ماهو أفضل موتر في استهلاك البنزين : ؟؟؟

[المشراف99]

السلام عليكم


صديقي هاوي سفريات طويلة بالسيارة


يسافر الى الدول العربية والاوربية


سيارته سوبر بان .. سافر في الصيف لتركيا ودفع 11 ألف ريال للبنزين فقط


الرجل يتمنى أن ترشحون له موتر أو أكثر بشرط يكون استهلاك البنزين قليل


شورتكم يالربع

لا عدمتكم

[المشراف99]

نسيت اقلكم

عدد أفراد اسرته 4 وهو خامسهم

[alisaleh]

مرسيدس ديزل
ولا سوزوكي

[المشراف99]

مرسيدس ديزل
ولا سوزوكي

شكرا لمرورك

إذا تقصد السيدان فلا

يحتاج من الجيوب

[كم كيلو باقي]

الفيوجن فورد 4سرندل .. تمشيك حدود 650 والفل95 بحدود 35 ريال

وبالنسبة للجيوب كلها صرفها وآجد .. وجربت اللاند الجديد 8 سرندل وصرفيته حلوة

[HAS5SAN]

http://www.haraj.com.sa/userfiles8/2010-11-05/101105135046377353tx3ebjnxtxfl.jpg

http://www.haraj.com.sa/userfiles8/2010-11-05/101105134947876742c7ph17bilw7u.jpg

http://www.haraj.com.sa/userfiles6/2010-09-18/100918045720243297w9ndjt7v9d2e.jpg

http://www.haraj.com.sa/userfiles6/2010-09-18/100918045814300873gungsl8e9k7d.jpg

[دل البحار]

دراجه هوائيه ههههه الله ينصرك ما عندي علم

[لحظةوداع]

الصالونات الجديدة صرفيتها حلوة
وإذا الكامري تمشيه فهي أفضل الصرفيات

[أبو نـآيف]

الهايلوكس صرفيته ممتاازهـ

[المشراف99]

طيب اشرايكم في الراف فور

او الفورتشنر

[ذيب المسآري]

الكريسيدا الله يذكرها بالخير ويرحم ايامها

و اذا بالجيوب فهو البرااااادو

[المشراف99]

الكريسيدا الله يذكرها بالخير ويرحم ايامها

و اذا بالجيوب فهو البرااااادو

عندك خبر كم يستهلك لتر بنزيل لكل 100 كلم

شكرا

[المشراف99]

الهايلوكس صرفيته ممتاازهـ

ما يرغب في ونيت

جيب متوسط او صغير

[فل ابشن]

ياخذ جيب 6 سرندل مثل الفور شنر وبالنسبه للديزل لا ياخذ لأن الديزل برا السعوديه اغلا من البنزين

[المشراف99]

ياخذ جيب 6 سرندل مثل الفور شنر وبالنسبه للديزل لا ياخذ لأن الديزل برا السعوديه اغلا من البنزين


كلام سليم

شكرا

[4w4]

غير الكامري لاتدور مافيه اقل منها صرفيه خاصة موديل 93 الى 97

[ملك الفكتوريا]

أنا مقدر أقول لك أفضل سيارة من ناحية الإستهلاك ولكن كل شخص يعطي تجربته وخويك يشوف الأفضل له


بالنسبة لي كراون فكتوريا تمشي بالخطوط 550 كم وبالمدينه 450 كم طبعا موديل 1999 وبنزين اوكتين 95

وبالجديد يوصل 600 او 650 كلم بالخطوط وبالمدينه 550 كلم



والكراون فكتوريا 8 سلندر ووسعية من ناحية المراتب وخاصه هم 5 اشخاص يعني اثنين قدام وثلاثة ورى بدون أي ضيق والنوم للصغار يا سلام راحه


وطبعا قبل خمس سنوات سافرنا كلنا يالاهل بالفكتوريا عددنا 7 أشخاص الوالد والوالدة الله يحفظهم وثلاث اخوان انا عمري 16 واخوي 14 والاخير 13 سنه

واختين اقل من 9 سنين

وسافرنا من الرياض للطائف ومن الطائف للنماص ومن النماص لابها ومن ابها عوده للنماص ومن النماص للطائف ومن الطائف للرياض والحمدلله بدون اي مشاكل


وكنا ثلاثة قدام واربعه بالخلف والسائق اللي هو الوالد مو متضايق ابدا باللي جالس بالنص


والشنطه محمله فل اغراض وكذلك عند القزازه الخلفيه



وما وقنا لتعبئة البنزين إلا مره وحده في محطة ساسكو قبل مفرق الخرمه يعني مشينا حوالي 500 كيلو

وبخط الجنوب مره في بلقرن يعني بعد 350 كلم تقريبا من الطائف ولا تنسى الطلعات والنزلات والعقاب والسياره محمله




وللمعلوميه اذكر التفاصيل لانها من أجمل السفرات مع الاهل


وانا ما امدح لانها سيارتي حاليا لا

بس ابغى اوضح لاخونا أن السياره 8 سلندر سيدان



ولكن حاليا للاسف تمشي فقط 350 كلم او 300 بالمدينه

لان السيارة تحتاج تصفية مكينه وتغيير فلتر الهواء وتغيير طرمبة وصفاية البنزين وتنظيف بخاخات
وإن شاء الله ترجع مثل ما كانت


والاهمال مشكله


معليش ادهرت ودخلت بمواضيع ثانيه


لكن إن كان نيته سيارة سيدان 8 سلندر او 6 سلندر يغمض ويأخذ كراون فكتوريا أو جراند ماركيز وأؤيد بقوة للسيارة وكذلك لا ينسى السعه والقوه وقدرت التحميل وخاصه اليايات شد البلد







وإن شاء الله يلقى الافضل

[برادو]

عندك خبر كم يستهلك لتر بنزيل لكل 100 كلم

شكرا
على الخطوط 13 داخل المدينه 14 لتر لكل 100 كيلو. انا اشوفه افضل الجيوب من ناحية الصرف الجمس يوصل 18 لتر لكل 100.

[ابو كشتة]

السوبربان الجديد اقتصادي في البنزين
لكن باقول معلومة للشباب عشان يكونون بالصورة
البنزين في تركيا اللتر ب9 ريال وشف تنك البنزين كم لتر ياخذ يعني ممكن تفلل السيارة مرة وحدة باكثر من 800 ريال التفليلة
افضل طريقة سواها واحد من الشباب بحكم انه سنويا يروح لتركيا ويجلس شهور هناك
والبنزين يكلف عليه حوالي 10 الاف ريال وهو طبعا سعودي وزوجته تركية ومعاه جنسية ثانية تركية اكتسبها بحكم زواجه من تركية
فيه شركة بتركيا متخصصة حول سيارته عندهم من بنزين الى قاز وفيه قسام اذا دخل تركيا حولها الى قاز واذا رجع للسعودية حولها بنزين القاز رخيص جدا عندهم اقل من عشر سعر البنزين اما الديزل فقريب جدا لسعر البنزين يعني مافيه فرق بين الديزل والبنزين
انا كان معي كامري وتقريبا البنزين اكل مني بتركيا حوالي الفين وعليها بس كنت ماتعدى ال100 كسرعة وبدون مكيف طبعا

[المشراف99]

السوبربان الجديد اقتصادي في البنزين
لكن باقول معلومة للشباب عشان يكونون بالصورة
البنزين في تركيا اللتر ب9 ريال وشف تنك البنزين كم لتر ياخذ يعني ممكن تفلل السيارة مرة وحدة باكثر من 800 ريال التفليلة
افضل طريقة سواها واحد من الشباب بحكم انه سنويا يروح لتركيا ويجلس شهور هناك
والبنزين يكلف عليه حوالي 10 الاف ريال وهو طبعا سعودي وزوجته تركية ومعاه جنسية ثانية تركية اكتسبها بحكم زواجه من تركية
فيه شركة بتركيا متخصصة حول سيارته عندهم من بنزين الى قاز وفيه قسام اذا دخل تركيا حولها الى قاز واذا رجع للسعودية حولها بنزين القاز رخيص جدا عندهم اقل من عشر سعر البنزين اما الديزل فقريب جدا لسعر البنزين يعني مافيه فرق بين الديزل والبنزين
انا كان معي كامري وتقريبا البنزين اكل مني بتركيا حوالي الفين وعليها بس كنت ماتعدى ال100 كسرعة وبدون مكيف طبعا

معلومات مفيدة
شكرا

[المشراف99]

غير الكامري لاتدور مافيه اقل منها صرفيه خاصة موديل 93 الى 97

ما يرغب في السيدان

يحتاج جيب صغير او متوسط

[يريور عيمان]

الجيوب الامريكية تمتاز بقلة الصرفية
و كذلك جيب الباترول الجديد على كلام الاخبار

[المشراف99]

الجيوب الامريكية تمتاز بقلة الصرفية
و كذلك جيب الباترول الجديد على كلام الاخبار

والناس تقول العكس

الياباني اقل صرفية

[dr.tooth]

شوف يال حبيب بالنسبة للجموس الجديدة فيها ميزة انك اذا كانت رجلك خفيفة المكيتة تستهلك 4 سلندر
واذا شديت 8 سلندر

من باب التجربة التانكي تقريبا يشيل ال 120 لتر
الفل بنزين 95 الاحمر اعبيه من 70 الى 75 ريال

مشيت من مكة الى المدينة المنورة مسافة 400 كيلو تقريبا ما نقص الا ثلث التانكي (25 ريال)
ولكن على سرعات مابين ال 110 وال130
مع ملاحظة ان الطريق فيه صعود ونزول كما هو معروف
((واهم ملاحظة ان الجموس الجديدة تقبل بنزين 91 الاخضر يعني يطلع الفل بجدود ال50 ريال)

وازيدك من الشعر بيت وصلت المدينة الجمعة بالليل ويوميا اطلع الدوام واقضي مشاوير وشغلات على خفيف وما عبيت بنزين الا وانا راجع على مكة الاربعاء

ما شاء الله تبارك الله ما في صرفية افضل من كذا

((( مع ملاحظة التانكي يمشيك 600 كيلو وانت مسرع على 160 180 )))
((واذا شديت وسط البلد كانك تصب البنزين في ناااااار))

-----------------------------------------------------------------------

السيارة الثانية اللي انا ما توقعت صرفيتها تكون بالطريقة هذه

الماكسيما 2010

تخيل تعبي الفل 95 الاحمر 35 الى 40 ريال
ونفس الكلام بالضبط زي ما حصل مع الجمس
لا اسغفر الله العظيم والله اني ماشي في الخط 160 180 200
ووصلت وباقي ثلثين وبعد كدا نفس الكلام ما عبيت الا وانا راجع
لا كامري ولا غيره
---------------------------------------------------------------

في الاخير الوالد الله يعطيه العافية مثلك
يطلع على تركيا بالسيارة تيش ما كان نوعها واول ما يوصل يوقفها في مدينة على الحدود
(اهلها يتكلمو عربي) والله ناسي اسمها (يشوف له واحد يامن عنده السيارة)
وبعدين يستاجر سيارة بالقاز او سيارة بسواقها
ويريح نفسه اذا راح اي مكان من حكاية دور موقف ولا انه يوقف بعيد ويكمل مشي

ومع هذا كله تطلع ارخص من البنزين

اتمنى اكون افدتك الله يسلمك

[computer 0099]

عليك بالبرادو من موديل 2003 إلى 2008 . يعني ماهو الشكل الجديد
الناس الى الأٌن ماعرفت قيمته

[Bader-M]

من واقع تجربة

الموهافي كبير و قليل استهلاك الوقود

65 لتر (30 ريال) يمشيك تقريبا 550 - 600 كم (رقم اكتان 91)


تحياتي اليك

[التعـ King ـديل]

برادو اربعه سلندر او اكستريل او فورتشنر اربعه سلندر
او جراند فيتارا سته سلندر او جيب هونداي

[بن مانع التميمي]

11 الف ؟

والله واجد

[مكشاتي 2011]

الكورلا
;)

[أبوفـهـــــد]

اولا البنزين في تركيا <الكل يقولون انه اغلى بنزين او اغلى دوله عندها بنزين فلايحكم من دوله واحده,,,

السوبربان موتر حلو والتاهو حلو <<اقصد الجديد ....
واذا بغى جيوب فيه
الفورتشنر 4 سرندل <<مكينة هايلوكس بس عليها دبل موتر حلوو..

[ابن عكاش]

إذ يناسبه الراف 4 فهو اقل صرفيه وانسب موتر صغير وعائلي وراباعي بس ترى الدبل اكتروني ولافي دبل ثقيل

[الوانيت1]

http://www.alqabas.com.kw/Article.aspx?id=572313&date=29012010

http://www.fannat.com/ItemProperties.aspx?categoryID=5807

http://www.assayyarat.com/forums/thread211305.html

[الوانيت1]

http://www.new-outlander.com/gcc/ar/gallery/index.php

[Hwer]

الديزل اقل صرفيه واطول مسافه
اللاندكروزر الجديد الديزل كل 100 كيلو 10 لتر والتانكي يمشيك 1100 لتر
الهايلكس غمارتين ديزل ممتاز واضافة تانكي اضافي بالصندوق يشيل 600 لتر يكفيك كل اجازتك