رايكم في فرارات الفتك ؟؟

[فصاص]

السلام عليكم

انا معي فتك 2008 سوبر سفاري وودي اركب عليه فرارات وفي نفس الوقت متخوف منها لان الموتر جديد وتوه مكمل 1000 كيلو

في موضوع سابق قال واحد من الشباب معلومه وهي الي مخليتني اتردد صراحه ,, (قال حاليا سيارتك مافيها صوت عمود الدبل بس اذا ركبت الفرارات بتصير تسمعه اذا شبكتها ,وقال اذا تبي تركب فرارات انصحك انك تشغلها في اي طريق جلد حتى لو ماشغلت الدبل عشان مايصير عندك فضاوه في العمود )

ومن ناحيه ثانيه ودي اركبها عشان يخف الموتر وتقل صرفيه البنزين

فياليت الشباب الي مجربينها يعطونا تجربتهم مع الفرارات وهل ينصحون بتركيبها او لا بكل حياديه

الموتر جديد وماهوب مطاوعني قلبي العب به :D

[باترول 4500]

وعليكم السلام

انت تبي تركبهن عشان يخف الموتر وتقل صرفيه البنزين

أقولك من الحين ماراح تفرق الصرفيه معك أبد

إذا سافرت بعض المرات مع أحد الربع اللي مركبين فرارات نوصل للمكان المطلوب يصير موتري وموتره على نفس أمبير البنزين

إذا تبي نصيحتي خل موترك كذا أصرف لك لأنهن يخربن إذا كنت تجلد الموتر

[مدمن فتك]

وعليكم السلام

انت تبي تركبهن عشان يخف الموتر وتقل صرفيه البنزين

أقولك من الحين ماراح تفرق الصرفيه معك أبد

إذا سافرت بعض المرات مع أحد الربع اللي مركبين فرارات نوصل للمكان المطلوب يصير موتري وموتره على نفس أمبير البنزين

إذا تبي نصيحتي خل موترك كذا أصرف لك لأنهن يخربن إذا كنت تجلد الموتر
الصراحه مابعد كلامه كلام لانهن كان عندي ولاشفت فرق وبعتهن

[فصاص]

السلام عليكم

باترول 4500 / مدمن فتك

يامال العافيه ان شاء الله ماقصرتوا

[FJ3230]

وش الفايدة من الفرارات ياجماعة الخير للفتك
الفتك اعرف انه دفع خلفي ماهو رباعي مستمر
والفرارات للدفع الرباعي المستمر تمنع الدفرنس الامامي من الدوران بلا فائدة
ياليت يتم التصحيح لو كلامي فيه غلط

[الوسم]

الفرارات تبي تفرق معك في :
1 لفة السيارة يمين ويسار خفيييييفه ويخف الحمل على دودة الدريكسيون
2 حركة السيارة من الصفر فرق حوالي 10 في الميه
3 تجي على السيارات من الوكالة شد بلد لذلك ليست لعب في السيارة
4 مستقبلا لو صار عمود الدبل فيه خلوص وصار يررج !! تريحك الفرارات من الرجه على الطرق السريعه والسفر لمسافات طويله
5 من عيوب الفرارات العاديه بأنه إذا إحتجتها يجب أن توقف السيارة لتشبكها أما نوع الأوتو فلا يوجد بها عيوب حيث انها تعمل بقوة التحميل من لحظة شبك الدبل فورا وتنفصل عند فصله من العصا اليدويه فقط ولا تحتاج للوقوف بالسيارة
6 قد لا تكون في المية ألف الأولى واضحه ولكن ستكون بالتأكيد واضحة بعد ذلك وللمعلوميه تساهم في المحافظة على عمود الدبل وعمود التوازن الأمامي وجميع المحركات في الجهة الأمامية زياده من صوف ورمانات وغيره
ملاحظه : يجب شبكها كل 15000 ألف كيلو فترة بسيييييطه من 10 كيلو متر فما فوق فقط لحركة الزيت وتوافق القطع الميكانيكية لزوم التمرين
وبالتوفيق وعليك بالعاااااااافيه والله يعطيك خيره ويكفيك شرره

[سعود 28]

نصيحة لاتركب فرارات انا معي فتك وشلنهن خللك على موترك بالوضعية هذي

[بو حجل]

ال vtc
مايحتاج فرررررررارررررررررت ابدا

اللي يحتاجونها اللي معه مكينة 4200 القديمة او 4500 فى بعض الاحيان