ايش افضل نوع الكفرات ( يهمني امرك )

[saqr34]

بسم الله الرحمن الرحيم

السلام عليكم ورحمة الله وبركاته

اسعد الله مسائكم اخواني اعضاء مكشات

اخواني انا لدي مشكله مع كفرات هانكوك وكفرات الدنلوب وهي سهل تشقق الجوانب

للكفرات حيث ان عود او شوكه من السهل تدخل بالكفر مع الجنب واربع الكفرات كلها

مخرمه مع الجنوب .. وقلت استشيركم ايش افضل الكفرات الي تجي جوانبها قويه

و تتحمل .. البالون صارف نظري عنه لانه ماينفع للخط وانا رجل اسافر كل فتره من

منطقه لمنطقه .. ومن لديه نصيحه لا يبخل علينا .. تمنياتي للجميع بالتوفيق .


saqr34

[ALBDRANE]

حياك الله أنت تتكلم عن السيارة الجيب الصرحة أشوف أن البرجستون على الجيب هي الأفضل لا من ناحية الشكل بل القوة والتحمل والأمان أما الدنلوب ما خشت مزاجي فقط مريحه غيره مابو شي يبعدي

[4800VTC]

افضل كفرات من حيث تجربتي على باثفندر
هي تويو مقاس 17

[saqr34]

صحيح اخوي انا معي جيب هدد وابي كفرات تناسبني للبر والسفر والي اعانيه خزق الاعواد بالجوانب للدنلوب

والهانكوك .. ابي كفرات تكون قويه الجوانب .. وشاكر لكم اخواني على افادتكم والله يعطيكم العافيه

تحياتي لكم

[بوفي]

ميشلالالالالالالالالالالالالالالالالالالالالالالال ان

[NISSAN1991]

وعليكم السلام ورحمه الله وبركاته
من واقع تجربه غير البرجستون لاتدور من ناحيه القوه والتحمل

[جنرال المدينه]

البرجستون قويه وتتحمل
أختها لجمس طقطقت معي 4 سنوات وأسافر عليها ما عليها شي ما شاء الله

[saqr34]

بارك الله فيكم وبيض وجيهكم ... وشاكر ومقدر افاداتكم ربي يحفظكم ان شاء الله

[جرهد]

مرحبا

اسمحو لي بهذه المشاركة البسيطة

وإن شاء تكون نافعه ومفيدة للكل

من وجهة نظري ليس مهم اسم الشركة المصنعه

المهم ...... هو مواصفات الإطار نفسه

لكل إطار مواصفات خاصة تناسب المستخدم بحسب طريقته بالقيادة والأماكن التي يتواجد فيها

http://www.4site4x4.co.uk/img/tyre%20markings.gif



- مقاس الاطار (ابعادة الاساسية) Tyre Size Designation

2- مقاس جانب الاطار للاطارات للتوافق بين الاطارات الغير متماثلة

3-مقدار تحمل الاطار للوزن (اقصى تحميل)
Load Pressure Information

4- ماركة الاطار (الاسم التجارى)
Brand Name

5- المكونات الصناعية للاطار
Tyre Construction Details

6- التوافق مع المعايير الاوربية
European ECE Type

7- معامل التحميل مع السرعة

مقدار تحمل الاطارات لوزن ما على السرعة القصوى المحدده للاطار

8- رمز السرعة (الحرف الدال على اقصى سرعة باعتبار معامل التحميل)

9- البلد المصنع

10- العلامة التجارية او الموديل



نقشة الاطار

نقشة الاطار بتحدد تصميمة لتادية غرض معين على سبيل المثال

- نقشات للسرعة
- نقشات للثبات على الاراضى المبتلة ونقشات للثلوج
- نقشات للاسفلت الناعم وللارض الترابية والصلبة بيستخدموها فى السباقات


وسلامتكم

[saqr34]

الله يعطيك العافيه اخوي جرهد على المعلومه وتشكر عليها اخي

لكن ونا اخوك انا جربت نوعين من الكفرات الدنلوب والهانكوك

بالبر تلاحظ ان اي عود خشب يشق الجوانب بكل سهووله وهذا عيب كبير بالكفرات

وانا المره هذي ان شاء الله بجرب برجستون على كلام اخواني الي افادوني والله يكتب فيه الخير

واذا تقدر تفيدي بهذا الشئ .. يجزاك الله خير . والتجربه خير برهان

[دخنآوي]

:) غير نقشة الشاهين لآتدور اللي هي هانكوك ودنلوب وسوموتوما
وبعدهآ البوآلين لكن مشكلتها العمر قصير :)

[قناص خلاوي]

الكفرات لها ضغط للدعسة والجنب
بمعنى تحصل كفر 6 غاط الدعسة والجنب 4 غاط بس
وفيه كفرات 6 غاط الدعسة و 6غاط الجنب
وفيه اكثر
اذا تبي كفرات قوية جنوبها عليك بالبيرجستون
لكن تراها ماتفرش كثير بالرمل اذا نسمتها ..

[زمزم 100]

البرجيستون شديدة التحمل

بس يعيبها القساوة .

[saqr34]

فيكم الخير والبركه اخواني .. والله يجزاكم الاجر ان شاء الله

اشكركم ولكم التقدير والاحترام

تحياتي