الدبل مايشتغل عندي !!

[TrailBlazer]

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله ...

انا عندي سيارة بليرز 2003 دفرنسين

المشكله قبل تقريبا اسبوعين طلعت للشباب في الثمامه وكان الدبل ماشاء الله شغال واموره طيبه

وقفت السياره وبعدها لا الدبل الثقيل اشتغل ولا الخفيف ما يشتغل الا الاوتو بس :(

المشكله اني اذا شغلته شبك واذا دعست بنزين مايشتغل الا الدفرنس الخلفي

الدبل الاوتو يشتغل لكن الخفيف والثقيل مايشتغلن :(

وش الحل

ولا حول ولاقوة الا بالله


( ربنا اغفر لنا ولاخواننا اللذين سبقونا
بالايمان ) والمؤمنين والمؤمنات والمسلمين والمسلمات الاحياء منهم والاموت،،،

[بو خليفه]

الدبل قطعة كهربائية لا تعمل و لا تضغط على الهواء كي يقفل الأمامي

[قناص الحبارى]

بسم الله الرحمن الرحيم

السلام عليكم ورحمة الله وبركاته

أخي الحبيب / TrailBlazer..

مشكلتك سهله ..بس أهم شيء لا تروح للجميح علشان ما يصكونك بثلاث آلاف ريال ....!!!

الحل يا طويل العمر سهل جدااااا.. بأذن الله ,,

أولا ..لا تشغل الدبل

ثانيا.. اللمبه إللي عند الزر تولع ولا ..لا...؟؟

ثالثا الدبل من تحت فيه ((فيوز )) راكب في نهاية العكس يعني بالنص تقريبا ..

تقدر تفكه أنت بمفتاح كبير وتفصل سلك الفيوز الموصل فيه ..

وتشتريه من محلات قطع الغيار ولا تآخذه من الوكاله لأن الموجود أصلي بس .. ولا يوجد تقليد ..

قيمته تقريبا 220 ريال الى 280 ريال والوكاله 350 ألى 400 ريال..

قبل لا تركبه أدهن راس الفيوز بزيت سياره عادي لكي يتحرك بسهوله عند التشغيل

ركبه ووصل الفيش حقه وراح يشتغل معاك بإذن الله ...

والفك والتركيب مايآخذ منك 20 دقيقه ..

وبالخدمه يالغالي...

وجوالي على الخاص عندك ...


أخوك قناص الحبارى


أبو عبد العزيز

[خيال الغلبا]

قناص الحباري
بيض الله وجهك

[قناص الحبارى]

السلام عليكم أخوي الحبيب // خيال العليا..

جزاك الله خير وبيض الله وجهك يالغالي..

لو سمحت راجع الخاص لك مني رساله ... ;)

أخوك / قناص الحبارى

[غضنفر]

ودي اساعدك بس ما اعرف للبليزر
لكن اتوقع الدبل كهرب وليس عصا على ما اعتقد وحساسات الدبل الكهرب دخلها تراب ولا عاد تشتغل

[رفيع الشان]

يالحبيب ..


اولا لاتروح الوكاله ولا شي ...


موتري دبل زرار وخرب علي وأنا مسافر وديته واحد متخصص دبلات قال أبشيل 1800 ريال قيمة اصلاح :mad:

من شكله عرفت انه نصاب ..


اتصلت على ميكانيكي عارفه وخبير جدا وبلغته بالامر قال وسع صدرك وتمش واذا رجعت جب حساس الدبل في الدفرنس وركبه كلها مااخذت ساعه ..

واتمنى لك التوفيق

[أبو يوسف]

بيض الله وجهك اخوي ابو خالد ( قناص الحباري )

أنا داخل ابشارك لكن ما خليت لنا مجال الله يجزاك خير


تحيتي

[قناص الحبارى]

أخوي أبو يوسف,, السلام عليكم ..

حياك الله يالغالي ... (( العين ما تعلى على الحاجب ))

وإحنا نتعلم منك يالحبيب.....


وتشكر على الأطراء


أخوك / قناص الحبارى

[3:16]

اول شي اذا رحت الى الصناعيه فلا تأخذ راي مكنيكي واحد بل مر لك على عدة مكانيكيين وشف وشهم متفقين عليه

ثاني شي اتوقع ان خراب الدبل عندك هو من الحساس وهي قطعه صغيره ماتكلف كل الشغله حوالي ثلاثمائه ريال وتاخذ لها ربعه ساعه فقط

والله يسهل امرك

[متابع]

التريل بليزر سيارت قمة الغباء انا عندي موديل 2002 و انكسر عندي العكس ورحت للجميح و طلب 5000 ريال
تخيلوا يا جماعة الخير 5000 ريال
قيمة العكس المكسور و السيارة ما لها معاي اربع سنين

[محمد العبدالسلام]

بيض الله وجهك يا قناص الحباري بك وبأمثالك يفتخر الانسان بإنضمامه لهذا المنتدى

جزاك الله الف خير

[قناص الحبارى]

السلام عليكطم ورحمة الله وبركاته,,

أخي الغالي .. ((( نجـــ إبن ـــد )))

جزاك الله خير الجزاء على هذا الإطراء .. وبارك الله فيك ..

وإحنا ما نجي شئ عند أمثالك...

(( أخجلتني والله ..))



أخوك / قناص الحبارى

أبو عبد العزيز

[ابومناحي]

التريل بليزر سيارت قمة الغباء انا عندي موديل 2002 و انكسر عندي العكس ورحت للجميح و طلب 5000 ريال
تخيلوا يا جماعة الخير 5000 ريال
قيمة العكس المكسور و السيارة ما لها معاي اربع سنين

اخوي فيه مخرطه بالصناعيه القديمه بالرياض مشهورة جدا خاصه بالعكوس لجميع السيارات
انكسر عندي العكس حق اللاندكروز واشنريته ب 250ريال من المخرطه مع العامود وبالوكاله 1400 ريال مع العامود

[متابع]

ابو مناحي
الله يعطيك العافية اخوي و مشكور على اهتمامك
انا من الغربية بس ان شاء الله اكلم واحد من الشباب يحاول يدور على العكس في الورشة هذي

[al-nashmi]

اخونا تريل بليزر...

الله يعينك ويدلك على تصليح هالعطل بأقل التكاليف....

انا ماعندي لك زود عن اللي ذكروا الشباب ...... فبتالي مالي اللى الدعاء لك.


ومع احترامي لآرى الشباب جميع الا اني اشوف فكرة اخونا قناص الحباري اقرب للحل الصحيح للمشكلة..

ولا تستعجل بالتصليح يمكن يجي واحد عنده نفس المشكلة ويعلمك كيف صلحها....

وتحياتي للجميع


النشمي