ابو محمد
15/11/2005, 12:13 AM
هذه قصيدة سمعتها في برنامج المجلة الشعبية الذي يقدمه ناصر الراجح من إذاعة الرياض منذ عشر سنوات ولا أدري من قائلها
وهذه قصيدة جميلة ورائعة ولعلها تنال إعجابكم
يا الله تحيي بالحيا كل الأوطان=سيل من الوسمي يعم الجزيره
تنشي من المنشا ثقيلات الأمزان= اللي بها البارق سواة السعيره
نون يهول اللي يشوفه بالأعيان= أسود وكن الليل الأسود خشيره
يمطر والى أمطر صار للجو دخان= من قو هملول المزون الغزيره
ناخذ ثلاث أيام والنور ما بان =لو كان للبراق نور ونيره
والماء زمى والروض مليان مليان=والوادي اليا فاض نسمع هديره
وتباشروا بالسيل حضر وبدوان=الفرحة أكبر والسعادة كبيره
ما عاد ينشد راعي الطرش والضان=وراع الفلاحة ريح الله ضميره
ونبت النبات وزان طلع الحيا زان=فالضلع بذر وفالزبارة بذيره
وعقب شهرين بحيل خلاق الأكوان=تلقى الزبيدي نابت في محيره
الأرض خضراء مخضره تقل بستان=والريف والأرياف في كل ديره
كثر النبات وطلعه أشكال وألوان= وإن نسنس النسناس فاح بعبيره
حب الربيع لطال بالخير عنوان=نبيه لو حتى لياله قصيره
هذا ويا رب الملا عالي الشان=لعل ما في الغيب خير وخيره
وهذه قصيدة جميلة ورائعة ولعلها تنال إعجابكم
يا الله تحيي بالحيا كل الأوطان=سيل من الوسمي يعم الجزيره
تنشي من المنشا ثقيلات الأمزان= اللي بها البارق سواة السعيره
نون يهول اللي يشوفه بالأعيان= أسود وكن الليل الأسود خشيره
يمطر والى أمطر صار للجو دخان= من قو هملول المزون الغزيره
ناخذ ثلاث أيام والنور ما بان =لو كان للبراق نور ونيره
والماء زمى والروض مليان مليان=والوادي اليا فاض نسمع هديره
وتباشروا بالسيل حضر وبدوان=الفرحة أكبر والسعادة كبيره
ما عاد ينشد راعي الطرش والضان=وراع الفلاحة ريح الله ضميره
ونبت النبات وزان طلع الحيا زان=فالضلع بذر وفالزبارة بذيره
وعقب شهرين بحيل خلاق الأكوان=تلقى الزبيدي نابت في محيره
الأرض خضراء مخضره تقل بستان=والريف والأرياف في كل ديره
كثر النبات وطلعه أشكال وألوان= وإن نسنس النسناس فاح بعبيره
حب الربيع لطال بالخير عنوان=نبيه لو حتى لياله قصيره
هذا ويا رب الملا عالي الشان=لعل ما في الغيب خير وخيره