وش الحل الطير ما يذوق الماء؟؟

[مدغم]

السلام عليكم

يا جماعة الخير شفت شي غريب الطيره لها عندي اكثر من عشرة ايام تعلف على يدي و مشاء الله عليها هادية و تستجيب بسرعه ما شي في تدهيلها.
لكن الغريب انها ما تشرب الماء من الفنجال حاولت بكذا طريقة لكن ابد اضطريت الايام اللي مضت اني اسقيها بالتقطير و احس انه ما يرويها وتخبرون جونا في الشرقية للحين متقلب.
لكن الخوف من الله لا يذبحها العطش.
و قرناس الهوى البكر ماهوب مثل الفرخ تطبعه على اللي تبي لانه صايد من قبل و يعرف كيف يشرب.
الطيره شيهانه بحرية.
بغيت حل غير الطرق اللي جربتها ومن ظمنها اني اكشف عنها و امد الفنجال و اصد بعيني عنها كود تشرب لكن ما تحرك ساكن ما غير تقلب راسها. و المصيبه اني اسمع صوت تطعم لسانها تبي الماء

[راعي دهام]

.


فرع بها وحط قدامها طاسة او طشت ماء، منها تشرب ومنها تسبح اذا حبت

بس تأكد ان المكان آمن من الاشياء اللي لو كفخت ما تضرب في شي يكسر ريشها ..

والله يرزق بالصيد ..



.

[أبوفرحان]

يفيدوووووووووووونك الاخوااااااااااااااااااااااااان

[شرهاب ليبيا]

ليس من الضروري أنها تشرب و الدم في العلف كافي للطير و لو أنها تريد الماء من أول ما تصبه قدامها تلاحظ أنها تحرص على أنها تشرب من الماء النازل من الإناء, لكن إذا كان الجو مازال حار عندكم حطلها في إناء كبير تستحم و تشرب إذا هي تريد, بس إنها ما تشرب أمر طبيعي جدا و لا تقلقل عليها أبد

[مدغم]

راعي دهام
شرهاب ليبيا
جزاكم الله خير ما قصرتوا
هذا اللي كنت افكر فيه

[ابوعزيز2007]

وعليكم السلام ورحمة الله وبركاته
ليس عندي زيادة عن قول اخوي راعي دهام

[قرناس شماالي]

اخوي طريقه سهله لتشريب الطير
جب بخاخ وكلها لحم ورش على الحم مي
وكل ماتاكل رش مي
وان شاءالله تشرب
ومايضرها لو ماشربت
الدم يعطيها مفعول ههه
تقبل تحياتي \ قرناس شماالي

[صقرالعوسي]

مثل ما قال اخونا راعي دهام سوي اللي قالك عليه وان شاء الله تشرب وتسبح بعد

[جنرال المدينه]

أنا مع كلام أخوي
شرهاب ليبيا
ونادرآ الصقر ما يشرب الماء
وهذا شفته بقنات الواحه
إنه ما يشرب كثير من الماء لكن يشرب دم فريسته

[وكري حرار]

ياخوي لاتحطلها طاسه لو عندك رشاش الماي نقط على ضبتها

[جنرال المدينه]

إذا عندك رشاش الماء حاول قدر الإمكان
إنك تبتعد عن مناخيرها لأنها حساسه

[علي الصقار]

انا اايد كلام اخوي قرناس شمالي

[falcon 1]

السلام عليكم ورحمة الله وبركاته
طال عمرك الطير ياخذ الماء الي يحتاجه من الدم ..فبعض المرات ما يحتاجان يشرب كثير من الماء..لكن اذا انت تبي تشوف اذا الطيره عطشانه ولا لا ..حط قدامه طاسة ماء وفرعه على الوكر ..اذا هي عطشانه لا بد ان تنزل وتشرب لكن اذا ما شربت فهذا يدل على انه ليست عطشانه والله اعلم
ارجو ان افدتك والربع ما قصرو الله يجزاهم خير
تقبل مروري
والسلام عليكم ورحمة الله وبركاته
اخوكم فالكن 1

[مدغم]

جزاكم الله خير جميعا و ماقصرتوا
لكن راعي دهام و شرهاب كلامهم منطقي و اخونا فالكن وضح المطلوب

[أبو رداد]

وعليكم السلام ورحمة الله وبركاته

الماء ضروري جداً لجميع أنواع الصقور وخصوصا الشياهين
وهناك طرق كثيره لشرب الماء بعضها تفضلوا بها الاخوان وجميعها صحيحه
والطير الي مايشرب الماء بالطرق الاعتياديه ...المفروض يعطى الماء بالاسرنجه (الابره)
,,,
نرجع لترغيب الطير على شرب الماء بالفنجال
افضل طريقه لمستها هي تفريط الطير ليوم (المهم يكون محتاج)
وتقطع صدر حمامه الى أوصال صغيره ...
فالبدايه تضع الطير على يدك وتعطيه وصله لحم من أجل لفت أنتباهه
وثم تضع وصلة اللحم وسط فنجال الماء وتكرر العمليه لحين تعويد الطير على الفنجال
وراح تشوف الطير يشرب الماء ويتعود على الفنجال بمرور الايام
والسلام

[البرًي]

ما عليك لا تصير حساس ان شاء الله ما فيها الا العافية والامر عادي بس انت خل الماء حولها ولا تخاف اذا بغت تشرب الا؟؟؟؟؟؟؟؟؟؟؟؟؟ اذا الطير مختلف عليك اما بخف وزان او عدم اكل فهاذا شي ثاني واذا كان الامر طبيعي لا تخاف ابشر بالخير

[عابر الشمالي]

وعليكم السلام ورحمة الله وبركاته
ما قصروا الشباب الله يعطيهم العافية ان شاء الله

[mish3al-]

الماء ضروري
انا عندي الضغاطة الي شكلها دائري اعبيها ماء واسقي الطير كل يومين او ثلاث ايام

[راعي حشر]

السلام عليكم

الموضوع بسيط حط صحن الماء ولجاء وقت معشاء الطير حاول انك تقطع النسير قطع صغار وحط على طرف الصحن بينزل وبياكل القطعه وعقبها حط الثانيه شوي شوي لين ما اتوصله في نص الصحن


والسمووحه الصراحه يالربع هذي الطريقة انا مجربها ونجحت معاي