برادو والا فورتشنر والا اكسبلورر ؟؟؟؟؟؟؟؟؟؟؟؟؟؟؟؟؟؟؟؟؟؟

[almosafer909]

السلام عليكم ورحمة الله


.. وبعد بحث في الانترنت .. وجدت من المعلومات ..ورحابة صدور الأعضاء في هذا المنتدى ما ارتحت له واعجبني ..


فأحببت أن أطرح لكم استفساراتي وحيرتي لتمدوا لي يد المشورة مشكورين ..


بعد بحث وحيرة في انتقاء سيارة لي على أن تكون جيب صغير استقر الرأي على 3 سيارات ..


1. فورد اكسبلورر 2010 ..... 98000 من الوكالة
طبعا هي سيارة فخمة وجيدة ولكن سمعت ان فيها عيب الحرارة .. وأخي عنده واحدة 2009 غير الرديتر مرتين .. طبعا على الضمان


2. الفورتشنر 4 سلندر دبل أو حتى لو قلنا 6 سلندر دبل
سعرها للـ 4سلندر دبل حالي 90 ألف وللـ6 سلندر 110 ألف
ايضا سمعت ان الأربعة سلندر ضعيف عزمها
ولكنها اي الفورتشنر اندونيسي ..


3. البرادو 4 سلندر tx .. طبعا هي دبل سعرها حوالي 110 ألف
ايضا هل عزمها ضعيف .. لانها 4 سلندر .. وهل هي مرغوبة في حالة البيع بعد فترة
مع العلم أنها ياباني



وحيث أني سأسافر للخارج للبعثة بعد فترة .. فأرغب بالبيع عند حصولي على البعثة
ولست ممن يعتني كثيرا بالسيارة ..وسواقتي شوي دفشة ..
قليل السفريات .. أو سنويا مره أو مرتين ..
لا ارغب بالتطعيس أو دخول الاماكن الوعرة جدا ..
ولكن لابد من دخول بعض الاماكن أحيانا ..
كما أن لدي الان ايكو .. صغيرة ..



فأعينوني بمشورتكم وخبرتكم .. ولكم مني كل الشكر والتقدير ..

[صالح2007]

أنصحك بالتايوتا أي واحد منها بس جنب الأمريكي ترا ماله زباين

[ريثان القصيم]

السلام عليكم ورحمة الله


.. وبعد بحث في الانترنت .. وجدت من المعلومات ..ورحابة صدور الأعضاء في هذا المنتدى ما ارتحت له واعجبني ..


فأحببت أن أطرح لكم استفساراتي وحيرتي لتمدوا لي يد المشورة مشكورين ..


بعد بحث وحيرة في انتقاء سيارة لي على أن تكون جيب صغير استقر الرأي على 3 سيارات ..


1. فورد اكسبلورر 2010 ..... 98000 من الوكالة
طبعا هي سيارة فخمة وجيدة ولكن سمعت ان فيها عيب الحرارة .. وأخي عنده واحدة 2009 غير الرديتر مرتين .. طبعا على الضمان


2. الفورتشنر 4 سلندر دبل أو حتى لو قلنا 6 سلندر دبل
سعرها للـ 4سلندر دبل حالي 90 ألف وللـ6 سلندر 110 ألف
ايضا سمعت ان الأربعة سلندر ضعيف عزمها
ولكنها اي الفورتشنر اندونيسي ..


3. البرادو 4 سلندر tx .. طبعا هي دبل سعرها حوالي 110 ألف
ايضا هل عزمها ضعيف .. لانها 4 سلندر .. وهل هي مرغوبة في حالة البيع بعد فترة
مع العلم أنها ياباني



وحيث أني سأسافر للخارج للبعثة بعد فترة .. فأرغب بالبيع عند حصولي على البعثة
ولست ممن يعتني كثيرا بالسيارة ..وسواقتي شوي دفشة ..
قليل السفريات .. أو سنويا مره أو مرتين ..
لا ارغب بالتطعيس أو دخول الاماكن الوعرة جدا ..
ولكن لابد من دخول بعض الاماكن أحيانا ..
كما أن لدي الان ايكو .. صغيرة ..



فأعينوني بمشورتكم وخبرتكم .. ولكم مني كل الشكر والتقدير ..

من عنوان موضوعك تجد الاجابه يعني سألت وجاوبت على نفسك وقلت

برادو والا فورتشنر والا اكسبلورر

وهذي هي الاجابه من الافضل الي الاقل افضليه

1- برادو 2- فورتشنر 3- اكسبلورر
_____________________________

ريثان القصيم

[طير شلوى نجد]

ان كنت مبيت النيه على البيعه خذلك مستعمل عشان الموتر ما يطيح من سعره واجد وان كان ما لك الا بالجديد لا تبعد عن التويوتا وعن نفسي افضل الاكسبلور كأستخدام لانك اخترت البرادو والفورنشر 4 سلندر.

[You Like Me]

وعليكم السلام والرحمه

والله يالغالي انا اول مره اسمع منك ان الاكسبلورر ترتفع حرارته
عموماً يلييت الاخوان اصحاب المعرفة وملاك اكسبلورر يأكدون لنا هالمعلومه
لإني يوم الاربعاء كنت في الوكاله وسويت حجز اكسبلورر 2010
لكن اللون اللي طلبته مو موجود حالياً وقالو لي اسبوع ويوصل
علمونا يا اخون اذا فيه حراره والا مشاكل سحبت عليهم
على فكره اخوي المسافر انا حجزت استندر لؤلؤي سعره 97222 ريال
شامل التأمين واللوحات والاستماره

[..king..]

الفورتشنر علاج
اسال مجرب ولا تسال طبيب بس لا تاخذ الا 6سلندر والا لاتاخذ
انت الي كاتب نفس الموضوع بالمنتدى عندنا تويوتا العربية قسم الفورتشنر ؟؟؟؟؟؟؟؟؟؟؟؟؟؟؟ظ

[البرحه]

فورتشنر 6سلندر

وافضل منه برادو 6سلندر فقط

4 سلندر ماينصح به

[عآشق الحره]

اذا انت عزوبي وشوله سياره كبيره ..اذا انت عزوبي فيه برادو يجيك باب واحد هذا توب بس ماتلقاه الا مستعمل و6 سرندل ..ابعد عن الامريكي خاصتا اذا تبي تبيعه بعدين

[بن سليمان]

اذا بغيت تعاف نفسك وتعاف السيارات اركب فورتشنر سيارة غير مريحة وسعرها غالي رغم ان صناعتها اندونسي
والاكسبلورر اعرف اكثر من شخص عندهم اكسبلورر وموديلات مختلفه ما عمري سمعت منهم ان حرارته ترتفع
والحين سيارات فورد تنافس الياباني بسعر إعادة البيع وأفضل من كثير من بعض السيارات اليابانية في إعادة البيع ولا تنسى فارق السعر عند المشترى بين الياباني والامريكي
قبل شهر تقريبا اكسبلورر موديل 2006 مسيوم 60 الف وراعيه رافض البيع رغم ان سعر الاكسبلورر 2006 في حدود 80 الف
أنصحك اذا عندك بعثة قريبة تاخذ سيارة مستخدمة استخدام حشمة طايح من سعرها الربع او النص وتستخدمها حتى وقت البعثة واذا جيت تبيعها ما تخسر فيها كثير والله يوفقك وتحصل مرادك

[عاشق السيل]

وعليكم السلام ورحمة الله وبركاته ،،

نصيحتي لك تاخذ البرادو بشرط يكون 6 سلندر وبعده الفورتشنر رغم إني لا أفضله لكنه أهون من الإكسبلورر وخاصة إنك ناوي تبيع ،،،

الله يوفقك للي فيه الخير والصلاح ......

[السلمان2010]

شف بقولك بصراحه اذاتبي راحه وفخامه وخدمه مابعد البيع ولانتب بايع فعليك بالفورد
اما ان كانك بتبيع على كلامك فالبرادو 6 ازين لك وخلك من الفورشنر والله مافيه راحه ابد ومطبه اقشر
تقول ونيت
وانا من رايي تعبر بموترك لين تعرف وشنت عليه بتروح بعثه ولالا ولا تستعجل ونا اخوك

[المميـز]

:

لاتقرب البرادو الـ 4 سلندر وهذا الكلام من واقع تجربه

وانصحك بالـ 6 سلندر سواء برادو او فورتشنر

:

[على رمشي تمشي]

طع شوري خذ فورد اكسبلورر موتر ممتاز وواجهه ولا قد شفت احد يشكتي منه ودام طلعاتك خفافيه هو إلى يصلح لك واهم شى الاستخاره

[صقر أمه 506]

ابعد عن الاكسبلور واسال مجرررررررررب

والله بتندم وسياه قاسيه ماكأنه امريكي ابد ابد

[رسّام]

فورتشنر . 6 سلندر .. سعر مناسب وقوة

[الشنه]

اخوي خذ فوتشنر V6

لأنك تقول انك بتبيعه بعد مده
وهو الوحيد الي عزم وقوه وماسك سعره

[الثقبي]

تحية طيبة.
من واقع تجربة اشوف انك تاخذ برادوvx1 الجديد .صحيح غالي شوي ولكن الموتر يستاهل. ولم يحين موعد السفر اتوقع ماراح تبيعة بل انك بتسافر وانت مشتاق للعودة لقيادته...
(ولا تنس الاستخارة) وشكرا