سيارتي في وكالة نيسان شهرين ولم يستطيعوا اصلاحها والخضير يصلحها في يوم واحد

[مسحب الضبان]

حصل في سيارتي الباترول مشكلة في الكهرب وصارت تطفى بعد التشغيل بخمس دقائق بدون سابق انذار
ذهبت بها الى الوكالة وياليتني لم اذهب بها جلست في الوكالة شهرين ولم يستطيعوا حل المشكلة
فأخرجت السيارة من الوكالة وشحنتها الى القصيم مباشرة الى ورشة يوسف الخضير
وجلست السيارة عنده اقل من 24 ساعة وتم اصلاحها
للاسف الشديد هذا هو واقع وكالات السيارات عندنا اكل فلوس على الفاضي
حقيقة اشكر الاخ يوسف الخضير واقول كثر الله من امثالك

[جون الشمالي]

الحمدلله لقيت روشه شغل مضبوط
قريت موضوع واحد انسرق جيبه عند الوكاله والوكاله تقول مالها شغل

[PATHFINDER 4]

^^^
ما ادري متى بننتهي من هالكلام !

الحمدالله اللي لقيت حل لموترك ومعروف يوسف الخضير خبير نيسان باترول ماشاء الله

[مسحب الضبان]

شكرا على المرور

[مقلع الرمث]

الحمدلله انك لقيت المشكله

بس ياليت كتبت نوع المشكله ايش بالظبط ووش صلح فيها الخضير عشان تضبط

[مسحب الضبان]

الوكالة قالو بنغير الظفيره كاملة
وتكلف 8000 رفضت واخرجت السيارة
الله يخلي ابو خضير

[الظافر]

وين موقع ورشة يوسف الخضير بالقصيم انا رايح القصيم بعد العيد لو توضح لوصف الله يجزاك خير

[.أبوعبدالرحمن]

سبحان الله


طيب وش المشكلة ووش حل المشكلة ؟

[abo_basil]

مشكوووووووور اخي على الموضوع
بس نبي العطل اي ما الشيئ الذي بدلته او اصلحته لتعم الفائده وشكراً

[دل البحار]

مسحب لضبان الحمد لله على اصلاح سياراتك فهي نعمه من نعائم الله على الانسان

[الربذي]

وش نوع العطل اخوي خل الناس تستفيد

[مزون الشمال]

ياخوي قريت التحليل الشباب ولا فهمت وش المشكلة ليتك تكتب المشكلة بحذافيرها وحلها لتعم الفايده
اخوي خل الناس تستفيد
مشكور على طرح الموضوع

[مسحب الضبان]

موقع ورشة الخضير في تشليح بريدة

[مسحب الضبان]

يأخوان الخضير صلح السيارة وقال فيها مشكلة في الكهرب ورفض اخباري عن التفاصيل
وقال هذا سر المهنة
وطلب مني 350 ريال لا غير
انا لم ارى الخضير ولم اقابله ارسلت له السيارة وكل تواصلي معه بالجوال

[4*4]

فعلا الخضير لو تفحط ماقضبك علم
هو صحيح ودك يعلمك بس دامه ماتضرب خله يزين الي يبي يستاهل انا في نظري
حقيقه انه فلته في صيانة الفتك والنيسان عموما

[Bader-M]

الورش المتخصصة مثل الخضير في النيسان و العضيب في الاندكروزر و الشيبان بالفورد
تعتبر من افضل الورش
المتخصص بالسيارة معينة افضل من الورش الغير متخصصه لانه بهذا التخصص عرف جميع اعطال السيارة و مشاكلها و عيوبها و كيفيت اصلاحها


تحياتي اليك

[أبوصقر]

الخضير طال عمرك..شغله أكثر من رائع..ومثل ماقالوا الشباب مايعلمك وش المشكلة..وأزيدك من الشعر بيت..الكمبيوترات الي يبرمجها يحط بها شفرة..يعيني تبي تبرمج لازم تروح لمه..حقوق..

[مسحب الضبان]

اشكر الجميع على المرور
بس ابي استشيركم في موضوع
لو اشتكيت الوكالة على حجز السيارة وتأخيرها هل بأطلع بفائدة او تعويض

[المقيرش]

السلام عليكم
اخوي زين انك لقيت فايدة
بس ابي انوه على شغله يوسف الخضير شغله غالي وسنه صغير ويعتمد على عماله ومنهم الفلبيني الشايب وترا ه نار بالقيمه لكن بعد ورشته فيه ابوخالد الخضير من زمان نعرفة ونتعامل معه وبنفسه يصلح مو عمال وعلى طريق نفس ورشته والله انا والشله بالقصيم مانثق الى به ويكفي انه خبرته بعمر يوسف وغيره ويشهد لبوخالد الخضير حتى الموقع علما بانه في رمضان جبت ليوسف موتر ولخبط ماعرف له غير ماجاب الفلبيني حقة وجلس يولو ل علي وخلها المكينه قاضيه وديته لبوخالد ونص ساعة والامر تمام وبالتوفيق

[أبوياسر74]

هذي مشكلة الكثيرين

كل ماحصل بسيارته عطل راح للوكالة

لكن ماسأل نفسه من يشتغل فيها
مجرد مجموعة عمال من جنسيات مختلفة_ مصري-بنغالي- باكستاني............إلخ

هل الوكالة تحضر فنيين من المصنع طبعا لا تجيبهم من شوارعنا اللي كان بناء وإلا سباك
وإلا شيال سمنت

لكن يوجد برا الوكالة في الورش الخاصة من هم أفضل خبرة وفهم للعمل من لا أقول مهندسي الوكالة بل هم عمال الوكالة مجرد شفط فلوس الناس بالهبل

فيه ناس مخابيل حتى تغيير الزيت يروح للوكالة لو يشحنها للمصنع كان ممكن نعذره!!!

[مسحب الضبان]

شكرا على الرد بس ما عطيتوني راي

[مسير]

الظاهر مشكلت سيارتك منظم بخاخ اللي بقربه الهواء تراه مصيبه يخلي الموتر يقطع ويطفى وماحد ينتبه له انا عندي نفس المشكله

بالتوفيق للجميع

[العتيبي 88]

أخواني .. اخوي صاحب الموضوع لاهنت رقم الرجال ارسله لي لان عنتدي مشكله واشووف ابي احجز معه لان بعيد عن القصيم .... تسووي معروف ياغالي

[بو غازي]

السلام عليكم
اخوي عنده فتك 2006
وفيه مشكله الكميوتر وعجز فيها الموتر فيه تفتفه طبعا موقع اخوي بالشرقيه وارسل الموتر ليوسف الخضير ثاني يوم ارسله طبعا الكلام له اكثر من سنه والى يومك هذا شغال ولا فيه اي تفته ولاغيرها
:)

[مسحب الضبان]

العتيبي 88 ارسلت لك الجوال على الخاص

[مسحب الضبان]

يأخوان ابي شوركم هل اشتكي الوكاله ولا لا

[فارس القحطاني]

يأخوان ابي شوركم هل اشتكي الوكاله ولا لا

السلام عليكم
الله لا يهينك ويجزاك خير الجزاء
كرما منك ترسلي رقم يوسف الخضير
او اي احد من اعضاء منتدى مكشات
ولكم خالص شكري