ودي أسئل ليش موا منتشتر الفان أو الكرفان في الخليج بس أروبا

[figo_2776]

ودي أسئل ليش موا منتشتر الفان أو الكرفان في الخليج بس أروبا الكرفان سيارة حلوة حق المكشات البرية المدينة ليش موا منتشرة في الخليج مالها (http://www.bailey-caravans.co.uk/لها) وكيل شنوا السبب سعرها غالي :lhttp://q8rpm.com/pictures/euorop_30.jpghttp://www.bailey-caravans.co.uk/

[محرين باالخير]

حياك اخوي اتوقع سبب عدم الأنتشار هو طرقنا البريه الوعره ماتتناسب مع تجهيز مثل هذه الكرفانات وإلا السعر ليس العائق لأن تجهيز بعض سيارات الكشاته تفوق قيمة هذه الكرفانات والمشكله فيها اوزانها عاليه واغلب اكسسواراتها من البلاستك والفيبر قلاس وهذه سريعة التلف مع كثرة الأهتزازات القويه حدها شاطي بحر وإلا حدائق وغابات وإلا طعوسنا شيصان وعسي تعبر تحياتي

[قطب 999]

لا يمكن استخدامه الا في النزهات ولا يخدمك في المشاوير العاديه سوق - مدارس - مسجد

[سرطوقا]

يارجال انا ربعنا وناسنا ماعندنا اهتمام بهالسيارات ، الصراحه الواحد معه ونيت ولا جيب ياخذ فراشه وعزبته ويسافر ماهو فاضي مثل هالسيارات يسحبها معه ، :)


تقبل مروري /ٍ

[خوي السفر]

والله من كثر الشقق المفروشة وبعدين تحصلها بس مش بهذه الصورة لكن شوف مهرجان ام رقيبة وبعدين تعرف اذا هي ماهي موجودة لكن بأحجام كبيرة


http://www.7alalup.net/uploads/images1/images-33b77c37f3.jpg

[ظل الماء]

غالية + الجو ما يساعد

[oula]

والله جالس اقلبها في راسي لي حول 4 شهور بس مو النوع هذا في شي اصغر منه شفته على طريق الجبيل حاولت اوقف راعيه واسئله لاني اول مكره اشوف ها الشكل بس ماوقف وسفراتي على الشمال كل صيفيه الىة تبوك ويستاهل بصراحه اذا السفر طويل

[الجفن]

الاجواء بيني وبينك ما تساعد بقوه كلها شهرين الا الحر ما شاء الله تبارك الله ما تقدر تطلع والسيارات هذه يبغلها اجواء بارده طول السنه
الجو الحار يعدم كل شي حتى لو فيه بايكه

[عآشق الحره]

اولا الاجواء ثانيا طبيعه الارض هم كل ديارهم غابات وواصل لها الازفلت عندنا هذا اذا غرز وش تسوي فيه ..وبعدين طرق الجنوب ضيقه وتسوي زحمه اذا ناوي تروح فيه الجنوب

[abo_basil]

العادات والتقاليد سبب من الاسباب
لانهم هم يطلعون فيها طلعات عائليه وينامون فيها ويستخدمونها بالتنقل من منطقه لاخرى
ومن متنزه لاخر ومن غابه لاخرى
وبعضهم يستخدمها كمنزل له حسب ما رايت ببعض الدول

وبالنسبه لنا صعب انك تنام فيها داخل المناطق مع العائله واغلبيتنا يطلع للتخييم فقط بدون العائله
والي بياخذهم بيطلع يومين الى اربع ايام بفصل الربيع او بالسنه مره لعدم رغبة الاهل بالمبيت بالخلى اي بالبر يوم ويكفي

والمناطق الي نروح لها والي احنى فيها لا تناسب هذه الانواع من السيارات
( طلعه ونزله وطعس وحجر وجرف ) الارض وعره عندنا

والي بيشتريها معتقد انه راح يرضى انه بيوقفها جنب الازفلت وبينام ( يكشت جنب الازفلت:D )