المساعد الشخصي الرقمي

مشاهدة النسخة كاملة : الحـــراره,,ذبحتني الفزززززززعه


هواوي الغاط
20/03/2011, 12:07 PM
السلام عليكم ورحمة الله وبركاته كيف الحال ان شاء الله طيبين


مالنا بالطويله عندي باترول 97 ذبحني بالحرارة كل شى غيرته


بلف جديد
غطاء رديتر جديد
خرط راس
خراطيش جديده
حساس حرارة جديد


فكيت البلف ونفس الحرارة

المراوح كهرب سبارو :(:(
العتيبي 88
20/03/2011, 12:58 PM
هلا أإأخوي حياك ربي .. وين توصل الحراره بالضبط .. والرديتر رديتر وكاله ولا لا اذا مهو وكاله صيخ الرديتر وعب مويه أس ديلكو أصلي ..
مركز حراره
20/03/2011, 12:59 PM
متى يحتمي اذامشى او اذا وقف؟
هل دبلت الوجه بعد الخراطه
alrhal
20/03/2011, 01:08 PM
أخي الكريم
كان عندي نفس مشكلتك وكل اللي ذكرت سويته
وأخر محاولة كانت طرمبة الماء لقيناها ضعيفة ومصدية وغيرته ونامت الحرارة
تناساني
20/03/2011, 01:24 PM
انصحك ركب رديتر ألمينيوم
حسب ما وصلني من معلومات ان رديتر ألمينيوم اذا ركبته انسى الحراره

اتمنى اذا احد ركبه او لديه معلومات أكثر يفيد الأخ
kamalhome
20/03/2011, 08:49 PM
شوف أخوي اذا الراديتر نحاس بعد ما تسوي له تنظيف سكر جميع الفتحات بقط بلاستيك أو تيوب الكفرات ثم حط فيه أسيد ما البطاريه واتركه 3 دقائق فقط ثم فرغ الأسيد واغسله بالماء وشوف النتيجه بنفسك
هواوي الغاط
20/03/2011, 08:54 PM
ألله لايهينكم ياشباب المشكله


البارح غسلت الرديتر بنفسي ونظفته وخليته يشتغل شوي واناظر الحرارة H المكينه بارده والرديتر شبه بارد

المراوح اشغلها ولااخليها تشتغل اذا احتر الموتر..!
abo naser 1
20/03/2011, 09:04 PM
السلام عليكم كان عندي نفس مشكلتك غيرت رديتر جديد المنيوم غيرت كل ما يتعلق في الحراره بلف جديد فكيت البلف غيرت طرمبة الماء نظفت السرندل وبعد كذا خرطة الراس ودبلت وجه وزادت الحرارة .... وبعدها غيرة راس المكينة صيني ب 1900 ريال وضبط الموتر ماعاد يتعدى الربع مع المكيف وطبعا الاصلي افضل بس فوق 3500 ريال
أحمد محمد1429
20/03/2011, 10:11 PM
أخوي هواوي الغاط ياليت تذكر لنا كيف بدت معك المشكله وهل أنت مشتغل في دائرة التبريد أقصد تبريد المحرك
الغريق11
20/03/2011, 11:26 PM
تأكد من ارديتر ممكن اللي عليه وطني ونحاس ,,

بدله وركب لك أردني ووكل الله ,,
هواوي الغاط
20/03/2011, 11:46 PM
رديتر وكاله نحاس اظاهر

الراس خرطته
مبرد الزيت غيرته جديد بـ 750 انشق علي وشريت جديد

بالديره الحرارة تقوم وتنام ماعرفتلها وبالخط لاصرت جارن عليه تاصل النص مع العلم ان المكينه بارده والرديتر

والله غرريبه الحساس جديد يأبأني 15 ريال

طرمبة الماء خربت علي اول ومادري وش سوا الميكانيكي قال مايحتاج جديده

تتوقعون الخلل منها
مركز حراره
20/03/2011, 11:57 PM
ممكن تتاكد من الحساس عن طريق الفحص بجهاز اليزر وبلاش
ركب حساس اصلي حق نفس موديله ابو بلاستيك سوداء لان الطاهر ان البلاسيكه الحمراء للموديل من 98 وفوق
تناساني
26/03/2011, 04:35 PM
ألله لايهينكم ياشباب المشكله


البارح غسلت الرديتر بنفسي ونظفته وخليته يشتغل شوي واناظر الحرارة H المكينه بارده والرديتر شبه بارد

المراوح اشغلها ولااخليها تشتغل اذا احتر الموتر..!


اقرب كهربائي و تأكد من الحساس و تأكد من الفيوز حقة الحساس
أخاف المشكله بالحساس و انت تحوس بالإديتر

إن شاء الله تنحل المشكله
هبوب الحجاز0
26/03/2011, 05:33 PM
هواوي الغاط اول شي وضح الحراره ترتفع اتش وتوقف والا ترتفع وتنزل بسرعه والا أذا مشيت وأنا معي فورد وصارت مع مشكلة وخسرتني الشي الكثير وطلعت المشكله من أصبع الماس يهرب الكهرباء ومسبب التماس في السيارة وغيرته وعلي طول انتهت المشكله بس قياس الكهرباء حقت السياره قبل تغير الاصبع يقيسونه عن طريق البطارية واتوقع تجي 14 اذا كهرباء السياره 100%
وشيك علي العداد وشيك علي سلك الحسااس يمكن فيه سلك مجروح وهو يسبب الحرارة


وواحد من العيال نفس مشكلتك سفاري 97 بس اذا مشا ترتفع الحرارة وأذا هدأ تنزل الحرارة وطلعت المشكلة من الاديتر غير تجاري أو اردني وغسل الاديتر ونفس المشكلة ولا أنتهت المشكلة لن غير أديتر وكالة


ونصيحة أذا عندك مشكلة بالسيارة اي شي ولاعرفت العطل أبد بالاشياء الصغيرة


وأتمنا تنتهي مشكلتك
هواوي الغاط
27/03/2011, 12:08 AM
ششكرا لك اخ هبوب لكن المشكلة قائمة

أذأ اسرعت فوق 120 ترتفع الحرارة الى النص تقريبا وكل مازادت السرعه زادت تاصل الى قبل خط الاتش

ذهبت الى ميكانيكي فلبيني قال غير رديتر وترتاح فـ شرايك اخوي
السلمان2
27/03/2011, 12:15 AM
شوف اخوي الهاوي فيه واحد اعرفه معه نفس المشكله الى درجة انه وضب المكينه كامله ونفس المشكله غير كل شي في المكينه خسر عليها تقريبا 15 الف وطلعت مشكلتها بسيطه سافر الرجال ودعس على سيخ وشق قربة الكنداسه والحرارة رجعت على طبيعتها وطلعت المشكله من الفلتر اللي بالكنداسه فيه تسكير شوف شيك على الكنداسه يمكن تنحل المشكله عندك وان شاء الله تطلع بسيطه
هواوي الغاط
27/03/2011, 11:12 AM
الموتر عليه هدرز يـ السلمان2

اي افضل رديتر الاردني ولا السعودي وم اسعارها بارك الله فيكم
مقطع العروق
27/03/2011, 01:41 PM
شيك على طرنمبة الموية

لان احساسي يقول الخلل منها

انت ما غيرتها وتقول ان الميكانيكي صلح فيها وما تدري وش صلح

شوف القطعة انت ما غيرتها = مو ضارك لو غيرتها لو مافاد ماراح تخسر

والله يعينك على بلواك
هبوب الحجاز0
27/03/2011, 11:42 PM
اخوي هواوي الغاط قلت لك خوي كان معه سفاري وكانت الحرارة ترتفع كلما زاد في السرعة وغير اديتر صيني أو أردني وماتغير وراح الوكالة وغير أديتر الوكالة اتوقع قال1800 ريال وافتك من الحرارة

والله يوفقك
هواوي الغاط
28/03/2011, 12:19 PM
ألله يجزاكم خيير

على كلام الناس ان الرديتر الاردني افضل مليون مره من الوكاله

والان نازل بالسوق رديتر سعودي ثلاث رصصات ممتاز على كلام الناس

مقطع العروق شكلها من طرمبة المويه أبغير وان شاء الله نفتك من الحرارة
كديان
28/03/2011, 01:19 PM
احد الربع ركب غطاء جديد لباترول ربع سلقة
و اذا تعدا سرعه 120
الحرارة تعدا الخطين
طلعا مركب غطاء اللي يجي استكر برتقالي
رجع للوكيل
و ركب غطاء بدون استكر

و نامت الحرارة بين الخطين :good::good:




هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good:



1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر


روابط حرارة باترول 97

http://www.mekshat.com/vb/showthread.php?t=202820



http://www.mekshat.com/vb/showthread.php?t=287020
هواوي الغاط
28/03/2011, 01:28 PM
يعطيك ألف عـآفيه يالغالي


نششوف ونسسمع راي الاخوووان
Al Rasee
28/03/2011, 03:21 PM
الى فهمت من كلامك انه مافيه حراره بالسياره ولكن المشكله بانبير الحراره مو مضبوط بسبب الحساس

اي ان المشكله سهله ان شاء الله وشيك على الحساس وانبير الحراره صلحه او ركب غيره