الحل الجذري لمشكله حساس الهواء الباث فندر 2003 الى 2005

[mmgarni]

السلام عليييكم في الصناعية من الصبح الى الحين وجبت الحلللل

اولا نبدا بالاسباب المودية الى عطل حساس الهوااء في الباثفندر 2003 الى 2005
1_ تكون القربه مكسورة او بها تسريب هواا وهذي مشكلتي في الجيب
2_يكون فيه تنسيم من بين الفلتر مرورا بالحساس الى بوابة البخاخ الثروتل
3-الفلتر التجاري يجيب اجل الحساس على المدا الطويل

انا غيرت اكثر من 7 حساسات الاسبوع الماضي فقط ب380 لكل حساس
وكلها تضرب بعد فترة وجييزه والسبب (البرمجه) لا بد بعد تركيب الحساس عمل برمجة لنظام الحساس والهواء وهو معروف لدى المبرمجين

انا مركب لمبتين في الكبوت ومركب كتاوت نور وليس لها التاثير الا اذا كان التسليك خاطئ

حبينا نفيدكم باللي حصل والحمد لله الموتر رجع لطبيعته واحسن

بيض الله وجيهكم جميعا اللي رد واللي دعا لي واللي في المنتدى كلهم

والله يسوق رزقه الصالح لكم من حيث لاتحتسبون

واكبر فخر لي اني ابن لهذا الصرح الشامخ ورجاله الاوفياء

و الاستاذ الفاضل ابو شايز ان لم اخطى له دعوة في ظهر غيب

وسلامتكم واي استفسار انا حاضر للجميع

[الباثفندر 3.5]

الحمد لله انك حليت المشكله
و عساك ما تشوف مكروه

[mmgarni]

الله يسعد ايامك ماقدرت اناااام فرحاااان شكلي بروح انام في الجيب هههههههههههه

[mrayman]

الله يسهل امورك عز الله فرحتني لاني توني تكدرت يوم شفت موضوعك الاول والحين انحلت المشكلة صدق اهل مكشات راعين الفزعات ماخاب الي يشاور وانا اخوك موفق باذن الله

[aooa]

الله يعطيك الــ 1000ـــف عافيه

الحقيقه انه يثلج الصدر ان يكون المسلم يود الخير لاخيه المسلم ولانك كذلك اراد الله لك الخير بعد معاناتك السابقه وفرج همك ووفقك لانك تحب الخير لاخيك ..

[ويلومني]

البركة يااخي على حل هالمشكلة أثلجت صدري بهالخبر الحلو الله يسر امورك ويوفقك وتبدله ب2012 بمشيئة الله ×

[mmgarni]

الله يسعد ايامكم جميعا وتحت امر الجميع

[سوبر VTC]

الحمدلله على كل حال
اخي العزيز
احد الاعضاء معه باثفندر يقول ان حساس المكسيما يركب و قيمته ب200ريال
مارأيك ؟؟؟

لو تدعم موضوعك بصورة للحساس و مكانه يكون موضوع مكتمل
و تاخذ اجر جميع من يقرا موضوعك لاسيما ان البعض ما يعرف
لاشكله و لا مكانه و ايضا دعوة صالحة من كل عضو

[mmgarni]

اخوك غشيم جدا جدا في التصوير وفي التنزيل
حساس المكسيما عطوني الوكاله ورحت اركبة طلع الفيش حق الباث فندر 5 مداخل وحق المكسيما 4 مداخل مستحيل يركب

[mmgarni]

وبعدين حساس المكسيما لو تاخذة من الوكاله مايرجعون القطع الكهربائية لو تموووت