ما تلاحظون شي غريب في السنوات الاخيرة؟

[ولد الوشم]

السلام عليكم جميعا و رحمة الله و بركاته.

عندي ملاحظه حبيت اني اشاركم فيها و ارجو ان تبدون رايكم فيها. الملاحظه باختصار هي تغير الجو عندنا في الجزيرة العربية.

واقصد بتغير الجو هنا تغير حركة السحب و كثرة العواصف الرعديه العنيفه المحمله بالامطار الغزيره و حبات البرد الكبيره و الصواعق القويه.

الظاهره هذي لاحظتها في الثلاث سنوات الاخيره, و خاصة امطار فصل الربيع, وكلنا لاحظنا شدة العواصف الرعديه والبرد ذو الحجم الكبير بشكل غير مألوف من قبل وفي مناطق كثيره من الجزيره العربيه.


في السابق كنا نفرح اذا اصبتنا سحابه فيها برد, حتى لو انه شبوب او صغير, والان لا تكاد تخلو عاصفه رعديه من تساقط البرد حتى لو قليل......وصرنا نسمع عن برد بأحجام كبيره و احيانا مدمره.


الا تتفقون معي في هذه الملاحظه؟؟

هل هذا هو البدايه لتغير الجو في الجزيره العربيه و عودتها مروجا و انهارا كما في الحديث؟

بانتظار ردودكم........

[وسمي]

اعتقد والله اعلم ان المؤثرات المحليه لها دور مثل كثرة المصا نع والتسخين الحراري

[الشرقية_صفـوى]

نعم ... فنحن في مدينة صفوى لم ينزل علينا البرد منذ سنوات عديدة ، وتفاجأنا به العام الماضي ....
الله يرزق ديرتنااااا .

[صوت المطر]

والعلم عند الله هو ثوبان بعض الجليد في سيبريا وتحولها إلى أنهار أدى إلى وجود رطوبة عالية على الجزيرة العربية


وعسى الله يغيثنا لازالت أجواء المملكة تعيش أجواء مستقرة ..


ومشكوووووور أخوي ولد الوشم على المشاركة ..

[القصيعة]

والله الظاهر أنه في تغير في الأجواء بس تغير بسيط وبطيء وأما ظاهرة البرد والبرد هذا هو ماتغير لاكن يمكن علشان في منتدى مكشات وغيره وفي المجالس والناس صار يرحون للبر ويبعدون صاروا يتناقلون الأخبار والصور وهذا اللي خلان نشوفه بدا يكثر.


أبوعبدالله.

[السفاري سابقا]

من ناحية البرد كان اكثر مايجي في امطار الربيع ونهاية موسم الامطار وتكثر فيه الصواعق والعواصف والرياح القوية اما السنين الاخيرة سمعنا كثيرا عن هطول امطار معها كميات كبيرة من البرد في الوسم وفي فصل الشتاء وكانت امطار الشتاء قديما اكثر ماتكون ديما ومطر راكد وسحابه عام وواسع يستمر لعدة ايام

[ولد الوشم]

اعزائي:

][وسمي][

الشرقيه-صفوى

صوت المطر

القصيعة

السفاري سابقا

مشكورين على المرور على الموضوع و اتحافنا بتعليقاتكم.

انا اتفق مع الاخ وسمي بأن ظاهرة التسخين الحراري لها اثر كبير على تغير الجو عندنا.

اخوي صوت المطر: ظاهرة ذوبان الجليد في سيبيريا هي نتيجة التسخين الحراري الذي يؤدي الى ارتفاع درجة حرارة الارض وبالتالي ذوبان الجليد و تبخر مزيد من المياه وبالتالي ازدياد الرطوبه.

اخوي القصيعة: الظاهره هذي لاحظتها في الثلاث سنوات الاخيره فقط, يعني التغير كان سريع و مفاجىء. اما بالنسبه لمنتدى مكشات, اظن في الماضي كانت المجالس هي البديل لمكشات. يعني لو ان فيه سحابه قويه ضربت مكان معين, فان الناس يتداولون اخبارها في المجالس وتسمع الناس يتكلمون عنها لسنين طويله احيانا وبدون مبالغه.....مثل سحابة البرد التي ضربت الرياض عام 1416 اللتي مازال الناس يتكلمون عنها حتى الان ولسنين قادمه.

اخوي السفاري سابقا: كلامك صحيح, وهذا يفسر ان الجو بدا يتغير في الجزيره العربيه.


الله يعطيكم العافيه جميعا و مشكورين على المداخلات القيمه.

تحياتي............

[المميـز]

العلم عند الله مانقدر نقول شيء

لكن اللي اشوفه انه مهما جاء من مطر وبرد بشكل كبير بفصل الربيع هناك في فصل صيف لاتنساه

ينشف اللي ماينشف ومثل الصورة اللي شفناها من قبل احد الاعضاء حطها لنا بالمنتدى قبل اسبوع تقريبا جفاف بحيره وهذا الشيء مو سهل

لكن ما نقول الا الله اعلم بكل شيء وهو القدير سبحانه

ومشكور على طرح الموضوع

[المستطلع]

ممكن دوره الـ 33 سنه في تغير المناخ في الجزيره العربيه

[ابو جمعه]

هاذا العام في تاريخ7_2_1426 يوم الخميس العصر على مدينة الظهران كانت فيها امطار غزيرة وعواصف رعديه +حبات من البرد تقدر كحبات الزيتوون وفي تاريخ15_10_1426 ف ي نفس والوقت العصر امطار غزيرة وعواصف رعديه وحبات البرد تقدر كحبات العدس وتراوح منسوب المطر
من(20-25)ملي متر


ويعطيكم الف عافيه

[ولد الوشم]

اظن ان جفاف البحيره ليس له علاقه بفصل الصيف والا كان جفت من مئات السنين من قبل لان الصيف في السابق مثل الصيف الحين. اظن ان السبب الرئيسي لجفاف البحيره كان استزاف المياه الجوفيه و كثرة مزارع القمح في السنوات الماضيه.


والعلم عند الله اولا و اخيرا........

ومشكور اخوي على المداخله