من استشار ماخاب

[عاشق الماركيز]

مساكم الله بالخير

يالربع انا ابشركم الحمدالله كملت نصف ديني وابشركم ولله الحمد جتني ترقيه ونقلوني للجنوب وانا معي ماركيز وماني بايعها خساره الموتر نضييف وتخبرون الجنوب ماينفع الى جيب اوجمس انامحتار بين تاهو والى فورشنر طبعا كلها جديده من ناحية التحممل والصبر والمكينه انا بصراحه افضل التاهو لكن نشوف منهو اخبر مني والله يعطيكم الف عافيه

[أطلال نجد]

ما شاء الله وألف مبروك الزواج والترقية

من ناحية قوة التحمل والصبر على وعورة بعض الطرق والجبال في منطقة الجنوب

أرشح لك تويوتا فور تشنر v6

إذا تبي سيارة مريحه ومسك خطوط وسفريات خذ التاهو بدون تردد والله يكتب لنا ولك الخير

[العسيري 2007]

الف الف الف مبرووووووووك

ومرحبا 1000000000000000000000000000000000 تكفي ولا أزيد

ههههههه

اانا من أهل الجنوب
وابها والخميس ما تحتاج سيارة جيب الماركيز بيمشيك وزيادة الان الطرق كلها 100 %

ونصيحتي لك خل الموتر معك واذا رجعت لديرتك خذلك موتر كفو

[PC1]

الف مبروك والله يرزقك الذريه الصالحه ويبارك لك في الترقيه ويعطيك خيرها ويكفيك شرها
بالنسبه للجنوب ماافيدك عنه ما اعرفه زين لاكن يفيدونك الشباب
تحياتي لك

[تايقر11]

حياك الله ومرحبا بك بين اخوانك بالجنوب
بالنسبة للباحة .. انت لاتحتاج للجيب .. فالماركيز يكفي ويوفي .. والباحة مليانة من سيارات الفورد والماركيز.
ومابه إلا العافية
بس أهل المنطقة يفضلون الهايلوكس لفاعليتها وقوة تحملها للحفر والمطبات اللي موجودة بكل شوارع مملكتنا الحبيبة
أتمنى اني قد أفدتك واذا احتجت شيء لا يردك إلا لسانك

[moooj]

خل-موترك-وياك
ماراح-تحتاج-دبل-ولا-جيوب-ولا-غيره
اذا-انت-عسكري-فكل-القطاعات-داخل-المدن-وشوارعها-مثل-باقي-المدن
بالتوفيق

[Bader-M]

الف مبروك
وعقبال الذرية الصالحة أن شاء الله
اذا كنت راعي بر و كشتات خذ لك فورشنر
اما اذا كنت راعي خطوط و سفر خذلك تاهو

[عاشق الماركيز]

الله يجزاكم خير والله يحرم وجيهكم عن النار الضاهر اني ابجلس على موتري على كلام اخواني اهل الجنوب بيض الله وجيههم يعطيكم الف عافيه