فن قيادة التماتيك على الرمال وتوقيت استعمال الدفلوك واستخدامات الدبل وأسئلة أخرى&&&&&

[الشفاف الساتر]

السلام عليكم ورحمة الله وبركاته :-

اشتريت ولله الحمد والمنة هذا اليوم فورشنر v6 تماتيك (تراه مستعمل :eek:) <<< قولوا ما شاء الله تبارك الله..

وحيث أني طارة في القير العادي :D

ودبشة في معلومات القير التماتيك من ناحية طريقة التطعيس والدبل والدفلك ووو

أحب أن أسأل هذه الأسئلة وبلا شك يوجد الكثير من الإخوة يحتاجون إلا معلوماتكم القيمة فلا تبخلوا علينا


أرجو أن تقوم بإقتباس ردي ثم تضع الإجابات في إقتباسي

[ تحت كل سوال تضع إجابته :(]:-
حبذا تغير اللون



س1/ حتى يتم المحافظة على قير التماتيك هل هناك أمور تحذرني منها؟



س2/ طريقة الدعس على البنزين >>سمعت بأن الدعس عليه يعدمه هل هذا صحيح؟



س3/ هذا السؤال المهم ونبي تفاصيل{{ كيف نقود الفورشنر التماتيك في الطعوس :redcar:}}؟


س4/ هذا السؤال تابع للسابق>> هل من الضروري تشغيل الدبل أم أن الدبل يعمل تماتيك حتى نمرة 80 ثم يفصل ؟


س5 / متى يأتي دور الدفلوك ؛ وهل من الضروري استخدامه مع دبل معين أرجو توضيح طريقة العمل؟


س6/ في سيارتي aps مانع انزلاق يعمل تماتيك مع الفرامل وليس له أي مفتاح يتحكم به >> فهل عمله يؤتر في التطعيس وكيف أتحكم به إن كان يؤثر؟؟


س7/ أطراف الشاصي مصديه بسبب قرب السيارة من البحر سابقاً ؛ هل هناك طريقة لإزالة الصدى (نغسله - نصبغه بأسود ..)؟




أشكركم مقدماً

وأتمنى أن لا يختبئ موضوعي خلف ردهات الصفحات..

هناك حيث لا رأي سديد ولا علم سعيد.

[مواسي الطعوس]

مثل القير العادي وش فرق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الشفاف الساتر]

القير العادي ترد نمره يالغالي إذا قام يضعف

وإذا غرزتا يا الحبيب تقوم ترقص الموتر بالقير العادي وهذا مدري وشلون يترقص إذا غرز:D



وبعدين مرة حاطينه بالأول ومرة بالثاني ومرة عودبه ووووو

وهذا مدري وش يقالبه ... هو يعرف دربه وألا كيف ...


نريد من أهل الخبرة فقط تزويدنا بمعلوماتهم



أشكرك على مشاركتك

[مهوس صيد]

انا بصرحه ما عندي خبره في القير التوتميك بس بنسبه للصدى في بخاخ قار تشتريه من محلات البويه حقت السيارت خذلك 3 علب ورش بطن الموتر

[ذيب زلفاوي]

انا مثلك في التماتيك لان الوالد مايحب التماتيك ولا يشتريه الا اذا كان جمس او سياره صغيره

الي اعرفه انك تنزل القير على 3 او 2 عشان مايعشق كل شوي وتحترق كلتشاته
والفوتشنر الدبل شغال دايم والقير للثقيل والخفيف فقط والثقيل مايصلح تشبكه الا اذا تعلقت او للسحب الثقيل والدفلوكس نفس طريقه الدبل الثقيل

[عاشق السيل]

وعليكم السلام ورحمة الله وبركاته ،،

س1/ حتى يتم المحافظة على قير التماتيك هل هناك أمور تحذرني منها؟

غير الفلتر والزيت كل 40 ألف كيلو ولا تنقل القير من نمرة إلى أخرى إلا إذا صار الموتر واقف تماما ،، كل تغيرة لزيت المكينة شيك على زيت القير وإذا كان ناقص زوده بس انتبه تغيره إلا مع الفلتر ،،

س2/ طريقة الدعس على البنزين >>سمعت بأن الدعس عليه على الأخر يعدمة هل هذا صحيح؟

ادعس على كيفك مايضر المكينة ولا القير بس عاد لا تدعس إلا وقت الحاجة ولا تصير صلف على الموتر !!

س3/ هذا السؤال المهم ونبي تفاصيل{{ كيف نقود الفورشنر التماتيك في الطعوس :redcar:}}؟

مثل القير العادي بس إنه أريح شوي ويمكن يكون أقل عزم لكن مدامه 6 سلندر إن شاء الله بيوفي معك ،،

س4 / متى يأتي دور الدفلوك ؛ وهل من الضروري استخدامه مع دبل معين أرجو توضيح طريقة العمل؟

الدفلك حاول تنساه تماما إلا إذا بدأ الكفر اللي ورى يدور والثاني ثابت شغل الدفلك مع الدبل الثقيل وأول ماتطلع السيارة على طول افصله !!

س5/ في سيارتي aps مانع انزلاق يعمل تماتيك مع الفرامل وليس له أي مفتاح يتحكم به >> فهل عمله يؤتر في التطعيس وكيف أتحكم به إن كان يؤثر؟؟

الـ abs ماله أي دخل بالطعوس !!

س6/ أطراف الشاصي مصديه بسبب قرب السيارة من البحر؛ هل هناك طريقة لإزالة الصدى (نغسله - نصبغه بأسود ..)؟

هذي مالي بها علم بس ممكن تسوي له تلميع عند بعض المغاسل اللي طايحين فيها الشباب !!!

هذا مالدي وآسف جدا على القصور ....

[ال نصيب]

والله اخوي انا مثلك عندي كروزر 2004 تماتيك

جربت على الرمال ولم استطع التعامل معه حتى تعلق

على الشاسيه علما انه فيه دفلوك لكن ماعرفت اشغله

وغرزت تغريزه كرهت التماتيك بعدها

[مفخرة فورد]

عليكم السلام ورحمة الله وبركاته
عساه مبروك والله يعطيك خيره ويكفيك شره

صراحة الاسئلة مهمة واخونا عاشق السيل ماقصر الله يوفقه

واللي عنده خبره لسيارة بر تماتيك يسدح علمه :)

[الشفاف الساتر]

أشكركم جميعا خصوصا الأخ عاشق السيل



لا زلنا ننتظر الباقي من أهل الخبرة

[العاذر]

تبغى العلم ونا اخوك
من خلال التجربة
العادي افضل من التوماتيك ولا فيه مقااااااارنة
ومن يمدح التومتيك هاذا ما يطول معه القير
واذا ما همك الموتر
ادخل به الطعس وتحمل ما يجيك
واللي يمدحه ترى يمدح دعسته وشابن على المكينة
لكن الوعد الورشة بس ما يقولونه
هو موتر اكيد بيمشي في الطعس
لكن هو للحالات الطارئة فقط
اما للتطعيس والوناسة غير العادي لا تدور
نصيحة مجرب
اذا كنت خايف على موترك
لا تتطعس به واحشمه
تحياتي

[مواسي الطعوس]

اخوي((عاشق السيل)) حرام عليك ليش يوقف اذا نقل من نمره الى نمره ؟؟؟؟؟؟؟؟؟؟؟؟؟؟؟؟؟والا قصدك اذا اراد نقل الدبل من الخفيف الى الثقيل....او العكس ....هذه اللي يوقف ويوضع القير على n.....

** النمر على حسب الطعس لكن التماتيك مايعطيك الا على 1 في الخفيف لانه طويل في القير التماتيك ....او 3 او 4 على الدبل الثقيل .

[YUKON_GMC]

والله يالغالي التماتيك اقشر في الطعوس والغرازه اسألني اللي جرب انواع السايارات قير عادي وتماتيك ..
أنا اتكلم بصفه عامه لكل السيارات ..

مشكلة التماتيك انه إذا دست قوة حتى ترقى لك طعس يكع ويرد نمره حتى لو كنت عاط القمر على الثاني يرجع للاول
تخيل "واحد ناطح الطعس يبي يرقى .. ويكبس فرمله ومن ثم يكمل " ويش مصيره .. اكيد الفشل .. لأن رده للنمره زي اللي يكع فرمله بالضبط خصوصاً مع الطلعه القويه

اذا غرز لاتدوس عليه قوة وانما طالع للكفرات وخلها تدور على الراحه بس بشكل متواصل ودام الموتر يمشي لاتوقف حتى لو سرع النمله

لأن التماتيك إذا حفر ودعست مشى 150 وتعلق في ثواني وانت ماحسيت فيه الا الكفرات ماتلمس الارض ..

[عاشق السيل]

اخوي((عاشق السيل)) حرام عليك ليش يوقف اذا نقل من نمره الى نمره ؟؟؟؟؟؟؟؟؟؟؟؟؟؟؟؟؟والا قصدك اذا اراد نقل الدبل من الخفيف الى الثقيل....او العكس ....هذه اللي يوقف ويوضع القير على n.....

** النمر على حسب الطعس لكن التماتيك مايعطيك الا على 1 في الخفيف لانه طويل في القير التماتيك ....او 3 او 4 على الدبل الثقيل .

لا ياشيخ ما أقصد التنقل بالقير بين 1 و 2 و 3 ،، أقصد بين D و N و R و P الأفضل للسيارة تكون واقفة تماما !!

وبالنسبة للدبل ممكن يحطه على الخفيف والسيارة تمشي بس ماتكون مسرعة ،، أما الثقيل لازم يوقف ويحطه على N والأفضل إن الثقيل مايسرع عليه ومايطول وقت الحاجة بس !!

[عاشق السيل]

والله يالغالي التماتيك اقشر في الطعوس والغرازه اسألني اللي جرب انواع السايارات قير عادي وتماتيك ..
أنا اتكلم بصفه عامه لكل السيارات ..

مشكلة التماتيك انه إذا دست قوة حتى ترقى لك طعس يكع ويرد نمره حتى لو كنت عاط القمر على الثاني يرجع للاول
تخيل "واحد ناطح الطعس يبي يرقى .. ويكبس فرمله ومن ثم يكمل " ويش مصيره .. اكيد الفشل .. لأن رده للنمره زي اللي يكع فرمله بالضبط خصوصاً مع الطلعه القويه

اذا غرز لاتدوس عليه قوة وانما طالع للكفرات وخلها تدور على الراحه بس بشكل متواصل ودام الموتر يمشي لاتوقف حتى لو سرع النمله

لأن التماتيك إذا حفر ودعست مشى 150 وتعلق في ثواني وانت ماحسيت فيه الا الكفرات ماتلمس الارض ..

أخوي سفاري ... أنا معي باترول 98 تماتيك من ثمان سنين وأنا أطاعس عليه وماشفت منه إلا كل خير وخاصة إذا جاء يرد نمرة بالعكس أنا أشوفه أفضل من العادي اللي لازم تدعس الكلتش وبعدين يطيح عزم الموتر !!

أنا أعترف إن العادي أقوى بكثير من التماتيك من ناحية النشاط والعزم لاكن برد النمرة التماتيك أفضل !!!!!

ولك مني ألف تحية يالغالي ......

[الشفاف الساتر]

أشكركم يا أخوان

أتمنى أن لا نخوض في مقارنات

بل أتمنى الإجابة على الأسئلة ولا نستغني عن ملاحظاتكم







لا زلنا نرغب المزيد وبالتفصيل

[كثير السؤال]

اكتب بقوقل فورتشنر وادخل على تايوتا العربيه
قسم الفورتشنر معهم الموتر وعارفين له

[ن.ن.د]

وعليكم السلام ورحمة الله و بركاته
والله انا من اول ما اخش الطعس انزل القير على 2 و امشي و اذا حسيت السيارة بدت تغرز حطيت عال 1 و هي تمشي . ماشاء الله و لا واجهت اي مشكلة <<<<السيارة لاندكروزر
ولا طبيت الورش الحمدلله

[الشفاف الساتر]

أشكركم يا إخوان



وننتظر المزيد


أكرر أتمنى إقتباس الرد ثم الإجابة على حسب السؤال

[ابو سمسم]

س6/ أطراف الشاصي مصديه بسبب قرب السيارة من البحر؛ هل هناك طريقة لإزالة الصدى (نغسله - نصبغه بأسود .

العلم وانا اخوك تروح لعمنا عبداللطيف جميل وتدخله الصيانة تقوله ابغي ارش السيارة ضد الصدا تكلف 700 بس تضمن 3 سنوات باذن الله

اعرف كم واحد من الشباب من اهل الساحل رشو سياراتهم ماشاء لله ماجاها شي

[عزيز 3333]

شف اخوي ... القير مامنه مضره ان شاء الله
حط الكفرات على 18 والقير على 2 والدبل خفيف وتوكل على الله ولا تحاول تشد على الموتر اما الدبل الثقيل اعتبر ما عندك دبل ثقل ، إلا لضرورة إذا غرز أو تعلق الموتر ولا تتعدى 40كم على الدبل الثقيل


تحياتي

[الشفاف الساتر]

معلومات قيمة

سأطبقها





بعض الأسئلة لم يتم الإجابة عليها


مثل هل صحيح بأن الفورشنر يعمل رباعي حتى سرعة 80 (يعني ما يحتاج نحط الدبل))؟؟

[راعي طفات]

شف اخوي ... القير مامنه مضره ان شاء الله

حط الكفرات على 18 والقير على 2 والدبل خفيف وتوكل على الله ولا تحاول تشد على الموتر اما الدبل الثقيل اعتبر ما عندك دبل ثقل ، إلا لضرورة إذا غرز أو تعلق الموتر ولا تتعدى 40كم على الدبل الثقيل


تحياتي



هذا الكلام الوافي

والسيارة للحاجة وليست للترفيه والاستعراض

[U S B]

أنا معي تماتيك مثلك ...وماشاء الله لي سنتين ونصف وماشي زي الحلاوة...


طعس مثل التعطيس العادي شغل الدبل الخفيف ونسم الكفرات 18 وحطه بـ D وتوكل على الله

إذا أنت من أهل الرياض علمن وأقابلك ...في مكان ما !!!

[ساهر اليل2010]

إنشاالله يفيدونك الشباب وفيهم الخير والبركة

[ابوجويعي]

ج :بخصوص شابك الدبل نعم شابك ويفصل عند سرعه معينه مادري كم والدبل الخفيف اذا شبكته يكون اقوى شوي من الدفع المستمر اتوقع التروس تعطيك دفع اقوى """ والله اعلم ارجو اني افدتك

[volcano]

الدفع الرباعي المستمر للثبات مو للتطعيس يعطيك قوة دفع 35% امام و65% خلف اذا بغيت تطعس لازم تستخدم الخفيف 50% امام و50% خلف وعند الضرورة الثقيل

واللي يقول ان الاوتو ما يجمل في البر غشيم ولا عنده خبره


الظبياني

[trailblazer04]

شوف خيو بحكم اني اخذت كورس Off Road في الشركه
وإني املك تريل بليزر جير تماتيك اجرب عليه

خذ الزبده

النمره 1 و2 هذي للسحب او لما تغرز تغريزه شينه
وحتى لو تلاحظ في سيارات 1و2 يجون مع بعض بنمره وحده كذا 1-2

اما النمره 3 فهو اللي تستخدمه في البر عشان مايرد نمر ولا يبرد العزم

اما 4 هذا للاستعمال الطبيعي

(في بعض السيارات مانع الانزلاق شغال على طول ومايطفى الا مع الدبل خفيف او ثقيل
طبعا مانع الانزلاق يمسك الموتر في البر ومايخليه يمشي الا بدبل
بعض السيارات تقدر تفصل مانع الانزلاق وبعضها لازم توديها عند كهربائي يركب لك فيش تفصل فيه مانع الانزلاق لما تدخل رمل وتطعس وتحفر بالرمل بدون دبل عاد انت وسواقتك)

واهم من هذا كله تنسيم هوا الكفرات وهذا مهم جدا للسياره عشان ماتغرز وايضا عشان الموتر مايتفكفك مع الخضخضه وعشان راحتك يالسايق بس انتبه تنسم واجد لا ينفصخ عليك الكفر يعني 20 او 18 زين ولازم كل الكفرات نفس الضغط عشان مايصير الحمل على كفر دون الباقي
يعني احسب حسابك على ماطور هوا وساعه ضغط

وهذا كل مالدي...

[عااااشق-الريم]

السلام عليكم ورحمة الله وبركاته :-
اشتريت ولله الحمد والمنة هذا اليوم فورشنر v6 تماتيك (تراه مستعمل :eek:) <<< قولوا ما شاء الله تبارك الله..

ماشاء الله , الله يبارك لك ويعطيك خيره ويكفيك شره
سيارة ماعليها كلام أبد
إختيار موفق جداً:good2:

وحيث أني طارة في القير العادي :D
ودبشة في معلومات القير التماتيك من ناحية طريقة التطعيس والدبل والدفلك ووو
أحب أن أسأل هذه الأسئلة وبلا شك يوجد الكثير من الإخوة يحتاجون إلا معلوماتكم القيمة فلا تبخلوا علينا
أرجو أن تقوم بإقتباس ردي ثم تضع الإجابات في إقتباسي
[ تحت كل سوال تضع إجابته :(]:-

س1/ حتى يتم المحافظة على قير التماتيك هل هناك أمور تحذرني منها؟
تغيير زيت القيربوكس كل فترة مع الفلتر بس

س2/ طريقة الدعس على البنزين >>سمعت بأن الدعس عليه يعدمه هل هذا صحيح؟
تدبيل الدعسة الكثير يضر المكينة حسب ماسمعت

س3/ هذا السؤال المهم ونبي تفاصيل{{ كيف نقود الفورشنر التماتيك في الطعوس :redcar:}}؟
أنا عندي سوزوكي 2.7 :( ستة سلندر يعني بحجم مكينة الفورشنر 4 سلندر
حط القير على3
والدبل الخفيف
أنا ما أنسم كفر , لكن من الأفضل أنك تنسم الكفر خاصه إذا كنت في طعوس ماتعرف طريقك أو ممكن تظطر توقف وتكمل ولتخفيف النفضة اللي تجيك مع الطعوس
وسيارتك ترى قوية ماشاء الله
ومايحتاج الأنظمة الثانية
والتماتيك على الرمل ولاأحلى روعة وراحة

س4/ هذا السؤال تابع للسابق>> هل من الضروري تشغيل الدبل أم أن الدبل يعمل تماتيك حتى نمرة 80 ثم يفصل ؟
لا علم لدي

س5 / متى يأتي دور الدفلوك ؛ وهل من الضروري استخدامه مع دبل معين أرجو توضيح طريقة العمل؟
الدف لوك إذا غرزت تغريزة شينة أو تعلقت السيارة في مكان جبلي , وظيفته يحرك الكفرات على نفس الدفرنس بنفس السرعة.
والله أعلم

س6/ في سيارتي aps مانع انزلاق يعمل تماتيك مع الفرامل وليس له أي مفتاح يتحكم به >> فهل عمله يؤتر في التطعيس وكيف أتحكم به إن كان يؤثر؟؟
لا أعلم

س7/ أطراف الشاصي مصديه بسبب قرب السيارة من البحر سابقاً ؛ هل هناك طريقة لإزالة الصدى (نغسله - نصبغه بأسود ..)؟
لا أعلم





وبالتوفيق للجميع
وصلى الله وسلم على نبينا محمد وعلى آله وصحبه وسلم

[مواسي الطعوس]

يازين الواحد اذا مايعرف ....يسكت .لنا خبره بالدفع الرباعي قطعنا عليها قرابة (المليون) كل واحد منا ويجيك ناس ماعرفت الجيوب الا من سنه او سنتين ويتفلسف .

[فارس الهيلا]

ما عندي زياده على كلام الشباب ما قصروا
لكن عندي معلومه بخصوص الدفلوك
انه ما تلف الدركسون كله اذا كان الدفلوك شغال يعني تلف نص اللفه.لانه حسب معلوماتي يضر بالعكوس

[الشفاف الساتر]

والله يا إخوان معلومات رائعة وجميلة توزن بالذهب


أشكركم عليها من قلبي

بيض الله وجيهكم


وسدد الله خطاكم على الخير

وعافاكم من كل شر





واسمحولي بسؤال أخير :D >>> كني طولتها..:p




بالنسبة لسيارة الفورشنر بالذات يقال بأنها سريعة الإنقلاب وخصوصا في الأماكن الوعرة والطعوس


وبحكم قيادتي للسيارة الماضية أحب أن أسيّف

وكذلك إذا حاولت صعود طعس (يرد القلب) يعني كبير .. أنطلق بالسيارة ثم إذا حسيت بأن الموتر بدأ يضعف لفيت يسار ونزلت من الطعس (وكلكم تعرفون هذه الطريقة)


وبحكم أن الفورشنر سريع الإنقلاب هل يضره هذا الشيء((( السؤال هذا حرج جداً ...يعني أتمنى أن أجد إجابة من الذين لديهم فورشنر فقط وطعسوا به )))


واليوم إن شاء الله بنطبق كل هذه المعلومات بإذن الله.