تقنية تمنع تسرب الهواء من الاطارات (جديد)‎

[ولد وايل]

شاهدوا بالفيديو تقنية تمنع تسرب الهواء من الاطارات

http://303030.net/q/v/PUJRvYwhJ8A

[YUKON_GMC]

روعه الله يعطيك العافيه ...

لكن وش اسم هالجل اللي يقولون عنه وأين يباع ؟

[rpk]

وريت الوالد المقطع وقالي هذي موجوده من 20 سنه بس في الدبابات وليس في السيارات يمكن لانها فاشله فيها

[عكس التيار]

نعم موجوده لكن عندنا يباع الكفر كامل ويصير مغطى من الداخل بطبقه هذا الجل ووكيلهم في التحليه (( موب متاكد )) لكن قيمة الكفر حول 900 ريال تقريبا ولا ادري وش نوعه

وتقدر تشتري الجل نفسه من موقع امازون وسعره على ما اذكر 19 دولار تقريبا

[الحربي 2010]

اما لو يركب علي السياره روووووووعه

[ابو صاالح]

نعم موجوده لكن عندنا يباع الكفر كامل ويصير مغطى من الداخل بطبقه هذا الجل ووكيلهم في التحليه (( موب متاكد )) لكن قيمة الكفر حول 900 ريال تقريبا ولا ادري وش نوعه

وتقدر تشتري الجل نفسه من موقع امازون وسعره على ما اذكر 19 دولار تقريبا
---------------------
ممكن تعطينا اسم الجل او الماده ، عشان نبحث عنها بأمازون الله لا يهينك

[ولد وايل]

عطنا اسمه اخوووووووووووووووووووووي

[YUKON_GMC]

الظاهر انه منتج حصري لراعي الدبابات اللي بالاعلان ..

[هبايب صيف]

شئ طيب لكن راح يسبب رجه في الكفر

[ولد وايل]

ما اظن يسوي رجه لانه بالتساوي

[وضاااااح]

أطلعت على المنتج هذا قبل فتره والله أعلم بمدى جودته

وبالنسبه للشباب اللي يسئلوا عن الماده ما تقدر تسويها بمفردك تحتاج مكينه معينه حتى ترش الكفر من داخل

للإطلاع أكثر على طريقة رش الجل أو الماده

v3eoh4Rx8Ec

[مواسي الطعوس]

هل تستطيع تفريغها في الكفر عن طريق ((البلف))افك الابره واركبها وقت الحاجه .مثل السائل القديم اللي يستخدمونه اهل البالون سابقا ..قبل التوبلس

[سلكي نت]

كان فيه سائل ترشة داخل الكفر
لكن عيبه ان الكفر يصبح مثل المكنسة يلم المسامير لم وما تحس فيها ،وبعد فتره تسمع اصواتها كأن حجر ماسك بخطوط الكفر ويجب اخراجها وم تخرج إلا بصعوبة
والعيب الثاني كثرة المسامير تجعل الكفر يرج والفرامل تصر صرير
انا ما اعجبني اذكر ركبته مع زميل عند التميمي بطريق المطار والقيمة 900 ريال لجميع الكفرات على ما اذكر والكلام هذا عام 1418هـ

[ع العمرو]

ماشاء الله تبارك الله

[الطرس ممدوح]

روعه الله يعطيك العافيه

[ولد وايل]

شي جميل ورائع

[الهيثم]

لإفادة الاعضاء حول هذا المنتج
قمت ببعض الاستفسارات عن المنتج من الموزع في الخرج وافاد بأنه يمنع تسرب الهواء من الاطارات وكذلك يخفف من ارتفاع درجة الحرارة ويحفافظ على الاطارات من التشققات وليس له اي تأثير نهائياً وبالنسبة للسعر يختلف بإختلاف حجم الاطارات سيارتي باثفايندر 2007 جنط 17 حجم الكفرات 265/70/17 بسعر اجمالي 240 ريال للعجلات الاربع
الوكيل في الرياض مؤسسة صحران للتجارة
موقع الشركة المنتجة www.tyreseal.co.uk (http://www.tyreseal.co.uk)
بالنسبة لرقم الموزع موجد لدي من أراد الاستفسار اكثر ارسله على الخاص
قمت بالرد على الاستفسارت عن المنتج لمصلحة الجميع وليس من اجل الدعاية والاعلان