اللي عنده خبره في صيانه تيوتا

[عصام البلادي]

السلام عليكم ورحمه الله وبركاته
اخواني الاعزاء

تحملوني توني مشتري السياره وخايف عليها:D
يعني ابي اسئلكم الين اطفش
المهم
كتبت في موضوع سابق بان فية رجه في الدركسون
والله اليوم وديتها ينبع وسويت لها ترصيص ارضي والرجه زي ماهو
{(الرجه) بمعنى ان الدركسون بعد ماتشمي 80 يقول يلعب ويهتز هاذي المعنى}

والمشكله الثانية السبت ابي اوديه للصيانه
والمشكله الصيانه حقت تيوتا
بعد الف كيلو
وانا وصلت من ينبع اخذ الوالد الموتر على المقناص
يعني يمكن اذ رجع راح يكون الموتر ماشي من1120الى1300

شباب تتوقعون تيويتا تقبله للصيانه ام لا
ولااحد يقول سوي صيانه بنفسك انا اقوله لا جيبي موديل قديم 2009 وابغى الضمان يروح علي يعني الله يعين على الصيانه كل بعد 5000الف كيلو


والسوال الاخير
ابي اركب عازل حراري ممكن احد يتكرم ويعلمنا بالاسعار

[عصام البلادي]

للرفع للرفع

[_-ابو خالد-_]

اخوي عصام سؤالك ماهو واضح


تقول موترك 2009 وماشي 1000 كيلو على العموم


نتكلم عن الرجه ياطويل العمر رجة السياره عموماً بعد ال80 من الاذرعه يعني شيك على الاذرعه والمقصات وجلد الاذرعه وسو لها ترصيص مره ثانيه

لان في بعض الحالات يكون الشاص يبغا له سحب على شان تتساوى مسافة الاذرعه عن بعض لكن هذا شي إن شاء الله ماهو في موترك...


ويمكن تكون الكفرات الي مركبها على موترك مقلبه لان فيه نوع من الكفرات مثل بريللي
اذا قلبت الكفرات تتلخبط وزنية دقة الكفر نفسه


يعني نقشة الكفر تكون ملخبطه وتسبب رجه بالسياره


قلب الكفرات الي يمين يسار والي يسار يمين وشوف الفرق وإن شاء الله هذا هو الخلل



بالنسبه لصيانه تويوتا لو تجيب الموتر ماشي 3000 الاف كيلو يسوون لك صيانة ال 1000 كيلو


يعني لاتخاف تقدر توديه وتقول لهم ابي صيانه 1000 كيلو ولا يسون شي نهائياً


يمكن يجيك واحد يقول لك لازم تسوي تشييك 5000 الاف قوله ابي 1000 كيلو




وافضل عازل حراري انا برأيي كلهم مثل بعض لكن نصيحه لله لاتحط عازل على الوجهييه لانها بعد مرور 8 شهور بتشوف خط اصفر فاصل بين العازل والكبوت يخرب شكل السياره




اي سؤال ثاني إن شاء الله نجاوب لك عليه





اخوك ابو خالد

[راعي الفيوجن]

هلا اخوي
طيب الي فهمت ان موترك موديل 2009 طيب علمني وش الموتر ووش نوعه
عشان اعلمك عن كل شي بارك الله فيك

[ساهر1911]

حبيبي انا مطلع كامري 2010 م ومشيت عليها عشر الاف وكان فيها رجه لمن اضرب فرامل تقول السيارة رايح فيها عمود التوازن راجعة الشركة لاحياة لمن تنادي وشكيتهم للادارة بجده والمدينه ما عندك احد . وعلى قولهم يبغالك تخرط الهوبات وتدفع 350 ريال ،، طيب كيف اخرط الهوبات والقماش جديد هذا يدل ان الهوبات فيها مشكله او اكسده من سوى التخزين عندهم ، طلعت السيارة وانا ادعي عليهم شركة مرضانه والغريب ان التجميع اندونيسي يعني فطسه لا بارك الله فيهم

[العيسمود]

الله يعينك اخوي سيارة جديدة وفيها مشاكل؟؟؟؟

[بروق الشام]

الي اعرفه ان الرجه في الغالب بعد 80
ترصيص
او احد الكفرات محبل