وشرايكم بالمفخرة ستاندرد ( جي)

[fof6666]

السلام عليكم
وشرايكم باللاندكروزر الجديد فئة جي من ناحية

الرساوة
التكييف
النشاط بالخط والنفود (مهم جدا)

وسلامتكم

[الشنه]

النشاط ترا ينشد به الظهر

بس خذه وفكك المراتب وركب جنوط فراشه 17 و كفرات هنكوك

[VX-R2001]

مبروووك مقدما بدون ما امدح السيارة لأن السيارة فيها نشاط بسبب خفت الوزن
والشكل روعة وجميل وحتى وهو g بس يحتاج بالون ويكمل
وبالنسبة للبر موتر ينشد فيه الظهر

[ابوراكان تبوك]

مبروك مقدما تويوتا لاتشاور احد فيه سيارة ينحط فيها الدراهم

[fof6666]

الله يبيض وجيهكم
ودنا بعد نسمع من اللي جربوه

[Abu Mryea]

حاول انك ماتبعد عن القير العادي


وبالتوفيق

[fof6666]

سبحان الله وبحمده

[ولد التواجر]

الله يعطيك من خيره و يكفيك شره ..

موتر ما عليه كلام ..

لكن ما تلاحظ ان فيه مبالغة في سعره ؟!


يعني القير العادي 150 ألف ! و التماتيك ( التبترونك ) بـ 158 ألف !


و الأمر لك ..

[المنيعي1]

أنا جايز لي الموتر بس حاول تدور مستعمل استعمال خفيف يكون أرخص من الجديد لأن الجديد غالي شوي وبدون مواصفات

[الشنه]

ولا تنسا اللون اسود او ذهبي

[fof6666]

طيب هل نشاطه وخفته تقارن بالفتك؟؟؟؟

[مقلع الرمث]

طيب هل نشاطه وخفته تقارن بالفتك؟؟؟؟

صح نشيط لكن مو نشاط الفتك

هذا مكينته 4 لتر



والفتك 4800 والفتك اصلن خفيف

لكن الجي خفيف بالنسبه ل جي اكس ار

بالتوفيق

[PATHFINDER 4]

ياشباب معليش لحد يقارن الفتك ب اللاند

الفتك كم سنة ويطيح سعره في الارض
غير كذا معروف الفتك بالتفكك
لكن اللاند شييييييييك بيدك وثااااابت مايتفكك

ومبروك مقدما انصحك فيه ولو يحصل ابوستبنتين gxr ماعليه غبار ماشاء الله

[يريور عيمان]

يقولون ان القير العادي في الموديلات الجديدة يخذل صاحبه في البر
هل هذا الكلام صحيح

[المنيعي1]

طيب هل نشاطه وخفته تقارن بالفتك؟؟؟؟


لا الفتك ماهو حوله حتى ابو ثمان سلندر ما يوصل نشاطه بنفود . بس مع الخط حول الفتك الى الفصلة يفصل على 190 والفتك يفصل على 205

[دورانقو]

النشاط ترا ينشد به الظهر

بس خذه وفكك المراتب وركب جنوط فراشه 17 و كفرات هنكوك

وش فايدة تفكيك المراتب

[رياح الشرق1]

يقولون ان القير العادي في الموديلات الجديدة يخذل صاحبه في البر
هل هذا الكلام صحيح
فعلا هذي سمعتها ويقولون الجديد لا تاخذ الا تماتيك بس يا ناس معقوله هو ميجي تنكين

[MjNo0oN]

اخوي السياره لاغبار عليها ومعروفه وفوق الممتازه

لاكن انتبه انتبه انتبه تاخذ شي مكيف واحد والمثل يقول اسئل مجرب ولا تسئل طبيب

انا استعملت لاند g مديل 91 على عزه الموتر فوق الممتاز لولا ضعف مكينته في الخط + التكييف الي راكبين قدام يثلجون و الي في المرتبه الثانيه هاه تقدر تقول على حسب الشخص والي في المرتبه الثالثه تقول فرن + انس ان السياره تبرد تصير حاره طوول الوقت حتى مع التضليل

من عقبه تبت وحرمت اخذ صالون مكيف واحد ضرووووري المكيف الثاني

ولمعلوميتك للي قول فتك < في نضري معه حق خصوصاً اذا قارنت السعر و المواصفات مع الg
في الرياض موجود فتك 2009 جديد خليجي سفاري2 + سوبر سفاري
قيمة السفاري2 بـ135 و قيمة السوبر سفاري الضاهر ان ماخانتني الذاكره 175
صراحه على مواصفاته + سعره و الموتر يمسك قيمته في السوق خصوصاً ذا اليومين كثر عليه الطلب و معروف نشاطه في الديره و البر وعن نفسي افضله على g الجديد وللمعلوميه الجي اقل منه مواصفات و اعلى منه سعر ومكينته اضعف من مكينة الفتك

[الحد الشطير]

فعلا هذي سمعتها ويقولون الجديد لا تاخذ الا تماتيك بس يا ناس معقوله هو ميجي تنكين
ياعزيزي من اللي يقول مايجي تانكيين ...
نظام التانكي بالاندكروزر من 2008 وطالع تانكي واحد كبييييييييير جداً عن تانكيين
يعني بالعربي دمجوا التانكي الكبير والصغير بتانكي واحد له فتحه تعبئه وحده وله طرمبه بنزين واحد ....
يعني انا معي جي اكس 2010 اعبي التانكي فل 95 بـ 73 ريال ...تقريبا حدود 114 لتر اذا كان فاضي
واما موديل 2007وتحت يأخذ التانكي الكبير حدود 70 لتر ..
والتانكي الصغير 40 لتر ..
70 لتر +40 لتر =110 لتر
......
اما من 2008 وطالع التانكي يأخذ 114 لتر ....
ارجوا انها اتضحت الصوره

[سرطوقا]

مبروك مقدما :)

[بساط احمدي]

يا شين اللي يبدا يسب الفتك ويقول انه يتفكك

اشوا انه ما زال انك تفتح الباب وتشوف قدامك ياباني مهوب مقل غيره

لكن انا بكل صراحه اعارض الجي لاسباب كثيره ومنها انه غالي على قل سنع

خذ لك هدد وريح راسك جي اكس

[عبدالرحمن1980]

هو حلو بس السعر يحتاج له مراجعه نظر مقارنه بالسيارات الثانيه

[مدمن فتك]

اللي ذكر ان الفتك يتفكك بصراحه اجزم انه ماجربه ابدا

[بساط احمدي]

^^^^^

فديييييييييييييييييييييييتك . . . احررررررررررقهم اييييييييييه

[كم كيلو باقي]

اعتقد يوجد بدائل افضل .. ولاتنسى ان مواصفاته بتكون ضعيفة مره

مثلا البرادو او الفتك

[الصقري2000]

خذ لك فتك ياخي وخل المصخره ترى
الفتك افضل من جميع النواحي

[يريور عيمان]

انا انصحك اذا ناوي على الكروزر خذ الجي اكس احسن من الجي لانه مكيفين

[الشنه]

اذا معك عايله خل المراتب موجوده
اما اذا عزابي او تاخذ اهلك نادر
فك المراتب
لأن الجي يفرق الكيلو في وشلون لو مراتب واستبنه بيفرق معك فرق حلو
اذا انت راعي تطعيس وفله

[سآبق الطير]

السلام عليكم




وشرايكم باللاندكروزر الجديد فئة جي من ناحية



الرساوة

التكييف
النشاط بالخط والنفود (مهم جدا)





وسلامتكم






ممتاز بدآل ما يطق ربع ولا شآص
يزود عليهآ ويشتري جي ولو مستعمل

شيآكه + رآحه


من ناحية الرساوه فهو رآسي



\\


ومن ناحية التكيف فهو
ممتاز للسائق والمعاون
جيد في المرتبه الخلفيه
سيئ في المرتبه الاخيره وللمعلوميه المرتبه الاخير ’’ طوليه ’’


ومن ناحية النشاط
فهو نشيط أذا حسبنآ وزنه و حجم المكينه


المهم أنك تجرب و أستخير

[fof6666]

الله يبيض وجيهكم

[fahad marzouq]

السلاام عليكم ياخوان وش الفتك ( ما عرفته ) يمكن سؤالي ماله داعي ؟

[fof6666]

الفتك هو الباترول 2002-2009 اللي مكينته 4800

[fahad marzouq]

بيض الله وجهك يالسنافي وصلت المعلووومه