عطل غريب الله فكنامن شره

[الدوسري دت كم]

السلام عليكم اخواني جميعا...
صارلي قصه عجيبه ياأخوان
قبل تقريبا عشرة أيام نويت اروح الى عروس البحرالاحمر جده .
حملت العفش والعزبه وأغراض الاولادياكثره من اغراض ,
وتوكلت على العزيزالحكيم ومشيت الصبح الساعه تقريباثمان ونص والسياره جمس يوكن 2005XL دنلي ,
ماشي ماعندي من الشيطان طريق ويوم جاوقت صلاة الظهرفي الرويضه وهديت واناأسمع
صوت ماهوب زين ابد ؟؟؟
تقول رمان عكس أوالكفرفيه مسماركبير أوشي من هالقبيل ,
وتجي ضيقة الصدروالهواجيس وش الحيله ياربي وش السوات مالكم بطول الهرج
أنسدحت تحت الموترأدوروأدور ولاودي العيال يدرون ان فيه مشكله عله تزين بحول الله .
المهم مالقيت شي غير طبيعي في تحتي الموتر.
صليناواخذنابعض الاغراض من المحطه ومشيناوأنابي من الضيقه مايعلم بها ألا الله .
الموتراذامشى فوق الستين راح الصوت وصارالوضع طبيعي جدا مافيه أي مشكله بس أذاهديت طلع الصوت قلت في نفسي ياالله ياكريم وصلني الطايف بس ونشوف لناحل هناك
وأرادالعزيزالحكيم ووصلت الطايف الساعه أربع العصرتقريبا .
وأجلس أتسمع لصوت في شوارع الطايف واناضايق صدري عيالي يقولون وش هالصوت اقول عادي يمكن الكفرفيه شي .أخذناغداناومشينا مع الهدا وتعال أسمع الصوت اذالفيت يمين مافيه مشكله وأذالفيت يسارطلع الصوت شكيت في رمانات العكوس وأشياءكثيره وأن ادعي الله يارب وصلناجده وهناك اشوف وش فيه والحمد لله وصلت جده تقريبا الساعه تسع ونص ليلا ...
وصاربكراوأجلس اسئل عن الورش الزينه وأكلم على الي اعرفهم من اهل جده المهم ماسويت شي كان الجورائع جداقلت الحمدلله يصبرالموتربعد شوي خلنا نتمشى في جده ونونس العيال ولاحقين علا الورش والغثا
بدا الصوت يزودوضاق صدري زود حتى العيال ضاقت صدورهم وش هالصوت يبه وش هالصوت واذانسيت الصوت ذكروني أياه المهم بعدتقريبا تسع ايام خلاص ماعاد ورا رحت لورشه قلت له شف الموترطلع وجرب الموترقال العكس عندك رايح وطي أغيره لك هالحين يالله وش رايك حنى هالحين وحنا ندورفي السياره قلت خل نرفع السياره طيب ونشوف وش السالفه قال أنامتأكد, رحناللورشه رفعنا الموترشيكنا على الرمانات الاماميه سليمه مافيه اي شي قالي اكيدعكوس أوكارونه يالله نفك ؟؟؟ قلت أصبرشوي يمكن ارسل الموترالى الرياض عشان فيه ورش أعرفهم وكذا ,
المهم اني صدقته تقريباوضاق صدري وهواجيس وتفكيروش السوات ماكم بطول الهرج ,
رحنا نصلي الجمعه صليناوطلعنامن الصلاة وجيت للموتروأثرفيه حرامي سرق أغطية المساميرحقت الجنوط أشوف الموترمن بعيدضيق صدري أدعي على الحرامي .
يوم قربت عندمساميردفرنس ورا أشوف المسامير شكله ماهوب زين كأنه مرخيه ؟؟؟ واجي افك واحدمنهن ولاه مرخي صدق وأشوف الثاني ولاه مرخي أنا استقبل القبله وأحمدالله العزيزالحكيم الي أرسل هالحرامي عشان أشوف المساميرمرخيه .
رحت أقرب بنشرقلت له فك كل الكفرات وشده ثاني مره , قالي سلامات وش فيك قلت سو الي أقولك عليه وبس .
قام الرجال ورفع الموتركله ويوم شاف المساميرالخلفيه أنهبل قال وش هذا ؟
قلت شوفت عينك قال الحمدلله على السلامه وشد المسامير ونزلنا الموتروقالي رح الله يحفضك وعيا ياخذ ريال واحد.الله يجزاه خيروالله انه ذيب ,,
طولت عليكم قوه بس قلت ناخذه سالفه وعبره حنى ياأخوان مانفكرأبداننا كل فتره نشدمسامير العجلات خصوصا الجنوط الالمنيوم ,,,

[التفق]

الحمد لله على السلامه وفعلا رب ضره نافعه

[بن شمروخ]

الحمد الله على سلامتكم ... الله فككم من الشر ...


سبحان الله ارسل هالحرامي عشان تنتبه للمسامير ...

[ملك الفكتوريا]

ألف مليون الحمد لله على السلامه



وسبحان الله يالحرامي وعسى أن تكرهوا شيئا وهو خير لكم





بس أنت مشيك على الكفرات عند احد فكها وركبها قبل السفر او مع الطريق انحلت

[ابو عيسى2009]

الحمد لله على السلامه
من الرياض الى الطايف سبع ساعات ونص
يارجال انا من الطايف الى الرياض ب4 ساعات واقول مهدي
لا والمشكلة كامري2009مصفط الطبلون مغير تحذف لب والله النعش وبس(ماكسيما)
الله يستر

[(((.ابوتميم .))))]

الحمد لله على السلامه
من الرياض الى الطايف سبع ساعات ونص
يارجال انا من الطايف الى الرياض ب4 ساعات واقول مهدي
لا والمشكلة كامري2009مصفط الطبلون مغير تحذف لب والله النعش وبس(ماكسيما)
الله يستر
بعدي بعدي مشاء الله كفو هذا الشغل
تكفا شلون اصير زيك :good2:

[ابو حمد 2010]

الحمدلله اللي فكك الله من الورشة والناس اللي تبي تتعلم ياخي والله فعلا ليه كذا الاجانب معانا بس يبون يشفطون فلوس لاحول ولا قوة الا بالله.
وفعلا دائما ابدأ باضعف الايمان او اقل الخسائر.

[ابو الشبرميات]

اخوي الدوسري الحمد لله على السلامة

لكن تراك خاطرتَ بنفسك انت وعيالك وربي ستر عليكم هالمرة

المفروض انك اول ما سمعت الصوت وقفت في اقرب ديرة على الطريق
وشيكت على السيارة كلها
لانك تقول انك تسمع الصوت اذا هديتَ السرعة
وكان من الممكن اكتشاف السبب مبكراً
وتجنيبك انت وابنائك الكثير من الهم والغم في الطريق
وكارثة لا يعلم اثرها الا الله لو انطلق الكفر من مكانه وانت في احد المنحدرات او تقود السيارة بسرعةٍ كبيرة

,,,




الحمد لله على السلامه
من الرياض الى الطايف سبع ساعات ونص
يارجال انا من الطايف الى الرياض ب4 ساعات واقول مهدي
لا والمشكلة كامري2009مصفط الطبلون مغير تحذف لب والله النعش وبس(ماكسيما)
الله يستر


بعدي بعدي مشاء الله كفو هذا الشغل
تكفا شلون اصير زيك :good2:


الاخوان الكريمان

ابو عيسى + ابو تميم

هذه القيادة التي يفتخر احدكما بها والاخر يتمنى الوصول لها

هي انتحار ورمي بالنفس الى التهلكة والجنون بحق

ادعو الله ان يديم علينا وعليكم ستره وعفوه وعافيته وكل مسلم من المسلمين

,,,

[طحنون]

الحافظ الله عزوجل
فيه ناس مايمشي مشوار ألا وهو مشيك على السياره من الى والحمدلله انا واحد منهم واذا تبي النصيحه خلك وسواسي في تشييك الموتر وحريص لان اتفه الاسباب تخليك تندم مايمنع انك تروح للبنشر وتنزل تحت السياره وتشيك بنفسك عن التهريبات وا فيش ماهوراكب صح او متحرك من مكانه او مجروح تشييك الاهواز خراطيش سيور هواز وبيبات البريك وتشييك سريع
وفيه ناس يسافر حتى سبير ماعنده اومبنشر

[قناص*07]

الف حمد لله على السلامه

والحذر و الحرص يا اخوان تراه مهم

واحد من الشباب سار معه نفس السالفه
والثاني طلع معه صوت وهو ماشي اقل من 40 وقلب الدنيا و الورش





وفي الاخر اتضح ان فيه صاموله في داخل الكفر ناسيها البنشري ويوم يمشي تطق وسط الكفر مع الجنط من الداخل

[مركز حراره]

الحمد لله على السلامه رب ضاره نافعه

[الدوسري دت كم]

أشكر الاخوان على مرورهم
والحمدلله اولا وأخيرا من الاخوان من يقول ليش ماشيكت على الموترقبل تمشي ؟
الموترهذا مدلعه أخرشي ولا أركبله ألاوكاله ولايتحرك من مكانه ألا لسفرأومناسبة وماأحديسوقه ألا أنا له بايكه خاصه فيه وأشيك عليه دايم بنفسي ,
ولاكن من يتوقع هاشي أن مساميرالكفرتنحل من نفسه ياأخوان والحمدلله الي جت على كذا

[escape_man]

الحمد لله على السلامة يابن آخي

ربك رحيم بعباده وان شاء الله ان نيتك زينه عسى الله يخليلك هالشقردية الي معك واميمتهم ويكفيكم كل مكروه

اهم شي لاصار بالموتر صوت ولا حدثتك نفسك بوسواس .. هالشي منطلق ولا به بلاء فترفق لين تحصل العطل

[طير رماح]

حمدالله على السلامه ياذيبان
وتنذكر ماتعود انشاءالله

[yazn2322]

وعليكم السلام ورحمه الله وبركاته ,,

الحمدلله على سلامتك والله يعوضك على اللي انسرق منك

[الكاشوت]

الحمدلله على السلامة ... واضح من القصة أنك ابن حلال وعلشان كذا حفظك رب العالمين

[free1213]

السلام عليكم يا شباب عندي مشكلة وابيلها حل
البليز عندي يتفتف ولا لقيت حل
الا عنده يعلمني

[كاشت وحداني]

الحمد لله على سلامتك
ونصيحه مهما حرصت لابد ان تشيك على موترك ولاتثق بعمال المحطات والبناشر ابدا ابد
احد الاصدقاء راح لبنشري وقال غير الزيت يوم فكو الزيت وكلش قال خلني احرك رجليني
وراح تمشى شوي ورجع
السياره جاهزه ومبعدينه عن الحفره وحاسبهم
ومسك طريق الطايف وبعد ساعه ونصف تقريبا اتصل بي يقول لمبة الزيت تاشر
قلت ماتولع الا مافيه زيت قال توني مغيره قبل امشي
والموتر جديد ما فيه تهريب ولاشي
قلت اصفط اقرب محطه وخل الموتر يركد
وعاير زيته
ويوم عاير مالقى ولا نقطة زيت ابد
عبا زيت من المحطه وقضى لزموه في الطايف ورجع
وراح للمحطه الللي غير فيها قبل السفر وتهاوش معاهم
وطلع عامل فك الزيت وعامل ثاني سكر الكبوت ولا احد منهم ساءال الثاني عبيت زيت ولا لا .
فلا تثق في العماله ابدا تابعه وهو يشد الكفر وايضا اذا خلص وقال الزيت جاهز شغل قله عاير وورني اذا ماكنت متابعه من اول شي .

[wafi4sa]

بارك الله فيك على القصة التى استفدنا من حدثها
والف حمد لله على سلامتك
مع تمنياتي لكم دائما برحلات ممتعة وموفقة بأذن الله

[الدوسري دت كم]

الله يجزاكم خير ولا يوريكم مكروه ومن تحبون
والله أن الحافظ الله ماغيره ,

[aooa]

السواق الصحيح

اللي بينه وبين موتره اللي تحت رجله تناغم يحس فيه ويعرف اللي يضره ويعرف اللي ما يضره

اي خلل يحس فيه ويعرف مكانه

والله يا اخي قصتك قصه بعد تقريبا عشره ايام وعن طريق حرامي عرفت سبب مشكله سيارتك ...
عموما الحمد لله على السلامه

والمفروض الواحد يشيك على موتره قبل السفر لسلامته وسلامته ابناءه وسلامة الاخرين ...

[الاتصال السريع]

الحمد لله عالسلامة وجزاك الله خير على التنبيه لهذه المشكلة

[سنافي وبس]

الحمد لله على السلامة

... وثانيا : لالالالالالالاتعتمدون على مسدس البنشر عند ربط الكفرات ... انا اذا بغيت اغير الكفرات او ابدلهن قدام ورا اخليه يشدهن بالمسدس همن اكرر عليها ب بالصليب بنفسي واحيانا هو يستحي ويربطهن عني ...
وصارت لزميلي يوم غير الاقمشة خلى السيارة عندهم ورجع بعد فترة والسيارة جاهزة ويوم وصل لجدة وهو جايين من الطائف ... والا يسمع صوت بالكفرات واثر المسامير ما انشدت ؟؟؟؟؟؟ رب ستر عليه ..


ومن خاف سلم .....:good2::D

حفظنا الله واياكم من كل مكروه وشر ...

[gomr-15]

الحمد لله على السلامه يالدوسري وان شاء الله اخر الاحزان

وهذي نصيحه خصوصاً راعين البران والشعبان لازم تأكد من الصواميل الي تشد الجنط لنه مع المناقر والمطامر يمكن ترتخي شوي وكل شهر تأكد انها مشدوده صح ولا تاخذ وقت

[أصيل حجآ زي]

السلام عليكم اخواني جميعا...
صارلي قصه عجيبه ياأخوان
قبل تقريبا عشرة أيام نويت اروح الى عروس البحرالاحمر جده .
حملت العفش والعزبه وأغراض الاولادياكثره من اغراض ,
وتوكلت على العزيزالحكيم ومشيت الصبح الساعه تقريباثمان ونص والسياره جمس يوكن 2005XL دنلي ,
ماشي ماعندي من الشيطان طريق ويوم جاوقت صلاة الظهرفي الرويضه وهديت واناأسمع
صوت ماهوب زين ابد ؟؟؟
تقول رمان عكس أوالكفرفيه مسماركبير أوشي من هالقبيل ,
وتجي ضيقة الصدروالهواجيس وش الحيله ياربي وش السوات مالكم بطول الهرج
أنسدحت تحت الموترأدوروأدور ولاودي العيال يدرون ان فيه مشكله عله تزين بحول الله .
المهم مالقيت شي غير طبيعي في تحتي الموتر.
صليناواخذنابعض الاغراض من المحطه ومشيناوأنابي من الضيقه مايعلم بها ألا الله .
الموتراذامشى فوق الستين راح الصوت وصارالوضع طبيعي جدا مافيه أي مشكله بس أذاهديت طلع الصوت قلت في نفسي ياالله ياكريم وصلني الطايف بس ونشوف لناحل هناك
وأرادالعزيزالحكيم ووصلت الطايف الساعه أربع العصرتقريبا .
وأجلس أتسمع لصوت في شوارع الطايف واناضايق صدري عيالي يقولون وش هالصوت اقول عادي يمكن الكفرفيه شي .أخذناغداناومشينا مع الهدا وتعال أسمع الصوت اذالفيت يمين مافيه مشكله وأذالفيت يسارطلع الصوت شكيت في رمانات العكوس وأشياءكثيره وأن ادعي الله يارب وصلناجده وهناك اشوف وش فيه والحمد لله وصلت جده تقريبا الساعه تسع ونص ليلا ...
وصاربكراوأجلس اسئل عن الورش الزينه وأكلم على الي اعرفهم من اهل جده المهم ماسويت شي كان الجورائع جداقلت الحمدلله يصبرالموتربعد شوي خلنا نتمشى في جده ونونس العيال ولاحقين علا الورش والغثا
بدا الصوت يزودوضاق صدري زود حتى العيال ضاقت صدورهم وش هالصوت يبه وش هالصوت واذانسيت الصوت ذكروني أياه المهم بعدتقريبا تسع ايام خلاص ماعاد ورا رحت لورشه قلت له شف الموترطلع وجرب الموترقال العكس عندك رايح وطي أغيره لك هالحين يالله وش رايك حنى هالحين وحنا ندورفي السياره قلت خل نرفع السياره طيب ونشوف وش السالفه قال أنامتأكد, رحناللورشه رفعنا الموترشيكنا على الرمانات الاماميه سليمه مافيه اي شي قالي اكيدعكوس أوكارونه يالله نفك ؟؟؟ قلت أصبرشوي يمكن ارسل الموترالى الرياض عشان فيه ورش أعرفهم وكذا ,
المهم اني صدقته تقريباوضاق صدري وهواجيس وتفكيروش السوات ماكم بطول الهرج ,
رحنا نصلي الجمعه صليناوطلعنامن الصلاة وجيت للموتروأثرفيه حرامي سرق أغطية المساميرحقت الجنوط أشوف الموترمن بعيدضيق صدري أدعي على الحرامي .
يوم قربت عندمساميردفرنس ورا أشوف المسامير شكله ماهوب زين كأنه مرخيه ؟؟؟ واجي افك واحدمنهن ولاه مرخي صدق وأشوف الثاني ولاه مرخي أنا استقبل القبله وأحمدالله العزيزالحكيم الي أرسل هالحرامي عشان أشوف المساميرمرخيه .
رحت أقرب بنشرقلت له فك كل الكفرات وشده ثاني مره , قالي سلامات وش فيك قلت سو الي أقولك عليه وبس .
قام الرجال ورفع الموتركله ويوم شاف المساميرالخلفيه أنهبل قال وش هذا ؟
قلت شوفت عينك قال الحمدلله على السلامه وشد المسامير ونزلنا الموتروقالي رح الله يحفضك وعيا ياخذ ريال واحد.الله يجزاه خيروالله انه ذيب ,,
طولت عليكم قوه بس قلت ناخذه سالفه وعبره حنى ياأخوان مانفكرأبداننا كل فتره نشدمسامير العجلات خصوصا الجنوط الالمنيوم ,,,



أخي / الدوسري
جزآك الله خير والحمد لله على السلامة وعلى الحرآمي

وأنا أقراء موضوعك صدري ضآق وبيتفتق من الغيض والزعل

وما أن وصلت للحرآمي حتى صـحت ضحك من القصة والفرحة
أن الحرآمي كشف لك العلة .

يعني لازم ندور على حرآمي كـــُل ما سآر بالسيآرة علة ؟؟؟؟؟؟؟

يأخي الكريم
ضروري أن نفتش ونفحص السيآرآت وقت الفــُسحة

يعني في أوقآت الفرآغ ما نجلس ورى الكورة والسمر وغيرُه
وننسى سيآرآتنا التي هي أهم وأكثر ضرورة من أن نصونها .


حصل لي مــُشكلة بالقير التمآتك في أحد سفريآتي ومعي العيآل
وكــُنت في مدينة لا أعرف بها أحد ولا أدري أن أروح .

المـُهم ومن الضروري أن نتفحص السيآرآت بأستمرآر .

من أحد القصص التي قرأت عنها :
فيه شخص وصل بعآئلـتــُه للطآيف وهو ما يعرفها زين .
بالصــُدفة وقف بالقــُرب من شهآر { المـُستشفى } وهو مبنشر

فك الكفر بالقوة وقطم أحدى المسآمير وكآن أحدآها مقطوم من قبل .

يعني خسر مسمآرين بالكفر المـُبنشر
ركــــّب الكفر الأحتيآط { الاستبنة } وأذا ما فيه غير ثلاثة مسآمير
من خمسة بالأصل .

خآف يحرك السيآرة وهو بهذي الحآلة .

بدء يحآول يوقف أهل السيآرآت المـُشآبهة لسيآرتــُه
ليطـلــُب المـُسآعدة .
كآن رجــُل رث الثيآب وبآين عليه مجنون يدور حول المكآن
وكــُلما أقترب منه المجنون قآل له هل تـُريد المــُسآعدة

فزجره الرجــُل وقآل يآخي رُح عني .

المـُهم لما يئس لم يـــُسآعدهُ أحد والمجنون يتردد عليه .
قآل بنفسه ليش ما أسأل هذا يمكن عندُه حل .

قـال للمجنون وش عندك ؟؟؟
رد عليه المجنون وقآل وش فيك أنت ؟؟؟

قـآل المسآمير مقطومة وما بقي غير ثلاثة وأخآف أمشي بها وتخرب الكفر

قآل لهُ المجنون بسيطة

قآل الصآحي كيف وهو مذهول من أمكآنية أن يجد الحل عند المجنون .

قآل خــُذ مسمآر من كفر أخر ولما تصل لمحلك غير المكسور .

قآل والله جبتها جزآك الله خير .

فتذكر المثل القآئل :
""" خـــُذ الحكمة ولو من أفوآه المجآنين """



بهذي المــُنآسبة لو ما أنفك عندك مسمآر الجنط
بأمكآنك أستخدآم العفريتة مع ومن تحت مفك المسآمير من الخلف .


:good2:

:f

موفق
وتلقى خير

[الدوسري دت كم]

السلام عليكم أجمعين ...
الحمدلله على كل حال . أشكركل ألأخوان على مرورهم وتفاعلهم معي وألي هاوشون بعدأعرف انهم من حرصهم علي وعلى الي معي ,انا أعتبرنفسي بين أخواني والله يجزاكم خيرالجزاء ...
وأشكرمشرفنا العزيزعلى مروره والقصه حقة المجنون حلوه مره لافض فوك

[wrs3975]

الحمــــــــــد لــــلـــــــــه علــــــــى ســــــلامــــــتكم

[ماون ماركز]

الحمد الله على السلامة
ولا عاد تنسى تتأكد من موترك قبل السفر
ولا تعتمد على أحد يشد لك الكفرات

والحمد الله راحت الغطيان بخيرها وشرها .
وتهون عند سلامتك وسلامة عيالك




الحمد لله على السلامه
من الرياض الى الطايف سبع ساعات ونص
يارجال انا من الطايف الى الرياض ب4 ساعات واقول مهدي
لا والمشكلة كامري2009مصفط الطبلون مغير تحذف لب والله النعش وبس(ماكسيما)
الله يستر

بعدي بعدي مشاء الله كفو هذا الشغل
تكفا شلون اصير زيك :good2:

ابو عيسى و ابو تميم
أنا رحت الطايف ب 13 ساعة ..
صليت الفجر وقرأت أذكاري وخذ تمشي و وتغديت .وصليت الظهر . ونمت في سكن .. وصليت العصر وتقهويت ومشيت وقرأتي أذكاري والمغرب صليت .. والعشاء صليت ..
وتعشيت أنا والعيال بالطريق ..

و وناسة .. وضحك .ونتقهوى . وراحة بال .. ولا أخطار والحمد الله .. ولا تعب
و لا أعصاب ولا خوف من أحد .. وموتري على راحته يمشي
ولما وصلنا الطايف .. رحنا الملاهي عقب العشاء ولا كأننا مسافرين

تصدقون وصلنا ما كأننا مسافرين .. من الراحة والوناسة ..

ترانا 3 سيارات .. أقدم سيارة فينا موديلها 2010 قيمتها 185 ألف ريال
وأكبر واحد فينا عمر عمره 27 سنة ..
ولا تعدت سرعتنا 100 كيلو بالساعة ..
الحمدالله ربي رازقنا عقول ونعرف العواقب عشان كذا أخذنا 13 ساعة بالسفر

[faesal00]

الحمد لله على السلامه والله قد صارت معي بس لقيت المشكله بدري

[أصيل حجآ زي]

السلام عليكم أجمعين ...
الحمدلله على كل حال . أشكركل ألأخوان على مرورهم وتفاعلهم معي وألي هاوشون بعدأعرف انهم من حرصهم علي وعلى الي معي ,انا أعتبرنفسي بين أخواني والله يجزاكم خيرالجزاء ...
وأشكرمشرفنا العزيزعلى مروره والقصه حقة المجنون حلوه مره لافض فوك



يقلون أن الرجآل { السآئق } بعد أن تأكد من
أن الفكرة والطريقة حقت المجنون صحيحة

قآل للمجنون والله أنك مو أنت المجنون أنا المجنون
""" أنت الصآحي وأنا المجنون """
هههههههههههههههههههة

:good2:

[أصيل حجآ زي]

الحمد لله على السلامه
من الرياض الى الطايف سبع ساعات ونص
يارجال انا من الطايف الى الرياض ب4 ساعات واقول مهدي
لا والمشكلة كامري2009مصفط الطبلون مغير تحذف لب والله النعش وبس(ماكسيما)
الله يستر



أبو عيسى
وش بتستفيد من هذي الســـُرعة الجنونية

لا سمح الله بنشر كفر
تتمزق السيآرة وأكبر جــُزء تحصلــُه مثل بــُرآد الشآهي

أو فــُجئة ظهر لك حيوآن أو سيآرة أنحرفت عن المسآر
أو حديدة سقطت من شآحنة ولونها مثل لون الزفت ما تشوفها

يأخي حرآم عليك هذي الســُرعة الجنونية
وأرحم من معك وأرحم وأحفظ حـــُب وود وآلديك ومن يعز عليك

أمـُك وأبوك يدعون لك بالسلامة والوصول لهـُم سليم
وأنت ما ترآعي قلوبـهـُم وشوقهـُم لك

أرجوك أن تزور المـُستشفيآت أقسآم الحوآدث
حتى تعتبر
:f

[الدوسري دت كم]

يقلون أن الرجآل { السآئق } بعد أن تأكد من
أن الفكرة والطريقة حقت المجنون صحيحة


قآل للمجنون والله أنك مو أنت المجنون أنا المجنون
""" أنت الصآحي وأنا المجنون """
هههههههههههههههههههة



:good2:

الله يحيك اخوي أصيل ,,,
أنت تدري اني قعدت ادعي للحرامي بالهدايه والتوفيق والسعاده , ههههههههههه

[أصيل حجآ زي]

الله يحيك اخوي أصيل ,,,
أنت تدري اني قعدت ادعي للحرامي بالهدايه والتوفيق والسعاده , ههههههههههه



يبدو أن الرجآل عرف أنك تبحث عن الخلل { العلة }
وكشفها لك .
بعضهــُم لجئو لذلك للفقر
وبعضهــُم شيطنة وهوآية .
وبعضهــُم يستخدمـهـُم كــُبآر سن يضحكو عليهـُم .


مرة أحد زُملائي يقول
ســــــــــــآفر للعرآق يتمشى أيآم حسن البكر .


بعدين رآحو لحي معروف عن الشبآب ذآك الوقت {:good2:}
:f


يقول :
دخلنا المحل الذي قصدنآه وجلسنا فقط حوآلي رُبع سآعة .
ويوم طلعنا ورُحنا يم سيآرتنا الكآبرس { جديدة }


الا وهي على أربعة طآبوقآت { طآبوق البناء } .
يقول فأنزعجنا وبغينا نسوي مــُشكلة كبيرة

قآل: الدليل الذي معنا العرآقي ( قآل لـهــُم }
أفضل لــكــُم أن تسكتو وألا حصل لـكـــُم مـُشكلة كبيرة


قآل بلعنا العآفية
وقـــُلنا لـــه ُ وش الحل ؟؟؟
قآل بسيطة
بالشآرع الخلفي
يبيعون كفرآت { أطآرآت } وأشياء غيرها


قآل رحنا معــُه
الا وكفرآتنا معروضة للبيع
قــُلنا لـه هذي كفرآتنا ‘‘‘
قآل لـهـُم أفضل لكـُم أن تبلعو العآفية وتشتروها .


قآل أشترينا كفرآتنا منهـُم وعليهـُم التركيب
يعني قآلو نركــّـب لــكــُم الكفرآت بـبـــــــــــــــــــــــلاش .


:good2:


الحمد لله أنك بلعت العآفية وما دورت على الحرآمي { المُهندس}
:D

[معشوق الرمله]

الحمدلله على سلامتكم الله الواقي
رب ظارة نافعة

[ابو عيسى2009]

يا أصيل حجازي كلن وتصرفه في ناس لو يضرب عليه كفر وهو يمشي 80 ماسيطر على السيارة وفي ناس على 220 موهب يمشي سيده الا يفحط ويوقفه سلام سلام
ام الحوادث ليا قبل
اما السرعة ابغى اقولك بصرحة اخوياك راكدين تركد غصبن عنك اما انا واحد خويي دوامه بالاحساء وهو ساكن بالرياض من بيته الى دوامه ساعه ونص بس اقولك الرجال معاه يجلد الموتر جلد الويل ان كان بمشي 260 قليله
الله يدوم الستر والسلامهhttp://www.youtube.com/watch?v=f5aO38qh9rU

[بدوي جنوبي]

الحمد لله على سلامتكم
ولو انك خاطرت بنفسك وعيالك

اى صوت او خلاف في السياره وقفها فورا واكشف عليها
او اكشف عند ورشه او بنشري

لا تخاطر وتكون في قلق

عموما الحمد لله على كل حال

[أصيل حجآ زي]

يا أصيل حجازي كلن وتصرفه في ناس لو يضرب عليه كفر وهو يمشي 80 ماسيطر على السيارة وفي ناس على 220 موهب يمشي سيده الا يفحط ويوقفه سلام سلام
ام الحوادث ليا قبل
اما السرعة ابغى اقولك بصرحة اخوياك راكدين تركد غصبن عنك اما انا واحد خويي دوامه بالاحساء وهو ساكن بالرياض من بيته الى دوامه ساعه ونص بس اقولك الرجال معاه يجلد الموتر جلد الويل ان كان بمشي 260 قليله
الله يدوم الستر والسلامهhttp://www.youtube.com/watch?v=f5aO38qh9rU



شـــُف يا أبوعيسى


مهما كآن الشخص شآطر بالسيآقة


لو ضرب عليه الكفر { الأطآر } والله لو أنـُه سآئق صآروخ
أو شو مكا السآئق المشهور بالسبآقآت العآلمية
والله ما ينفعــُه شطآرتــُه لو كآن في رآســُه جني
تحوص السيآرة وتتقلب وتتقطع وأكبر قطعة تكون مثل الجزمة أعزكـُم الله .


شفنا حوآدث من نآس وشبآب ضنو أنهـُم شـُطآر ومـُحترفين .


كــُنت ماشي بالخط السريع بين الريآض والظهرآن
وتعدتني سيآرة مثل الصآروخ وأنا ماشي بأقصى ســُرعة حوآلي 150 كلم


قــُلت في نفسي يا سآتر وش في هذا مجنون
ما شفت الا غــُبآرُه على ما يقولون { طبعآ ما فيه غـُبآر بس مثل } .


ما مر علينا الا حوآلي 50 كلم مسآفة
الا شفت السيآرة مقطعة بوسط الطريق بين الجزيرة


بصرآحة كآن فيه نآس كثيرين مــتـجمعين ومعي عآئلتي
وأعرف أني لن أستطيع أن أ ُقدم المـُسآعدة في هذي الزحمة
فأستمريت ولا أدري وش حصل لــُه .


فلا تقول لي .
صحيح أن بعض النآس ما يعرف يتصرّف .
بس الســُرعة مــُمـيـته وقآتلة ومــُكلفة أروآح ومـُمتلكآت .


يأخي فيه دول تدخـُل في حروب بين بعضها
وما يــُقتل بنهـُم رُبع الذي يــُقتل عندنا في حوآدث السير .


روح للمرور وأطـلـُبهـُم أحصآئيآت الحوآدث والوفآيآت والمعوقين بالألاف المؤلفة .


بلدنا الحبيب من أكبر البــُلدآن حوآدث ووفيآت ومعوقين سيآرآت
بسبب الســُرعة الجنونية والطــُرق المحفرة والأتربة المـُترآكمة على بعض الطـُرق .
وأضف عليها الصيآنة الفآشلة لسيآرآتنا من أهمآلنا .


الســُرعة ما هي شطآرة ‘‘‘ السـُرعة عآدة ومرض مـُزمن .


يأخي الشبآب يتبآهون بالســُرعة غير أبئين بالنتآئج المُميته .
كــُنا جهلة نتبآهى بالســُرعة لأن عقولنا كآنت صغيرة .
:good2:


""" الســُرعة الزآئدة جنون وليست فنون """


http://www.youtube.com/watch?v=IAZ-mFlGUF0


http://www.youtube.com/watch?v=NA5xddotBas

http://www.youtube.com/watch?v=lQeaC_KEh6A

http://www.youtube.com/watch?v=rzEKEC8VNso

http://www.youtube.com/watch?v=pa1DAhw9zlI

http://www.youtube.com/watch?v=gdcA0iIxH2E

http://www.youtube.com/watch?v=DGdtzPA13i4


http://www.youtube.com/watch?v=f5aO38qh9rU

http://www.youtube.com/watch?v=EVj_sxDqTfs

http://www.youtube.com/watch?v=Uce_5aeK9JM

http://www.youtube.com/watch?v=nOCtrrPhIXw




:f

[THE KILLER]

الحمدالله على السلامة واهم شي انك دعيت ربك , الله يلهم عباااده , قال تعالى ( أمن يجيب المضطر اذا دعاه ويكشف السوء )

بعدين انا صارت هواية عندي كل يوم افتح الكبوت اشيك على السيارة جميع الزيوت والجيربوكس والمكينة والدريكسون والموية وكل شي واهم شي قبل هذا كله الكفرات وكل شيء لكن الحمدالله على السلاااامة

[ابولامار]

الحمد لله على سلامتك وسلامة اهلك ورب ضارة نافعة

[العزة للإسلام]

وعليكم السلام


الحمدلله على السلامة

[بوخضب]

لا اله الا الله وسبحان الله نعم وعسى ان تكرهوا شيئا وهو خير لكم

الحمدلله على السلامة
الله حافظك انت وعيالك وهذا لانك طيب وعلى نيتك وسعت صدر العائلة والله وسع عليك ضيقتك

[سوبر VTC]

الحمدلله على السلامة ياراعي المدا :)
الحرامي سخره الله لك :)

[ابوحفصه]

حمدالله علي السلامة

[ماون ماركز]

يا أصيل حجازي كلن وتصرفه في ناس لو يضرب عليه كفر وهو يمشي 80 ماسيطر على السيارة وفي ناس على 220 موهب يمشي سيده الا يفحط ويوقفه سلام سلام


عزيزي .. هذه نظرتك فقط ونظرية اللي ما يحس بالمسؤلية وعاقبة الأمور !!
ولا هي نظرية الناس اللي راجحه عقولها
ولا هي نظرية اللي خبراء السلامة
ولا هي نظرية خبراء مصانع السيارات

يكفي أنك مسلم .. وربك ينهى عن التهلكة للنفس .

واللي يسلم مرة ما يسلم كل مرة ..

والله يستر على الجميع ويفك الناس من بعض شرار السائقين ..

[الدوسري دت كم]

الحمدلله على كل حال ...
أشكركل الاخوان على تفاعلهم معي ودعاهم الله يجزاكم خير...