مشكله اتمنى اجد لها حل

[عبد الله 99]

حياكم الله
اولا : الله بلاني بأخ معه شروكي 92 و من معرفتي به انه فاجر ********
المهم امس جاني يقول الموتر يرج رجه ميب طبيعيه الشريط (الكاسيت) اذا كان على الطبلون يطيح على الارض و انقز للصناعيه و الي يقول القير توضيب و الي يقول الدبل يبي له توضيب و ارخص واحد بـ 1100 طبعاً بعد ما اكتشفنا ان عمود الدوران و عمود الدبل فيها فضاوه و افك عمود الدبل قلت بجرب الموتر و ما زالت الرجه فيه لاكن اخف بشئ بسيط و ارجع و ادور و اكور لين طحت بواحد قال انا اصلحه لك و اعطيك ضمان 6 شهور بـ 800 عاد وش رايكم فيه حل غير كذا لأني متغيليها شوي 800 نسيت اقول ان الدبل كان يعلق اذا شغلناه اول و الحين خايف اشغل شي ولاش و اخسر دبلها ابي شوركم علي
لاني بستاذن من الدوام بكره الصبح عشان اسلمهم الموتر و يطلع الليل

الله يزوج كل من يرد ....



تم حذف بعض الكلمات
مشرف القسم
بدوي جنوبي

[m3ax]

دام الرجال معطيك ضمان 6 شهور وش عاد تبي اكثر ؟؟

بس ما ذكرت لنا وش بيصلح الرجال

[عبد الله 99]

المشكله مبدياً فضاوه و الدبل يعلق اذا شغله مع صوت طقطقه اذا حط القير بالـ N زي صوت الصليب لاكن الصلبان كلها مغيرها انا
قال انا بفكه و بغير القطع الخربانه و لك مني ضمان ست شهور و الرجال بيستلمه مقاوله بالقطع بـ 800 و مدري وش السوات شوركم يالربع

[path_poth]

عبدالله 99
دعواتك جت بوقته :) ، عزوبي ومغترب حلها عاد هههههه

ماودي أضيق صدرك ، لكن كان معنا شيروكي 2001 ، وطمرنا والله للكويت نجيب عمود من التشليح كوده أنظف من اللي عندنا
الفضاوه جزء من الشيروكي ، فيك فيك ، اذكر غيرنا الصلبان وركبنا عامودين وبعنا الموتر ورجته فيه

إذا متأكد إنك تقوى تاخذ حقك ولو عقب 6 شهور توكل على الله ، خبرك ديرتنا مافي إداراتها الحكومية خير لاحماية الضعيف المستهلك ولا وزارة غثاثه قصدي تجارة ، حقك كود تاخذه بيدك
يجبرونك تكون بلطجي !!!×

[النبع الصافي]

هالمشكلة دايما تتكرر في أكثر السيارات بسبب ترفيع السيارة لدرجة يختلف فيها الدفرنس عن القير أو القير عن المكينة أو ميزانية السيارة عموماً

أول شي تصلحه رجع سيارتك مثل أول يمكن تنتهي المشكلة ! إذا الوضع ما طول ولا شديت على السيارة
ثم عليك بالعامل الأمين ووقف عليه
موفق

[راعي الركيات]

اتوقع الرجه من عمود الكردان الخلفي

انصح تودي السيارة لمخرطة الصفدي وتخليهم يفكون العمود ويكشفون عليه اذا العمود مضروب خلهم يتاكدون ان ترصيص العمود موجود واذا كان موجود خلهم يشوفون وين الضربه فيه ويعدلونه

اذا عمود الكردان سليم خلهم يكشفون علي العكوس طبعاً بعد ماتتاكد ان الكفرات كلها سليمه ومافيها تكريش وكذالك الجنوط

وانصحك ماتسلم السيارة لاحد علي قولتك (قطوعه)

[عبد الله 99]

والله مدري وش السوات
لاكن السياره على ارتفاع البلد ما غيرناها و عندنا لها سبع سنين
و المشكله ميب بالعمدان المشكله داخل تروس الدبل و الرجال يقول بفك الدبل لو خربان كله غيرته لك بأتفاقنا و لو خربان قطع صلحتها لك بـ800 مع القطع و انت و حضك ما ندري وش المشكله منه الا اذا فكينا الدبل ولا ودي اصلح و اخسر شي غير الدبل و يصير سليم ما به شي

[عبد الله 99]

للرفع ................

[rigidman]

تأكد من الكفرات يمكن ممسوحة من الجوانب او تحتاج ترصيص او اعوجاج في الجنط وكلها تسوي اللي تقوله .

اطيب تحية

[بدوي جنوبي]

ينقل لقسم الاعطال

[التعـ King ـديل]

مالي خبره بالموتر ولكن كلمه فاجر على اخوك ماهي بمحلها ولك الشكر

[قادو]

موفقين ....

[عبد الله 99]

ابشركم توي جاي من الصناعيه و صلحت الموتر عقب ما فزع لنا ابو سعود و كلف تقريبا 550 و شغل ولا احلى منه
و المشكله صارت من العمود فيه طقة حصى و ترخي الصليب فتجي رجه قويه و الحمد لله حليناها و بلا هالورش و النصب
ولا انسى شكر اخوي ابو سعود تعبناه معنى والله جزاه الله خير

[كديان]

على فكرة اهمال تشحيم عمود الدبل يؤدي الى ظهور حرة بالشيروكي
على سرعة 100 و طالع حتى الى سرعة 160
حرة ورر ورر ورر تروح و تجي كل ثواني
ايضا الدوس المفاجئ يخرب عمود الكردان الخلفي و يصير فيه تقويس بسيط و يسبب حرة ايضا
حل الحرة للموتر
تركيب عمود ياباني على الشرط من السكراب الياباني اللي يجي من برا
سواء عمود دبل او عمود كردان
عندك ورشة كرامة الفعيم تخصص شيروكي بمخرج 17 شرق الدائري الشرقي
او ورشة الهاشل جنوب الدائري الجنوبي و خلف اسواق الغنم
ورشة المروى و الطريف و الثويني بعنيزة
ورشة الفهيد و القيضي ببريدة