يا ملاك الاكسبلورر استشارتكم

[abo_meshari_3]

السلام عليكم ورحمة الله وبركاته كيف حالكم عساكم طيبين انسخ الموضوع في القسم الخاص بملاك الفورد بعد ما كتبت الموضوع في تجهيزات السيارات واصلاحتها وابي منكم خدمة والمثل يقول من شاور الرجال ملك عقولهم ابي ورشة زينة تشتغل لي بالموتر تعرضت لصدمة من بزر من الي يفحطون وهج وهذي صور للصدمه بسيطه بس ابي لي ورشة ما يعجن ويخبز بها ويملخ الدراهم تحياتي لكم ،،




http://dc16.arabsh.com/i/03068/btifyn51urxw_t.jpg



http://dc16.arabsh.com/i/03068/0jwqegaokevd_t.jpg

[بيق مان]

السلام عليكم ورحمة الله وبركاته كيف حالكم عساكم طيبين انسخ الموضوع في القسم الخاص بملاك الفورد بعد ما كتبت الموضوع في تجهيزات السيارات واصلاحتها وابي منكم خدمة والمثل يقول من شاور الرجال ملك عقولهم ابي ورشة زينة تشتغل لي بالموتر تعرضت لصدمة من بزر من الي يفحطون وهج وهذي صور للصدمه بسيطه بس ابي لي ورشة ما يعجن ويخبز بها ويملخ الدراهم تحياتي لكم ،،




http://dc16.arabsh.com/i/03068/btifyn51urxw_t.jpg


http://dc16.arabsh.com/i/03068/0jwqegaokevd_t.jpg
اين موقعك .. في اي مدينة؟

[abo_meshari_3]

الرياض يا الطيب

[اكسبلورراوي]

عندك حلين على حسب خبرتي

هذي الصدمة الحمد لله باين في الصوره انها ما اثرت في البويه

انا من جده و صار لي موقف مع راعي تاكسي من ثاني شهر طلعت في الاكسبلورر

المهم صدمني من الباب الخليفي الايمن كانت الصدمه شبيهة بالي عندك بس للاسف عدملي البويه شوي

الحل الاول

روح لمحلات التلميع

قولهم ابغا اسوي شفط
وهذا المقطع فيه كم نوع من انواع الشفط

http://www.youtube.com/watch?v=Ip_mCehqVgw

وبالنسبة للسعر

اول ما دخلت المحل الرجال يقولي 180 ريال

كاسرت معاه يحسبني غبي

ترى سعرها بحدود 20 ريال

طبعا على حسب ايش الشغل

وفعلا سويتها ب20 ريال



اما الحل الثاني اذا ما ضبط معاك الشفط ما عندك الا سمكره

والله اعلم

[T-Tamimi]

معوض خير اخوي وبسيطه الحمد لله

صارت معي في باب الراكب الامامي "عفج قريب من الي عندك "
ذهبت بالسياره لورش في المزاحميه مشهوره بتعديل الصدمات بدون بويه "نصيحه من واحد جرب شغلهم في باب كامري"
الحقيقه ماشالله شغلهم ممتااز جداا في سياره خويي وخذو منه 150 ريال وخذت نص ساعه شغل
طريقتهم فك الديكور الداخلي ووضع شحم على البدي من الخارج وتسليط كشافات على البدي "تسخين الحديد لكي يسهل تعديله بضربه وحده يرجع مثل ما كان قبل.

الي حصل اني رحت لهم وشفت شغلهم في سيارات عندهم ماشالله 100%
وطلبو مني 1000 ريال ويومين شغل وفك الباب وقطع حديد تحت الديكور !!:@
طبعا رفضت فك الباب وقطع الحديد
وقالي لازم لان باب الاكسبلور من الداخل فتحاته ضيقه ولا يمديه يدخل يده ويعدل.
كاسرتهم وتفقت معهم يصلحونه ب 250
لكن يوم جا يبدا الشغل هونت وخذت سيارتي ورجعت الرياض "مابي افك الباب وحوسه"

المهم رحت لمحل شفط الصدمات "شفط دقات البرديه"
موقعهم شرق دوار الاحساء على شارع خريص "اتوقع اسم الحي الملز"

لصقو قطع بلاستك على البدي من الخارج وعلقو فيها حديده وقام يسحب لين رجع البدي مكانه
خذو مني 150 ريال "في البدايه طلبو 500 بس اخوك خبره مكاسر "
صلحوها خلال 10 دقايق
رجعت بنسبه 90% الحمد لله
يعني ما بانت الصدمه الا للي بيدقق باللمس او النظر شطف

هذا الي صار معي اتمنى تكون تجربتي تفيدك
اذا كان باب الاكسبلور الخلفي سهل يعدلونه بدون فك وحوسه انصحك تروح للمزاحميه شغلهم 100%
واذا فيها فك باب وتلحيم وحوسه انصحك تروح لحقين الشفط الي وصفت لك طريقهم
والله يكتب لك الصالح ويكفيك ويكفينا شر الحديد

[abo_meshari_3]

الله يجزاكم خير ما قصرتو وبيض الله وجيهكم كفيتو ووفيتو

[mm44]

أنا عدلت طعجه في رفرف الإكسبلورر الخلفي بنفسي

بضغاط تسليك المغاسل القديم
إضغط وإشفط تتعدل:D