طلب مشورة ..لا تبخلوا علينا .. الله يرضى عليكم

[البوقس]

بسم الله الرحمن الرحيم
السلام عليكم ورحمة الله وبركاته
أخواني أنا مقبل على شراء سيارة والسيارة هذي راح تبقى معايه لفترة لاتقل عن 9 سنوات يعني احتاج سيارة تتحمل وعملية
ياليت الأخوان يفيدوننا من واقع تجربة وليس من واقع سمعنا من فلان ومن فلان ...
ياليت الأخوان يفيدوننا من واقع تجربة وليس من واقع يقولون ويقولون ....
سواء السيارة جيب(دفع رباعي طبعا ) أو يكون سيدان ما فيه مشكلة .
طبعا ميزانيتي 100 ألف ريال والله يرزقنا واياكم .
ولكم خالص شكري مقدما ..:good2:

[شيخ المواتر]

إن كانك بتاخذ سيدان عليك بالياباني ( كامري او اكورد او غيره).
لأن الامريكي سيء في صناعة الـ 4 سلندر.

إلا إذا بتاخذ فورد فكتوريا.ولا تاخذ كابرس لأن رساوته لك عليها .

اما الجيوب تجيب لك فورتشنر و اسمع ان عزله للهواء سيء .


في النهاية يفيدونك اهل الخبرة.

[موادع 1]

الف مبروك مقدما
والله يكفيك شرها وشر غيرها
ليتك وانا اخوك حددت اكثر لتسهل المشورة
مثلا تبي دفع رباعي او مهوب ضروري
تبي سيارة عائلية ولاهوب ضروري الدفع الرباعي
تبي سيدان
تبي جديد ولا مستعمل

والله يكتب لك اللي فيه الخيرة الصالحة

وابشر بالخير الاخوان ما يقصرون

[وحيد الدرب]

أسأل الله أن يسهّل أمرك
بالنسبة لعمر السيارة ومدة بقاءها معك يعتمد على عدة أشياء منها نوعية السيارة وطريقة الاستخدام والصيانة
بالنسبة للدفع الرباعي .. فيه صديق قريب لي معاه برادو 2003 مشتريه من عام 1425هـ وماشاء الله عليه ما عمره راح لورشة فقط بنزين وزيت وفحمات (الأشياء الاستهلاكية) لكن لاتأخذ إلا ستة سرندل أما الأربعه لايقربك.
أو
باترول
بالنسبة للسيارة الصغيرة فيه سيارات يابانية (أفلون ـ أوريون ـ كامري)
الأمريكي
فورد وتقدر تفك واحد جديد ويبقى معك دراهم
لكن أنت تقول أبيه يبقى معي فترة طويلة حوالي تسع سنوات إن شاء الله وانا ما اعرف ظروفك ولا سنك لكن حط في بالك عدة اشياء منها حجم الأسرة خلال هذه الفترة وهل انت من هواة البر او لا؟
هذا ما لدي واتمنى أن اكون افدتك ولو بشيء بسيط
تقبل تحياتي

[البوقس]

إن كانك بتاخذ سيدان عليك بالياباني ( كامري او اكورد او غيره).
لأن الامريكي سيء في صناعة الـ 4 سلندر.

إلا إذا بتاخذ فورد فكتوريا.ولا تاخذ كابرس لأن رساوته لك عليها .

اما الجيوب تجيب لك فورتشنر و اسمع ان عزله للهواء سيء .


في النهاية يفيدونك اهل الخبرة.

الله لا يهينك يا شيخ المواتر وودي بسيارة ستة سلندر أو ؟أعلى

[البوقس]

الف مبروك مقدما
والله يكفيك شرها وشر غيرها
ليتك وانا اخوك حددت اكثر لتسهل المشورة
مثلا تبي دفع رباعي او مهوب ضروري
تبي سيارة عائلية ولاهوب ضروري الدفع الرباعي
تبي سيدان
تبي جديد ولا مستعمل

والله يكتب لك اللي فيه الخيرة الصالحة

وابشر بالخير الاخوان ما يقصرون


الله يبارك بعمرك وبالنسبة لي أفضل الجيب ... ولا هو بشرط يكون عائلي .. ويكون شكله مقبول ...و حجمه متوسط ستة سلندر أو أعلى

[البوقس]

أسأل الله أن يسهّل أمرك



بالنسبة لعمر السيارة ومدة بقاءها معك يعتمد على عدة أشياء منها نوعية السيارة وطريقة الاستخدام والصيانة
بالنسبة للدفع الرباعي .. فيه صديق قريب لي معاه برادو 2003 مشتريه من عام 1425هـ وماشاء الله عليه ما عمره راح لورشة فقط بنزين وزيت وفحمات (الأشياء الاستهلاكية) لكن لاتأخذ إلا ستة سرندل أما الأربعه لايقربك.
أو
باترول
بالنسبة للسيارة الصغيرة فيه سيارات يابانية (أفلون ـ أوريون ـ كامري)
الأمريكي
فورد وتقدر تفك واحد جديد ويبقى معك دراهم
لكن أنت تقول أبيه يبقى معي فترة طويلة حوالي تسع سنوات إن شاء الله وانا ما اعرف ظروفك ولا سنك لكن حط في بالك عدة اشياء منها حجم الأسرة خلال هذه الفترة وهل انت من هواة البر او لا؟
هذا ما لدي واتمنى أن اكون افدتك ولو بشيء بسيط


تقبل تحياتي


والله يسهل أمرك يا وحيد الدرب ..
أنا محافظ على السيارة أي تكون ...
وأنا مو من هواة البر بس اطلع من فترة لفترة وإلى حبيت أطلع أبي الموتر يجمل ..
وبالنسبة للأسرة بعدني ما تزوجت لكن قريب بإذن الله . وحجم السيارة يكون متوسط يعني إلى حد 4ركاب كفاية بس أهم شي يكون موتر جيد
والله لا يحرمنا منكم يا وجيه الخير . ..

[مسير عليهم]

شف وانا اخوك كلام ينقال خذ كامري والا برادو والا من هالاشكال صدكني ماتعيش معك

انت تبي موتر يريحك لمده طويله واستخدامك انت بس ونفسك بجيب

من تجربه الامريكي هو الواحيد اللي يصمد ويطول عمره اذا حافظت عليه ومايسوقه غيرك

عندك الهمر اتش 3 صغير ويجي 8 سلندر

اخوي معه اتش 3 ومكينته 5 سلندر في البر يطربك اذا انت رايق اجل لو هو 8 وش الوضع بيكون وانا جربته ابو 5 سنلدر صراحه جيد جداً في البر لكن في الخط ثقيل شوي

عندك فورد اكسبلور ابداع

والسيدان انت ورغبتك واقولها لك السيارة بتجلس معك فترة طويله احسب لنفسك الف حساب

الامريكي يمتاز في الامان والراحة

[النسيم العليل]

إذا طلعاتك للبر قلليلة خذ امريكي اريح وأرسى وإذا راعي بران ومطامر خذ ياباني دفع رباعي والله يوفقك في الاختيار المناسب

[البوقس]

مبارك عليكم الشهر
الله يعطيكم العافيه لكل من رد
اللي استفدته من ردودكم إنه للجيب يبغا له ميزانية أعلى ..
بالنسبة للسيدان اش رأيكم بالكابريس LTZ الجديد
وأعطوني رأيكم بالباجيرو الربع:)

[King الصيد]

والله انا انصحك بي الدفع الرباعي ال ياباني .. سواء تويوتا او نيسان

والفلوس تحكمك عندك البرادو والفرشنر 6 سلندر ممتاز والجيب باب واحد باترول ممتاز وشكيك

[اعاشق الهلي]

خذلك اكورد

[رهيب الرهيب]

خذ هايلوكس دبل او فورتشنر 6سرندل او نيسان باترول باب واحد

[محمد أبو حمد]

من واقع تجربة (( برادو )) ومهما تكون ميزانيتك .. ترى البرادو يستاهل ..

الموتر معي من عام 2006 .. ياربي لك الحمد ..

أما بقية الوكالات (( اللهم إني صائم )) ماودي أصف لك معاناتي مع (( أشهر )) الشركات المعروفة ..

وتقبل صادق الدعاء بالتوفيق

[عبدالعزيز بن احمد]

بسم الله الرحمن الرحيم

السلام عليكم ورحمة الله وبركاته .

مبروك عليك الشهر والله يعيننا على صيامه وقيامه

اولا ميزانيتك ممتازة
ثانيا ابعد عن الكابرس تراه بياكلك اكل بالمصاريف
وثالثا واحد من اخويي راح للجميح امس وشاف في الورشه عندهم 4كوابرس جدد كلها مشاكل في الحراره ووحده منهم ماشيه 300 كيلو بس بس :eek:
انا اقولك بما انت شباب ولا تزوجت الى الان خذ لك اوريون 97.000 شبابيه وشكلها ممتاز جدا جدا وتمسك سعرها عند البيع واذا تبي مواصفاتها ارسلتها لك على الخاص