في حر الصيف وعناء الوقوف (( نغنيك باذن الله عن هذا كله )) ..

[111 رحال]

بسم الله الرحمن الرحيم ...

السلام عليكم ورحمه الله وبركاته ..

في هذا الصيف وهذي الشمس الله يكفينا النار وكل مسلم

يشق على الواحد الوقوف والبحث عن المشروب البارد ..

لاكن باذن الله سوف ينجلي هذا العناء ..

تم وبحمد الله ترهيم ثلاجه للسياره وطبقت الفكره على سيارات

ومن ظمنهم سيارتي وكانت اول سياره ولله الحمد ادت اداء غير متوقع ..

وتمت ترجبتها من الصيف الماضي بالضبط نفس هالايام وترددت انزل الموضوع حتى اتاكد منها والحمدالله لم تخيب ظني ..

اكثر اعتماد السياره تعتمد على سعه الدرج بين السائق والراكب ..

للمزيد من الاستفسار اخوكم / ابوعبدالرحمن

ج/ 0553233435

اترككم مع الصور لتتظح الفكره

(( ما شاء الله تبارك الله ))

http://doraan.com/up/download.php?imgf=d100013072020341.jpg (http://doraan.com/up/download.php?imgf=d100013072020341.jpg)

http://doraan.com/up/download.php?imgf=d100013072020342.jpg (http://doraan.com/up/download.php?imgf=d100013072020342.jpg)

http://doraan.com/up/download.php?imgf=d100013072020343.jpg (http://doraan.com/up/download.php?imgf=d100013072020343.jpg)

http://doraan.com/up/download.php?imgf=d100013072020354.jpg (http://doraan.com/up/download.php?imgf=d100013072020354.jpg)

http://doraan.com/up/download.php?imgf=d100013072020355.jpg (http://doraan.com/up/download.php?imgf=d100013072020355.jpg)

http://doraan.com/up/download.php?imgf=d100013072020356.jpg (http://doraan.com/up/download.php?imgf=d100013072020356.jpg)

تم وبحمد الله

[ماون ماركز]

ما شاء الله . فكرة جميلة ومفيدة

موفق بأذن الله

[ابو طارق1994]

ماشاء الله


مشكور على حسن العمل والتخطيط

[معشوقي الصمان]

هلا أخوي 111رحال أشكرك على الفكرة الرائعة كما تعودناه من الاخوهـ أعضاء منتدى الغالي
لكن هل الثلاجة تشتغل على كهربا او لا .

ودمتم بخير ...

[111 رحال]

يعطيكم العافيه يا اخوان على المرور


اما اخوي معشوقي الصمان لا يا بعدي تشتغل على المكيف

وانا مستعد للتركيب ما عليك الاتصال ويتم الاتفاق باذن الله

[قناص خلاوي]

الثلاجة هذي تنفع لكل السيارات الباترول واللاند وغيرها
او خاصة بالامريكي ؟؟

[111 رحال]

اخوي اشكرك على مرورك وتم تطبيق الثلاجه على تاهو و اليوكن و سيكويا

تقبل تحياتي

[ويلومني]

السلام عليكم
الله يسر أمرك ويرزقك الرزق الوسيع
تركب الباثفايندر الشكل الجديد 2006
مع العلم انه يوجد تكايه بين السواق والراكب ويوجد مكيف خلفي وكم سعر التركيب وأين موقعك×

[الصمان 2]

أخي رحال


لو تكرمت تشرح طريقة عمل الثلاجة .



والله يرزقك يالغالي .




.

[خالد العمراني]

يا أخواني خلوووو الرجال يسترزق

اللي يبي يركب يتصل على الرجال والرجال متزهل بالتركيب

بس لو تعطينا الأسعار ياخوك

[سيف الظفير]

الله يرزقك يارب العالمين ويفتحها عليك انت واهلك

[111 رحال]

يعطيكم العافيه على المرور ..

وبيض الله وجهك يا خالد العمراني ..

اخي يلومني لابد من معاينه السياره وارجوا الاتصال اذا ما فيه كلافه ..

السعر ما نختلف يا اخوان دقوا ويسهل الله ..

[الحصان 1]

ماشاء الله تبارك الله

[بيك اب 4X4]

اذكر واحد منزل موضوع بالصور عن هذي الطريقه
اعتقد في منتدى ثاني
اعتقد لازم يكون فيه فتحة مكيف خلفي

[abuslman88]

السعر ....ونسوق لك والله يوفقك

[111 رحال]

يعطيكم العافيه يا اخوان

على العموم لا تحتاج لمكيف خلفي كل ما تحتاج له درج بين المرتبتين ثابت او فراغ لوضع درج

والسعر يا شباب ( 400 ) مع ضمانه الشغل باذن الله

ومن كان منكم يا شباب صامل يدق ويقدر يشوفها على الطبيعه

[الباثفندر 3.5]

الله يوفقك

[قناص خلاوي]

يعطيكم العافيه يا اخوان

على العموم لا تحتاج لمكيف خلفي كل ما تحتاج له درج بين المرتبتين ثابت او فراغ لوضع درج

والسعر يا شباب ( 400 ) مع ضمانه الشغل باذن الله

ومن كان منكم يا شباب صامل يدق ويقدر يشوفها على الطبيعه

بيض الله وجهك
سعرك طيب
بس ليتك تركب للاند والباترول :)

[111 رحال]

ووجهك يا بعدي

واما اللاند والباترول بشوف وادرس موضوعه وارد عليكم

[قناص*07]

اللاند الربع يجي بالدرج اللي قدام الراكب

[عالم مجنون]

شغل عدل انت وين موقعك عشان نطب عندك

[ابوعقل]

الله يباركلك ان شاء الله

بس كم مدة التركيب ؟؟

[قمرنا]

أخوي أشكرك على هذا الطرح الجميل
أنا عندي تاهو 2005 متصل منفصل
هل تركب عندي وكم التكلفه(تراها تهمني)
وكم الوقت؟
الله يرزقك ويوفقك....:good2:

[111 رحال]

يعطيكم العافيه ع المرور

بالنسبه لقمرنا ان شاء الله تركب والتكلفه نفس اللي ذكرت ( 400 ) يا بعدي وانت دق وابشر بالخير يا بعدي

[aboteef]

الموقع الله لا يهينك

[محمد براهيم]

ماشاء الله تبارك الله
شغل مظبوووط ومرستك
كم سؤال لتعم الفائد للجميع
هلى تعطي عليها ظمان ..؟
ووين محلك ..؟
تستااااهل كل خير
و 400 ريال احس ماهي حقها تستاهل اكثر
(مجرد رأي )

[111 رحال]

السلام عليكم
محلي ..... في اسكان الحرس الوطني الي في خشم العان

ام الضمان اعطيك ضمان اذا كان مكيفك شغال لانها مرتبطه بمكيف السياره


وتقبلو تحياتي

[محمد براهيم]

اخوي انا مشبه عليك
انت محمد عبدالرحمن اليحيى ؟

[Abo gssar]

يعطيكم العافيه يا اخوان

على العموم لا تحتاج لمكيف خلفي كل ما تحتاج له درج بين المرتبتين ثابت او فراغ لوضع درج

والسعر يا شباب ( 400 ) مع ضمانه الشغل باذن الله

ومن كان منكم يا شباب صامل يدق ويقدر يشوفها على الطبيعه

سعر معقول جدا والله يرزقك من واسع فضله....
هل تركب على اليوكن2004 وسوالي هل تستغني عن الدرج اللي بين المقعدتين ولاتصير فيه الثلاجة...
والله يوفقك

[سمو حايل]

بالتوفيق ياغالي,*

[((ابوملاك))]

ماشاء الله تبارك الله
شغل مظبوووط ومرستك
كم سؤال لتعم الفائد للجميع
هلى تعطي عليها ظمان ..؟
ووين محلك ..؟
تستااااهل كل خير
و 400 ريال احس ماهي حقها تستاهل اكثر
(مجرد رأي )


ياخوي وانت وش عليك

يعني لازم تغلي على المسلمين

وش دخلك بس ابفهم انا ؟؟؟

والحمدلله مهوب خسران بالعكس تلقاها ماتكلف 50 ريال الحوسه حقته وقل ان شاء الله 300 ربح 100 خير ونعمه

وواضح انها ماتكلف 50 ريال

[111 رحال]

يعطيكم العافيه يا اخوان

اخوي مجهول 666 يبدوا ان اخوي محمد ابراهيم وضع تحت الرد عباره ( مجرد راي )

الرجال عبر عن رايه فما لاحد يحاسبه فضيقت صدري بـ قولك ( وش دخلك بس ابفهم انا ؟؟؟ )

كلنا اخوان وفي منتدى واحد عرفت فكلكم اخوان

وانا ضني ان كلامه يعني فيه قيمتها المعنويه وما سوف تأديه تغنيك عن مشترى ثلاجه كهرب وقص وترهيم ( فهمت علي )

اما كم تكلفني هذا شي خاص فيني ( والله يرزقني ويرزق مني )

اتمنى ما تشيلون بخاطركم يا اخوان والعذر والسموحه

اخوكم ابو عبدالرحمن

[* ابو باسل *]

بالتوفيق ان شاء الله بس ماقلت لنا بالنسبه للامريكي لازم الدرج او المرتبه الي متصل منفصل تثبت وماعاد تتحرك ولا كيف .
ووفقك الله هذا الشغل العدل والله اني اجيك واعطيك دراهمي احسن مما اعطيها بنقالي او يماني في ورشه .

[محمد براهيم]

ياخوي وانت وش عليك

يعني لازم تغلي على المسلمين

وش دخلك بس ابفهم انا ؟؟؟

والحمدلله مهوب خسران بالعكس تلقاها ماتكلف 50 ريال الحوسه حقته وقل ان شاء الله 300 ربح 100 خير ونعمه

وواضح انها ماتكلف 50 ريال
بترفع ولا ني راد عليك :good2:

[ابو عكلي]

لاحول ولاقوة الا بالله,,
الناس وش بلاهم شبعانين شر,,
بكل مكان تهاوشون
الله يسترنا ويرزقك ياراعي الموضوع
ويرزقنا,,
هذا جزء اللي يدور لكم الفايده
الرجال يبي يترزق الله اللي يبي يركب عنده
واللي مايبي يقول خير والا يصمت
يادافع البلاء
الله يعينك ويوفقك ياراعي الموضوع

[المسافر]

مشكور اخوي والله يرزق الجميع من واسع فضله
هل تركب على الفورشنر 2011 وشكرا

[بحر الموده]

111رحال اذا توصلت الي معرفة تركيبها علي الندكروزر الجي اكس تواصل معنا بارك الله فيك

[أبو مسفر]

111 رحال
جوالك طافي من امس جزاك الله خير

عندي يوكن 2007 مراتب مفصولة درج شد بلد
وكيف التواصل معك للتركيب ؟؟
وكم يستغرق الوقت ؟
وهل من الممكن جعل الثلاجة تشتغل لوحدها ؟
وهل لها زر خاص اذا رغبت في عدم تشغيلها ؟

[111 رحال]

السلام عليكم ورحمة الله وبركاته

هلا اخوي صادق الوعد .... اعذرني توني اشوف مشاركتك ..... نعم تركب على اليوكن 2004 لان سيارتي تاهو 2004 ومركبها



تقبل تياتي

[111 رحال]

هلا بكم

اخوي ابو مسفر اذا الدرج ثابت ان شاء الله تركب

التركيب ان شاء يكون في يوم

تقدر تشغلها لحالها وتقدر ماتشغلها وليس لها زر لاكنه على فرارات المكيف

اسف الجوال كان طافي يشحن ونسيته يا بعدي

[((ابوملاك))]

بترفع ولا ني راد عليك :good2:
يعنني :D:p

[Abo gssar]

السلام عليكم ورحمة الله وبركاته

هلا اخوي صادق الوعد .... اعذرني توني اشوف مشاركتك ..... نعم تركب على اليوكن 2004 لان سيارتي تاهو 2004 ومركبها



تقبل تياتي
عادي خذ راحتك
سوالي وانا اخوك عن الدرج اللي في اليوكن شد البلد هل تشيله وتركب الثلاجة محله ولا نفس الدرج يصيرثلاجة بدون تغيير...

[الديبل1]

السلام عليكم
أخوي أنا موتري سييرا 2009 وفيه درج بين المرتبتين
هل ممكن تضبط الثلاجة وجزاك الله خير

[الديبل1]

السلام عليكم
أخوي أنا موتري سييرا 2009 غمارتين وفيه درج بين المرتبتين
هل ممكن تضبط الثلاجة وجزاك الله خير

[ويلومني]

السلام عليكم
اخوي رحال 111
لو تكرمت مارديت علي بخصوص الثلاجة تركب على الباثفايندر او لا موديل 2006 وطالع الشكل الجديد رحم الله والدينا ووالديك×

[111 رحال]

يعطيكم العافيه يا خواااان

اخوي ويلومني يا ليت تمهلني وابشر بعززك

اخووي الديبل1 ان شاء الله تركب في الموضوع رقم جوالي والله يوفق ان شاء الله

[111 رحال]

يااااا اخوااان انا اعاني هاليومين مشاكل في النت يا ليت تعذروني والله

[عاشق السيل]

كفو والله يالذيب ،،

الله يكثر من أمثالك ويرزقك من واسع فضله ......

[أبو مسفر]

رحال طول الله عمرك

جوالك الى هذا اليوم طافي

كيف التواصل ؟؟؟؟؟؟؟؟؟؟؟؟؟؟؟

[الديبل1]

جزاك الله خير أنا من قطر وأنشاءالله
اذا جيت السعوديه بكلمك وبحاول
آجي قبل رمضان أن كنا من الحيين
بس وين مكانك عشان ارتب طريق السفر
والله يرحم والديك ووالدين المسلمين

[أبو مسفر]

معليش يا رحال
اثرني من ثلاثة ايام مخطي بالرقم
ويوم جيت ابا اعدل الرد إيلاه قد فات

على كل انا اخطيت بالرقم ورجعت للصفحة الاولى وعدلت الرقم ومسك الخط

[111 رحال]

يعطيكم العافيه يا اخوان

عااااشق الذيب بيض الله وجهك والله يجزاك خير ..

ههههههههههههههههههههههههههههه هلا والله اخوي ابو مسفر الله يجزاك خير زااااد والله شكيت بالرقم مع كل العالم تدق علي الا انت بس الحمد الله طلع الخطا في الرقم

اخووووي الديبل1

ما شاء عليك والله انك بعيد الله يعينك بس ومعليك انا مكاني قريب في الرياض خشم العان شرررق الرياض اسكان الحرس الوطني << حول خط الشرقيه

[111 رحال]

السلام عليكم ورحمة الله وبركاته

اخواني الاعزاء اشكركم على تفاعلكم مع موضوعي وكل من قام بالاتصال علي وكل من قام بزيارتي في منزلي وارجو ان اكون قد قمت بحق الضيافه

تقبلو تحياتي اخوكم ....... ابو عبدالرحمن :l

[احمد الشمال]

بارك الله فيك

والله يجزاك الجنه ان شاء الله

تقبل تحاياي وتقديري لك

وبالتوفيق ان شاء الله