افضل بطارية ؟

[comابوسليمانwww]

اخواني ابغير بطاريت موتري وياليت تشيرون علي وش افضل بطارية موجودة ...

[MNAW89]

السلام انا مجرب الهنكوك الكورية ........من أفضل البطاريات في السوق

[(((.ابوتميم .))))]

باقادر ياباني اصلي اشترها من الوكاله في الصناعية القيمه قبل الراجحي

[وايل11]

NBC سعودي بمواصفات ألماني 80 أمبير سعرها 240 الى 250 ريال وتبيع الرجيع بتطلع عليك 210 ريال
وفيه هانكوك كوري طيب بس أغلا وفيه اي سي ديلكو بس ما عاد يباني الحين تايلندي ...... موفق

[ماجد الحايلي]

السلام انا مجرب الهنكوك الكورية ........من أفضل البطاريات في السوق

:good2::good2::good2:
فعلا افضل الموجود بطاريات هنكوك
من واقع تجربة وسمعتها كبيرة

[comابوسليمانwww]

ما قصرتوا واشكركم على المرور ...
لكن وشرايكم بـنوع اسمه (باني سونك ) فيه واحد من الشباب يمدحه

[wafi4sa]

يعطيك العافية على الموضوع المهم

[الوفي بندر]

وشو الموتر

[HAS5SAN]

انا كنت امددح باقادر الياباني
لكن ماكلمت سنتين معي
والآن رجعت للإيسي دلكو
وعلى الله
فيه بطاريات جافة من الامارات هذى
تدوم 10 سنوات او حولها
ابحث في النت عنها وتراها غاليه

[comابوسليمانwww]

انا كنت امددح باقادر الياباني
لكن ماكلمت سنتين معي
والآن رجعت للإيسي دلكو
وعلى الله
فيه بطاريات جافة من الامارات هذى
تدوم 10 سنوات او حولها
ابحث في النت عنها وتراها غاليه

صادق اخوي HAS5SAN لكن الجافه اسعاره غاليه مرة

[comابوسليمانwww]

وشو الموتر

الموتر باترول

[همس الغدير]

اتوقعوالله اعلم ac

[اسعاف1980]

اى سى دلكو80-20 95امبير مجربها على البليزر 6سنوات ابداع 350 ريال تعدي السنتيين هدا ادا عندك مكان واسع والتجربه خير برهان
ابو احمد

[جبل دكاء]

وش رايكم اكترون كوري

هل هذا النوع جيد ام ردي

[comابوسليمانwww]

ياليت بقيت الاخوان الي عندهم خبرة وتجربة يشاركوننا ,,,,

[رهيب الرهيب]

اس ديلكو ماصار لي اسبوع مركبها وكلن يمدحها وضمان ومورها طبيه

[أطلال نجد]

مع أحترامي لأراء الأخوة

بطاريات أي سي ديلكو تعبانة جداً وعمرها الأفتراضي ينتهي مباشرة بعد أنتهاء فترة الضمان بشهر أو شهرين بالكثير

يعني سنة وشهرين بس وتغير من واقع تجربة مع ثلاث بطاريات !

أي سي ديلكو قبل 6 أو 7 سنوات نعم أقول لك ركب وأنت مطمئن حتى لو بـ 300 ريال .

//

لا تتعدى بطاريات FB اليابانية

أو هانكوك الكورية

أو البطاريات الجافة الإماراتية

والزين يستاهل وأنا أخوك خصوصاً إذا كانت السيارة مطولة معك وتبي الراحة والعملانية .

موفق للخير ،،،

[سوبر VTC]

اخي العزيز الايسي ديلكو ليست كما كانت قبل 4سنوات من ناحية الجودة
الان مايتم 6شهور الا و تلاحظ ان دقة السلف ضعيفة
و هي يعاد تصنعيها سواء بجدة او بالخبر
عندي اربع مواتر جمس صالون و غمارة و نص بطاريتين و جيب
كلها كل سنة و نص ماعدا الغمارة تخرب الايسي ديلكو
الان ركبت للمواتر بطارية ديو الكترونية كورية ممتازة جدا و سعر منطقي
اللي تعبا ماء تعيش اكثر لكن تحتاج متابعة كل 6شهور
انصحك بالكوري و الكوري فقط
او الياباني حقت شركة باقادر
و اذا كان الموتر باترول انصح ببطارية روكت كورية تجي طويلة 100انبير سعره تقريبا 250

[ماجد الحايلي]

ياليت بقيت الاخوان الي عندهم خبرة وتجربة يشاركوننا ,,,,

مثل ماقلت لك
هنكوك وبس والكوري بشكل عام
ولاتشاور

[comابوسليمانwww]

تم شراء (EXIDE ) اكس آيد
امريكي تجميع كوري مدحها لي واحد من الشباب وانا اول مرة اسمع بها ,,, وعليها ضمان سنة وست شهور من شركة بيريللي للكفرات ....
عسى الله يطرح فيها البركة ..

[سوبر VTC]

الله يطرح به البركة ان شاء الله
كم السعر ؟ الانبير ؟ الموتر ؟
لاهنت

[comابوسليمانwww]

الله يطرح به البركة ان شاء الله
كم السعر ؟ الانبير ؟ الموتر ؟
لاهنت
حياك الله مشرفنا
السعر :360
الانبير :105 والصافي 90 تقريبا
والموتريا (VTC) هو (VTC)

[الشاهين ع]

الله يجازيكم خير

[sulaiman.fj40]

حياالله الجميع/ بدلكم على بطاريه ممتازه وجربتها على جيب عشه لها الان سنه وكني مركبها امس.البطاريه اسمها اوبتيما صناعه مكسيكيه وتعيش اكثر من خمس سنوات ولا فيها ماء مقطر ولكن قيمتها غاليه (800)ريال وميزتها قوة التشغيل ولا تحتاج صيانه 0اشتريتها من البحرين وسمعت انها موجوده بالمملكه.