يوكوهاما والا فايرستون والا فيدرال او كوبر نبي تجاربكم

[مسير عليهم]

السلام عليكم

لي شهر وزود ادور كفرات لموتري سييرا حجم 2500

ولا ودي بنقشه ناعمه

المهم رسيت على يوكوهاما مقاس 265/70/17 وسعره اقل شي 640 ريال

ولقيت كوبر ونقشته حلوه سعره بحدود 580 على مااذكر بس مدري وش هو من لحيه قريت عنه انه يحبل وغاطه خفيف ..! هو صدق

واليوم مريت محل وصفه لي واحد من الشباب هنا بالموقع ولالقيت عنده اللي ابيه وقال لي عندي كفرات فيدرال نوعها تايواني وسعره بعد المكاسر قال 490 تقريباً جازت لي نقشته

لكن اول مره اسمع به وعلى كلامه انه امريكي تصنيع تايواني

انا راعي خطوط وسرعها توصل 180:D بس مهوب دايم

وحركات الشياب ماابي لا يجيني واحد ويقول ركب بوالين وطقتها :mad:


العلم اللي ابيه فيدرال هل هي مجربه ومعروفه والا اصمل على اليوكوهاما واريح راسي


نسيت الفايرستون اخبر لي واحد مركبها على شاص ويمدحها لكن على الجمس كيف

[Abo gssar]

مساك الله بالخير اخوي مسير
بالنسبة لي مجرب الفايرستون على اغلب السيارات اللي عندي ماشاءالله ماعمري شكيت منها ابد من يوم اركبها لين تنمسح وتصير بدون نقشه ماعمرهاضربت او حبلت علما ان سعرها معقول حتى بعد الزيادة...اما بخصوص الانواع الثانية انا اشوف اليوكوهاما ممتازة ...والله يختار لك الزين ...

[بدوي جنوبي]

مساك الله بالخير اخوي مسير
بالنسبة لي مجرب الفايرستون على اغلب السيارات اللي عندي ماشاءالله ماعمري شكيت منها ابد من يوم اركبها لين تنمسح وتصير بدون نقشه ماعمرهاضربت او حبلت علما ان سعرها معقول حتى بعد الزيادة...اما بخصوص الانواع الثانية انا اشوف اليوكوهاما ممتازة ...والله يختار لك الزين ...

الفاير ستون ممتاز جداااا
لكن الأحظ انه بعد فتره من الاستخدام يصير قاسي
الان عندى في السياره تاريخ الصنع آخر سنة 2008 وباقي الدعسه نظيفه
لكن قاسي جدااااا

[التعـ King ـديل]

افضل شي للخطوط وعن تجربه الهنكوك مع المشي يلين

وبالنسبه للخيارات اللي حطيت افضلها الفايرستون الامريكي

[الذيب 502]

استخدامك يحدد الكفر المناسب

شكلك راعي خطوط وسرعة على حسب كلامك

اهتك في جودة لكفر وأنه يكون A A

وأن سرعة الكفر عالية

وأنه يكون H\T

والله يوفقك

[مسير عليهم]

صادق الوعود

الفايرستون طيبه لكن مشكلتها في الدعسه ناعمه والموتر اللي معي مايرحم الكفر والخوف يزلق بي


بدوي جنوبي

حي الله مشرفنا الغالي ماتشوف 2008 قديمه اللي عندي مثلك قديمه وراعيه الاول الله يوفقه قال لي غير الكفرات واستخدامي قليل للموتر وهو مخصص للسفريات والمشاوير البعيده


التعـ King ـديل

الهانكونك قالو لي ماتتحمل ثقل السيارة والتحميل الزايد واستبعدتها من القائمة


الذيب 502

استخدامي اغلبه خطوط خراج الرياض وداخل الرياض قليل والبر لنا فيه نصيب وسرعتي على حسب واغلب الوقت حدي 140 وحاط في الاعتبار درجة الحراره a

[bloodomen]

الفايرستون ممتازة
جربتها في الخطوط وفي الوعر والبر
ماشاءالله رائعة وتتحمل و لا عمرها اشتكت
لكن عيبها القساوة

[أبوالمثنى]

أنا الي جربته اليوكوهاما صراحه ممتازة بالحيل جربتها على موتري الباجيرو

ونصحت واحد من الربع معه لاندكروزر ومركبها له سنه ممتازه ماشاء الله

[على رمشي تمشي]

عندك اليوكاهاما والفايرستون على الطلب إلى قلتهم ممتازه جداً - فيدرال ماتضمنهن
والله يكتب لك إلى فيه خير وصالح

[مسير عليهم]

bloodomen

انا معك والاغلبيه مدحو الفايرستون ومثل ماقلت مشكلتها في النقشه الناعمه


أبوالمثنى

انت حاذ يمين كلهم فايرستون الا انت كنك حاس فيني وتراعي شعوري ودي باليوكوهاما بس متغيليها



على رمشي تمشي

هل من تجربه لكفرات فيدرال بحثت عنها ولقيت اصاحاب السياارت الصغيره يمدحونها لكن مالقيت سيارات كبيرة مجربينها

[ابوالوليد111]

أنا الي جربته اليوكوهاما صراحه ممتازة

[مسير عليهم]

ابو الوليد

ليتك ذكرت نوع السيارة انت خابر الجمس مهوب مثل الصغيرة

[التعـ King ـديل]

هنكوك 17 كانت على برادو عندي مايوقف سفريات بالاهل وتحميل اغراض ولا احلا منه

[الذيب 502]

هنكوك 17 كانت على برادو عندي مايوقف سفريات بالاهل وتحميل اغراض ولا احلا منه




الهانكوك يهج ودعسته تروح بسرعه

وفيه ليونه زاااايده

والتراكشن حقه b

وفوق هذا سعره غالي ما بينيه وبين الياباني والامريكي شئ

فراايي تبعد عن الكوري وعن هانكوك من واقع تجربة

[مسير عليهم]

الهانكوك مانصحوني فيه وهو مستبعد من القائمة

لكن فيدرال من اللي مجربه

[دعوجي]

الفايرستون ممتازة أخترتها بعد أستشاره
جربتها في الخطوط الطويله سياره جيمس يوكن
مره عاجبتتني عيبها فعلاً الدعسه ناعمه
دمتم بخير

[omarx5]

جرب التويو

[نطاح الدجال]

سلام عليكم

ناوي اغير كفرات الجيب
مقاس 18

اللي عليه الان شد بلادة
دنلوب وقااسي جداااااا
تاريخ صنعه اخر اسبوع من 2009
ياليت تدلوني ع نوعيه ممتازة ولينه وسعرها جيد
بالرياض او القصيم

السيارة باجيرو

[الباثفندر 3.5]

انا مجرب الفيدرال و كانت نقشته غريبه شكلها حق سرعه
المهم بعد شهرين رميتهم بالزباله لانه بدت تطلع فيهم شقوق غريبه خصوصا بالكفر الخلفي و فيهم رجه ما تروح
نصييييحه لاتركب فيدرال (انحش)
الماكسس ممتاز بس عيبه يصير قاسي بعد اكثر من سنه من الاستخدام

[الذيب 502]

الفاير ستون كثير يسبونها ويقولون انها تضرب

حتى حني سألت كم بنشري ما ينصح فيها

[ذعذآع]

السلام عليكم

الهانكوك كوري وصناعه كوري ممتاز ولا تاخذ الا من الوكيل
وفيه نقشات على كيفك ومواصفات اللي تبي شي للصوالين وشي للونيتات لايت ترك LT

[مسير عليهم]

دعوجي

تسلم لكن مشكلتها دعستها ناعمه ولا تصلح لي


omarx5

سألت عنها لكن المشكلة الدعسة ناعمه وفيه شخص نصحني بها


نطاح الدجال

الرياض عندك الغرابي لكن يبي لك ساعه بال وتدور على كل المحلات اسعارهم تتفاوت وحسب رغبتك


الباثفندر 3.5

هذا الكلام لكن ماذكرت المقاس وعلى اي سيارة ومتى فيدرال جازت لي نقشتها وسعرها لكن اداءها مدري عنه


الذيب 502

بالعكس مجربينها على باترول وكانت ممتازة والان اعرف شخص معه شاص ومركبها ولا اشتكى منها وهو راعي بر وسفريات


ذعذآع

المشكله مالقيت الا نقشة ناعمه وكذا محل قال لي ابعد عنها ووين وكيله بالرياض

[ذعذآع]

ذعذآع

المشكله مالقيت الا نقشة ناعمه وكذا محل قال لي ابعد عنها ووين وكيله بالرياض

هلااا اخوي مسير عليهم ..

المحلات تبي تصرف التايواني ، صحيح شركات ياباني لكن التصنيع تايوان
حتى الامريكي فيه مكسيكي وبرازيلي وفلبيني ، الاصلي يعني من المنشأ صعب تحصل لانه غالي ..

الكوري منشأ ومصنع كوري ، وتراه طيب حسب تجربتي وسعره معقول ومقبول .

الوكيل سلمك الله نهاية شارع الريل وانت جاي من شرق قبل تدخل الغرابي شفه على يمناك
لا وصلت اي واحد تسأله بيأشر لك عليه واضح .

والسوق اغلبه وارد الامارات او تجاري ، انصحك تاخذ من الوكيل في أي ماركه تحب .

وترى الماكسس التايلندي ما هو قاصر ويجمل ، بس لا تاخذ تايواني

الله يوفقنا واياك

[الباثفندر 3.5]

دعوجي

تسلم لكن مشكلتها دعستها ناعمه ولا تصلح لي


omarx5

سألت عنها لكن المشكلة الدعسة ناعمه وفيه شخص نصحني بها


نطاح الدجال

الرياض عندك الغرابي لكن يبي لك ساعه بال وتدور على كل المحلات اسعارهم تتفاوت وحسب رغبتك


الباثفندر 3.5

هذا الكلام لكن ماذكرت المقاس وعلى اي سيارة ومتى فيدرال جازت لي نقشتها وسعرها لكن اداءها مدري عنه


الذيب 502

بالعكس مجربينها على باترول وكانت ممتازة والان اعرف شخص معه شاص ومركبها ولا اشتكى منها وهو راعي بر وسفريات


ذعذآع

المشكله مالقيت الا نقشة ناعمه وكذا محل قال لي ابعد عنها ووين وكيله بالرياض

هلا بك
جربتها على موتري باثفندر نفس اللي بالتوقيع و المقتس على ما اظن 245 65 17
و هالكلام قبل سنتين و سعرهم اذكر انه رخيص قريب ال 370 ريال و خذيتهم من الوكيل و نقشتهم مثل رقم 8 بالعربي

[بن نويشر]

جرب الماكسس ، الصراحة هذه ثاني مره اركبها ولا شفت منها خلاف . وترى الصناعية تايلندي ووكيله الهاجري .

وبالله التوفيق ،،،،