الفزعة ((رجة في المكينة شيبت براسي))

[joooon11]

السلام عليكم ورحمة الله وبركاته، وبعد:

كيف حالكم يا اخوان

عندي مشكلة عويصة والله جابت لي الهم والغم واهوجس فيها

سلمكم الله عندي سيارة هيونداي اتش ون (فان) موديل 2004

تم توظيبها كاملة بقطع اصلية عند ورشة اعرفها زين واعرف الميكنيكي وهو خبرة 16 سنة

المهم ان السيارة اول ما تشغلها صافية مائة في المائة ولكن اذا دعست بنزين

وارتفع rpm (عداد الضغط كما يسميه البعض) الى رقم (4) ترج السيارة وتهتز جميع الصاجات والدبات

ويرج عامود الكردان وتطلع اصوات قوية في الخارج وذلك من الاهتزاز وطبعا لا توجد اصوات داخل المكينة

((علما بان الرجة تطلع والسيارة واقفة او ماشية))

مع العلم ان :

- البلوف مصنفرة مع التوضيب
- والبواجي مغيرة
- وكراسي القير والمكينة مغيرات
- والقير والكلتش مفكوكة من السيارة لاني شكيت فيها ولكن دون فائدة
- والكرنك مخروط
- وبكرة الكرنك سليمة
- وشيالات الشكمان سليمة
- والصاجات مربطة
- والكويلات سليمة
- والراس ممسوح(مجلوخ)

المهم ان السيارة وهي واقفة صافية 100% ولكن اذا دعست بنزين الى ضغط اربعة ترج المكينة

فارجو من الاخوان ابداء الراي والنصيحة لان هذي السيارة توني موظبها بـ 5000 ريال

وترى الميكنيكي اعرفه وفنان ووظبت عنده اكثر من 4 سيارت ولا جت فيها مشاكل

وجزاكم الله خير

((اخوكم ابو علي))

[كم كيلو باقي]

شيك على منظم الهواء والله اعلم

[لاند93]

شف اسلاك البواجي..

[joooon11]

جزاكم الله خير

اسلاك البواجي سليمة

والمنظم سليم

[asdali]

شيك فلتر الهواء يمكن وسخان ولا يدخل هوا كافي

[عامر11]

وعليكم السلام ورحمة الله بركاته انا اقول بما انك تعرف صاحب الورشه وكذا مره وظبت عنده وعارفه مظبوط مايمنع ان الميكانيكي نسى في بعض الامور ونسى من زود الثقه الي يتملكها من مدحك له والثقه الي عطيته فوق المطلوب .انشاء الله انكم تعرفون المشكله وخله يراجع شغله حبه حبه , وبأذن الله توصلون للخلل وفي الاخير بتضحك على السر الغامض الي دوخكم وتلقاه شئ تافه نساه الميكانيكي في التركيب . تحياتي,

[joooon11]

الاخ asdali
الفلتر جديد

الاخ عامر11

الخطا وارد ولا احد معصوم والكمال لله وحده

ولكن مدحي له من باب لا احد يقول انه عليمي

وسراحة المشكلة حيرتنا

والميكانيكي جاب اثنين من الميكانيكيين للاستشارة

واحد قال ما ادري والثاني قال من سير التايمن ولكن ما فيه فايدة

والمشكلة الفحص الداخلي صعب لا زم تفك الكرنك والراس وتروح الوجيه

وتطبقها ويمكن ترجع نفس المشكلة وهذا اللي مخوفنا

وشكرا على تجاوبكم

[يريور عيمان]

كراسي المكينة تأكد منها

[asdali]

من رايي تغير البواجي مرة ثانية حتى لوكانت جديدة يمكن بواحد منها عيب وايضا الاسلاك

[joooon11]

الاخ يريور عيمان
الكراسي جديدة

الاخ asdali

بجرب اغير البواجي لعله منها والله اعلم

وعلى العموم السيارة ما فيها تفتفة اوتقطيع بس فيها رجة قوية

اذا وصل الضغط (rpm) الى اربعة

وما قصرتوا على المشاركة

[راعي ال جي]

خذ من عندي الشور. شيك طرمبة المويه الي بالمكينه. يمكن بها ريشه مكسوره

[joooon11]

الاخ راعي ال جي

الطرمبة جديدة

ومشكور على المشاركة

[شري97]

ممكن كراسي المكينه

[joooon11]

الاخ شري97

الكراسي جديدة

وشكرا لك

[asdali]

لاغيرت البواجي لاتنسى تغير معها اسلاكها

[صقر نجد99]

اخوي صارت معي مرة وغيرت البواجي وخفت الرجة وبعد يومين زادت ورجعت وحصلت بوجي محروق وغيرتة وبعد يوم ارجعت الرجة وشيكت على الاسلاك لقيت واحد يحرق البوجي ويسبب الرجة وغيرت السلك والبوجي ولله الحمد راحة الرجة وقمت وغيرت جميع الاسلاك مع العلم ان السيارة جيب لاندكروزر .

[joooon11]

صقر نجد99
رد: الفزعة ((رجة في المكينة شيبت براسي))
اخوي صارت معي مرة وغيرت البواجي وخفت الرجة وبعد يومين زادت ورجعت وحصلت بوجي محروق وغيرتة وبعد يوم ارجعت الرجة وشيكت على الاسلاك لقيت واحد يحرق البوجي ويسبب الرجة وغيرت السلك والبوجي ولله الحمد راحة الرجة وقمت وغيرت جميع الاسلاك مع العلم ان السيارة جيب لاندكروزر .
مشكور على المشاركة وبجرب اللي ذكرته
وعندي استفسار وهو هل المكينة وهي شغالة بدون ما تدعس بنزين السيارة صافية

ثم ذا دعست بنزين كثير ترج السيارة

ارجو وصف المشكلة

وبيض الله وجهك

[joooon11]

للرفع..........

[هاوي موتري96]

اخوي شيك على الاسلاك زي ماقالو الشباب
او شيك على الطنجره يمكن خربانه واحد من العيال كان معه جمس صار له زي ماصار لك المهم طلعت من الطنجره
وان شا الله تلقا الحل ويكون باقل تكلفه

[الباثفندر 3.5]

اخوي اعتقد انها سالفة برمجه للمكينه
هل جربت و رحت للوكاله
و الله يعينك

[joooon11]

هاوي موتري96
رد: الفزعة ((رجة في المكينة شيبت براسي))
اخوي شيك على الاسلاك زي ماقالو الشباب
او شيك على الطنجره يمكن خربانه واحد من العيال كان معه جمس صار له زي ماصار لك المهم طلعت من الطنجره
وان شا الله تلقا الحل ويكون باقل تكلفه

الاسلاك سليمة والسيارة قير عادي ما فيها طنجرة
وشكرا لك


اخوي اعتقد انها سالفة برمجه للمكينه
هل جربت و رحت للوكاله
و الله يعينك

بروح افحص واشوف

شكر لك

[البرتقالي]

مشكلتك غريبة واذا ماهي كهرب او برمجه
شيك على الكراسي لايكون خويك ناسي يشد مساميرها

[مقلع الرمث]

شف اذا دعست للموتر لين يوصل 4 وجت الرجه هل تحس ان السياره فيها كتمه

اذا فيها كتمه اعرف انه من احد الحاجات التاليه

اولا المنظم

ثانيا البواجي

ثالثا اسلاك البواجي

صفاي البنزيم

الطرنبه البنزيم

تقولي امغيرها جديده طيب وشرايك اني ركبت بواجي وجتني نفس مشكلتلك وديتها لكذا ورشه وبغيت افك المكينه

اخرتها صار البوجي الخامس عطلان

انا كل من قالي اول غير البواجي قلت مالها اسبوع امركبه واخرتها صار بوجي واحد بغيت اوضب المكينه بسببه

لا تستهين ببعض الاشياء تراء تكون تافه لكن تكون منها المشكله احيانا

[K.S.A.A]

ممكن الكراسي اللي ركبت مو أصلية
الكراسي لازم تكون أصليه مهما كلف الثمن ..