الفزعه يالربع ارنجلر له اسبوعين واقف

[الساجي1]

ياجماعة الخير تكفؤن عندي جيب رنجلر موديل 97

مشكلته انه كان يطفي علي وبعدين اذا شغلته يشتغل حتى اذا كنت مسرع مثل قطع البنزين

وديته الوكاله اكثر من مره ويقول ان المشكله كهربائيه....

غيروا له بواجي واسلاك بواجي وشيك على صفاية البنزين ...

وكان احيانا يزين وضعه يوم او يومين وبعدين ترجع نفس المشكله..

هالحين صار له اسبوعين واقف ... وحتى اذا حاولت اشغله ما يشتغل ..يدق سلف بس ما يشتغل

تكفووووووووووووووووووووون يالربع الفزعه

ومشكوووووووووووووووووووووورين :( :( :( :(

[ابومناحي]

شيك طرمبة البنزين

[الساجي1]

ابومناحي الله يعطيك العافيه مابه غيره؟؟؟؟؟؟؟

[العطة]

السلام عليكم ورحمة الله وبركاته

كان معي شيروكي 94 يطفي فجاه وبعد فترة يشتغل
تعبني على ماعرفت المشكلة وكانت بسيطة لكنها كلفتني 500 ريال
حساس يسمونة حساس القير سعر 200 ريال
جرب افحصه
واتمني لك التوفيق


ابوعبدالاله

[غالي]

الساجي
طيب جرب تحط القير على n وشغله :)
كان معي شيروكي 97 مايشتغل معي وان جربت الn اشتغل وهذا من حساس القير او المنظم بس ماصلحته وبعته

[الساجي1]

اخوي ابوعبدالاله وخوي الغالي موتري قير عادي

[الوشاح]

السلام عليكم ورحمة الله وبركاته

اخوي الساجي1.......كان معي شروكي92 وكانت نفس المشكلة تقريباً....... والخراب لقيته بطرممبة البانزين .......
إذا احتمت ....تطفى...

اخوك....... الوشاح

[العطة]

السلام عليكم ورحمة الله وبركاته

اخوي الساجي1
السيارة قير عادي
اسال محلات قطع الغيار عندهم معرفة كامله عن القطعه

ابوعبدالاله

[الساجي1]

اخوي الوشاح اشكرك على النصيحه بس طرمبة البانزين شيكوها الوكاله ويقولون دفعه ممتاز

اخوي ابوعبدالاله اشكرك على المرور بس مافهمت اشتقصد(( اسال محلات قطع الغيار عندهم معرفة كامله عن القطعه))
واشكر كل من مر على الموضوع علق او لم يعلق
الطلعات بحروه ورنجلر واقف الفزززززززعه

[SilverSniper]

ما عليك من كلام الوكالة... الطرمبة تقطع اذا احترت واحتمت.. وتفصل.. غيرها ويظبط موترك..

[الواهج]

صارت معاي بس بسيارة ثانيه طلعتلي قرون امشي فيها من احسن مايمكن بس اوقف على طول تطفي لازم ادوس بنزين علشان ماتطفي وبعد عناء طويل طلع سلك يسمونه اكسجين سنسر طالع من المكينه وله برغي بالقزوز ( الشكمان ) من اولته بدلته ولله الحمد 100 %

واذا مافيها سيارتك اوكسجين سنسر انصحك بفحص الدينامو

[يزيد]

السلام عليكم ورحمة الله وبركاته
افحص الكمبيوتر يمكن منه

[العطة]

السلام عليكم ورحمة الله وبركاته

اخي الكريم قصدي يوريك القطة يعني شكلة ومحله في السيارة وكيف تغيرها ويعلمك اذا هي منتهيه
وبنسة للطرمبة كماذكر مشرفنا SilverSniper ممكن تفحصها بطريقة سهلة شف في جهة البخاخات ماصورة في اولها من جهة الراديتر غطاء اسود صغير فكة تلقى زي بلف الكفر اظغط ابرته اذا طلع بنزين فيه شغالة واذا ماطلع بنزين الله يعينك دور على المشكلة

ابوعبدالاله

[لوح بس مملوح]

السلام عليكم ورحمه الله وبركاته كل عام وانتم بخير الحل عندي بعه يارجال وافتك منه
السياره اذا كانت كل يوم في ورشه راعيها يمل منها بعها وتوكل على الله يمكن السياره معيونه

[الساجي1]

الله لايهينكم ياشباب على الردود والتعاون معي بس المشكله ياربع ماطلعت من الطرمبه

[salman]

اخوي الساجي انا حصلت اي في صالون جمس 96 فجأه يطفي وديته للوكاله وماعرفوله وبالاخير لقيت أصابيع البطاريه بالاخص الكهرباء محلول لان السيارات الحديثه مجهزه بكمبيوتر لازم الكهرباء تكون واصله 100% والاتسبب مشكله جرب لعله يكون منها (وعلمني )