ما هو الفرق بين الفرارات والدف لوك ؟

[anas]

السلام عليكم ورحمة الله وبركاته
ما هو الفرق بين الفرارات و القفل المركزي (الدف لوك) وما هي فائدة كل منها ؟

[anas]

للرفع :(

[مدمن القهوه]

اخوي والله ماعرف شي عنها ولا كان افدتك

[ابوهزار]

الفرارات -
اذا على القفل C تشبك العكوس الاماميه واذا حطيتها على الفتح O تنفصل العكوس عن الكارونه ويخف الموتر ويقل استخام البنزين نوع ما.
الدفلوك- يشبك الاربع كفرات وهذا يقلل تعليقة الموتر ولايستخدم الا عند الحاجة الملحة ولاتزيد السرعه عن الي مكتوب في كتالوج السيارة

[البيـرق]

السلام عليكم ورحمة الله وبركاته
الفرارات -
اذا على القفل C تشبك العكوس الاماميه واذا حطيتها على الفتح O تنفصل العكوس عن الكارونه ويخف الموتر ويقل استخام البنزين نوع ما..........
والدفلوك difflock
يقوم بقفل الدفرنس او الكفر الي يدور عن غير سنع
مثل لما تثولث بالرمل في كفرات تدور بوش وثانية واقفه وهويقفل الي تدور
ويشفل الواقفه ويوزن بينهم........
ووظيفته الثانيه يقوم بالاهتزاز في الغراز وباذن الله وضحت الصورة......
اخوكم
البيـــــــرق.........

[حـاتـم]

هلا وغلا اخوي انس

الفرارات هي لقفل الدفرنس الامامي يعني العامود الامامي يكون متوقف في حاله ال_4x2 وشغال في حاله4x4

اما الديف لوك فهو جهاز ينظم حركه العجلات الاربع علشان التعليق وغيره

وكلهم لهم فايده الاول لخفه وصرف البنزرين وتزييت الدفرنس الامامي
والثاني علشان مايتعلق الموتر

وشكرا

اخوك / حاتم

[ابو خطاب]

اخوي انس وجميع الاخوه.......... مساكم الله بكل خير

الفرارات..............كما ذكر الاخوه بفصل دوران الاطارات عن العكوس وليس عن الكارونه... فتتوقف العكوس والكارونه..شرط ان تكون عصى الدبل على الوضع الخلفي فقط.
كما انه يوجد فرارات اتوماتيك في بعض السيارات وهي تعمل بفكرة التحميل على سبرنق..فتفصل اذا فصلت الدبل وتوقف دورة دفع التروس للدفرنس.. وتشبك اذا حملت تروس الدفرنس وحركت العكوس باتجاه واحد. مثل الموجود في الدفع الرباعي الامريكي..يوكون بليزر سابقا ..قطع عشره..الخ.(( لايوجد شد بلد للشروكي والقراند شروكي )) (يمكن استيراده).

وفيه مشكله في الفرارات التوماتيك.. انها بفعل السخونه تقفل ولا تفصل ولازم تدق ريوس بالموتر لك كم متر عشان تفصل(والله شغله) زي البليزرات والجموس الاوله.

اما الدف لوك هو نفسه الهزاز هو نفسه المشروك.. ويعمل كتالي:

اذا ثولثت السياره او بمعنى اخر صار الوزن والتحميل على كفر اكثر من الثاني يتوقف المحمل ويدور الخفيف.. وهاذي الخاصية مفيده جدا عند التفاف السياره بسرعه عاليه في المنحنيات فلو كانت الكفرات في الدفرنس تدور بوتيره واحد في المنعطفات كان تقلبت السيارات..فنجد ان الكفر داخل المنعطف ابطء من الكفر خارج المنعطف وهذا هو دور التروس الهلالية و القمرية داخل جرم الكارونه.
فكيف يعمل اذن الدف لوك؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في الرد القادم لنا لقاء

[anas]

السلام عليكم ورحمة الله وبركاته
اشكر جميع الأخوة
مدمن القهوة
هزار
البيرق
حاتم
ابو خطاب ( ننتظر المزيد )
شكرا جزيلا لكم جميعا
وبعد ان عرفنا فائدة الدف لوك باقي ان نعرف فائدة الفرارات

[مهراس]

السلام عليكم ورحمة الله وبركاته:
حبيبنا انس: انا فقط احدد لك مكان كل واحد منهم في السياره واشكالهم في الصور
1- الفرارات( القفل اليدوي Manual Lock) تركب في الجهه الخارجيه من الكفرين الأماميين على العكوس (وسط الكفر). لاحظ علامات الـ LOCK والـ FREE وهي نفس الـ C والـ O اللتي ذكرها الأخوه الأفاضل:

http://www.mekshat.com/pix/upload/images11/mk6074_warn_drivetrain_main.jpg



2- الدف لوك هي اختصار لكلمة(Differential Lock) وهو عباره عن مجموعة تروس تفاضليه مصنعه ومركبه مع بعض ومكونة قطعه تسمى الدف لوك ويوضع داخل (الكارونه) اي يستغنى عن التروس الأصليه اللي داخل الكارونه ويوضع الدف لوك وعمله كما شرحوا الأخوان (يوصل بين المحورين الأيمن والأيسر ليعملا معا في وقت واحد) للخروج من التغريز غالبا. والدف لوك يستعمل في كلا المحورين الأمامي والخلفي وفي الأسفل صوره لأحد أنواعه

http://www.mekshat.com/pix/upload/images11/mk6074_arb_locker_singlekit_c.jpg






تحياتي للجميع

أبوفـهد.

[ابو خطاب]

الســـــــــــــــــــــــــــلام عليكم ورحمة الله وبركاته
اكمالا لما سبق وسامحونا على الاظالة بقصد الاسهاب بالشرح وضرب الامثلة..ولو ان الشباب ماقصروا .

الدف لوك=المشروك=الهزاز:

نبدا بتسلسله التاريخي: حيث كان اول شركة مصنعة للدفع الرباعي المشروك هي شركة جيب Jeep وهي شركه مالها شعبيه قويه عندنا مثل باقي الدول والعتب على الوكيل الله يصلح امره..ادعوله..
وكان الدف لوك عباره عن قطع حديد صلبه تسمى قفل بين الميكانيكيه وتدور مع جرم الكارونه.. وتعمل بنظرية الطرد المركزي.. فاذا توقف عكس وتروسه الهلاليه عن الدوران بينما الاخر لايزال يدور .. تتحرك من مكانها هذه القطعه محدثه قفل واتصال بين التروس مما يجعل العكسين يدورن في اتجاه واحد...ونلاحظ انه اذا غرزت السياره في الموديلات القديمه مثل البليزرات اول يكفي ان تدور الكفر بسرعه بطيئه تقريبا 10 لفات فتسمع صوت طقه وهي علامة عمل المشروك.. فيخرج من التغريزه كما تخرج الشبث من تحت الرمال.

النوع الاحدث هو ماسمي محلين بالهزاز وهو نظام كلتشات صغيره داخل جرم الكارونه تعمل بلاحتكاك.. والاحتكاك يولد حراره فتلتصق الكلتشات ويدور الكفران جميعا........بعض سائقي سيارات الدف لوك بالكلتشات مثل الجيب القراند شروكي.. عندما يسمع صوت احتكاك الكلتشات يظن انها ناتجه عن عطل ما بالعكس .. وهي بالواقع تظهر حتى عند الالتفاف بدائره قصيره جدا وببطى.. وستجد ان احد الكفرات كانه يفرمل ثم يمشي. فصوت الاحتكاك يعتبر طبيعي...طبعا يبقى نوع القفل اقل صيانه واحسن اداء من نظام الكلتشات.
اضيف في بعض الموديلات الحديئه التحكم الكهربائي بهذه الخاصيه. والله اعلم.

[راعي العوجاء]

في محل يركب دف لوك في الرياض ؟

[power]

طيب يا أخوان عندي بالسيارة دف لوك شد بلد ،،، هل يحتاج أركب فرارات ؟؟ وإذا كانت الإجابة بنعم فما هي أفضلها وأين أجدها ؟؟

نوع السيارة لاندكروزر موديلل 99 القير أتوماتيك ....

وشكراً ..........

[anas]

الله يعطيكم العافية اخواني جميعا ..
كما يشرفني مرور الأخوان مهراس وابو خطاب .

[مهراس]

ماعليك زود يا anas