المساعد الشخصي الرقمي

مشاهدة النسخة كاملة : ممكن تطرح رايك .....


alabewy
07/07/2011, 08:40 PM
السلام عليكم ورحمة الله وبركاته


حبيت استشيركم بالفورتشنر 4 سلندر دبل نظام تأجير
علما بان طلعاتي للبر قليلة يعني من شهر لشهر ولاهو بعيد
والسفر بالسنة حسنة

لاني سالت عن 6 سلندر وعبداللطيف تخبرونه يسلخ سلخ التوتل 170 الف مع التامين

والحين انتظر رايكم واتقبله بكل صدر رحب
Abo gssar
07/07/2011, 09:21 PM
طالما استخدامك للسيارة مثل ماذكرت اتوكل على الله واستخير
وان شاء الله يكتب لك الخيرة.
كانو1
07/07/2011, 09:49 PM
لا تقرب 4 سلندر
بالتوفيق
alabewy
07/07/2011, 11:03 PM
طالما استخدامك للسيارة مثل ماذكرت اتوكل على الله واستخير
وان شاء الله يكتب لك الخيرة.


لا تقرب 4 سلندر
بالتوفيق

يعطيكم العافية وبانتظار المزيد من الآراء
ذئب اليل
08/07/2011, 12:45 AM
اتوكل على الله
روحي بحايل
08/07/2011, 03:13 AM
خذ لك 2006 6 سلندر بحدود 63000 وكد واستفد ... ترى التأجير ما فيه خير ابد
alabewy
08/07/2011, 12:29 PM
اتوكل على الله

ونعم بالله الله يكتب اللي فبه خير ان شاء الله


خذ لك 2006 6 سلندر بحدود 63000 وكد واستفد ... ترى التأجير ما فيه خير ابد

والله ياخوك لو معي كاش كان وكان بس الرزق على الله
المصباح السحر
08/07/2011, 03:19 PM
والله نصيحه لا تتورط بنظام التأجير

والله نصب العام انا زيك جمعت لي مبلغ وقدره 30الف ريال ويوم قربت الصيفيه ابي اسافر وابي استانس والحرمه كل يوم

شكاوي من ذا الحر وش الدبره واروح لم الوكالات مافيه ألا قطع ارقبه ما يتفاهمون ويشور علي رجال عاقل

قال كم معك قلت 30 الف قال دور لك على قد دراهمك واشتر سيارة وافتك من اللوكالات وقرفها

وارفع يدي عقب الوتر يا رب يسرها واداوم والقى واحد من اخوياي نازل من سيارته قلت للبيع ياولد قلتها مزحه

قال للبيع قلت ب30 الف قال زدها وابيعك قلت لا ماعندي الا هي قال لو الف قلت تم

ولا جاء يومين الا الموتر عند الباب واسافر عليه وشفه سنة معي صيانه عاديه

بس نصيحه اطلب ربك وفك نفسك من الوكالات

ترا الزياده لوحدها قيمة سيارة والدفعه لوحدها قيمة سيارة

رحت تويوتا ابي جي اكس

قال الدفعه الاولى 65 الف قلت للمصري لو انها عندي ما جيتك شريت من المعارض وارتحت منكم

ونشوفك على خير
التعـ King ـديل
08/07/2011, 04:15 PM
اذا صامل على الفورتشنر خذه سته سلندر موديل قديم شوي 2009 ولا 2008 من شركه الوطنيه ورد بمبلغ حلو

ولا تاخذ اربعه سلندر يطفشك كنه هايلكس واذا ركبو فيه خمسه مع شناطهم مايسوى التالي من الغنم اكلمك عن تجربه

عندنا اربعه سلندر 2011
سلكي نت
08/07/2011, 04:21 PM
4سلندر ضعيف والسيارة كبيرة