قريشاتي مابين الثمانين وال 90 ألف <<< وش يجيب(ن) لي ؟! [الأرشيف]

patrol vtc

09/06/2011, 09:41 AM

السلام عليكم ,,

حيآآ الله الجماعة الطيبين ,,

يا أخوان نويت لي على سيارة ,,

وأخذنا لنا قريشات منا ومناك !

وصفالي مابين 80 الى 90 ألف ,,

أنا مانب راعي برر ,,

أمسك خطوط أحياناً ,

والدوام بررضه ,,

وتعرفون بعد مشاوير الرياض الله يعيننا عليها ,,

فمحتار بين الأمريكي ,,
والياباني ,
ولا لي نية بالكوري ,,

وما أدري عن الفرنسي ستروين يمدحونها بس مالها شعبية !

اللي معزم عليها وكااله ,, لكن وش يجيب لي المبلغ مستعمل نطيف؟!

عطنآ رآآيك لعل الله يفتح علينا وعليك ,, ومزايا السيارة ومشاكلهاآآ

والسلام عليكم ^ـــ^

ALBDRANE

09/06/2011, 09:53 AM

هايلكس غمارتين مكيفه والقزاز تماتيك

patrol vtc

09/06/2011, 10:01 AM

^^^
هلابك أخوي البدراني ,,
تسلم عالرد والاقتراح الطيب ,,
أنا مالي ف البرر ,, ولا ودي بسيارة برر ,,

وجزاك الله خير على ردك ^ـــ^

مدمن فتك

09/06/2011, 10:18 AM

دام مالك في البر وانا اخوك فعليك بالفاكتوريا عز الله انه موتر

الذيب 502

09/06/2011, 10:19 AM

دامك بتشتري السيارك لك

فأنت اللي تقرر

أكيد فيه شئ قريب لنفسك وتميل له

الفحل

09/06/2011, 10:19 AM

دور لك جيب نيسان سفاري 2007 وصدقني ماتندم

رسيس نجد

09/06/2011, 10:39 AM

ابعد عن الفرنسي ترى ماله قطع غيار حتى عند الوكيل

لاتكب البيالة

09/06/2011, 11:09 AM

اتوقع الكراون فكتوريا بهالقيمة وموتر ديره وخط ويعيش

خليفان

09/06/2011, 11:10 AM

انصحك بكامرى امريكيه 2010 V6 عز الله انها مجنونه عندنا وحده 2007 وماشية 266 الف كل يوم من الرياض للوسيع تقريبا 180 كيلو يوميا وفلوسك تجيب 2010 بالراحه ويبقي الربع عندك

http://i.ebayimg.com/00/$(KGrHqEOKi8E3K2jvGugBN7hn8n9EQ~~_4.JPG
http://i.ebayimg.com/00/$(KGrHqUOKkEE2-GG8jrrBN7hoGbS-!~~_4.JPG

مهندس غشيم

09/06/2011, 11:26 AM

والله الفورد كراون فكتوري ممتاز من المعارض انكانك تبي جديد لانها ارخص من الوكالة الا ان كان عند الوكاله تخفيض شف فيه الفاضل لسيارات احيان ارخص احيان بس انت قارن بينهم الفاضل بعد كارفور على طريق خريص

sniper2009

09/06/2011, 11:52 AM

اقول شف لك يوكن او تاهو سيارت صراحه حلوه في السفر وداخل المدينه بس يكون شاص قصير

Tamimi.fars

09/06/2011, 12:11 PM

قراند ماركيز انصحك بها خصوصًا انها بتنقطع وبترتفع اسعاره وباتالي يمسك سعره اذا جيت تبيعه جرب اركبه صدقني بتنسا كل المواتر اذا سقته

عاشق السيل

09/06/2011, 12:16 PM

أول وأهم نصيحة لا تاخذ إلا سيارة معروووووفة ولها شعبية علشان ماتتوهق بالصيانة وقطع الغيار وماتتورط فيها لابغيت تبيعها !!!

يعني إبعد عن الفرنسي وطقته ،، هلك على الأمريكي أو الياباني المعروفات بسسسسسسس !!!!

وأرشح لك الماركيز أو الفكتوريا أو الأفالون أو الكامري فقطططط .....

والله يرزقك اللي فيه الخير والصلاح ...

ساري بريدة

09/06/2011, 12:18 PM

فكسار اقل صرفيه للبنزين و8 سرندل للبر والسفر واقل سعر قطع غيار

والله يوفق

يالبى الهلا

09/06/2011, 05:55 PM

تبى نصيحتي خذلك ياباني لك للزمن

أطلال نجد

09/06/2011, 06:04 PM

أمريكي أو ياباني .

ما رأيك بالفورد تورس الجديدة 2011

محرك جبار وأقل فئة منه بـ 90 ألف لكن فيها مواصفات تفوق الخيال يليه فئة بـ 100 ألف تقريباً

وأعلى نوع منه يطلق عليه تورس ليمتد وقيمته تقريباً بـ 145 ألف ريال .

موفق للخير ،،،

جيب العشه

09/06/2011, 09:22 PM

اسمع ياخوك شف السياره ولاتشوف الصناعه

اهم شي اداء السياره تقضي حوايجك

وانا انصحك بيسراتين 2011 ممتازه جدا جدا

الاولى : فورد تورس وهي سياره جباره وقويه وفخمه وسعرها السياحي 96الف ونص فل 104

الثانيه ازيرا 2011 ابدااااااع جدا سعرها 89 بدون بانوراما و 92 الف بانوراما واضافات ثانيه

الاسعار تقريبيه

والازيرا روح شوفها بالوكاله تدعيلي

ديزب

09/06/2011, 09:32 PM

فورد كراون فكتوريا جديد لا تاخذ مستعمل ...

مجنون نحم

09/06/2011, 09:40 PM

سوناتا فل كامل -اوريونــ ـ لكزس آي اس 250 ــ الشارجر الجديدة ــ هايلوكس ــ ايسوزو فل دفع رباعيــ ــ

اغلى هالسيارات سعرة 126 وانت على هواك

مجنون نحم

09/06/2011, 09:42 PM

ماعليك من اللي يقول مستعمل يبيك تشقى مثله وتتعب

مغرم بالفتك

09/06/2011, 09:57 PM

لكزس موتر بر وتلقى نظيف بأذن الله

HAS5SAN

09/06/2011, 10:06 PM

كامري او قراند ماركيز

الجني العبد

09/06/2011, 10:10 PM

سوناتا ، عز الله إنه عز الطلب

شيهون

09/06/2011, 10:17 PM

http://www.haraj.com.sa/userfiles11/2011-02-08/5ca3bc3a2ee1d37d39816fe32fadf1ac.jpg

المماتوس

09/06/2011, 10:19 PM

دور لك بهن بنيت حلال وكل مطرود ملحوق

افلانش شرقاوي

09/06/2011, 10:19 PM

ليه ما تاخذ لك افلانش 2007 LTZ رزه وكشخه ان بغيته داخل البلد فهو شيخ وان بغيته للخطوط تقل طياره يعني بصراحه حلو في البلد والبر والبحر ويمكن مستقبلا في الجو هههههههه عموما الله يدل لك على اللي فيه الخير .

االكريزي

09/06/2011, 10:38 PM

الثانيه ازيرا 2011 ابدااااااع جدا سعرها 89 بدون بانوراما و 92 الف بانوراما واضافات ثانيه

الاسعار تقريبيه

والازيرا روح شوفها بالوكاله تدعيلي[/QUOTE]

انا اشهد الازيرا ماشاء الله عليها

مع انك ذكرت انك ماتبي الكوري بس حبينا نشاررك الراي
وموفق خير

ابوياسر1971

09/06/2011, 11:20 PM

اخي الكريم انت اللي تحدد وش تحتاج من سياره اللي معك تجيبلك سياره وكاله وتجيبلك مستعمل نظيف مثل تحتاج سياره عائليه ولا سياره صغيره ولا سيارة تجمع بينها وشف وش ترتاحله من انواع السيارات عشان تقدر تقرر تمنياتي لك بالسياره اللي تملى عينك وترضيك .

ددسن 2008

10/06/2011, 12:51 AM

دام مالك في البر وانا اخوك فعليك بالفاكتوريا عز الله انه موتر

اتوقع الكراون فكتوريا بهالقيمة وموتر ديره وخط ويعيش

والله الفورد كراون فكتوري ممتاز من المعارض انكانك تبي جديد لانها ارخص من الوكالة الا ان كان عند الوكاله تخفيض شف فيه الفاضل لسيارات احيان ارخص احيان بس انت قارن بينهم الفاضل بعد كارفور على طريق خريص

قراند ماركيز انصحك بها خصوصًا انها بتنقطع وبترتفع اسعاره وباتالي يمسك سعره اذا جيت تبيعه جرب اركبه صدقني بتنسا كل المواتر اذا سقته

فورد كراون فكتوريا جديد لا تاخذ مستعمل ...

وعليكم السلااام ورحمة الله وبركااته

انا مع راي الاخوان فوق .. لا تعدى الفكتوريا عملي وسعره بمتناول يدك

وبعدين انت تقول ما ابي البر .. انت في بلد صحراوي لابد من المرور يوما ما للبر

واذا تبي تجمع الثنتين خذ اكسبلورر 2011 وسعره تحت الميه ..

الله يوفقنا واياك ومن يقراا

أبوالمثنى

10/06/2011, 01:27 AM

فيه موتر من شفرولية ممتاز جدا صناعته امريكيه امريكيه مو مثل الكابرس واللومينا استرالي أو الابيكا كوري

اسمه ماليبو

سعرها 93000

لتفضل هدي صور

http://www.jeddahboys.com/Maher/2010Malibu42.jpg

http://www12.0zz0.com/2011/06/07/19/917917491.jpg (http://www.0zz0.com)

http://www12.0zz0.com/2011/06/07/19/840903034.jpg (http://www.0zz0.com)

http://www12.0zz0.com/2011/06/07/19/110844679.jpg (http://www.0zz0.com)

http://www12.0zz0.com/2011/06/07/19/793606951.jpg (http://www.0zz0.com)

http://www12.0zz0.com/2011/06/07/19/475818111.jpg (http://www.0zz0.com)E]

غاوي قهاوي

10/06/2011, 02:27 AM

لا تدور غير الاوريون

الباثفندر 3.5

10/06/2011, 05:12 AM

اكووووووورد سته سلندر
اكرفها ولا تقول بس

أميرالعشاق

10/06/2011, 05:43 AM

الله يوفقك...بالنسبة لي انصحك بالكراون فيكتوريا..
سيارة خطوط وراحة وخدمة...والله يرزقك السيارة المباركة..

الوسام889

10/06/2011, 05:52 AM

انصحك اخوي بالكامري

دامك منت راعي بر

خذلك كامري تماتيك عز الله انه موتر ديره وخصوصا بالرياض وقت الزحمه

وترا الكامري كلن يعرفله وله شعبيه

____________

الله يوفقك ويجيب لك السياره الي تسر خاطرك
والله يطعمك من خيرها ويكفيك شرهاااا
( مقدمآ)

مسير عليهم

10/06/2011, 02:31 PM

اذا تبي سيدان وامريكي

مر على وكاله فورد وعندهم التورس كبيرة ووحلوه او فيوجن اصغر منها وممتازة مع اخوي وحده

او تمر على الجميح او العيسى وتشوف لك ماليبو

الياباني مبالغ فيه وبدون مواصفات تذكر

أطلال نجد

10/06/2011, 02:56 PM

كلامك عين العقل أخي مسير عليهم

أتفق معك تماماً

وادي حويره

10/06/2011, 07:29 PM

اهم شيء وانا اخوك تجرب السيارات اللي حاط عينك عليها
ونصيحه لااخواننا بالمنتدى اذا بتمدح بسياره اذكر شيء من عيوبها حتى يكون الرجل على بينه
وانا اقولك ان عيب الفورد بالتقطيع وتبريد المكيف مش ولابد بالنهار اما بالليل فميه ميه

أطلال نجد

10/06/2011, 08:21 PM

غريبة أخوي وادي حويره
أنا مثلاً جربت فورد كراون فكتوريا موديل 1999 أربع سنوات تقريباً - استخدام أمريكي
وما واجهتني أي من العيوب اللي ذكرت .
أعتقد بأن مثل هذه العيوب البسيطة تختلف من سيارة لأخرى حسب الاستخدام الشخصي للمركبة .

تحياتي

أبوحمزه

10/06/2011, 08:29 PM

ياخي نصيحه والله ان اليوكن سياره مدينة وبر وسفر وخذلك شاص صغير ممتاز جدا عن تجربه والله من موديل 2005 و2006 وسعاره النظيف اللى مابعده 75 الف وخذلك سيارة صغيره لدوام بحدود 15 الى 20 صدقني بتدعيلي اخوك

محطم عنيد

10/06/2011, 09:16 PM

تبي نصيحتي خذ لك كامري وكالة وكالة وكالة ( متعقد من المستعمل )

وتبي تدعي لي إن شاء الله

سفاري959

11/06/2011, 12:49 AM

دامك منتب راعي بر نصيحه اخو لا تتعدى الفكتوريا جديد او شبه جديد ان بغيت راحه ووسع واقل صرف بنزين وفوق هذا كله سعره معقول ويكد معك سنين ان شاء الله ولا يهمك من ينصحك بالجيب وانت منتب راعي بر والله ان تندم انك شريته