المساعد الشخصي الرقمي

مشاهدة النسخة كاملة : طيبوا خاطري يارجال مكشات بردودكم وابشروا بالدعوه الطيبه


الشرقيه 03
14/06/2011, 04:23 PM
السلام عليكم ورحمة الله وبركاته

صباح/مساء
الخ ــــــيــــر

اخباركم ؟؟

الـعلم سلامتكم

انا ناوي اسافر من ابها الى الخبر بالمنطقه الشرقيه
وعندي ددسن غماره 2010ماشيه 28000كيلو
وناوي اسافر عليها من بعد صلاة العصر تعرفون الاجواء حاره ذي الايام

وعندي سؤال عادي اشغل المكيف طول الخط وانا دعستي ما تتعدى الـ140
ما ادري يضر الموتر ولا لا؟


السؤال الثاني الخط كيف؟ اللي تعرفونه مو شرط من ابها الى المنطقه الشرقيه


السؤال الثالث هل يفضل تغيير زيت المكينه قبل السفر واذا وصلت هل يفضل تغييرهـ؟

السفر راح يكون بعد اسبوع ونص مع العلم الزيت
جي تي اكس كاسترول 10-30


السؤال الرابع موية الراديتر زرقاء بغيت اعرف متى اغير ماء الرديتر وماهو افضل مبرد لها ؟

السؤال الأخير هل الموتر يتشحم من تحت؟ واذا نعم ماهي الاماكن ؟ ومتى اشحم اسفل السياره كل 5000 كيلو او ماذا؟

السؤال مابعد الأخير>>>هههه

امس رحت اغير زيت المكينه وخلصت من التغيير جاء ابو يمن يسكر

الكبوت المشكله طلعت يدين ابو يمن حاقده على الكبوت

وجاء في البدي طعجه غير حاده يعني دائريه بسيطة وصغيره
وابي حركه اسويها أو محل او ورشه في الخبر - الدمام او غيرها عندهم شفط للبدي تعرفون حرام سمكره على طعجه بسيطه




اعذروني على الاطاله واللي يرد علي استفساراتي يشهد الله اني بأدعيله كل خير

انا بانتظاركم يارجال مكشات

والله يجمل حالكم

تح ـياتي لكم

وشكرا
خليفان
14/06/2011, 05:46 PM
شكلك وصلت ماحد علمك
قناص الصمان
14/06/2011, 06:14 PM
والله يالغالي بالنسبه للمكيف ما يضر ابدا لو تمشيبه الف ما يضر بعد ارادة الله سبحانه
وبالنسبه لطريقك من ابها لللشرقيه .. مالك الا من ابها على وادي الدواسر على الافلاج على الرياض
ومن ثم امسك طريق الدمام والله اعلم
وزيت المكينه على حسب مشيك عليه .. ان كنت مشيت الأصل 5000 كيلو الى اربعه < اذا وصلت الحد هذا غير الزيت .. واحسب كل ما غيرت الزيت في عداد الموتر( صفره )
وماء الرديتر ان شاء الله سهل موضوعها وانتبه ثم انتبه تغير موية الرديتر بمويه بارده يفضل انها حاره شي بسيط الى دافيه
والتشحيم يفيدووونك صاحبين العرف بهالامر
وبالنسبه للعفط ابد ان كانها بسيطه شف اقرب سمكري وتسهل اموورك وتروح وترجع بالسلامه

أتمنى اني افدتك . والسلام خير الختام
K.S.A.A
14/06/2011, 06:36 PM
أخوي الغالي موترك ماشاء الله تبارك الله جديد
توكل على الله وأمسك الخط ولاتخاف من إي شيء ولا توسوس
الزيت توك مغيره لما يمشي في الموتر 5000 غيره
ماء الأديرت أنتبه تلمسه ياخي الماء جديييييييييييييييد
التشحيم ماله لزوم الحين وأرجع وأقول الموتر جدييييييد اللي يكفيك شره ويبارك لك فيه
اما الخط أفادك أخونا قناص الصمان
اطلع من أبها على الطريق الوادي حوالي 400 كيلو ثم الأفلاج حوالي 300 كيلو
ثم الخرج بعد الأفلاج حوالي 180 كيلو ثم الرياض 80 كيلو ثم الشرقية 380 كيلو
والله يكفيك شر الخط ويستر عليك ولاتنسى دعاء السفر .
MjNo0oN
14/06/2011, 08:30 PM
معك ام عزيز لاتحرص عليها واجد وتبيض وجهك

احرص على زيت المكينه كل 5000 كيلو و المكيف مامنه مضره دامك مريح الموتر في الخط واذا كان زيتك جديد لاتغيره واذا كنت تبي تتطمن غيره في الشرقيه قبل ماترجع لديرتك

و التشحيم ما اشوف انه يحتاج واذا كان حرصك زايد عليك به كل 20 الف كيلو

وزيت الدفرنس والقير لاتقربه ابد ولاتشيك عليه الا بعد 100 الف كيلو واذا كان ناقص اشتر زيت من الوكاله وزده ولا تغيره
الشرقيه 03
16/06/2011, 10:55 AM
بيض الله وجيهكم يارجال

والله ييسر اموركم في الدنيا ولا يعسرها عليكم

والله يجعل عدوكم تحت اقدامكم

والله لايهينكم

ننتظر باقي الاخوان

تح ـياتي لكم
محطم عنيد
16/06/2011, 12:01 PM
إخوي أنت معك نيسان وخايف ؟؟؟؟؟؟؟

اجل اللي معه فورد زيي وش يسوي ؟؟

لاتوسوس ذي نيسان ماهيب لعبه وبعدين موترك جديد

العلم خذه مني وإن شاء الله أفيدك

غير الزيت قبل ماتمشي بغض النظر كم مشيت عليه (عشان تترتاح وترتاح المكينه )

إذا غيرت صفر العداد حق الزيت أو اللي تقيسه عليه الناس

وإذا مشت 5000 كيلو غير الزيت
بعدين شيك على الكفر هل هو سليم ولا لا

والعفريته والإسبير مهمان جدا لازم تتأكد إنهم معك

هوا الكفر إذا معك عائلة خله 35 - 40 وإسأل البنشري بس يكون صاحب خبرة وش الهوا المناسب

بعدين عاير ماء الإديتير إذا مليان أو ماتعدى الخط توكل على الله وإذا لا عبه إلى الحد المسموح وخذ بعد معك علب ماء إديتير أصلي

والمكيف حطه 50000 من القهر ههههه عادي وأنا إخوك لاتطفي المكيف إلا إذا وصلت أبها لبى جوهها


والخط من الدمام - الأحساء - حرض - الخرج - وادي الدواسر - بيشة إلى أن تصل أبها

أو مع الدمام - الرياض - الخرج - وادي الدواسر - بيشة - ابها

والله يستر عليك ويقيك انت ومن معك هم السفر والتعب والنصب والله يوسع صدوركم وجعل الإبتسامة ماتفارق شفاتكم

مووووووووفقين خير

وخل عنك الوسوسة ^_* (متعذب أنا مثلك موسوس في كل شي الله يبعده عني وعنك يارب)
بر الوالدين
16/06/2011, 12:57 PM
الأخ عنيد الرجال موجه لـ الشرقية ( الخبر )

و الله يستر عليه ويوفقه
al faris
16/06/2011, 01:19 PM
السلام عليكم ورحمة الله وبركاته

صباح/مساء
الخ ــــــيــــر

وعليكم السلام ورحمة الله وبكاته
اخباركم ؟؟

ستر الله يدوم

الـعلم سلامتكم

انا ناوي اسافر من ابها الى الخبر بالمنطقه الشرقيه
وعندي ددسن غماره 2010ماشيه 28000كيلو
وناوي اسافر عليها من بعد صلاة العصر تعرفون الاجواء حاره ذي الايام

وعندي سؤال عادي اشغل المكيف طول الخط وانا دعستي ما تتعدى الـ140
ما ادري يضر الموتر ولا لا؟

ج شغل مكيفك وتوكل على الله

السؤال الثاني الخط كيف؟ اللي تعرفونه مو شرط من ابها الى المنطقه الشرقيه

ج ابها/ الوادي / الهياثم/ طريق الرياض الخرج/ الرياض/ الدمام

السؤال الثالث هل يفضل تغيير زيت المكينه قبل السفر واذا وصلت هل يفضل تغييرهـ؟

ج التغيير حسب ممشاك

السفر راح يكون بعد اسبوع ونص مع العلم الزيت
جي تي اكس كاسترول 10-30

الله يسهل امرك ويحفظك

السؤال الرابع موية الراديتر زرقاء بغيت اعرف متى اغير ماء الرديتر وماهو افضل مبرد لها ؟

مالة داعي تغيير الماء وشيكه اذا ناقص زوده

السؤال الأخير هل الموتر يتشحم من تحت؟ واذا نعم ماهي الاماكن ؟ ومتى اشحم اسفل السياره كل 5000 كيلو او ماذا؟

المفاصل في المقدمه ولا عندي خلفيه كاملة عن ذلك

السؤال مابعد الأخير>>>هههه

امس رحت اغير زيت المكينه وخلصت من التغيير جاء ابو يمن يسكر

الكبوت المشكله طلعت يدين ابو يمن حاقده على الكبوت

وجاء في البدي طعجه غير حاده يعني دائريه بسيطة وصغيره
وابي حركه اسويها أو محل او ورشه في الخبر - الدمام او غيرها عندهم شفط للبدي تعرفون حرام سمكره على طعجه بسيطه

حاول بيدك من داخل البدي او عصى صغيره وردها من الداخل ضغط خفيف
والتغبيره قبل السفر بيوم


اعذروني على الاطاله واللي يرد علي استفساراتي يشهد الله اني بأدعيله كل خير

انا بانتظاركم يارجال مكشات

والله يجمل حالكم

تح ـياتي لكم

وشكرا

ويجمل حالك ولا تنسى توزن هواء الكفرات ولا بد من وجود العفريته والاسبير واشياء تتوقع انك تحتاجها بالطريق ( قارمن او خريطة اذا ماتدل المدن المتوقع زياتها )
النتاوي
16/06/2011, 02:01 PM
يالغالي توصل بالسلامة ,,

لكن على هونك 1340 كم ماهي سهلة .. خذها بيومين .. ليش العجله ..

الله يحفظك ويرعاك وييسر لك أمرك ..
الشرقيه 03
17/06/2011, 08:52 PM
بيض الله وجيهكم وجمل الله حالكم

ياعصابة راسي

تح ـياتي لكم
محطم عنيد
17/06/2011, 09:08 PM
العفو ياخوك ترى أحسب من الخبر لأبها

مدامها من أبها لللخبر

مايبيلها إعكس اللي قلت لك