تجهيزاتي المتواضعه للباث

[قرم]

بسم الله الرحمن الرحيم

إخواني هذي تجهيزاتي المتواضعه للباث ارجو ان تحوز على رضاكم .


اولاً ا 176C قارمن حمال الأسيه والله ياحليله ما افكر اغيره
http://www.mekshat.com/pix/upload/images12/mk8645_g1.jpg

كرسي القارمن

http://www.mekshat.com/pix/upload/images12/mk8645_g2.jpg

انتل ماغناطيسي للقارمن له سنه فوق السياره بالشمس والغبار والمطر وشغااااااااااااااااال

http://www.mekshat.com/pix/upload/images12/mk8645_g3.jpg

ايكوم 2100

http://www.mekshat.com/pix/upload/images12/mk8645_i1.jpg

المايك

http://www.mekshat.com/pix/upload/images12/mk8645_i2.jpg

انتل لارسن الأسود

http://www.mekshat.com/pix/upload/images12/mk8645_i3.jpg

محول من12 فولت ل 220 بقوة خرج 600 واط شغلت عليه الدرل 550 واط ماشا لله ولاعليه وتراه مثبت تحت الكرسي بحزام يعني مب حر اويلعب

http://www.mekshat.com/pix/upload/images12/mk8645_tr.jpg

لمبه 100 واط للكبوت مهمه جداً

http://www.mekshat.com/pix/upload/images12/mk8645_ligh.jpg

وهاذي باقة ورد لكن للأسف رائحتها شحم وزيت وغبار .. في وجه عدو الدين

http://www.mekshat.com/pix/upload/images12/mk8645_tjhezat.jpg

والله يحفظكم أخوكم الصغير قرم

[sultan8861]

ماشاء الله تضبيط ولااروع ويعطيك من خيره ويكفيك شره

القارمن اللي مركبه كم سعره وكيفه معاك


وشكرااااااااااااااااا

[طخيمان]

ماشاء الله شغل تمام الله يعطيك خيره ويكفيك شره.

[دسم الشوارب]

وش ذا الزين
ماشاءالله
شغل عدل الصراحه بيتكم حلو يهبل وخاصةً الباب الكهربائي

[رمال الصحراء]

كفو يالقرم والله يعطيك العافية

[أبرق]

هلا بالغالي ..

تذكرني بـ يوم طلعت موتري عام 2002 الباث .. كنت اعتني فيه واهتم

وجبتله الايكوم واللمبات ( على ايام الزرق ) .. اما الحين خلاص ..

4 سنوات كافية انك تعاف الموتر وما تدلعه ..

بس عندي سؤال يا غالي ..

كل هالعزبة والعدة .. اجماليا كم طلعت عليك ...؟

[أبو يوسف]

ما شاء الله عليك

شغل متكتك

بالنسبة للمحول كم سعره ووش صناعته

مشكور على الصور
تحيتي

[قرم]

السلام عليكم ورحمة الله وبركاته

sultan8861 حياك الله مره اخرى القارمن هذا هو 176C ملون شريته قبل سنه ونصف ب 2000 ريال من الوكيل دارموجه بجده وسويتله تحديث قبل 3شهور وصار اكثردقه وأوضح وهذا لن تجده في السوق لإن الوكيل صرفه لإن فيه انواع نزلت من نفس عائله 76C وهي 276 , 376
وطبعاً الإثنين الأنفه الذكر هي الأفضل من حيث الإمكانيات والألوان . عليك زيارة خيمة اجهزة الملاحه للتزود
اما اللي معي والله إني راضي عنه كل الرضى ياما إندفن ياما نسيته بالشمس ياماطاح وشغااااااال :good2:

دسم الشوارب هلابك إنشا الله المره الجايه راح اخصص موضوع كامل لبابنا الكهربائي :D لاتزعل والله امزح :good: مشكور على المرور :p

رمال الصحراء إسم عزيز ومهيب لإجله شريت الجيب تسلم بس على هونك علينا لاتغرزبنا :D

أبرق مرحبا فيك خذ الأله الحاسبه ونبدا بسم الله ربي
قارمن 2000 ريال ايكوم وملحقاته 1200 ريال دربيل 980 ريال المحول 350 ريال كشاف ماقلايت 85 ريال
فاس 145ريال كريك 35ريال حبل 70ريال سكين سويسري 230 سكين قيربر 170 ريال اشتراك 50ريال لمبه 75واط 65ريال لمبه لللكبوت 10 ريال شباب انار 50 ريال عيارهوا25ريال كشاف للرأس 30ريال كيمبروسر ابوجمل بستمين صيني 190ريال وسلامتك


أبو يوسف هلابك المحول صيني لكن ذوجوده عاليه ب 350 ريال اضن لكن تبي نصيحتي عليك بالمحول الكفي اللي يعطي 220 فولت و 300 واط ليش الكبير بعد ساعه من تشغيله يعطيك صوت إنذار بقرب انتهاء البطاريه يعني لو ولعت عليه لمبات بعد كل ساعه لازم تشغل السياره مومن قصورفيه لأ لأ!! لإنه ياخذ من البطاريه كهرب اكثر من المحول الكفي اللذي يعمل وبحسب التجربه 4ساعات وأكثر قبل ما يصيح منذراًإياك بضرورة تشغيل السياره ..
والكبير مافيه خلاف لكن في حال كثرت من الأجهزه مايبرد كبدك إلا هو يعني خله لليوم الأسود 600 واط مب سهله والله يحفظكم جميعاً :good:

[غيّام]

ماشاء الله عز الله انك قرم








غيّام

[قناص الليل]

ماشاء الله تبارك الله .
الله يحفظه و يحفظ راعيه من كل سوء و مكروه و يبارك لك فيه ....

يستحب انك تحط معك واير اضافي + حبال قوية >>>>> البر له ظروف ما تخطر على البال (( اسئل مجرب ، مره ينقطع الواير و مره لازم يكون طويل )) ..

و تانكي المويه زين بالحيل داخل السياره خصوصاَ اذا كان في حدود الـــ 90 لتر يخدم و لا يثقل بشكل كبير ..

و الله يكتب لك التوفيق وانا اخوك في كل صغيره و كبيره ...

[قرم]

غيّام يامرحبا فيك .ماعليك زودياخوي :p

قناص الليل هلابك .. يحفظك ربي ويرعاك ويبارك بعمرك
ياخوي الحبل اللاصفر اللي في الصوره طوله 6متر واظنها كافيه وبعدين هانوعيه قويه بالحيل وبعدين الباث مساحات التخزين فيه محدوده وين اودي الواير الإضافي !!!! وأما الماء انا احب حمله بجوالين بلاستيكيه دائريه سوداء اللون حموله من 20لتر وطالع ومحكمه الغلق وراضي بالمره عنهن ولايعفن ولاتخريق ولاتلحيم ونزلهن متى شئت وعبهن ماشئت وإنطلهن متى شئت .. وبعدين 90 لتر كثيره بالحيل وين رايحين ؟ للغزو ! والله يحفظك
ومشكور على الملاحظات :good:

[النفود الشرقي]

ما شاء الله عليك يالقرم

والله اللي مهتم ما شاء الله
والظاهر أنك مصور الساعة 7:21 صباحا
يعني ناوي الطلعة من الديرة بدري

الله يجزاك خير يالقرم على هالصور
والصراحة هيظتني للبر بهالعدة
وودي أزين الهلي بس الهلي للطعوس ويبي ينعدم مايبي شيء



جزاك الله خير مرة ثانية
والسلام ختام

[أبوناصر]

ممكن سؤال بسيط عن تثبيت الآيكوم في الجنب

يا ليت توضح لي الطريقة ولو ممكن بالصور

[قرم]

:D
النفود الشرقي فعلاً توقيت صحيح :good: البريناديك الهلي بكفرات هونكوك وضغط هوا 10 احسن من الجيب


ابو ناصر هاك الصور وسامحنى على ردائه التصوير لوتلاحظ المسامير في الأجناب محلوله بس حتى يبانن في التصوير ولا دايم مربوطه



http://www.mekshat.com/pix/upload/images12/mk8645_gggt555.jpg

http://www.mekshat.com/pix/upload/images12/mk8645_co1.jpg




http://www.mekshat.com/pix/upload/images12/mk8645_ccc222.jpg




http://www.mekshat.com/pix/upload/images12/mk8645_aaa333.jpg


http://www.mekshat.com/pix/upload/images12/mk8645_fff44.jpg



http://www.mekshat.com/pix/upload/images12/mk8645_co6.jpg

[salehhd]

ما شاء الله

فنان صحيح

يعطيك العافية وبصراحة حمستني بس موتري جديد ما ابي احفر فيه

[فهيد711]

ما شاء الله اخوي قرم
على تكامل الأدوات والتنسيق الرائع والإهتمام بتوفير ادوات المكشاتية

[ولد الشايب]

يعطيك العافية شغل متعوب عليه

خاصة تثبيتت الآيكوم ثبتت في راسي وينك من زمان ما قلت هالفكرة الحلوه

بس أنا فكرت قلت لو أنك مطلع قاعده ورابطها بمسمار كرسي اللي جنب السواق للي ما يبون يحفرون على قوله selehhd

[قرم]

salehhd هلابك :p الله يطعمك من خيره ويصرف عنك شره :good: بس الكنوز ماتطلع إلا بعد التحفير الله يحفظك :D

فهيد711 حياك الله يا أخي هذا واجب كل مكشاتي الله يسلمك ويرفع شانك :p

ولد الشايب ياللله حيه كأني اذكر واحد بالمنتدي عمل بهالفكره قديكون انت ..... فكره جميله جداً لكن لن يسلم من ألإهتزاز بعدين مسالة التخريم ليش الناس تخشاها لهالدرجه؟ الدعوى اربعه ثقوب صغار تقدر تدفنها مستقبلاً ب سيليكون وبويه من نفس لون الفرش ولاكن شي صار :p والله يحفظك مشكور على المرور :good:

[مغرز]

ماشاء الله عليك يالقرم
تسلم على التجهيزات الروعه
بس لي ملاحظه على محول الكهرب لو تغير مكانه يكون افضل
لإنه تحت المرتبه خطر والشباب تطرقوا لهالموضوع وبينوا خطورته
وتسلم اخوي على الابداعات وخصوصاً مكان الايكوم

[الساهي 2]

يا خوي بارك الله فيك

منكم ومن تجاربكم نستقيد

استمر .......

[عمار السفينه]

أخوي قرم أنا لاحظت أن انتل الايكوم فوق راسك أقترح تحطه فوق الشنطه بسبب شدة تاثير الموجات على راسك ..:)

[عبوووود]

يعطيك العافيه أخوي قرم

بصراحة كنت بلش ما دري و ين أحد الآيكم..

بس ما شاء الله عليك جبت المكان الصح...:)

[::الرهيب::]

السلام عليكم...


والله إنك ذيبان يا (قرم)...
يلوموني فيك...صدق إنك (طير شلوى).. :d

أفكارك حلوة...بس مالي نية أحفر...
واستخدامي حالياً قليل لـ الآيكوم..عندي (icom 8000)...

لكن أفكارك حلوة....بس العدة حقتك..واجدة وغالية...وتخبر الطلاب..أنواع التطفير.. :d :d

تـــــــــــامر بشيء...


تحياتي
الرهيب

[ابوريما]

السلام عليكم انا عضو جديد ودي استشيركم في سيارة الباجيرو هل تنصحون بها وهل هي زينة للبر وقوية

[حـاتـم]

ماشاء الله عليك

تجهيزات رائعه بصراحه

وبسألك القارمن الي معك

فيه خرائط نفس الـ276 او احداثيات بس ؟

ومشكوووووووور

والله يوفقك

وشكرا

أخوك / حاتم

[قرم]

حـاتـم .. الله يحييك

ليس هنالك فرق بين الأثنان سوى ب نصوع الألوان لصالح 276 حيث يتمتع ب256 نقطه في الألوان بينما 176

فقط 16 نقطه ..فرق عظيم اليس كذلك؟؟ 276 يحمل بطاريه ليثيوم يعاد شحنها بينما 176 يعمل بالبطاريات التقليديه وتستطيع تزويده ببطاريات يعاد شحنها وتصبح المعادله شبه متساويه ..
276 نزل له تقريباً 4 تحديثات منذ إصداره بينما 176 مانزل له سوى تحديث واحد فقط . فيما عدا ذلك الجهازان متشابهان حتى بطريقة الأستعمال والتصفح .هذا مايحضرني حالياً بأمكانك تزور خيمة الأجهزه وتستزيد من هناك .. وفقك الله ..اخيك قرم

[hsb_128]

السلام عليكم .. ماشااااااااء الللللللللللللله تجهزك جداً ممتاز :good: وعدي بعض الاستفسارات عن المحول وين احصله الي انت تمدحه والبة الكبوت وين مزينها

[حجّر]

يعطيك العافية يا القرم
انا شفت لك حركة حلوة بعد الى هي كشاف السقف
صراحة مسكتة

[قرم]

السلام عليكم

hsb_128..ياهلا فيك

وعدي بعض الاستفسارات عن المحول وين احصله الي انت تمدحه والبة الكبوت وين مزينها

اولاً اللمبه .. من تصميمي وتركيبي

ثانياً المحول ..تجد هذا المحول في محلات التجهيزات والرحلات كالسنيدي , وأحياناً في ساكو, اومحلات الزينه للسيارات..لكن تبي نصيحه لاتشتري هذا .لأنه يبيلك بعد كل ساعه تشغل السياره حتى لايغلق البطاريه ! شفني شريته واستعملته قليل وخليته وشريت نوع اخر لا لشيء إلا لأنه يشفط كهرب واجد.. لكن عليك بهذا ابو الدهانيش
صغير وإقتصادي ورخيص وياباني وله مكان جاهز وطبيعي في الباثفندر إن كانك من ملاكه

افتح الرابط
http://www.mekshat.com/vb/showthread.php?t=40873

حجّر.. الله مير يعافيك .. تسلم الله يحفظك ويطول عمرك :p