس على حذفت الريش كانه في عشه والا مربط سمي قرناس بيتي وان كانه على كيسه فالخلا سمي قرناس هواء او خلوي كلها سواء حتى لو انه بحجول مفرخته وقرنس قرنسه كامله خلا سمي خلوي سنته



ماقصر النادر

كلام ماعليه غبار

ولاهان صاحب الموضوع

[قرناس الكويت]

التفريخ او التهجين اذا قرنس خلا
ينقاله .. قرناس هوا

لكن ما ينقاله .. جير خلوي ..

ينقاله .. جير قرناس هوا

لان الخلوي .. أول شي لازم يكون منشأه خلا وثانيا ً .. قرناسه خلا


والجير او التفريخ منشأه تحت عنايه الأنسان ( المزرعه )
وبذالك ما يتسما خلوي .. بأي شكل من الأشكال

وهالكلام بعد مشوره الصقاقير الخبرا اللي اعرفهم
واللي نثق بكلامهم

[البروالطير]

السلام عليكم
الموضوع غريب علي أخوك أشوي لكن السبب اني ما دخلت عالم الاجيار والتهجين
مازلت علي عهد الشياب لولين يا صقر نداوي يا حصاوي يا اسقاوة يا ابحارية يا قرناص شواهين
(قرانيص قش/شواهين ابرينيات...ابحرية سريرة يسميها البعض)
اذا وجدها صاحبها ولة علامة مميزة مشهور بيها الطير ...اذا فالطير طيرة
كان بودي اشترك معكم فالنقاش لكن كما ذكرت اعذروني لعدم خبرتي وسوف اتابع الموضوع للتعلم من خبرات الصيادين.ولك جزيل الشكر.

[(هزاع)]

السلام عليكم
سبق ان دار نقاش في هذا الموضوع وكان للدكتور البراء ال عثمان راي ومداخله
قال / سوف ياتي في السنوات القادمه( قرانيس هوا )قد اضاعها اصحابها وعادت مع الطيور العابره
وسوف تتزاوج باذن الله مع حرار وياتي الفروخ ثري اذا كان الذكر حر والانث جير شاهين
والفرخ(فور) اذا كان الذكر حر والانث تفريخ ثري
لان كان سؤالي للدكتور عن طير التهجين هل هو عقيم فاجاب ليس عقيم
ويمكنه التزاوج والانتاج وتخوف من المستقبل ياتي فروخ مهجره بالعبور من اصل مهجن
(فور وحش مهاجر)رابط المناقشه
http://www.mekshat.com/vb/showthread.php?t=459136
ابومشعل

[محمد الفهيد]

فيه طيور ضاعت من اهلها وبعضها ضاعت من مزارعها
جيره شواهين وحرار
وقرنست في الخلا
وانطرحت في ايران لقربها من الخليج - وانعرفت من الحجل والسبوق متقطع
يعتبر الطير جير خلوي ( لأنه قرنس خلا )
وياليت اذا الطير موجود عندك نشوف صوره له

تقبل مروري

[قرناس شماالي]

الطير يقاله قرناس هوى

[قرناس بيتي]

آلهجين آو الجير آو التفريخ آو اي فصيله من الطيور الجآرحه عندمآ يحذف ريشه على كيسه ويقرنس بخلآ يطلق عليه قرنآس هوى حتى لو كآن باشق آو عقاب او ابو حقب آلمهم آي فصيله من الطيور آلجآرحه مآلهآ دخل في هجين آو تفريخ آو جير نفس الشي الطير اللي يبدل ريشه في مربط يسمى قرناس بيتي والطير اللي على كيسه يقرنس بالهوى( قرنس على هوى نفسه )يعني الطير قرنآس خلوي <===== آتوقع مايحتآج نشرح اكثر من كذآ يعني آمرح بالخلآ وتعلم اللكآعه وضربته الشمس والحر وصاد وفرس على كيسه حتى طريقته مع الهبآيب عرف شلون يجي الصيده معآه اصبح الطير جير وحش <=== ليش وحش .... لآنه عآش حآلآت آلوحش نفس اللي يسويه الجير الوحش صار الجير هذآ زيه بالضبط مآفي آختلآف..... لآتقولون كآن <____ كآن كآن هذي خلصنآ منهآ من يوم بدل الطير ريشه .... وسلآمتكم هذآ رآيي آلشخصي آلمتوآضع جدآ

[اقدم صقار]

السلام عليكم
الطير يسمى قرناس جير هواء وليس قرناس خلوي
لان الخلوي هو الطير اللي ما قد انصقر ولا ربط السبق برجله
اما قرناس هواء هو الطير اللي ضايع او قاطع سبقه وقرنس على كيسه في الخلاء وانا اعتبر اي طير قرنس في الخلاء انه قرناس خلوي
والعلم عند الله
اخوي راعي الموضوع انا اشوف انك تبي تجرد الطير الجير من كلمة جير !!!
الجير طلق وجهه وماهو عيب وصدقني فيه جيره اغلى من الطيور العاديه
اخواني اسف على الاطاله
تقبل مروري

[تميم2222]

اغلب الطيور الان مفرخه ....وتباع على انها اصيله ...يعني ماعد فيه فرق .. والوحوش اللي عليها الكلام..نادره حتى لو ريشتها عاااديه ... تقبل مرور