أبي رايكم في فك أبرة البلف عشان التنسيم .. لا تبلخون علينا بالراي

[الكاسر23]

أخواني الكرام

دائما ألقى الكلام حول تنسيم الكفرات في المناطق الرملية يدور على التنسيم بالطريقة التقليدية اللي نعرفها، وهي الضغط على أبرة البلف حتى الوصول إلى ضغط الكفر اللي تبيه. رغم أنه توجد طريقة أسهل وأفضل، وهي فك أبرة البلف وكلها 20 ثانية وانت مخلص الكفر الواحد (هذا اذا كان ضغط الكفر 40 قبل التنسيم، وتبغاه 18 مثلا)، يعني العملية كلها ما تاخذ منك دقيقة وعشر ثواني، ومع الوقت صرت افك كفرين مع بعض واخلص في 40 إلى 45 ثانية. وهذه الطريقة اسرع من التنسيم العادي اللي لقية منه السلبيات التالية:
1- الوقت اللي تقضية في التنسيم (10 دقائق)
2- احتمال خراب الابرة مع كثر التنسيم بهالريقة لان السسته تخرب مع كثر الضغط عليها بطريقة خاطئة.

فأرجو من اهل الخبرة في هالمواضيع ان يدلوا بدلوهم في هذا الجانب، فقد وجدت الراحة بصراحة في التنسيم بفك ابرة البلف، فهل فيها مشاكل.

ملاحظة: حتى اتفادى عطب الأبرة أخذت معي عدد (10) أبر احتياط في صندوق العدة لتفادي تعليق السسته او خرابها مع الوقت، علما ان العطب صار لي عدة مرات من جراء التنسيم بالطريقة التقليدية (المفتاح أو مسمار أو خلافة).
بانتظار رأيكم ودمتم

[بريق كشته]

انا معك 100%
والناس يقولون انة ممكن تفلت منك الابره ويفضى الكفر
قلهم معي المنفاخ جاهز للفزعة
ترى فيه فرق بين دقيقة وانت تتقرج على الكفرات الاربعة وهي تنسم وبين خمس الى سبع دقايق وانت تضغط على الابره بمفتاح وانت مبوبز( قرفصاء).

[escape_man]

اخوي الكاسر فك البلف وماعليك
هذي طريقتي من سنين
لكن دايم تلاقي معي للاحتياط بلفين جاهزه بالدرج للخرابات والتنسيم الي ممكن يحصل

خلك ذيب

[منــاكد]

الأخوان جميعاً


انا ارى انه من الأفضل إستعمال رأس هوز بمشبك مثل هذا...

http://www.wildmanstoolcrib.com/images/x1037.jpg



وسلامتكم...



.

[الكاسر23]

أخوي بريق وسكيب مان
الله يعطيكم العافية على سرعة الرد والتفاعل مع الموضوع.

بصراحة كنت محتار، اشوف الناس يتكلمون بكثرة عن التنسيم بالطريقة العادية، قلت يمكن في فك البلف مشكلة.

وشكرا لكم مرة أخرى.
أخوكم
أبومحمد

[عاسف المهره]

السلام عليكم ورحمة الله وبركاته
أخي العزيز أنا أأيد فكرتك ولكن عني إقتراح وهو من واقع تجربه شخصيه
يوجد عند محلات الرحلات ومحلات الزينه لي هواء ( إشتراك من كفر لكفر )
على سبيل المثال اذا جيت تنسم الكفرات يمكن تشيل الابره مره وحده من الكفر القدامي وبدال ما تستخدم لي الهواء
العادي تعمل اشتراك هواء بين الكفرين القداميين ومن ثم تنتقل لأحد الكفرات الخلفيه وتعمل نفس الطريقه

[أبو يوسف]

طريقة رائعة بشرط يكون معك بلوف احتياطا

لايهمك هرج الناس فك البلف وماجاك علي

تحيتي

[الكاسر23]

أخوي عساف المهره

حاولت افهم الفكرة لكن ما قدرت .. هل ممكن تبسطها عشان افهم المقصد من الليّ المشبوك بين الكفرين الاماميين
اذا عشان التنسيم اصلا استخدم مفتاح يفك الابرة بالكامل ويريحني من الجلوس جنب الكفر اثناء التنسيم.

بانتظار الايضاح بارك الله فيك.

[عاشق البسمه]

مافيه أي مشكلة وأنا لي كم سنة وأنا على هالطريقة ولله الحمد

[كشات]

http://www.geocities.com/hraaar_1/1100218787_starting_word.gif

بالنسبه لي استعمل هالطريقه من يمكن 10 سنين افك البلف واروح افك البلف الثاني وارجع اركب البلف الاول

وزنية التنسيم عندي هي ( اسمع صوت صفير البلف ) منها اعرف ان هذ هي التنسيمه اللي ابيه

اما بالنسبه للبلف الاحتياطي

عندي لكم فكره ثانيه

مفتاح الابره (غطاء البلف)النحاسي هو افضل شي اذا مالقيت لك ابره ركبه على البلف وباذن واحد احد ماهب منسم
لان الغطا النحاسي محكم الاغلاق وبه ربله من الداخل ركب بكل بلف واحد احتياطا

[شاص]

وش خليت ,, أفضل وأسرع وأحسن طريقة وخاصة إذا معك أبر احتياط لكن تأكد من شد الإبرة بعد تركيبها

[المموه]

امر الله من سعه . الا اذا سيارك وايت .
نسم على رواقه ليش تشيل ابر وتفك وتربط وتحوس الدنيا الا اذا كان قدامك كبة قميري عاد يختلف .اقلع الكفر كله وانت عجل .
حلوه البرود هذا .

[نجم سهيل]

سلام عليكم

أفضل طريقة للتنسيم هي بأستخدام أداة التنسيم المرفقة في الصورة التالية:

http://www.mekshat.com/pix/upload/images12/mk59_p8i3.gif

كل اللي مطلوب أنك تربط القطع في البلف وتركب سيارتك وتوكل على الله. الشنطة فيها أربع قطع حق أربع كفرات, طبعاً القطع لها مجال للضغط من 8 ال 20 PSI, وتقدر تضبط الضغط حسب الحاجة. مثلاً أنا ظابط الوزنية على 15 وبمجرد أنك تربط القطعه في البلف يبدأ الكفر بالتنسيم حتى يصل الى ضغط 15 PSI ثم يوقف التنسيم.

كذلك يجي مع المجموعة عيار هواء و جدول يبين ضغط الهواء لجميع مقاسات الكفرات.

والمجموعة تحصل منها عدة مجالات منها 8 الى 20 والأخرى من 15 الى 30 وكل نوع يأتي بلون مختلف منعاً للخلط وهي مصنوعة من الألمنيوم.

أنا أشتريتها من الأمارات بسعر 200 ريال وحصلتها عند معرض العيسى على الدائري الشمالي ولكن بسعر خيالي.

استخدمتها أكثر من سنتين وصراحة مريحتني.

سلام

[karem4x4]

ما عنك مشكلة فك البلف عادي, بس خلك حريص لا يطيح منك في الرمل و تبحل و استخدم طرقة العد لتصل للضغط الي تبي.

[أبو رشود]

هذي طريقتي واستعن بالله ........

فك البلف يا سنايدي






أخوك/ أبو رشود

[محب الشمال]

فكره جيده باذن الله
وزي ما قلت انت وكذلك الاخوان لا بد من ان يكون معك بلوف وابر زيادة
وزي ما ذكر الاخ شاص تاكد من شد البلوف
وكذلك ما قال الاخ كريم 4*4 انتبه لا تطيح بالرمل
طبعاً شي طبيعي يكون معك منفاخ هواء

والله يحفظك ويرعاك