Gx2006رقم 3 نداء للجميع

[ربيع الشمال]

السلام عليكم ورحمة الله وبركاته
كل عام وانتم بخيــــــــــر بمناسبة قرب حلول عيد الفطر المبـــــــارك
اخواني الاعزاء ارغب بشراء جيب لاندكروز بعد العيد ان شاء الله واطلب مشورتكم بخصوص نوعية الجيوب وحصلت جيب Gxمطور يحمل المواصفات التالية/ شنطه والاسطبات عاديه/ اسبير تعليق /ثلاجه/قير عادي والسعر بحدود 130الف ريال لدى وكالة عبداللطيف جميــــــــل ,
وهل تنصحونني بهذا النوعيه .حيث انني لاارغب GXR ارجو الافادة
وفقكم الله

[صلاح الدين]

السلام عليكم ورحمة الله وبركاته

أخي اللي عند عبداللطيف جميل جنوطه ألمنيوم وغويلي على مواصفاته

أنا لو أنا منك ووصلت هالقيمة أبي أزيدها شوي وأمر (اليحيى) ويجيني زود

- ونش
- فتحة
- جنود الهدد أحلى (عندي على الأقل)

وممكن تأخذ 2 سبير واحد على الشنطة والثاني تحت

القطري مرغوب أكثر بيع ومشترى لو لا قدر الله وانحديت على البيعة

وبعدين الاند ما شاء الله ماينخاف عليه

مر اليحيى واستخر

والله يكتب لنا ولك اللي فيه الخير

كل عام وأنتم جميعا بخير

وتقبل الله منا ومنكم

[jrydat]

والله حرام تحط 130000 ريال في سيارة ( اشترلك جيب مقفص 84 والحق اهلك
وباقي الفلوس سوي للك فيها مشيريع صغير

هذا رأيي

ولك تحياتي ،،،،،،،،،،،،،،،،،

[سقيا.....]

اخى jrydatليتك تقول ارى ولاتقول حرام
وشكرا يغالى[/

[القطاع عشره]

يابو رح شف المواتر اللي في معرض اليحي مواصفات احلى ونص

تحياتي اخوك القطع عشره

[جى اكس]

السلام عليكم ورحمة الله وبركاته

ودنا انشاركم فى الموضوع

ربيع الشمال الاندكروزر فى قطر احسن موصفات بواجد من عبدالطيف جميل

مشوره لك خذلك جى اكس من قطر سعره 130 الف من معرض البريمى وهو احسن المعارض فى بيع الجيوب

والله يوفقك

[أقلط]

اخوي ربيع الشمال

اولا...الف مبروك مقدما (ماشاء الله تبارك الله )

نصيحه ... اذهب للبريمي..(حدود عمان والعين الاماراتيه)

( الله يطعمك من خيره ويكفيك شره)..آمين

تحيتي

[حرباش]

اضم صوتي للإخوه

عليك بال gx الخليجي وتلقاه عند اليحي ويجي مواصفات حلوه واكثر من اللي قلتها عند ابو جميل :good:



والله يوفقك ويرزقك ان شالله

[أقلط]

اضافه...

بعض المعارض اللي بالسعوديه وتورد خليجي

سمعنا اقول سمعنا..أنها من سوريا..ويسمى بالسوق سوري

واهل المعارض يميزون بين الخليجي الياباني وبين الخليجي السوري

( سمعنا كثير عن ذلك والله اعلم عن الصحيح)

والواحد بيشري جديد وبيدفع دم قلبه فوق الميه الف ( يجب التأكد)

او الذهاب للبريمي أضمن..هذه وجهة نظري ..وفقك الله..

[sony2000]

اضافه...

بعض المعارض اللي بالسعوديه وتورد خليجي

سمعنا اقول سمعنا..أنها من سوريا..ويسمى بالسوق سوري

واهل المعارض يميزون بين الخليجي الياباني وبين الخليجي السوري

( سمعنا كثير عن ذلك والله اعلم عن الصحيح)

والواحد بيشري جديد وبيدفع دم قلبه فوق الميه الف ( يجب التأكد)

او الذهاب للبريمي أضمن..هذه وجهة نظري ..وفقك الله..

وشدعوى سوري حشى نعيمي مهب جيب :D

[هاوي قصيده]

اخوي انا انصحك تاخذ من اليحي صح غويلي بس يريحك ويثلج صدرك

بس حبيت اسال شباب عن دركسون الجي اكس بعضه يجي مثلث وبعضه مربع..مدري وش الفرق؟؟؟

لا ن اللي معي مثلث وواحد من الشباب الطاره مربع مثل الفي اكس ار؟؟

ياليت اللي له علم يرد

[بواسامه]

اذا كنت ذا رأيا فكن ذا عزيمة

فان فساد الرأي ان تترددا

توكل على الله واشتر اللي بخاطرك

[أقلط]

وشدعوى سوري حشى نعيمي مهب جيب :D

ههههههههه

حلوه نعيمي

نعم سوري وأسْل وتجد الاجابه

وحتى السعودي....يأتي هيكل فقط ويتم تركيبه في جده

صاحب الموضوع طلب نصيحه بسرعهههههههه

وانا قدمت النصيحه لأخي وليس لي اي مصلحه وهو حر بالأختيار!!

وانا لم اتكلم الا من سابق خبره طويله جدا بالجيوووب اللاندكروزر ..,

وللمعلوميه حتى في دبي وابوظبي يأتي جيووب سوريه

وللمعلوميه...أي جيب GXR يأتي وبه ونش وصاجه اماميه ليس (ياباني ياباني)

وهو اقرب للسوري وأسئل وتجد...وقد سئلت بنفسي الوكاله بالبريمي

انا اتكلم من موديل 2005 وتحت .., اما 2006 لا اعلم عنه شىء


تحياااتي

[نا مق]

خذ راي الربع ولا تتعدا الخليجي مواصفات وخطوط (والسعودي ضحك على الناس)وأن شاء الله أنهم ناصحين لك ويحبون لك الخير وحتى لو كان الفرق بسيط بس الخليجي يستاهل شف اليحيى على قولتهم أو البازعي بالرياض

[بواسامه]

اخوي اقلط
الحقيقه كلامك غريب الا اذا اثبته
وين يصنعون بسوريا فيه وين يجمعون فيه
اذا رحت لسوريا كلش عندهم وطني حتى رقعة اللستك

فكيف تعتمد تويوتا عليها
شركه عملاقه مثل تويوتا تجمع موتر عملاق مثل الكروزر بسوريا
لو قلت بشرق اسيا ممكن بس مالقيت الا سوريا

كلامك جدا غريب الا اذا اقمت البينه
وش مصلحة اليابان وتويوتا اخص بسوريا
الايدي العاملة بالشرق ارخص بكثير من سوريا
نرجو افادتنا اكثر
ولك فائق الاحترام والشكر

[المتوكل]

لاتعدا الخليجى0000000لاتعدا الخليجى0000انتبه000000انتبه مادام وصلت هلمبلغ ياالذيب لاتوهق تاخذسعودى

[أقلط]

88

هلابك اخوي ابواسامه

من حقك تستغرب ومن حقك اجيبك

العماله بسوريا ارخص بكثير من شرق اسيا

واختيار سوريا لرخص العماله وقربها من السوق الخليجي

وصحيح كل شىء بسوريا وطني لكن هذه السيارات الغاليه جدا

لاتدخل السوق هنااك ..وكلامي يالغالي ...من تجارب كثيره

واذا تعرف صاحب معارض او شريطي اسئله ...

لقد دفعت عربون لجيب 2004 عند اول نزوله لأحد المعارض الشهيره جدا

وعندما خرجت من المعرض دخلت عند جاره ووجدت زميل عمل وهو شريطي

واخبرته عن نيتي بشراء جيب ولم اخبره اني دفعت عربون وقال عندي موديل 2004

وكان عنده عدة جيوب وسئلت عن الاسعار قال هذا (بريمي) عداد 1500وقد احضرته

من البريمي عن طريق البر..وهذا جديد عداد صفر (وهو السوري) وكان السعر واحد

ونصحني بالبريمي طبعا..وعندما اخبرته اني دفعت عربون عند ذاك المعرض قال كل الجيوب

التي عنده سوريه...وقال اذهب بنفسك للبريمي افضل..وفعلا..ذهبت للبريمي بنفسي..وطلبت

Gxr فل كامل ويكون ونش وصاجه اماميه(لحيه) وقال لي البائع...الخليجي لايأتي ونش ولحيه

وقلت له لقد شاهدتها بالسعوديه بنفسي..قال هذه الجيوب التى تأتي من سوريا..اما البريمي لايأتي

بونش ولحيه الا طلبيه او ال Vxr فقط واليك هاتف وكالة تويوتا بالبريمي

اسم البائع ليتن هندي الجنسيه 00971506631072 وهو مشهور جدا عند اهل الجيوب الخليجيه

علما..انه كان عندي Vxrخليجي وقبله شاص خليجي واشتريت Gxr2004 جديد من البريمي

والان معي Gxr2005 اللهم بارك وقد اشتريته من البريمي بنفسي..هذا الاثبات الذي لدي ووجهة

نظري ليست ملزمه لاحد وليس لي اي مصلحه لا من قريب ولا من بغيد سوى نصيحه لأخي ..

تفضل اتصل على الوكاله وسئل بنفسك وسوف تجد الخبر اليقين...وافر التحيات والتقدير للجميع

اخوكم... أقــلط

[بواسامه]

معلومه جديده تشكر عليها اخوي اقلط
وجزاك الله خير

[a.الخثلان]

أخوي هاوي قصيدة

أنا أقولك

كل هالحكي الي يدور عن السعودي والقطري والبريمي واليحي والبازعي والفطيمي وابو جميل لاتخلونه :D

من ظمنه اختلاف الطارة - الدركسون -

ولذلك بعض الناس ياخذ جي اكس ويقولون له انه خليجي عشان اسطباته فقط

لكن القطري الي يسمونه هدد اسطب كبير يعني لازم شنطة واستبنه تحت وفتحه وونش وثلاجة ودركسون كبير مو دركسون هايلوكس وكذلك يختلف المسجل وشكل الجنط والهزاز والكبوس ما أدري هذا النوع الي اشتره ولا تشتري جي اكس آر رقم 1

[ربيع الشمال]

الى جميع الاخوة الذين قاموا بالرد على الموضوع
اولاً// تحية حب و تقدير لك واحد منكم واتشرف في توجيهاتكم السديدة وكل واحد اكيد يتحدث من واقع تجربه ويقدم النصيحة من نية صادقه وصراحة ان اخوكم محتـــــــــار { الله لايحير مسلم }
ثانياً // بعض الاخوة ينصح بالخليجي وصراحة انني من عشاق المواصفات الخليجية بس اخاف انني مااحصل المواصفات الي براسي وهي مثلما ذكرت في اساس الموضوع بالاضافة الى ونش بشرط ان لايكون فتحه لانني لاارغبها وضدها ووكالة تويوتا ماعندهم جي اكس ونش المشكله الا اذا ترهيم هذا شي ثاني .ولكن فيه مشلكة الصيانه اسمع ان شركة عبداللطيف ترفض صيانة السيارة الخليجية
ثالثاً//ياليت اذا احد من الاخوة يضع لنا هواتف معرض اليحيا والبازعي للاستفسار والمقارنه ومن ثم الصلاة والاستخارة والتوكل على المولى عز وجل للقيام بعملية الشـــــــراء على بركة الله
رابعا// اكرر لكم شكري وكم يسعدني هذا التفاعل والفزعة التي قدمتموها لي بشكل سريع وانا فخور بكم وبوجودي بينكم .اسال الله لي ولكم التوفيق ايها الاعزاء وكل عام وانتم بخير


اخوكم //ربيــــــــع الشمال ,,,,,,,,,,,,,,,,,,,,,,,,,

[a.الخثلان]

أخوي بيع الشمال وش لك ولصيانة أبو جميل

ماشاء الله تبارك الله وهل سيارات تايوتا تحتاج لصيانة غير زيت وعبي بنزين وتوكل على الله واذا شريت الجديد احرص على أورادك الي جعلها الله سبب للحفظ

وتبي نصيحة دور لك شيء ماشي 2000 كيلو او 3000 كيلو وطايح فيه السعر أحسن لك

وازيدك من الشعر بيت وتلاقي جي اكس قير توماتيك

[الـمـطـيري]

مافيه اطلق من الvx_r يجيك كامل المواصفات

[خيال الغلبا]

وانا اخوك لاتقرب عبداللطيف جميل
وترى التماتيك معي من احلى مايكون
مع انه قديم شوي 93

[خيال الغلبا]

وانا اخوك لاتقرب عبداللطيف جميل
وترى التماتيك معي من احلى مايكون
مع انه قديم شوي 93

لكن ابسأل الأخوان
اين يقع معرض اليحي

[ابومناحي]

يا اخوان انا قابلت ولد اليحي وحلفلي بالله ان كل الاشاعه الي طالعه بانه يجيب سيارات من سوريا اشاعه غير صحيحه لانه كسر سوقهم بالمواصفات الممتازه
ويقول انه يطلب المواصفات من اليابان وتاتيه السيارات من اليابان دايركت وللمعلوميه عنده سيارات لكزس مواصفات خاصه وهل يعقل يجمعون لكزس بسوريا بعد
للمعلوميه احسن مواصفات البازعي واليحي

[ابومناحي]

وانا اخوك لاتقرب عبداللطيف جميل
وترى التماتيك معي من احلى مايكون
مع انه قديم شوي 93

لكن ابسأل الأخوان
اين يقع معرض اليحي

بمعارض النسيم بجوار الحمزه على نفس الشارع العام شارع معرض الاختيار

[ابوذيب]

عليك بالبريمي بعمان او بقطر او عند اليحي والبازعي بالرياض واترك الغشاشين شلة علي بابا بالسعوديه جميل وعبد اللطيف جميل

[هوى]

اخوي انا انصحك تاخذ من اليحي صح غويلي بس يريحك ويثلج صدرك

بس حبيت اسال شباب عن دركسون الجي اكس بعضه يجي مثلث وبعضه مربع..مدري وش الفرق؟؟؟

لا ن اللي معي مثلث وواحد من الشباب الطاره مربع مثل الفي اكس ار؟؟

ياليت اللي له علم يرد
المثلث = بدون ايرباك
المربع = ايرباك

نصيحه أخذ Gx من عند اليحيى فل كامل وأهم شي يوجد فيه أيرباك ***
معلومه : الونش والفتحه مستحيل تجي كل وحده لحالها ( اليحيى ) *

[بواسامه]

والله حرام تحط 130000 ريال في سيارة ( اشترلك جيب مقفص 84 والحق اهلك
وباقي الفلوس سوي للك فيها مشيريع صغير

هذا رأيي

ولك تحياتي ،،،،،،،،،،،،،،،،،

احسن مشروع انك تشتري سياره زينه
وتطرب عمرك يومك شباب وتستانس
وبعدين الموتر اللي ذكرته اخوي بيعلمك وشلون تشر في الشوارع :D
ويخليك تتعرف على اهل السطحات ويصيرون يكشتون معك :D

نصيحه لا توهق عمرك :no2:
وجزاك الله خير بس هذا رأيي
واختلاف االرأي لايفسد للود قضيه :)
وآسف كاني غلطت :j

[الكشات]

السلام عليكم ورحمة الله وبركاته
للمعلوميه اخواني الاعزاء السيارات التي تستورد عن طريق اليحيا هي السيارات الوحيدة اللي يكون كل شي فيها شد بلد(من المصنع باليابان)اما المستوردون الاخرون يقومون بتركيب بعض الاكسسوارات عندهم بما في ذالك البريمي من موديل 2004وهو يركب عنده الجناح والبلوتوث والحساسات و...و....و...
وهذا كل مالدي

[ربيع الشمال]

السلام عليكم ورحمة الله وبركاته

الاخوة الكرام

========================================
الزينون

صدقت و الله ولكن هنالك من ينصحني ويقول مادام انك دفعت بسيارة ماشية حول قيمة السيارة الجديدة اشتر جديده ومثلك عارف ان قيمة الجيب اللي ماشي 2000او حتى 10000حول قيمة الجديد الا شي بسيط وقبل كم يوم حصلت gx2005بمعارض سكاكا ماشي 3000طبعاً ابيض سبيرين ثلاجه محدود 125000الف ريال وال gx2006لدى عبداللطيف حوالي 130000تقريباً يعني مافيه فرق يذكر.
======================================
المطيري
كلامك صحيح ولكن وانا اخوك المشكلة بالدراهم والـــ vx-r بـــحوالي الـ 200,000الف ريال
===========================================
خيال الغلبا
والله ياأبن الحلال انني ما شتهي عبداللطيف بالحيل وانا مع المواصفات الخليجية والفرق واضح
واكرر ندائي للاخوان اللي يعرف رقم هواتف شركة البازعي او معارض اليحي يسجلها لنا مشكوراً
========================================
ابومناحي
مادام ان الرجال حلف اجل نصدق وعلى ذمته ولكن ممكن رقم تلفونهم لأنني من الجـــــــــوف واحب استفسر منهم عن بعض المواصفات
========================
ابو ذيب
انا مع وجهة نظرك ونظرة جميع الاخوان اللي ينصحون بالخليجي
=====================================
هـــــوى
اشكرك على التوضيح والمعلومات التي ذكرت لنا وللأخ هاوي قصيده
====================================
بو أسامه
هههههههههه اضحكتني الله يحفظك وخاصة هذي{ويخليك تتعرف على اهل السطحات ويصيرون يكشتون معك }
واشكرك على النصيحه ووجهة النظر المباركه
=====================================
الكشات
تسلم اخوي على الافادة وهذا يؤكد ماسبق وان سمعته من قبل عن معرض اليحيا

==================================
اخيراً وفقكم الله وبارك فيكم ايها الاعزاء ,,,,وكل عام وانتم بخير وعافيه
اخوكم ربيــــــــــــــــع الشمال

[sony2000]

هذا تلفون معرض عبدالوهاب اليحيى في بريدة
3854566

[ربيع الشمال]

الاخ sony2000
مشكور وماقصرت يالذيب بارك الله فيك وبجميع الاخوان ..وكل عام وانت بالف خير


اخوك ربيع الشمــــــــــــــــــــــــــال

[بواسامه]

معرض اليحي بالرياض
012358884

واذا ردو عليك اسجد لله سجود شكر ثمن كلمهم :D

[خبراوي]

مرحبا اخوي ربيع الشمال

اخوي

انا كنت عند اليحيى وكانت مواصفات ال gx 2006

كالتالي :::

مواصفاته فاتحه تخشيب داخلي ريموت كنترول خلفيه لكزس وهزاز ((دفلوك)) ومايورد تخشيب داخلي الا وراد اليحيى فقط اما الخليجي الgx مايرود تخشيب داخلي وماظن ريموت بعد

ولكن وارد اليحيى لايااتي ايرباقات داخليه الي هو gx

اما عن السعر ع حد علمي 134000


واتمنى اني قد افدتك لعض الشي واالسموحه

[هوى]

Gx 2006 قير عادي فل كامل = 143000
====== قير تماتيك فل كامل(دفع رباعي مستمر) = 148000
هاتف معرض اليحيى = 012494574 / 012358884

[خبراوي]

ليش كذا الاسعار غاليه عندكم في الرياض بالدمان ارخص

[ربيع الشمال]

الاخوة الكرام
خبراوي
هوى
السلام عليكم ورحمة الله وبركاته
واشكر لكم الايضاحات والافادات التي قدمتموها بارك الله فيكم
بس فيه حاجه ما اعجبتني بالمواصفات الخليجية اذا ماني واهم
وهي وجود الفتحه التي لا ارغبها اطلاقاً واذا ماحصلت لدى معرض اليحيى جيب جي اكس يحمل مواصفات كامله عدا الفتحه
فانني مجبر على ابو جميل والشكوى لله ,,,
مرة اخرى اشكركم واشكر كل الاخوة بدون تخصيص الذين ساهموا في تقديم النصح والارشاد لي ,
ولي كل الشرف ان اكون بينكم
واسال الله لي ولكم التوفيق .......
اخوكم ربيـــــــــــــــــــــــــــــــــــع الشمال

[محب الشمال]

وش لك وبالطويلة طلع لك ملك الصحراء راعي ماكينة الفتك الي يقول للاندكروزر خلك وراي


الباترول

[نيتروجين xp]

نصيحه لا تشتري غير الـ( GX)

وأترك عنك الجي أكس آر و الفي أكس آر

ونصيحه لا تآخذ الا خليجي وأبعد مررره عن أبو جميل

ولو تلقى مستعمل نظيف أحسن لك من الجديد لأنه يفرق سعر واجد
خصوصا موديلات 2001 و 2002 و2003 بتلقى النظيف بحدود الـ 90.000

أتمنى قبول نصيحتي والرأي الأول والأخير لك ..

وتقبل تحياتي ..،،

[بتشو]

اذا كنت تبي ردي وانشاء الله تبي تستفيد اتصل علي 0501212128
ابو حمــــــــــــــــــــــــــــــــــــدان

[ربيع الشمال]

الاخ
محب الشمال
اقدر وجهة نظرك ولكن لست من راغبي النيسان بشكل عام ودليل الخيل اثمانها / واشكر لك المداخله


الاخ المجتهد / انا معك ولكن هل اجد خليجي بدون فتحه ؟

الاخ/ بتشو شكراً لك وسوف اتصل بك ان شاء الله قريباً ,,,,

اخوكم ربيع الشمال

[هاوي قصيده]

ياخوي وش بك عالفتحه..

تراها زينه واوسع صدر وخاصه لا جا البراد او طلعت للبر..

والموتر عندي فتحه واحسن مايكون...بس انتبه تفتحها وقت المطاعس او عند المطانيج

وتقبل تحياتي...

.........

وتعقيبا للاخ هوى...انا اختلف معك في قصه الارباق..اكياس الهواء..

بيني وبينك الجيوب بشكل عام افضل انها بدون ارباق..لان كذا واحد اسمع عنه انه طلع للربع الخالي او الدهناه واثناء الاصطدام القوي بين هالنفود يخليها تطلع..وعاد..السمكره تهون..بس شف بكم ترهم الطبلون..

وهذي اراء ناس ومجربين..

وتقبل تحياتي