مشكلتي مع البطارية الاضافية على هايلكس 4×4

[مسيو2001]

السلام عليكم
مساء الخير على الجميع وتقبل الله منا ومنكم صيامه وقيامه
عندي مشكله وياليت القاء لها حل عندكم وجزاكم الله خير
المشكله : موتري هايلكس دفرنسين وقمت وركبتله بطارية اضافية منوع اوبتما 75 انمبير
وهذي صورة البطارية
http://www.mekshat.com/pix/upload05/images224/mk21252_img_0444.jpg
والدقمه وهذي صورته

http://www.mekshat.com/pix/upload05/images224/mk21252_img_0446.jpg

http://www.mekshat.com/pix/upload05/images224/mk21252_img_0445.jpg

المهم البطارية الاظافه فحصت الكهرباء فيها ما تعطي شحنه كامله 12 وكسور
قالي واحد من الشباب ركب هالمنظم وما تحسف ابد وهذي صورته

http://www.mekshat.com/pix/upload05/images224/mk21252_img_0449.jpg

شريته من محل المرباع بعنيزه الزبده ركبته لمدة شهر تقريبا وبعد قياس البطارية نفس الشي مع ان الكيبل الى جاي من البطارية الاساسة مقاس 10ملم حراري .
المهم اليوم بداء هالجهاز الله لايعيده ما يشحن وقررت اني ارجع الدقمه الاولى


الزبده قالي الكهربائي المشكله في دينمو السياره ضعيف ما يقدر يشحن بطاريتتين
وان المشكله بالهايلكسات كلهن دينموه ضعيف

الحل هل فيه دينمو يركب كبديل عن الاصلي حقه ويكون كهرباه قوي

اسف على الاطاله

وياليت القاء حل

[صاحب الكشتات]

اتوقع فعلا الدينمو ولكن يفيدونك الاخوان بس الي اعرف ان الجهاز منظم للشحن يساعد الدينمو ولكن سؤالي كيف بطارية اوبتيما وهل هي قوية وكم سعرها ومن وين لاني بصراحة ودي بوحدة اذا افدتنا الله يحفظك ويسر امرك

[قدر مكتوب]

عندك دينمو الكزس اذا حصلت احد يرهمه لك تراه يبي يوفى بالغرض والله اعلم ولو تشوف لك كهربائي شاطر يمكن ماتكون المشكلة بالدينمو يمكن من شي ثاني فلا تغيير قبل ماتتاكد 100% وخل الخساير اخر شي
كفانا الله واياك وكل مسلم شر الخساير

[عـبـود 911]

كم موديل موترك ..

وحاول تشوف دينمو بديل مثل الكامري أو الجيب القديم مثلا

[أبوعابد 22]

أفادوك الربع

[مسيو2001]

السلام عليكم
يمال اليسر والعافيه
جزاكم الله خير
موديل موتري 2006
ياليت تعرفون لي دينمو يكون قوي ويركب عليه

بالنسبه للبطارية 100% ممتازه انا شريته من محل ببريده اسمه 4×4 1700 ريال
وفيه محل بمدينة الرس اسمه العبيشي للبطاريات اليوم شفته وعنده سعرها ارخص 1500 اخت بطاريتي
ولمعرفة تفاصيل اكثر عن البطارية تفضل
optima (http://www.optimabatteries.com/optima_products/yellowtop/specs.php)

[عبدالله7777]

الله يكتب الي فيه الخير

[العيون99]

الاخ مسيو السلام عليكم .........
انا عندي نفس المشكله ولقيت الحل وهو بسيط جدا جدا جدا ..........!
الدنمو ممتاز لاتغير فيه شي فقط دع كل شي طبيعي وطلع سلك كيبل من البطاريه الاساسيه يروح للبطريه الاضافيه يكون مار على دقمة جمس يدخل منها الكهرب ويطلع تكون مشبوكه على كهرب المساحات علشان إذا طفيت السياره ينفصلن عن بعض وتأكد من السالب مايسما الماص حق البطاريه الاضافيه يكون ماسك على حديد البدي كذا تكون البطاريه دائمان شاحنه فما يحمل الدنمو ..... واي استفسار انا حاضر للمعلوميه سيارتي مثل سيارك هيلوكس 4

[صاحب الكشتات]

يعطيك العافية على الإفادة واظن اخونا العيون 99 ماقصر عطاك الحل بيض الله وجيهكم

[مسيو2001]

الاخ مسيو السلام عليكم .........
انا عندي نفس المشكله ولقيت الحل وهو بسيط جدا جدا جدا ..........!
الدنمو ممتاز لاتغير فيه شي فقط دع كل شي طبيعي وطلع سلك كيبل من البطاريه الاساسيه يروح للبطريه الاضافيه يكون مار على دقمة جمس يدخل منها الكهرب ويطلع تكون مشبوكه على كهرب المساحات علشان إذا طفيت السياره ينفصلن عن بعض وتأكد من السالب مايسما الماص حق البطاريه الاضافيه يكون ماسك على حديد البدي كذا تكون البطاريه دائمان شاحنه فما يحمل الدنمو ..... واي استفسار انا حاضر للمعلوميه سيارتي مثل سيارك هيلوكس 4


اخي الكريم العيون99 يعطيك العافيه
نعم امس وانا ارجع الدقمه وشيل المنظم يوم شغلته اشتغل ماء المساحات بداء يبخ ماء وقالي الكهربائي ان الى مدد البطاريه غلطان علشانه شابك السلك مع دينمو المساحات وغيرت السلك وشبكه لي مع السويت .

طيب ياشباب وشو الدينمو الى يركبله غير حق بلده انا لقيت واحد 130 انمبير بس ما ادري هو يركب ولا لا ورخيص بعد مجدد


http://www.car-stuff.com/store/images/prodimage/images/quality-built/mpa13984_1.jpg

هــــــــــــــــــنــــــــــــــــــــــــا (http://www.car-stuff.com/carparts/toyota4runner20032009quality-builtmpa139841.html?prodSlot=Product+Listings+Page %3A11)

[رااس القطاه]

يفيدووونك العيال وان شاء الله تهون وتلقاء حل

[مسيو2001]

ان شاء الله

[لاتكب البيالة]

السلام عليكم
الدنمو ماله دخل بعدد البطاريات لو تركب 10 لان البطارية مجرد خزان يخزن الكهرب يعني الدنمو يغير اذا كان ما يقدر يخدم الاحمال اللي عندك

[العطة]

السلام عليكم ورحمة الله وبركاته

الدينمو مافية مشكلة , قدرة على بطارية واحد.

الحل السهل شاحن بطارية على الكهرب قيمة 150 ريال تقريبا.

ابوعبدالاله

[BLA6K]

أخوي لو أفترضنا أن الدينمو مايشحن بطاريتين
طيب أنت بيكون عندك بطاريتين
1- بطارية أساسية
2-بطارية أضافية
في هالحالتين البطارية الأساسية شي طبيعي تكون مشحونة ، والبطارية الإضافيه خلناَ نقول أنها فاضية يعني كأنك مركب بطارية وحده لأن اغلب الشحن رايح للإضافيه
فالأفضل انك تتأكد من شحن الدينمو هل هو يعطي 12 بدون تركيب البطارية الإضافيه أو عند تركيبها ينخفض ويعطي 12 اذا كان في كل الحالتين نفس القراءه تأكد من فحمات الدينمو

[كثير السؤال]

شكلك دايم تكشت بالغضا

http://www.toyota4arab.com/forum/t160721.html

[مسيو2001]

السلام عليكم
الدنمو ماله دخل بعدد البطاريات لو تركب 10 لان البطارية مجرد خزان يخزن الكهرب يعني الدنمو يغير اذا كان ما يقدر يخدم الاحمال اللي عندك

اخي الكريم بالععكس خويي مهة جيب فتك وركب نفس بطاريتي واذا فحصنا بطاريه تعطيك 13.70 واذا شغل السيارة ماشاء الله 14.25 ودينمو السيارة 100 امبير

اما بالنسه لي دينمو السياره 60 امبير ويعطين 12.44 واذا شغلت السياره 13.25
صرحه فرق موتره يعطي شحنه كامله ولا واليوم ماشاء الله عليه اكتشفت ان البطاريتتين الى عنده الاساسية والاضافية جميعها اوبتما 75 انبير الصفراء....وشكراً لك


السلام عليكم ورحمة الله وبركاته

الدينمو مافية مشكلة , قدرة على بطارية واحد.

الحل السهل شاحن بطارية على الكهرب قيمة 150 ريال تقريبا.

ابوعبدالاله
اخي الكريم صعبه شوى وش الفايده كلما فضت ادور كهرباء واشحنه ....وشكراً لك


أخوي لو أفترضنا أن الدينمو مايشحن بطاريتين
طيب أنت بيكون عندك بطاريتين
1- بطارية أساسية
2-بطارية أضافية
في هالحالتين البطارية الأساسية شي طبيعي تكون مشحونة ، والبطارية الإضافيه خلناَ نقول أنها فاضية يعني كأنك مركب بطارية وحده لأن اغلب الشحن رايح للإضافيه
فالأفضل انك تتأكد من شحن الدينمو هل هو يعطي 12 بدون تركيب البطارية الإضافيه أو عند تركيبها ينخفض ويعطي 12 اذا كان في كل الحالتين نفس القراءه تأكد من فحمات الدينمو

السؤال اخي الكريم هل الدينمو يعطي البطارية شحنه كامله او لا يعني اذا كان دينموك 60 انبير يبيلك قرابت الساعه تدور على السياره علشان تشحن.
اما اذا كانت 100 انبير اعتقد تفرق هذا والله اعلم
انا ودي اعرف بس ابي دينمو 100 انبير او اكثر يركب على الهايلكس...وشكراً لك


شكلك دايم تكشت بالغضا

http://www.toyota4arab.com/forum/t160721.html

ههههههه مجرد عصيفير اتحرا هالشتاء واستانس بهالخليان
تصدق امس داخل الموضوع الى انت حاطه بس ما ادري هل الفورشنل نفس دينمو الهايلكس ولا لا ...وشكراً لك

[معهم]

اخوي انا عندي هايلكس 2006 ومركب بطارية اوبتيما الحمراء 78 امبير ومركب المنظم وماشي مثل الحلاوة اعتقد عندك مشكلة في الاسلاك او التمديد تاكد
http://www.mekshat.com/pix/upload05/images224/mk21252_img_0449.jpg

[ابوصالح101]

سؤال البطارية الي انت مركب وش ميزتها هي الي تقعد اطول مده كما سمعنا

[هبوب العارض]

اقول تأكد من التمديدات او المنظم
انا اعرف ناس مركبين بطاريه اضافيه على الهايلوكس الدبل 2009
ولا احسن منها

[ابونورة15]

يفيدووونك العيال وان شاء الله تهون وتلقاء حل

[مسيو2001]

اخوي انا عندي هايلكس 2006 ومركب بطارية اوبتيما الحمراء 78 امبير ومركب المنظم وماشي مثل الحلاوة اعتقد عندك مشكلة في الاسلاك او التمديد تاكد
http://www.mekshat.com/vb/../pix/upload05/images224/mk21252_img_0449.jpg

اخي الكريم هل قست الكهرباء عندك .
هذي قرائة البطارية قبل تشغيل السيارة طبعا كانة 12.44 بعد ما شغلت اللنبات صارة

http://www.mekshat.com/pix/upload05/images224/mk21252_img_0451.jpg


وهذي الصورة بعد ما شغلت السيارة

http://www.mekshat.com/pix/upload05/images224/mk21252_img_0452.jpg


وهي صورة الجهاز الى قست فيه

http://www.mekshat.com/pix/upload05/images224/mk21252_img_0453.jpg

تخدمني اخي العزيز لو تعطيني قرائات بطاريك وشكرا لك مقدما


سؤال البطارية الي انت مركب وش ميزتها هي الي تقعد اطول مده كما سمعنا

اخي الكريم ابو صالح



السلام عليكم ورحمة الله
من مميزات بطاريات وابتيما
تحتوى على مادة جل مهو اسيد
ومن مميزات الجل ان البطاريه ضد الاهتزازات القويه وانه يعمر اكثر
يعنى البطاريه عمرها الافتراضى من اربع سنين الى خمس
سريعة التعبيه والشحن حتى فى حالة ضعف الكهرب اللى واصل
اكبر واطول مده من اى بطاريات اخرى فى الاحتفاظ بالكهرباء
ومن مميزاتها انها افضل شئ للملحقات الكثيره مثل الايكوم ومحول الكهرباء واللمبات
ومن مميزاتها انها تتحمل الحراره الزايده
واكثر امان من اى بطاريات فى العالم
يستخدمها الجيش الامريكى للسيارات اللى تكون مركز اتصلات وملحقات كثيره مثل سلاح الاشاره
كذالك فى سيارات الاسعاف حيث توجد اجهزه كثيره
افضل نوع على ماعتقد اللون الازرق حيث يوجد لكل من السالب والموجب اصبعين لتركيب الاضافات
طريقة الاختيار بتركيب الحجم المناسب هو انك تركب نفس حجم بطارية الوكاله للبطاريه الاساسيه للسياره
اما فى حالة تبى تركب بطاريه اضافيه تركب اكبر حجم من ناحية قوة المبير او على حسب التجيهزات الاظافيه
قيمتها بالكويت تتراوح بين 60دينار الى 85 دينار
وكيلها الغنام بصناعية الجهراء والشويخ فى شارع كندادراى
عسى ان اوكون افتدتك بالمعلومات البسيطه
والسلام عليكم



وشكر لمرورك

اقول تأكد من التمديدات او المنظم
انا اعرف ناس مركبين بطاريه اضافيه على الهايلوكس الدبل 2009
ولا احسن منها

اخي هبوب الي مركب لي البطاريه محل مشهور ببريدة وسعودي الى اشتغل فيها ..ولا وابشرك شيكت عليه عند كهربائي اخر وقال شغله تمام زي الوكاله ماشاء الله عليه وشكرا لمرورك


يفيدووونك العيال وان شاء الله تهون وتلقاء حل
ان شاء الله اخي ابو نوره ما يقصرون الاخوان

[صقرالعارض]

السلام عليكم نفس المشكله عندي بسيارتين الاولى جمس واذا ولعت المبات الكبوت تجلس حول الساعه وتفضي واذا شغلت السياره تتعبى شوي واخذت سلك اشتراك ووصلته على طول للبطاريه الاضافيه وخليه يعبي حول نص ساعه ثم افصله لان اذا ماسويت ها الطريقه تعبيت البطاريه تكون ضعيفة مع العلم اني مركبها عند مركز كبير بالرياض والسياره الثانيه نيسان باترول ومركبها عند الرمايه ونفس المشكله اولع المبات يمكن 10دقايق على طول تفضي وعشان اولع المبات لازم اسوي توصيله بين البطاريتين وفي الاخير تعبت منها وفصلتها واقولك ياطويل العمر المشكله ماهي من الدينمو بل من الكتاوت يفصل قبل ماتتعبى البطاريه ولكن المهندسين ماعندك احد الله يكون بالعون واسف على الاطاله ولكن حبيت اشاركك بمشكلتك واذا لقيت حل لها لاتنسانا الله يرحم والديك وجميع المسلمين .

[مسيو2001]

السلام عليكم نفس المشكله عندي بسيارتين الاولى جمس واذا ولعت المبات الكبوت تجلس حول الساعه وتفضي واذا شغلت السياره تتعبى شوي واخذت سلك اشتراك ووصلته على طول للبطاريه الاضافيه وخليه يعبي حول نص ساعه ثم افصله لان اذا ماسويت ها الطريقه تعبيت البطاريه تكون ضعيفة مع العلم اني مركبها عند مركز كبير بالرياض والسياره الثانيه نيسان باترول ومركبها عند الرمايه ونفس المشكله اولع المبات يمكن 10دقايق على طول تفضي وعشان اولع المبات لازم اسوي توصيله بين البطاريتين وفي الاخير تعبت منها وفصلتها واقولك ياطويل العمر المشكله ماهي من الدينمو بل من الكتاوت يفصل قبل ماتتعبى البطاريه ولكن المهندسين ماعندك احد الله يكون بالعون واسف على الاطاله ولكن حبيت اشاركك بمشكلتك واذا لقيت حل لها لاتنسانا الله يرحم والديك وجميع المسلمين .



اخي الكريم المشكله عندك اعتقد انه السلك الي بين البطاريتتبن وانصحك بسلك 10ملم

http://www.mekshat.com/pix/upload05/images224/mk21252_img_0454.jpg

تلقاه عند محلات قطع غيار الثلاجات ممتاز جدا وخامته حلوه

وانتبه للماص عندك يمكن ما يوصل زين للبطاريات الاضافية

[BLA6K]

انا ودي اعرف بس ابي دينمو 100 انبير او اكثر يركب على الهايلكس...وشكراً لك



من باب الفائدة أخوي سألت كهربائي أمس قالي دينمو المرسيدس يعطي 140 أمبير يمكن يفيدك..لكن لاأعلم يركب أو لا

[مسيو2001]

انا ودي اعرف بس ابي دينمو 100 انبير او اكثر يركب على الهايلكس...وشكراً لك



من باب الفائدة أخوي سألت كهربائي أمس قالي دينمو المرسيدس يعطي 140 أمبير يمكن يفيدك..لكن لاأعلم يركب أو لا

اخي العزيز دينمو المرسيدس ما يركب.
بس لقيت امس بالتشليح دينمو الكامري 2002 يقول العامل يركب بس لا زم تطول سلك الكهرباء قلتله طيب مو مشكله سلك الكهرباء ما دام القاعده نفسه لاكن كم يعطي دينمو الكامري قال مافي معلوم

[ابوصالح77]

أخي العزيز
ما دام إنك بالقصيم
الدقمة اللي أنت مركبها مو زينة
رح يم العبيدان لقطع غيار الإمريكي بصناعية السليم أو محله اللي بالشارع التجاري وخذ دقمة الجمس ورقمها D1793
راجع الرابط
http://www.mekshat.com/vb/showthread.php?t=326608
تقبل تحياتي

[مسيو2001]

يمال العافيه اخوي ابو صالح
لاكن المشكله بالدينمو مهيب بالدفمه
شكرا لمرورك

[ولد وايل]

عزيزي اذا سيارتك ديزل فالافضل كيبل كهرب من 20ملي وطالع

اذا بنزين كيبل كهرب 16مل وطالع

كذلك كلام ابوصالح الدقمه

عزيزي فائدة الدينمو شحن البطاريه اذا امتلت البطاريه يقفل اوتماتيك

يعني لا تفكر تتعبث بالدينمو


مجرد كيابل وراح تدعي لي

[مسيو2001]

عزيزي اذا سيارتك ديزل فالافضل كيبل كهرب من 20ملي وطالع

اذا بنزين كيبل كهرب 16مل وطالع

كذلك كلام ابوصالح الدقمه

عزيزي فائدة الدينمو شحن البطاريه اذا امتلت البطاريه يقفل اوتماتيك

يعني لا تفكر تتعبث بالدينمو


مجرد كيابل وراح تدعي لي

اخي الكريم ولد وايل ممكن تقولي افضل كيبل 16مل لان سيارتي بنزين

[ابوصالح77]

عزيزي اذا سيارتك ديزل فالافضل كيبل كهرب من 20ملي وطالع

اذا بنزين كيبل كهرب 16مل وطالع

كذلك كلام ابوصالح الدقمه

عزيزي فائدة الدينمو شحن البطاريه اذا امتلت البطاريه يقفل اوتماتيك

يعني لا تفكر تتعبث بالدينمو


مجرد كيابل وراح تدعي لي


كلام ولد وايل
سليم 100%
لا تلعب بالدينمو
مر على شركة سنا للكهرباء والهاتف بشارع الصناعة
وخذ منهم سلك 16 ملم
وفي التقرير موجود كل شيء
وفيه مداخلات مهمة للإخوة الأعضاء
تقبل تحياتي

[مسيو2001]

مشكور ابو صالح لمتابعتك الموضوع
المشكله الكيبل الى مركبه نفس كيبل خويي 10 مل حراري بس الفرق انه انا تايوتا وهو نيسان