موجه الى مربي الصقور

[najideep]

:) :j السلام عليكم و رحمة الله تعالى و بركاته .اخواني الاعزاء. اما بعد فهذه اول مشاركت لي بهذا الموقع او بلاحرى اول موضوع سياقدمه بهالموقع و امل ان يكون موضوعا تتواجد به ردود كثيرة و ان يكون مفيدا انشاء الله :p الان فهذا هو موضوعي و سيكون عبارة عن سؤال صغير ولاكن جوابه كبير هذا هو سؤالي كيف يتم تربية الصقور عن الصيد؟ :rolleyes:

[المري]

مرحبا بك يالغالي بين ربعك واخوانك

طريقة السؤال غلط فالصحيح : كيف يعلم الصقر على الصيد بأنواعه؟؟

فهذا هو السوال الصحيح .. بارك الله فيك..


اترك الاجابة للاخوان..

وسلامتك

[najideep]

الله يبارك فيك يا اخي العزيز الان هذا هو سؤالي كيف يعلم الصقر على الصيد بأنواعه؟؟ و ارجوا ان تكون الردود كثيرة

[ابو عايد]

طريقة السؤال غلط فالصحيح : كيف يعلم الصقر على الصيد بأنواعه؟؟

فهذا هو السوال الصحيح .. بارك الله فيك..

مر على المواضيع المميزة في الخيمة

[NooNo Go MezZ]

انا صقار صغير بس ما يمنع اقول لك اللي اعرفه لاني بصراحه على قولتهم ما استحقر نفسي

بسم الله

اول شي بيكون الطير وحش

وحش يعني ما ولف على الانسان .....
اولاً : لازم يألف الطير عليك ويصير يعلف (يأكل ) على أيدك
كيف يألف عليك الطير ويبدأ يأكل على ايدك ؟ تعال اقول لك
اول شي طال عمرك تضعف الطير يعني لا تخليه يأكل كثير عشان يهزل وما يصير فيه حيل وتسخره على كيفك (الجوع كافر)
تحاول يكون الطير على يدك وتمسك المسابيق كويس وتفك البرقع وتبدا( تدهل الطير ) بتقول كيف ادهله
التدهيل / تمسح بايدك على وجه الطير وراسه وبوزه بشكل عام وتنزل على النحر بس الله يعينك اول يومين لانه بيقطع ايدك وبيكون زي المروحه على ايدك بس جوده بقوه وما عليك منه
وطول هالمده يومين او ثلاثه تخليه يعلف على ايدك يعني انت توكله بس لا تكثر
واذا حسيت انه ركد وصار حبوب على ايدك ويدور العلف بيدك ............... الحين جاء الشغل انتبه معي
اول شي اذا نويت تدعيه لا تعشيه او عطه شي خفيف قبلها باليله حق الجوع بس
بعدين اركب موترك طال عمرك وطلع برا
اول شي اربطه بسبب
السبب / حبل صغير بس خفيف ويصير قوي ما يقدر الطير يقطعه يكون طوله مترين او ثلاثه بس
قلنا اربط الطير بالسبب من جهه والجهه الثانيه اربطها بالوكر لا يروح الطير
بعدين فك برقع الطير وهو على الوكر وابعد عنه مترين او ثلاثه على قد الحبل وخلي العلف بيدك ووريها الطير
اذا جاك الطير على ايدك معنها شغلنا تمام اذا ما جاء معنها يبي له زود لا تستعجل عليه اهم شي يجي على ايدك
اذا جاء الطير على ايدك خله ينسر شوي من العلف ( يأكل ) شوي بس بعدين شيل العلف ورجع الطير على الوكر مره ثانيه
وابعد مترين ووريه مره ثانيه وعلى هالحاله كم مره لما يألف الطير عليك ويأكل من يدك وهو مرتاح
وبعدين طال عمرك طول السبب (الحبل) شوي خليه سبعه ثمانيه متر وسوي نفس الكلام اذا تأكدت ان الطير يجي على طول على ايدك خلاص معناها الطير تجاوب معك
ملاحظه / لازم يكون الطير هالفتره كلها هزيل شوي عشان يتجاوب معك
كيف يعني هزيل ؟ يعني لا تعطيه اكل بشكل كثير شوي شوي عطه بس حق الجوع
جينا عاد لمربط الفرس وهو زبده الكلام سؤالك
كيف تعلم الطير على الصيد
انا مره اخذت فرخ حر ما كان يعرف شي ابد حتى الحمامه ما يعرفها
وش تسوي بهالحاله ؟
بعد ما نخلص من تطويع الطير وتسخيره على الاكل من اليد
تخليه على وكره مربوط وتجيب حمامه وتنتفها جنحانها وترميها قدامه عشان تشوف يعرفها او لا
اذا عرفها وذبحها زين ما عرفها اذبحها قدامه وانتف الريش عشان يشوف اللحم وخله يمسكها بكفوفه ويأكل منها بعدين شلها وسوي الطريقه مره ثانيه بحمامه اخري ههههه بس متأكد انه بيعرفها المره الثانيه ويذبحها
وبعدها خلاص طال عمرك فك له حمامه بس شيل من ريش الجناح كم حبه خلها تطير مع الارض ما تكون سريعه
وعلى هالحال طال عمرك كل يوم حمامه اسرع من اللي قبلها
الى ما تفك له خضاري هههههههههههه سم بالنجوم


بس نسيت اقول لك اول الايام وقت ما تبيه يالف عليك حاول تخلي الطير على ايدك اكثر وقت ممكن وفك برقعه عشان يألف عليه اسرع


اسف على الشرح بس حبيت اقول اللي عندي والمعذره عن القصور وارجو من الصقاقير ما يشرهون علي لاني توني جديد وتنقصني الخبره

تقبلوا تحياتي واسف اذا كنت نسيت شي

[najideep]

شكرا يا اخوان الاعزاء على ردودكم و شكرا جزيلا يا اخي الصقار الصغير فانا مثلك ما زلت صغير ههههه فمن يبغي يزيد اضفات فيرحبا به

[najideep]

ولاكن يا اخي لم كلمة هي الوكر

[NooNo Go MezZ]

هههههههههههههههههههههههههه الوكر هو الخشبه اللي ياقف عليها الطير

فرصه اتفلسف عليك اسوي نفسي فاهم

احم احم اي سؤال حبيبي انا حاضر هع هع

[najideep]

ok عندي سؤال اخر يا عزيزي ما هو نوع الطعام الذي يقدم لصقر و كم من وجبة ياكل فالنهار؟؟ و شكرا على ردودك يا اخي العزيز

[NooNo Go MezZ]

ابشر بعزك انت تأمر بس عندي سؤال

انت الحين عندك طير أو حاب تشتري ؟

[najideep]

و جملة اخرى لم افهمها هي(وتمسك المسابيق كويس وتفك البرقع)

[najideep]

انا ابغي اشتريه
لاكن ابحت عن معلومات لكي تفيدني من بعد ما اشتريه ;)

[NooNo Go MezZ]

اخوي اتمنى لك الخير والله

لكن عندي حل افضل من كذا حبيبي شوف لك احد من ربعك عنده طير
واجلس معه واسأله وتعلم منه وقلده عشان تتعلم اسرع واحسن لأنه وانا اخوك صعبه كذا تتعلم
لأنك بتبدا من الصفر ما عندك اي خلفيه عن الطيور
اما بنسبه لسؤالك عن الوجبه فالجواب وجبه وحده هوت دوق يومياً هههههههههه امزح
وجبه وحده قبل المغرب تقريباً نص حمامه عاد الاكل يرجع لحجم الطير والجو لانه اذا الجو برد بقوه لازم تزيده شوي
والله صعب افهمك يا قلبي لكن على قولتهم رؤؤس اقلام
والكلمه اللي ما فهمتها اللي هي مساااابيق المسابيق الحبال اللي برجول الطير

سلق لق ههههههههههههههههههههههههههههههههههه

حسبي الله عليك ههههههههههههههه يا رجال يبغا لك تنشب بمرتبه صقار موسم كامل
وان شاء الله تصير فلته تبدا تقص الاثره بقاع او بحزم خخخخخخخخخخخخ لا تقول وشي الاثره لا اترك المنتدى
هههههههههههههههههههه

[najideep]

مممممممممممممممممم؟؟؟؟؟؟؟؟؟