طريقة جديدة سهله و سريعه لنفخ الكفرات ..!!!!

[الشهابة]

السلام عليكم ..

طريقة جديدة لنفخ الكفرات .. شاهد المقطع

بس ودي أعرف كيف صارت ؟ ..

وشلون سواها ؟؟

وش استخدم ؟؟؟ و هل للجو تأثير على العملية ؟؟

http://www.youtube.com/watch?feature=player_detailpage&v=X2aw5EocFfI

[a_b_c_d]

هلا بك اخوي
الطريقة هذي تعتمد على تمدد الهواء المحيط بالكفر من الداخل
ولا تعتمد عليها يحتاج لك بعد انك تنفخها مرة ثانية
لأن الاولى مهمتها ان الكفر يطبق على الجنط والثانية مقاس الهواء اللي تبيه
يعني ممكن بعد ما نفخ الكفر في المقطع يكون الهواء فيه 10!!!!!

[عاشق السيل]

وعليكم السلام ورحمة الله وبركاته ،،

الرجال عبئ المنطقة بين الكفر والجنط بالغاز وسواله عملية انفجار ،، وبهالطريقة تمدد الكفر وطبق على الجنط ولازم يولع فيه بسرعة قبل يطير الغاز ،، والجو ماله أي دخل بالعملية !!!!!

[الشهابة]

a_b_c_d

هلا بك اخوي ..

يعني قصدك إن الرجال طبق الكفر على الجنط و بعد كذا يعبي الهواء براحته .. لأن الطريقة هذي ودي بصراحه اطبقها على كفرات البالون لأنها متعبه بالنفخ و المواطير تحتمي و الكفر ماعبى هواء ..

[الشهابة]

عاشق السيل ..

هلا بك يالغالي ..

و الله ودي و انا اخوك اجرب الطريقه هذي بس بصراحه انا خايف تقبس الدنيا و لا عاد يلقوني انا و استبنتي إلا على بعد عشره كيلو طاير و انا حاضنها هي و الكفر البالون ..

[عاشق السيل]

عاشق السيل ..

هلا بك يالغالي ..

و الله ودي و انا اخوك اجرب الطريقه هذي بس بصراحه انا خايف تقبس الدنيا و لا عاد يلقوني انا و استبنتي إلا على بعد عشره كيلو طاير و انا حاضنها هي و الكفر البالون ..

رغم إن الطريقة سهلة لكن وأنا اخوك ما أنصحك أبدا إنك تجربها هذي فيها وغاز وانفجار وأخاف يجيك شي وتقعد تدعي على عاشق السيل :(

[الجيب الريو]

حقيقة استعمل دايم هالطريقة بسيارتي
شروطها :
اولا العملية خطرة لاحتمالية حرق الوجه واليدين.
تستعمل فقط في حالة فسخ الكفر عن الجنط
الطريقة:
رفع السيارة بالعفريتة او فك الكفر المفسوخ أفضل.
تشبك لي منفاخ الهواء ويكون واحد عندة جاهز لتشغيلة مباشرة بعد عملية الاحراق.
حسب حجم الكفر تقوم برش غاز الولاعات ( افضل شيء ) او اي غاز قابل للاشتعال داخل الكفر.
وبسرعة من مسافة لاتقل عن متر تستعمل بخاخ ايزي ستارت EASY START او دبليو 40 W40 بالولاعة وتقوم بتوجيه اللهب الى الكفر.
ينتج عن عملية الانفجار ان يركب الكفر تماما على الجنط ثم تبدأ عملية النفخ بالمنفاخ حتى الضغط المناسب.
ملاحظة:
يفضل نزع ابرة البلف قبل اجراء العملية ومن ثم اعادتة بالنهاية للاسراع بعملية النفخ.

[Abo gssar]

ياحليل مكينه ابو جمل

[الشهابة]

نعتذر عن الإنقطاع و التأخير

وش دعوى اخوي عاشق السيل .. ندعي لك يالغالي و لا أحد إن شاء الله يدعي عليك أبد ..

بارك الله فيك و ما قصرت ..

[الشهابة]

الجيب الريو ..

ما شاء الله عليك .. شرح وافي و واضح .. جبتها بالتفصيل المطلوب ..

و الحقيقه عانيت اكثر من مره من خروج الكفر عن الجنط ( الكفر بالون و يروح الهواء كله و يطلع عن الجنط )

و كنت ادور حلول .. وشفت الطريقه هذي .. بس بصراحه متردد اجربها

[الشهابة]

صادق الوعود ..

ماطور ابو جمل موجود .. بس بعض المرات ماينفع بلحاله .. يكون الوضع اكبر من ماطور ابو جمل ..

[البرتقالي]

يادافع البلا
ابعد عن الشر وروس له
والله ما تسوى على الواحد لو تلفح وجهه

[الشهابة]

هذا الخوف يالبرتقالي ..