اللي معه او عنده خلفيه عن الباثفايدر يدخل [الأرشيف]

مشاهدة النسخة كاملة : اللي معه او عنده خلفيه عن الباثفايدر يدخل

الباث الأسود

29/09/2005, 07:59 AM

السلام عليكم ورحمة الله وبركاته
شباب ابي معلومات عن الباثفايندر 2005
وكم سعر الفل والنصف فل وايش الاختلاف بينهم
وهل يصرف بنزين ام لا
ووش رايكم بالون الاسود
وارجو الاجابه

بدولوجيا

29/09/2005, 09:56 AM

وعليكم السلام ورحمة الله وبركاته

الباثفايندر ممتاز جداً وسعر الفل الظاهر 97000

والتصف 86000 القير التوماتيك والعايدي 82000 والله اعلم

وانا والله توني ماخذ واحد نصف ابيض لولي قير عايدي الان ماشي 8500 كيلو ما شفت عليه شي للان

وقنصت عليه وكشت عليه وما بقيت رمثة ولا طعس ما رقيتبه اياها ولا قصر معي

وصرفيته لك عليه حسب رجلك

الاسود زين لكن مدته سنه ولونه ولمعته تروح وهاللون ما هوب عملي

الالوان الفاتحه دايماً افضل

بدولوجيا

بواسامه

29/09/2005, 10:47 AM

الأسود ابعد عنه

لون كايف بس حده مثل مقالك اخوي بدو

لا تتعدى الابيض

وخذ تماتيك تراه احسن لك ونشيط بالنفد وعلى كيف كيفك

وتراه بالسوق مليان اخو الجديد ويطيح منه حول عشر الى 8 الاف

بس الحقيقه موتر

وجربته اربع سنوات وبعته ماقصر
ادا الواجب اللي عليه

الباث الأسود

29/09/2005, 01:47 PM

مشكور اخوي بو اسامه واخوي بدولوجيا على هالمعلومات

الباث الأسود

29/09/2005, 01:50 PM

صفــــارة

29/09/2005, 02:11 PM

طيب يا أخوي بدو لوجيا وأخوي بو اسامه بالنسبة للباثفندر لاشريته وجلس معي سنتين وإلا ثلاث يطيح من قيمته واجد وإلا لا.؟؟؟

بدولوجيا

30/09/2005, 11:51 AM

اخوي صفارة حياك الله

كل المواتر اسعارها تطيح والباث عيبه طيحته اول ما تشريه يطيح الى 10000 وبعد سنتين او ثلاث سعره زين وماسكه والجيوب

لا تخاف عليها وعلى سعرها

وبالنسبه للباث بعد ما يتغير شكله هالسنه الله اعلم وش بيصير وضعه حسب الرغبه والاذواق الاكثر

وفي اعتقادي ان الباثفايندر 2005 بيجلس مرغوب لمدة 10 سنوات قادمه

بدولوجيا

بواسامه

30/09/2005, 12:42 PM

هلا اخوي صفاره

نصيحتي خذ اللي في خاطرك
اسود اسود
كلهن مصيرهن تقل اسعرها بس الله يعينك على التغسيل عشان يعجبك منظره

واذا ناوي تبيع عجل يعني بعد سنه او سنتين فخل الهبره براس غيرك
مفهوم كلامي جعلك تسلم لا تأخذ جديد على الزيرو
خذ مستعمل شوي اخو الجديد طايح فيه الهبره الاولى عشرة الاف على راس غيرك
واستخدامك القادم لن يخسرك كثير كثر ماخسر الاول

ويمكن ما يخسرك اذا خذيت 2005 واتوقع الله العالم
لأن توقعي ان 2005 بيقوم عزه بعد قتره اذا جربو الناس 2006
وهذا حال كل المواتر اذا تغير الشكل
والقديم اثبت نفسه بكل جداره

عموما موفق

وخذا اللي يعجبك وابسط عمرك :D

nahham

30/09/2005, 12:49 PM

اضم صوتي لصوت اخوي ابو اسامه

طرب عمرك يامال الغنيمه

الله يوفقك

الباث الأسود

30/09/2005, 03:23 PM

مشكورين على هالردود والله يعطيكم العافيه

غضنفر

30/09/2005, 04:07 PM

بالنسبة للون خذ الي لك رغبة فيه
وانا اشوف الأسود احلى الألوان (لكنه يحتاج لعناية) وهاك هالصورة لباث اسود
http://www.mekshat.com/pix/upload/images10/mk10276_blackpath.jpg

بواسامه

30/09/2005, 11:18 PM

الصوره اللي فوق تعور القلب

نصيحه لا تتعدى الاسود

والله اطخم

شيخ ال مقبل

01/10/2005, 12:17 AM

السلام عليكم صراحة الباث فندر شي لكن مايصلح مراقى تشطيف بس
وفخم لكن صراحه غلوه
فكانك راعي مراقى طلع لك ربع الفين وسته ولا خمسه اسود شي وشكل موت وداخليه نفس الباث فندر
وقوته هبال
وترا على فكره الباث فندر يشرب شرب بنزين فاانصحك خذ ربع سفاري اسود انواع الرسامه والكشخه
وهذا لا تنسى رائي شخصى ولا تزعلون يا شباب
اخوكم
شيخ ال مقبل..

غضنفر

01/10/2005, 04:39 PM

شيخ ال مقبل وش قاعد تقول انت

الباث فندر شي لكن مايصلح مراقى تشطيف بس
وش قصدك يعني انه مهب رفيع ولا مهب قوي

فكانك راعي مراقى طلع لك ربع الفين وسته ولا خمسه اسود شي وشكل موت وداخليه نفس الباث فندر
وقوته هبال
وش جاب داخلية الباثفيندر للربع الي مافيه الا دركسون ومكيف؟؟؟؟؟؟ بعدين اول مره اعرف ان الربع يجي اسود

لكن صراحه غلوه
اول مره اسمع واحد يقول ان الباث غالى اجل الربع (حتى اسمه ربع يعني مهب سيارة كاملة) رخيص

حـاتـم

02/10/2005, 06:17 AM

اسمحولي ياخواني

هناك عده اخطاء منكم
الاول/

اللون الاسود مايعيش لا بالعكس انا ربعي معه واحد اسود موديل 2003 والى الان ماتغير ماشاء الله مع انه مايهتم بالموتر

والخطاء الثاني الفادح /

قيمه الباث تنزل

بالعكس انا لاقي باث فايندر موديل2004 فل كامل قيمته 75 الف وماشي 90 الف
وين تطيح
75 قيمه السياحي جديد بعد

والخطاء الثالث

اخوي شيخ المقبل
الربع يصرف اكثر من الباث وانا مجرب
وغيره الربع 2006 مانزل الا لون ابيض ونوع سفاري عادي جدا يعني لافتحه ولامراتب ال2005 الكبيره

اخوي شيخ المقبل الباث فالمراقي يطوف الvx-r وانا بنفسي شايف هالشي اكثر من مره
لان راعي الباث احد اقرباي وراعي الvx-r يصير ولد عمي

وبالنهايه الباث فايندر موتر ولو اني ماعشق الباترول ولاتعلقت به مره كان شريته

وشكرا

اخوكم / حاتم

الباث الأسود

02/10/2005, 07:48 AM

مشكورين على هالنصايح والله يعطيكم العافيه

غضنفر

02/10/2005, 07:22 PM

حـاتـم وأزيدك من الشعر بيت الباثفايندر يطوف الربعين (تويوتا ونيسان)
تقاومة مع ربع تويوتا في خط ورحة عليه وراعي الربع سووووووواق بمعنى الكلمة
ومرة مع ربع نيسان في طعس القصمان بالثمامة وطلعت عليه بالراحة

بواسامه

02/10/2005, 10:36 PM

طعس القصمان :D

وشو هذا المسمى الجديد
ومافي طعس للمطران

اول مره اسمع به :D

بواسامه

02/10/2005, 10:42 PM

وأزيدك من الشعر بيت الباثفايندر يطوف الربعين (تويوتا ونيسان)

كثر منها :D :D :D
صح نشيط معك انا بس يطوف ماظنيت ويبطي عظم :no2: مايطوووووووووووف
ويبقى ملك النفد ربع نيسان وربع تويوتا والشيروكي الله يلعن من صنعه
ثمن باقي الجيوب ومنها الباث

غضنفر

02/10/2005, 10:47 PM

بو اسامه شكلك منتب من اهل الرياض.....

-----------------------

المطران طال عمرك ما يطعسون لأن معهم دداسن (امزح لحد يزعل) اما القصمان 24 ساعة بالنفود
وسبب التسمية ان الناس تعارفو عليه لأن اكثر ما يجي الطعس راعين الهلكسات والربوع (قصمان)

غضنفر

02/10/2005, 10:53 PM

صح نشيط معك انا بس يطوف ماظنيت ويبطي عظم :no2: مايطوووووووووووف

انت بنيت كلامك على شنو تحليل ولا تجربة
الباثفايندر 250 حصان
ربع التويوتا 220 حصان
الشروكي (6 سلندر) مدري كم حصان وبرضو الباثفايندر يطوفه (عن تجربة)

با ختصار الباث ملك الجيوب الستة سلندر :D

حـاتـم

03/10/2005, 07:57 AM

نعم الباث الجديد ابو مكينه 3500 يطوف الربع قدام عيني

وطافنيني انا بالطعس ويمشي جمب ال4800 ماشاء الله

الباث قوي جدا لاتتهيونون فيه

وشكرا اخوكم / حاتم

salehhd

03/10/2005, 12:31 PM

السلام عليكم

انا عندي باث 2004 لونه اسود شريتة مستعمل نص فل ب74 الف ريال كان ماشي 12 الف

بصراحة الموتر اكثر من رائعة قوة وشكل وهيبة وفي ا لرمل يبيض الوجه ويرفع الراس

صرفية البنزين معقولة نوعاً ما اذا ما قارنتها بالجيبوب الثانية
في الخط راسي وينزل طبلونه بالراحة والريس على اربعة ونص او اقل
اذا معزم على الاسود لك نصيحتين
1- ركب عازل من نوع ممتاز ( في كول او سليرد قار او جونسون ) لان الحرارة تزيد بسبب اللون
2- لاتوقف السيارة الا في الضل ولا تغسلها الا في الليل علشان ما يتأثر الصبغ

وزي ما قالو الشباب دور واحد مستعمل او واحد بيشتري اقساط ويبيع كاش
ولا تنسى وانا اخوك تستخير قبل كل شي ترى من استخار ما خاب

ومبروك مقدماً