شوزن .....SV10PREVAIL....ماصورتين(ام روحين) من برتا

[مليح البآرود]

بسم الله الرحمن الرحيم



السلام عليكم ورحمه الله وبركاته..


انتجت شركه المشهورة عالميا ببداعتها في صنع الاسلحه واصدرت شوزن SV10PREVAIL (http://www.sv10prevail.eu/)




ام روحين او ام ماصورتين ومن مميزتها تركب لها تشكات وامتصاص لتقليل الندف

وهاذي صورة لها



http://www.mekshat.com/pix/upload05/images209/mk73669_ggg.jpeg




وهذي صورة لها مع التشكات ...



http://www.mekshat.com/pix/upload05/images209/mk73669_gggg.jpeg



استفسار لمن لديه الخبره بها او غيرها...


المطلوووووب:


1- هل هي موجودة عندنا بالسعودية ؟

2- وهل موجود شوزن اخرى تتمتع بهذه المزايا؟
3-هل استخدام شوزن ام روحين ممتاز؟


ودمتم بوووود..

[بلاك ايجل]

الشوزن ام روحين من اروع البنادق الي رميت فيها


سوق خيالي ورمي حار وركاده بالحفظ والرمي قرار خاصة بالطيار


ولكن للاسف اغلب الموجود عندنا هو التركي التقليد واعطاله كثيرة


ومن هذه الاعطال أنها بعض الاحيان ترمي جميع الطلقتين بوقت واحد ( تتاوم )


وهذا خطر جدا بالاضافة الى تكرر انكسار الابرة وعدم القدرة على اصلاحها .

[مليح البآرود]

بلاك ايجل بيض الله وجهك


طيب انا ابي افضل شوزن ام روحين موجوده عندنا بالسعودية

[أبو خالد نجد]

وتبقى هي الافضل من الانواع الاخرى؟

[meeetthe]

السلام عليكم
شف انا ماجربت بس اشوفها مع ربعن لي ام روحين الامريكيه الي تجي ماصورتها 28 اتوقع وظاهر تركب لها تشكات والله اعلم ومرسوم على مكينتها صورة غزال وتجي خشاب المكينه فضيه وصلى الله على محمد مجرد ابداء رأي ؟

[فهد 003]

انا عندي شوزن ام روحين مكتوب عليها برتا والزناد عدد 2 ولون الزناد ذهبي
وللأمانه مارميت فيها ولا طلقة لان يبيلها نواديس اللي تضرب الطلقة
واللي عندي اشوفها قصيرة وثاني شي بدون سنه يعني ماتركب عليها التشوكات
واذا احد يبي يشري النوعيه ذي انا ببيعها لان ما يبيلها شغل وانا مافضيت لها
يبيلها النادوس عدد 2
وخشبها تعبان
ومارميت فيها ابد ابد شريتها وهي خربانه والى الان ماسويت فيها شيء

[مليح البآرود]

انا عندي شوزن ام روحين مكتوب عليها برتا والزناد عدد 2 ولون الزناد ذهبي
وللأمانه مارميت فيها ولا طلقة لان يبيلها نواديس اللي تضرب الطلقة
واللي عندي اشوفها قصيرة وثاني شي بدون سنه يعني ماتركب عليها التشوكات
واذا احد يبي يشري النوعيه ذي انا ببيعها لان ما يبيلها شغل وانا مافضيت لها
يبيلها النادوس عدد 2
وخشبها تعبان
ومارميت فيها ابد ابد شريتها وهي خربانه والى الان ماسويت فيها شيء


حياك اخوي انا مدري كيف طحت بالهموضوع له فتره
نرجع محور الحديث المشكله بقطع الشوزن وين تحصلها
واتوقع السلاح الطيب ام روحين الطيب ما يجينا اللي يجينا كله مخيس

[ابوسلطان911]

من واقع تجربة عندي ام روحين
اول شي عمرها ما رمت الطلقتين لحالها
وبالنسبة للابرة تنكسر فقط اذا ما كسرت البندق للاخير
ولها عندي كم سنه انكسرت الابره مره وحده وسبب كسرها واحد من الشباب ما يعرف يستعملها
ولا معي عمرها ما انكسرت
وبالنسبه للابره انا سويتها وركبتها كلفتني 40 ريال فقط
وبالنسبة للرمي حاره وتطربك من قلب
ولا يحتاج لها صيانه ولا تنظيف كدها صح
الماسورة الي فوق تسوق والي تحت تنشر

[ابو بدر العتيبي]

انا جربتها بالاردن مع خوياي ماجازتلي من عدة نواحي
اول شي قصيره مره الظاهر ماسورتها 22
ثانياً الزناد الاول للماسوره الي فوق والثاني للي تحت وتلخبطك في الطيار
ثالثاً تندف بقوه
هذا من تجربتي لها في الاردن في رمي الفري

[مداعب الضلع]

عند ولد عمي ام بطنين برتا

ماشاء الله عليها يرمي فيها رمي افضل من رمي ام خمس

طبعا الي فوق للسوق والي تحت للنشر

يعني اذا الصيده بعيده ارم بالي فوق

واذا تبي ينشر ارم بالي تحت

وسميت منه بــ 5500 وماباع

[ابوسلطان911]

طول سبطانتها رد لاخي الي يقول 22
تختلف المقاسات وانا اخوك الي عندي 28
وفي 30

[تميم2222]

مثل ما قال اخوي .. اغلب اللي عندنا تركيا تقليد وخطره ..الله يستر على اهلها منها ... عموما يجي اصلي لكن شرايد وتاكد من انها اصلي ..ضروووي لان بعض الناس يغشك عيني عينك ويقول اصليه وهي تجاريه ..موفق خير

[كايد]

بالنسبة للموديل هذا ما اتوقع انه موجود لان سعرها عند الوكيل جوزيف ابي سمعان 4500دولار
حوالي17000ريال .
فاتوقع لو هي موجودة راح يكون سعرها فوق ال25000ريال .
نصيحة
نصيحة
نصيحة
فيه جفت (ام روحين)اسمها آتمكا مكتوب عليها ايطالي ما تصلح