ابغى ارهم جيب فورنر 1992 ، نصايحكم جزاكم الله خير

[فورنر 92]

بسم الله الرحمن الرحيم
السلام عليكم ورحمة الله وبركاته

اخواني كما هو موضح بالعنوان

انا ابي ارهم جيبي

فورنر 1992
4 سلندر
قير عايدي
كلبليتر

وصراحه عزمه ولا بريال :(

طبعا ودي اشوف اذا المكينه تترهم او اركب مكينة سدرك

انتم وش رايكم
طبعا الرديتر مغيره
حاط رديتر هايلكس 2005
الدبل فاك عاموده ( يبيله خرط )
العكس القدامي للدبل اليسار او اليمين ناسي والله المهم فاكه
نبي نصايحكم
واذا بغير المكينه وبركب مكينة سدرك
بتركب من غير لا اغير رديتر ولا كارونه ولا شي ثاني ولا قير
وبنسبه للمكيف ايضا

وشكرا

للمعلوميه
اتجهت لموقعكم
لان ما اشوف احد يستفسر الا تعلومنه


وشكرا

احتري ردودكم الطيبه :)




.: بارك الله فيكم :.

[الوسمي44]

الله ييسر امرك واعتقد ان السدرك جيده

[فورنر 92]

الله يجزاك خير
ع الرد السريع
لاكن ابي ورشه بالرياض زينه ورخيصه
وبنسبه لتيربو ترا ما ادري كيف طريقته
ياليت توضح لي

ومشكور

[سوبر VTC]

عليكم السلام
تبي افائدة اكبر
ادخل على منتدى تطعيس
شباب متخصص بالتعديل و الترهيم
لهم ورش متخصصة بالرياض و القصيم و الشرقية
اعانك الله

[فورنر 92]

الله يجزاك خير

[زمزم 100]

مكينة كرسيدا 2.8 لتر - 6 سلندر

[التعـ King ـديل]

مكينه هايلكس 2700 وقصه من ورا خله كشف وجنوط زينه ورشه بويه بلون حلو وتنجيد والله يطعمك من خيره ويكفيك شره

[ابوراس الدحمي]

مسافة غطاء المحرك قصيرة(الكبوت) ... انتبه من شراء مكينة 6 سلندر لانها اطول من 4سلندر

[GMC79]

انا اشوف انسب خيار 2700 بخاخات مكينة الهايلكس 2002 الى 2005 بس غويليه والخيار الاخرعندك مكينة اللكزس 400 ممتازه وعزم محترم ورخيصة بس عيبها المراوح بتصير قدام الرديتر عشان المكان ضيق شوي

[hytham]

اخوي خذ لك مكينه امريكي لومينا او كابرس 8سلندر وبتدعيلي
المكينه صحيح انها 8 سلندر لكنها v8 يعني بطول الاربع سلندر لكن اعرض
ركب المكينه هذي وهي افضل مكائن للترهيم
اذا جيت تسوي شي سويه صح او لا تسوي ( رأي شخصي )

[HW80]

مكينت السدرك تجي راسينV والي يزينها انها كلبليتر يعني مايحتاج كمبيوتر وخرابيط واجد لكن هل بتجي قويه على الجيب عندك مكاين الكابرس القديم اتوقع رخاص والله اعلم ترا مالي خبره لكن من الاطلاع

[abdulrahmanfd]

انصحك بمكينة الهايلوكس أعتقد إنها أنسب شيء للموتر اللي معاك وزدها بعد كذا هدرز ومراوح والله يوفقنا واياك

[فورنر 92]

جزاكم الله خير
بستخير وبشوف
واما 8 سلندر احسه قويه شوي هههه
1 احسه مهب راكبه زين
2 ما بي اطير انا
لاكن شكلي بشتري مكينه الهايلوكس حقت 2005

طيب بكم سعرها ؟

[مهوس صيد]

مكينت الهايلكس ما راح تفرق معكك في العزم ما تطرب نصيحه ركب مكينه 6 سلندر او مثل ما تفضل ركب مكينت كابرس عندكم في الرياض ورشه راعيها اسمه محمد المصري بس المشكله اني ما عرف مكانها بس تقدر تسال في الصناعيه القديمه ويدلوك وفي مكينه هنا في الشريقه يركبوها اسمها ار بي تجي 6سلندر مع تيربو الي تجي على السكيلاين القديمه قويه جدا وتتحمل وسعرها في الدمام رخيص بحدود 3500 وتركب مزبوط