فضيحة مخرطة ومشاكل الفلنجة [الأرشيف]

مشاهدة النسخة كاملة : فضيحة مخرطة ومشاكل الفلنجة

محب العذاري

30/04/2011, 06:00 PM

السلام عليكم ورحمة الله وبركاته
اسعد الله اوقاتكم بالمسرات
انا معي سيارة شفر تاهو مديل 2003 تعطلت الفلنجة التي في الكفر الامام والحمد لله غيرتها اصلي ورتاح بالي وكان قيمتها عند محل البريك 585 ريال
بعد سنة تعطلت الاخرى رحت الى المحل قال سعرها 750 ريال نفس النوعية والشركه مع العلم ان فيه نوع صيني وشي مكتوب امريكي وهو صيني 300ريال رجعت الى الورشة قلت سعرها ارتفع قال شف المخرطة ممكن عندهم حل رحت الى مخرطة وحيد التي في صناعية الشفا قال انا اسويه لك واحسن من الصيني 400 ريال واركب لك رمان كلوزر اصلي قلت في نفسي زين كلوزر احسن من الامريكي كاسرته قال اخر شي 300 ريال مع الرمان مع العلم ان سعر الرمان يقول 220 ريال عند النهدي اصلي قلت له خلاص جبت القطعة واعدني بكرة وجيت اليوم الثاني وحصلت القطعة جاهزة سألته عن فاتورة الرمان قال الرمان خذيته من الرميح 210 ريال اخذت الفلنجة وركبتها بعد مسافة 100 متر والعت لنبة ليوبس الفرامل رجعت للمخرطة ووزن الترس داخل الفلنجة طفت النبة الاكن صارت الفرامل تصدر صوت عند الباكم رجعت للمخرطة قال عادي مع الوقت تزين سافرت على السيارة بعد مسافة 120كيلو فرط رمان الفلنجة وكادت قلب السيارة رحت للورش التي على الطريق وكنت في الحوطة ولم اجد ولا محل يبيع افلنجة لا اصلي ولا تجاري اذطريت اتصل على واحد في الرياض ويحضر لي الفلنجة ذهب واحضرها وركبتها والحمد لله
المشكلة ان الرمان الذي ركبه وحيد طلع تجاري ب70 ريال
الحين كيف اخذ حقي من هذا النصاب الذي كاد يهلك حياتنا بعد ما اخذ مالنا
اذا احد يعرف الطريقة يدلني على احد ياخذ حقي
وعلى الجميع التحذير من هذه المخرطة التي تعمل اشياء حساسة وتقول اصلي وهي تجاري
الرجاء النشر في المواقع وخبار الاصحاب عن هذه المخرطة( مخرطة وحيد الشفا الرياض)حتى ياخذون حذرهم
اللهم اني بلغت
ومن اراد التواصل يرسل على الخاص

عبدالله614

30/04/2011, 06:09 PM

طيب جالس اتكاسره لين 300 ريال وتبيه يجيب لك رمان 210 ريال يعني هو وش استفاد
من كل هالحوسه , طيب من جهة اخرى انت ماسالت نفسك انه لو ركب لك
رمان اصلي بالقيمة المذكورة هل ممكن يوصل تكلفتها 300 ريال
مع شغل الخرط والتطبيق والتوليف , وجاي تدور حق بعد

ملك الفكتوريا

30/04/2011, 06:31 PM

عبدالله 614

حدث العاقل بما يعقل

ترى يقدر يقول أنا ما اشتغل بشغل يدي الا بسعر محدد واذا تبغى اجيب القطع سواء اصلي او تجاري لك حرية الاختيار او تجيبها أنت

أو يقول ما اشتغل الا بالسعر هذا والسوق مليان.

______________________________

بالنسبة لك أنت أنا اللي بسويه شئ بسيط

ببرجع للمحل ومعي القطع حقته وامسطها مع راسه واجلده واكسر الدنيا عليه

واذا راح يسوي فيها راعي شكاوي وصلها للمحاكم معاه

والقضية قتل عائلة بسبب قطعة تجاريه

عبدالله614

30/04/2011, 06:49 PM

عبدالله 614

حدث العاقل بما يعقل

ترى يقدر يقول أنا ما اشتغل بشغل يدي الا بسعر محدد واذا تبغى اجيب القطع سواء اصلي او تجاري لك حرية الاختيار او تجيبها أنت

أو يقول ما اشتغل الا بالسعر هذا والسوق مليان.

طيب ياملك الفكتوريا لو دخلت المعارض وحصلت فكتوريا 2011
ب 20000 ريال وش يطري ببالك انها جديدة بحالة الوكالة ولا فيها بلا وصلها للسعر هذا
طيب الحين راعي الفلنجة لاقيها بالوكالة ب 700 ريال وراح يولف ويحوس بثلث
قيمة الفلنجة الاصلية , يعني فكرك انها بتطلع اجود من شغل المصنع
ولا ايش

قرم العيال

30/04/2011, 06:59 PM

نصيحه يا عالم لا تغلي الزين على نفسك !!! خصوصا إذا كان الواحد مقتدر

volcano

30/04/2011, 07:13 PM

انت مستهتر بعمرك وباللي معك الا منتحر .الحق عليك مليون في المية ما احد يغامر بالبيرنغات الا واحد ماهو بعقله
الشغلات هذي ما يتركب لها تجاري ولا توليف .. لا وبعد تبي تاخذ حقك منه :mad:

aka777

30/04/2011, 07:23 PM

عجيبه بعض الردودالرجال حاس بغلطه بس يبغى حقهساعدوه والا اقطعو الكلاممو وقت تعذيرانا لو عندي حل كان قلت له

عكس التيار

30/04/2011, 07:51 PM

ارفقوا على الرجال ياجماعه

هو داري عن خطاه بعدين هذا جزاه جاي يحذركم من نصاب ؟؟

انا اقول خذ القطعه اللي صلحها ورح لمه والعن جدفه بها لكن خذ معك كم واحد يعني لو طالت السالفه :)

في هالزمن لاتنفعك محاكم ولا حماية المستهلك ماتنفعك الا يدك خذ حقك بيدك الين يبرد قلبك

عبدالله7777

30/04/2011, 07:58 PM

هذا الكلام

abu rewa

30/04/2011, 08:04 PM

قدر الله ماشاء فعل

يااخوان الواحد يكون حريص وانت يااخي احمد الله على السلامة وياليت يكون هذا درس تاخذه من دروس الحياة

في قطع لا تثق في احد ولا تستغليها وفي قطع عادي مثل ديكورات مسجلات خرابيط اما بريكات كلتشات شغلات قير شغلات خطيرة لا والله انتبه تستخسر وتدور الارخص مافي اغلى من عمرك وعمر عيالك

بالنسبه له اذا انت ما جازيته الله بيجازيه
ولكن ودي نعلم الاجانب ونعلم حتى البلد والنظام حقه ان الواحد منا يشتكي ويطالب بحقه المشكله ان بطبعنا يالسعوديين نهاوش وخلاص يااخي المفروض نشتكي ونتعب ونروح ونجي مو علشان يجي يعطيك الحين 300 ريال والا اش يعطيك علشان نصنع نظام لنا ولعيالنا وكثرة الشكاوي في هالموضوع حينزل فيها انظمه ولكن بطبعنا نروح الشرطه شوي وتنازل مانعرف نمشي لين القضية تخلص

في امريكا والدول المتقدمه مستعد يخسر نص عمره علشان قضيه فاشله وصغيره ولكن المسأله مبدأ

عبد الله 99

30/04/2011, 09:03 PM

الحمد لله على سلامتك
و الله يستر علينا و عليكم
ابد رحل للحرامي و اصفقه بالفلنجه القديمه عشان يعرف ان الله حق و الرجال ما خسر شي بيلعب على غيرك زي ما لعب عليك و الحمد لله انها عدت على خير ولا ناس تموت و تروح ضحايا و السبب عامل يتعلم بمواترنا و اذا غلط قال معليش .... لا حماية مستهلك لا نظام ياخذ حقك
و نصيحه لوجه الله اما انك تقدم شكوى عليه او انك تروح و معك كم واحود و تعلمونه وشلون يخرط مره ثانيه المساله فيها ارواااااااااااااح و اوادم
ما اقول الا حسبي الله ونعم الوكيل عليه و على اشكاله

محب العذاري

30/04/2011, 10:26 PM

الله يجزاكم بالخير على تفاعلكم ورجاء من الاخوة قراءة الموضوع الرد كامل وعدم تسرع
بس المشكلة إنا شعب طيب عندنا الثقة واحيانا الثقة العميى صاحب الورشة فلسطيني متسعود ووثقت فيه وقال اني مجربها في سيارتي مده سنتين ونها بتكون احسن لك حتى من الاصلي لانها بعد التوليف سهلة التركيب والتغيير ولمشكلة ان سألت بعدها هل يوجد قطعة اصلية عند وكلاء تايوتا قالو لا يوجد بهذا المقاس ولا يوجد عندهم رمان يصل الى هذا السعر لمشكلة انها ماتمت اكثر من ايام الاوهي عطلانه
وضعت هذا الموضوع لعدة اسباب
1- ان الدولة حفظها الله تجعل في الورش مكاتب شرطة لتقيم واخذ الحقوق
2- اجاد حل لمثل هذا من خلال الردود والاقتراحات
3- عدم التعبث في السيارة في ظل عدم وجود الرقابة واهل التخصص
4- اخذ القطع من الوكالة وتكتب الوكالة انها اصلية - وسد ابواب الغش
5- عدم دخول اي قعه تجارية الا بعد معرفة بلد المنشاء وجودة المصنع واختبار قطع عشوائة لوجود الثقة الكبيرة عند الناس في وزارة التجارة
6- التحذير في مواقع الانتر نت والجرائد اليومية وجميع وسائل الاعلام من المتلاعبين ومحاسبة المتلاعبين ولو كان المبلغ يسير
7- ان تضع وزارة التجارة قناة اعلامية تلفزيونية للمتجات المقلدة او الضارة وتثقيف المستهلك وبيان المواد الممنوعة

المهاجر انا

30/04/2011, 10:44 PM

نصيحه يأخوان الاشياء المكانكيه لا تشتري الا الاصلي ولا تتغالها لانك لوركبت او ولفت تراك بتخصر اضعاف ماخسرت غير خطر ما يحدث لك من سبب ذلك

طير شلوى نجد

30/04/2011, 11:01 PM

الحمدلله على سلامتك انت وعيالك وحقك ماراح سواآ في الدنيا او الاخراة والله يدلك على الدرب الي تعرف فيه تأخذ حقك فيه وجزاك الله خير على التنبيه

Salamah.y

01/05/2011, 12:43 AM

اولا ً الحمد لله على السلامه , وزين جت على كذى
ثانيا ً , في هالقطع الحساسة , لا تغالى الأصلي مهما ارتفع سعره
الله الحافظ , و كل شي بإرادته سبحانه , لكن نفعل الأسباب ~

,

بالنسبه للمخرطة
أنصحك تكلم صاحب المخرطة مباشرة
لأن ممكن الشغله , نصب عمال , زي اللي حاصل بكل مكان
و برأيي ان الواحد منا إذا احتاج قطعة , لازم يوفرها بنفسه
على شان يضمن انه يجيب شي أصلي , و يسلم من النصب

ياخي فلتر الزيت وهو أبسط الحاجات
لو تجيبه بنفسك , تشوف انه ارخص
و تضمن انه أصلي ~

,

الله يحمينا وياك و يكفينا شر الحديد
مووفق أخوي ,, @~

المرتهي

01/05/2011, 02:59 AM

الحمدالله على السلامة اولا
ثانيا أرجع للمخرطه وأخرط أصبعه وأمش

حطاب الرويضه

01/05/2011, 04:09 AM

السلام عليكم اخوي المره ذي عدت بسلام الحمد لله وخلها درس لك لكن لاتنسى ركب اصلي ولوكان غالي وارتاح

ابوعقل

01/05/2011, 10:26 AM

الحمد لله على السلامه

اخوي

لا ترخص عمرك وترقع بسيارتك

الفلنجه انا مغيرها قبل شهر بـ 900 ريال بدون شغل الورشه

وكان فيه بعد نوعيه بـ 450 ريال وخذيت الغالي

وعسل على قلبي

بس ما أحط نفسي بموقف يعدم عمري

انتبه

الترقيع والتولسف ما يصلح

واكرر

الحمد لله على السلامه

نآآآصر

01/05/2011, 11:57 AM

راعي الورشه خان الامانه يوعده يركب الاصلي وركب له تجاري والمفروض انت قعدت فوق راسه ولا على الاقل تحققت من القطع قبل تركب ولا فاتوره ولا شي يثبت انها اصليه لكن السعر مايهم وبعدين اللي يقول مب معقول انه يشتغل لك ب 300 مع القطع القطعه شاريها ب 210 نفرض وباقي 90 ريال صح ؟؟ يعني معقوله ماراح تكفيه الـ 90 الورش يحطون السعر على كيفهم وعلى حسب الشغل نظيف ولا لا انا محصل ورشه تفك مكينه وتحط مكينه ثانيه بدالها ب 300 ريال ومحصل ب 1400 والمسأله كلها تبديل مكينه فقط لاغير
لكن اقول لصاحب المشكله عندك شرطه ياخي اتصل يجي عند الورشه وطالبه عن حقك ولاتقول ماتستاهل بيجي بكره واحد غيرك ويلعب عليه وتروح ارواح واحمد ربك لاسجدت انك مارحت ضحية نصب

بدوي جنوبي

01/05/2011, 02:41 PM

صورة الفلنجه

اسهيل

01/05/2011, 03:38 PM

ياخي لو رحت لصناعية القديمه تلقى اشكال ونواع رمانات المانية بعد من محلات متخصصه في الرمان ايضا ياخي رح انت وشتر الاغراض وخله هو يركبها وانا كنت ناوي اشتري تاهو وهونت ليه 2003 خربانه الافلنجه عندي برادو مديل 96 الي الان حق بلده

ابوعقل

02/05/2011, 01:13 AM

محب العذاري

02/05/2011, 09:51 PM

السلام عليكم ورحمة الله وبركاته

اشكر الجميع من اعماق قلبي واعو لهم بالتوفيق والسداد على مابذلوه من جهد وتفاعل ومشاركه والله يحفظكم من كل مكروه

بدوي جنوبي

02/05/2011, 10:55 PM

اخى الكريم
كتبت موضوع بخصوص مشكلة الفلنجه
الفلنجه معلومات وصور موضوع مهم (http://www.mekshat.com/vb/showthread.php?t=404665)
يا ليت تشرح لنا اكثر عن ولو بالصور عن التلف اللى حصل بعد
تركيب الرمان بالمخرطه .

ممتر البران

04/05/2011, 08:29 PM

عبدالله614 انت اصلي

رسيس نجد

04/05/2011, 08:43 PM

الحمد لله على سلامتك 0 ونصيحه قرب من الاصلي دائما واحذر من ضعاف النفوس من اهل الورش وقطع الغيار

هارون97

04/05/2011, 10:56 PM

لو هو انا رحت وحطيت راسه تحت الدريل وفقعت وجه في الفلنجة حتى يدوخ الحقير

_دربيل_999

05/05/2011, 03:38 AM

اخوي محب العذاري أصحاب الورش معروفين ومشهورين بقتناص الفرص..

تفضل هنا أخي وستجد المزيد..
هنا (http://www.mekshat.com/vb/showthread.php?t=269606)

مسير عليكم

09/05/2014, 06:12 PM

الحمد لله علي سلامتك والحمد لله ربي الي حماكم وحفضكم
اذا معك فاتوره فانت تقدر تطالب بحقك وتشتكي واذا مامعك الله يخلف عليك واذا ضاع لك حق في الدنيا فتذكر انه مايضيع في الاخره والي غشك اسال العلي القدير ان يشل يده لانه خان الامانه ووماخاف من الله فيك
حسبي الله ونعم الوكيل